MuhurtaNow

আদিত্য় হৃদযম্

Surya Bhagavan · প্রথাগত ভক্তিপাঠ

ധ്യാനമ് നമസ്സവിത്രേ ജഗദേക ചക്ഷുസേ ജഗത്പ്രസൂതി സ്ഥിതി നാശഹേതവേ ത്രയീമയായ ത്രിഗുണാത്മ ധാരിണേ വിരിംചി നാരായണ ശംകരാത്മനേ

തതോ യുദ്ധ പരിശ്രാംതം സമരേ ചിംതയാസ്ഥിതമ് । രാവണം ചാഗ്രതോ ദൃഷ്ട്വാ യുദ്ധായ സമുപസ്ഥിതമ് ॥ 1 ॥

ദൈവതൈശ്ച സമാഗമ്യ ദ്രഷ്ടുമഭ്യാഗതോ രണമ് । ഉപാഗമ്യാബ്രവീദ്രാമം അഗസ്ത്യോ ഭഗവാന് ഋഷിഃ ॥ 2 ॥

രാമ രാമ മഹാബാഹോ ശൃണു ഗുഹ്യം സനാതനമ് । യേന സർവാനരീന് വത്സ സമരേ വിജയിഷ്യസി ॥ 3 ॥

ആദിത്യഹൃദയം പുണ്യം സർവശത്രു-വിനാശനമ് । ജയാവഹം ജപേന്നിത്യം അക്ഷയ്യം പരമം ശിവമ് ॥ 4 ॥

സർവമംഗള-മാംഗള്യം സർവപാപ-പ്രണാശനമ് । ചിംതാശോക-പ്രശമനം ആയുർവര്ധനമുത്തമമ് ॥ 5 ॥

രശ്മിമംതം സമുദ്യംതം ദേവാസുര നമസ്കൃതമ് । പൂജയസ്വ വിവസ്വംതം ഭാസ്കരം ഭുവനേശ്വരമ് ॥ 6 ॥

സർവദേവാത്മകോ ഹ്യേഷ തേജസ്വീ രശ്മിഭാവനഃ । ഏഷ ദേവാസുര-ഗണാന് ലോകാന് പാതി ഗഭസ്തിഭിഃ ॥ 7 ॥

ഏഷ ബ്രഹ്മാ ച വിഷ്ണുശ്ച ശിവഃ സ്കംദഃ പ്രജാപതിഃ । മഹേംദ്രോ ധനദഃ കാലോ യമഃ സോമോ ഹ്യപാം പതിഃ ॥ 8 ॥

പിതരോ വസവഃ സാധ്യാ ഹ്യശ്വിനൌ മരുതോ മനുഃ । വായുർവഹ്നിഃ പ്രജാപ്രാണഃ ഋതുകര്താ പ്രഭാകരഃ ॥ 9 ॥

ആദിത്യഃ സവിതാ സൂര്യഃ ഖഗഃ പൂഷാ ഗഭസ്തിമാന് । സുവര്ണസദൃശോ ഭാനുഃ ഹിരണ്യരേതാ ദിവാകരഃ ॥ 10 ॥ [സ്വരണരേതാ ദിവാകരഃ]

ഹരിദശ്വഃ സഹസ്രാര്ചിഃ സപ്തസപ്തി-ര്മരീചിമാന് । തിമിരോന്മഥനഃ ശംഭുഃ ത്വഷ്ടാ മാര്താംഡകോംഽശുമാന് ॥ 11 ॥

ഹിരണ്യഗര്ഭഃ ശിശിരഃ തപനോ ഭാസ്കരോ രവിഃ । അഗ്നിഗര്ഭോഽദിതേഃ പുത്രഃ ശംഖഃ ശിശിരനാശനഃ ॥ 12 ॥

വ്യോമനാഥ-സ്തമോഭേദീ ഋഗ്യജുഃസാമ-പാരഗഃ । ഘനാവൃഷ്ടിരപാം മിത്രഃ വിംധ്യവീഥീ പ്ലവംഗമഃ ॥ 13 ॥

ആതപീ മംഡലീ മൃത്യുഃ പിംഗളഃ സർവതാപനഃ । കവിർവിശ്വോ മഹാതേജാ രക്തഃ സർവഭവോദ്ഭവഃ ॥ 14 ॥

നക്ഷത്ര ഗ്രഹ താരാണാം അധിപോ വിശ്വഭാവനഃ । തേജസാമപി തേജസ്വീ ദ്വാദശാത്മ-ന്നമോഽസ്തു തേ ॥ 15 ॥

നമഃ പൂർവായ ഗിരയേ പശ്ചിമായാദ്രയേ നമഃ । ജ്യോതിര്ഗണാനാം പതയേ ദിനാധിപതയേ നമഃ ॥ 16 ॥

ജയായ ജയഭദ്രായ ഹര്യശ്വായ നമോ നമഃ । നമോ നമഃ സഹസ്രാംശോ ആദിത്യായ നമോ നമഃ ॥ 17 ॥

നമ ഉഗ്രായ വീരായ സാരംഗായ നമോ നമഃ । നമഃ പദ്മപ്രബോധായ മാര്താംഡായ നമോ നമഃ ॥ 18 ॥

ബ്രഹ്മേശാനാച്യുതേശായ സൂര്യായാദിത്യ-വര്ചസേ । ഭാസ്വതേ സർവഭക്ഷായ രൌദ്രായ വപുഷേ നമഃ ॥ 19 ॥

തമോഘ്നായ ഹിമഘ്നായ ശത്രുഘ്നായാ മിതാത്മനേ । കൃതഘ്നഘ്നായ ദേവായ ജ്യോതിഷാം പതയേ നമഃ ॥ 20 ॥

തപ്ത ചാമീകരാഭായ വഹ്നയേ വിശ്വകര്മണേ । നമസ്തമോഽഭി നിഘ്നായ രവയേ ലോകസാക്ഷിണേ ॥ 21 ॥

നാശയത്യേഷ വൈ ഭൂതം തദേവ സൃജതി പ്രഭുഃ । പായത്യേഷ തപത്യേഷ വര്ഷത്യേഷ ഗഭസ്തിഭിഃ ॥ 22 ॥

ഏഷ സുപ്തേഷു ജാഗര്തി ഭൂതേഷു പരിനിഷ്ഠിതഃ । ഏഷ ഏവാഗ്നിഹോത്രം ച ഫലം ചൈവാഗ്നി ഹോത്രിണാമ് ॥ 23 ॥

വേദാശ്ച ക്രതവശ്ചൈവ ക്രതൂനാം ഫലമേവ ച । യാനി കൃത്യാനി ലോകേഷു സർവ ഏഷ രവിഃ പ്രഭുഃ ॥ 24 ॥

ഫലശ്രുതിഃ

ഏന മാപത്സു കൃച്ഛ്രേഷു കാംതാരേഷു ഭയേഷു ച । കീര്തയന് പുരുഷഃ കശ്ചിന്നാവശീദതി രാഘവ ॥ 25 ॥

പൂജയസ്വൈന മേകാഗ്രഃ ദേവദേവം ജഗത്പതിമ് । ഏതത് ത്രിഗുണിതം ജപ്ത്വാ യുദ്ധേഷു വിജയിഷ്യസി ॥ 26 ॥

അസ്മിന് ക്ഷണേ മഹാബാഹോ രാവണം ത്വം വധിഷ്യസി । ഏവമുക്ത്വാ തദാഗസ്ത്യോ ജഗാമ ച യഥാഗതമ് ॥ 27 ॥

ഏതച്ഛ്രുത്വാ മഹാതേജാഃ നഷ്ടശോകോഽഭവത്തദാ । ധാരയാമാസ സുപ്രീതഃ രാഘവഃ പ്രയതാത്മവാന് ॥ 28 ॥

ആദിത്യം പ്രേക്ഷ്യ ജപ്ത്വാ തു പരം ഹര്ഷമവാപ്തവാന് । ത്രിരാചമ്യ ശുചിര്ഭൂത്വാ ധനുരാദായ വീര്യവാന് ॥ 29 ॥

രാവണം പ്രേക്ഷ്യ ഹൃഷ്ടാത്മാ യുദ്ധായ സമുപാഗമത് । സർവയത്നേന മഹതാ വധേ തസ്യ ധൃതോഽഭവത് ॥ 30 ॥

അധ രവിരവദന്നിരീക്ഷ്യ രാമം മുദിതമനാഃ പരമം പ്രഹൃഷ്യമാണഃ । നിശിചരപതി സംക്ഷയം വിദിത്വാ സുരഗണ മധ്യഗതോ വചസ്ത്വരേതി ॥ 31 ॥

ഇത്യാര്ഷേ ശ്രീമദ്രാമായണേ വാല്മികീയേ ആദികാവ്യേ യുദ്ധകാംഡേ പംചാധിക ശതതമഃ സര്ഗഃ ॥

আদিত্য় হৃদযম্ সম্পর্কে

The Aditya Hrudayam, "the heart of the Sun", is the hymn the sage Agastya taught Lord Rama on the battlefield of Lanka, when Rama stood weary and thoughtful before his final battle with Ravana. Agastya tells him to praise the Sun, the source of all energy and the witness of the world; Rama chants it three times, takes heart, and goes on to victory.

উৎস: Valmiki Ramayana, Yuddha Kanda, as its closing line states

কখন পাঠ করবেন: At sunrise, especially on Sundays, before important undertakings, and on Ratha Saptami.

আপনি কি জানেন?

  • Its colophon places it in sarga 105 of the Yuddha Kanda of the Valmiki Ramayana.
  • Agastya praises the Sun as the form of Brahma, Vishnu, Shiva, Skanda and all the gods, the one who sustains life.
  • It is often recited for courage and freedom from worry before a challenge.

এই উৎসবগুলিতে পাঠ করা হয়

প্রায়শই জিজ্ঞাসিত প্রশ্ন

Who taught the Aditya Hrudayam?

The sage Agastya, to Rama, before his final battle with Ravana.

Where is it found?

Valmiki Ramayana, Yuddha Kanda, sarga 105.

When is it recited?

At sunrise, especially on Sundays, and before important undertakings.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।