আনংদ লহরি
Shiva · প্রথাগত ভক্তিপাঠ
ভবানি স্তোতুং ত্বাং প্রভবতি চতুর্ভির্ন বদনৈঃ প্রজানামীশানস্ত্রিপুরমথনঃ পংচভিরপি । ন ষড্ভিঃ সেনানীর্দশশতমুখৈরপ্যহিপতিঃ তদান্য়েষাং কেষাং কথয় কথমস্মিন্নবসরঃ ॥ 1॥
ঘৃতক্ষীরদ্রাক্ষামধুমধুরিমা কৈরপি পদৈঃ বিশিষ্য়ানাখ্য়েয়ো ভবতি রসনামাত্র বিষয়ঃ । তথা তে সৌংদর্য়ং পরমশিবদৃঙ্মাত্রবিষয়ঃ কথংকারং ব্রূমঃ সকলনিগমাগোচরগুণে ॥ 2॥
মুখে তে তাংবূলং নযনয়ুগলে কজ্জলকলা ললাটে কাশ্মীরং বিলসতি গলে মৌক্তিকলতা । স্ফুরত্কাংচী শাটী পৃথুকটিতটে হাটকময়ী ভজামি ত্বাং গৌরীং নগপতিকিশোরীমবিরতম্ ॥ 3॥
বিরাজন্মংদারদ্রুমকুসুমহারস্তনতটী নদদ্বীণানাদশ্রবণবিলসত্কুংডলগুণা নতাংগী মাতংগী রুচিরগতিভংগী ভগবতী সতী শংভোরংভোরুহচটুলচক্ষুর্বিজযতে ॥ 4॥
নবীনার্কভ্রাজন্মণিকনকভূষণপরিকরৈঃ বৃতাংগী সারংগীরুচিরনযনাংগীকৃতশিবা । তডিত্পীতা পীতাংবরললিতমংজীরসুভগা মমাপর্ণা পূর্ণা নিরবধিসুখৈরস্তু সুমুখী ॥ 5॥
হিমাদ্রেঃ সংভূতা সুললিতকরৈঃ পল্লবয়ুতা সুপুষ্পা মুক্তাভির্ভ্রমরকলিতা চালকভরৈঃ । কৃতস্থাণুস্থানা কুচফলনতা সূক্তিসরসা রুজাং হংত্রী গংত্রী বিলসতি চিদানংদলতিকা ॥ 6॥
সপর্ণামাকীর্ণাং কতিপযগুণৈঃ সাদরমিহ শ্রয়ংত্যন্য়ে বল্লীং মম তু মতিরেবং বিলসতি । অপর্ণৈকা সেব্য়া জগতি সকলৈর্যত্পরিবৃতঃ পুরাণোঽপি স্থাণুঃ ফলতি কিল কৈবল্যপদবীম্ ॥ 7॥
বিধাত্রী ধর্মাণাং ত্বমসি সকলাম্নাযজননী ত্বমর্থানাং মূলং ধনদনমনীয়াংঘ্রিকমলে । ত্বমাদিঃ কামানাং জননি কৃতকংদর্পবিজয়ে সতাং মুক্তের্বীজং ত্বমসি পরমব্রহ্মমহিষী ॥ 8॥
প্রভূতা ভক্তিস্তে যদপি ন মমালোলমনসঃ ত্বয়া তু শ্রীমত্য়া সদযমবলোক্য়োঽহমধুনা । পয়োদঃ পানীয়ং দিশতি মধুরং চাতকমুখে ভৃশং শংকে কৈর্বা বিধিভিরনুনীতা মম মতিঃ ॥ 9॥
কৃপাপাংগালোকং বিতর তরসা সাধুচরিতে ন তে যুক্তোপেক্ষা ময়ি শরণদীক্ষামুপগতে । ন চেদিষ্টং দদ্য়াদনুপদমহো কল্পলতিকা বিশেষঃ সামান্য়ৈঃ কথমিতরবল্লীপরিকরৈঃ ॥ 10॥
মহাংতং বিশ্বাসং তব চরণপংকেরুহয়ুগে নিধায়ান্যন্নৈবাশ্রিতমিহ ময়া দৈবতমুমে । তথাপি ত্বচ্চেতো যদি ময়ি ন জায়েত সদয়ং নিরালংবো লংবোদরজননি কং যামি শরণম্ ॥ 11॥
অয়ঃ স্পর্শে লগ্নং সপদি লভতে হেমপদবীং যথা রথ্য়াপাথঃ শুচি ভবতি গংগৌঘমিলিতম্ । তথা তত্তত্পাপৈরতিমলিনমংতর্মম যদি ত্বয়ি প্রেম্ণাসক্তং কথমিব ন জায়েত বিমলম্ ॥ 12॥
ত্বদন্যস্মাদিচ্ছাবিষযফললাভে ন নিযমঃ ত্বমর্থানামিচ্ছাধিকমপি সমর্থা বিতরণে । ইতি প্রাহুঃ প্রাংচঃ কমলভবনাদ্য়াস্ত্বয়ি মনঃ ত্বদাসক্তং নক্তং দিবমুচিতমীশানি কুরু তত্ ॥ 13॥
স্ফুরন্নানারত্নস্ফটিকমযভিত্তিপ্রতিফল ত্ত্বদাকারং চংচচ্ছশধরকলাসৌধশিখরম্ । মুকুংদব্রহ্মেংদ্রপ্রভৃতিপরিবারং বিজযতে তবাগারং রম্য়ং ত্রিভুবনমহারাজগৃহিণি ॥ 14॥
নিবাসঃ কৈলাসে বিধিশতমখাদ্য়াঃ স্তুতিকরাঃ কুটুংবং ত্রৈলোক্য়ং কৃতকরপুটঃ সিদ্ধিনিকরঃ । মহেশঃ প্রাণেশস্তদবনিধরাধীশতনয়ে ন তে সৌভাগ্যস্য় ক্বচিদপি মনাগস্তি তুলনা ॥ 15॥
বৃষো বৃদ্ধো যানং বিষমশনমাশা নিবসনং শ্মশানং ক্রীডাভূর্ভুজগনিবহো ভূষণবিধিঃ সমগ্রা সামগ্রী জগতি বিদিতৈব স্মররিপোঃ যদেতস্য়ৈশ্বর্য়ং তব জননি সৌভাগ্যমহিমা ॥ 16॥
অশেষব্রহ্মাংডপ্রলযবিধিনৈসর্গিকমতিঃ শ্মশানেষ্বাসীনঃ কৃতভসিতলেপঃ পশুপতিঃ । দধৌ কংঠে হালাহলমখিলভূগোলকৃপয়া ভবত্য়াঃ সংগত্য়াঃ ফলমিতি চ কল্য়াণি কলয়ে ॥ 17॥
ত্বদীয়ং সৌংদর্য়ং নিরতিশযমালোক্য় পরয়া ভিয়ৈবাসীদ্গংগা জলমযতনুঃ শৈলতনয়ে । তদেতস্য়াস্তস্মাদ্বদনকমলং বীক্ষ্য় কৃপয়া প্রতিষ্ঠামাতন্বন্নিজশিরসিবাসেন গিরিশঃ ॥ 18॥
বিশালশ্রীখংডদ্রবমৃগমদাকীর্ণঘুসৃণ প্রসূনব্য়ামিশ্রং ভগবতি তবাভ্য়ংগসলিলম্ । সমাদায় স্রষ্টা চলিতপদপাংসূন্নিজকরৈঃ সমাধত্তে সৃষ্টিং বিবুধপুরপংকেরুহদৃশাম্ ॥ 19॥
বসংতে সানংদে কুসুমিতলতাভিঃ পরিবৃতে স্ফুরন্নানাপদ্মে সরসি কলহংসালিসুভগে । সখীভিঃ খেলংতীং মলযপবনাংদোলিতজলে স্মরেদ্যস্ত্বাং তস্য় জ্বরজনিতপীডাপসরতি ॥ 20॥
॥ ইতি শ্রীমচ্ছংকরাচার্যবিরচিতা আনংদলহরী সংপূর্ণা ॥
আনংদ লহরি সম্পর্কে
The Ananda Lahari, "the wave of bliss", is a hymn to Goddess Bhavani (Parvati) in the shikharini metre. It opens with a humble confession: even four-faced Brahma, five-faced Shiva, six-faced Skanda and thousand-headed Adishesha cannot praise her fully, so how can I? Like the sweetness of ghee, milk, grapes and honey, which no words can describe, her beauty can only be tasted.
রচয়িতা: Adi Shankaracharya, as its colophon states
কখন পাঠ করবেন: On Fridays, during Navaratri, and in Devi worship.
আপনি কি জানেন?
- Its colophon names Shankaracharya as its author.
- It shares its name with the first part of the Saundarya Lahari, but is a separate, shorter hymn.
প্রায়শই জিজ্ঞাসিত প্রশ্ন
What does "Ananda Lahari" mean?
"The wave of bliss".
To whom is it addressed?
Goddess Bhavani, Parvati.
Who wrote it?
Adi Shankaracharya, as its colophon states.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ