আংজনেয় ভুজংগ প্রয়াত স্তোত্রম্
Hanuma · প্রথাগত ভক্তিপাঠ
प्रसन्नांगरागं प्रभाकांचनांगं जगद्भीतशौर्यं तुषाराद्रिधैर्यम् । तृणीभूतहेतिं रणोद्यद्विभूतिं भजे वायुपुत्रं पवित्राप्तमित्रम् ॥ 1 ॥
भजे पावनं भावना नित्यवासं भजे बालभानु प्रभा चारुभासम् । भजे चंद्रिका कुंद मंदार हासं भजे संततं रामभूपाल दासम् ॥ 2 ॥
भजे लक्ष्मणप्राणरक्षातिदक्षं भजे तोषितानेक गीर्वाणपक्षम् । भजे घोर संग्राम सीमाहताक्षं भजे रामनामाति संप्राप्तरक्षम् ॥ 3 ॥
कृताभीलनाधक्षितक्षिप्तपादं घनक्रांत भृंगं कटिस्थोरु जंघम् । वियद्व्याप्तकेशं भुजाश्लेषिताश्मं जयश्री समेतं भजे रामदूतम् ॥ 4 ॥
चलद्वालघातं भ्रमच्चक्रवालं कठोराट्टहासं प्रभिन्नाब्जजांडम् । महासिंहनादा द्विशीर्णत्रिलोकं भजे चांजनेयं प्रभुं वज्रकायम् ॥ 5 ॥
रणे भीषणे मेघनादे सनादे सरोषे समारोपणामित्र मुख्ये । खगानां घनानां सुराणां च मार्गे नटंतं समंतं हनूमंतमीडे ॥ 6 ॥
घनद्रत्न जंभारि दंभोलि भारं घनद्दंत निर्धूत कालोग्रदंतम् । पदाघात भीताब्धि भूतादिवासं रणक्षोणिदक्षं भजे पिंगलाक्षम् ॥ 7 ॥
महाग्राहपीडां महोत्पातपीडां महारोगपीडां महातीव्रपीडाम् । हरत्यस्तु ते पादपद्मानुरक्तो नमस्ते कपिश्रेष्ठ रामप्रियाय ॥ 8 ॥
जराभारतो भूरि पीडां शरीरे निराधारणारूढ गाढ प्रतापी । भवत्पादभक्तिं भवद्भक्तिरक्तिं कुरु श्रीहनूमत्प्रभो मे दयालो ॥ 9 ॥
महायोगिनो ब्रह्मरुद्रादयो वा न जानंति तत्त्वं निजं राघवस्य । कथं ज्ञायते मादृशे नित्यमेव प्रसीद प्रभो वानरेंद्रो नमस्ते ॥ 10 ॥
नमस्ते महासत्त्ववाहाय तुभ्यं नमस्ते महावज्रदेहाय तुभ्यम् । नमस्ते परीभूत सूर्याय तुभ्यं नमस्ते कृतामर्त्य कार्याय तुभ्यम् ॥ 11 ॥
नमस्ते सदा ब्रह्मचर्याय तुभ्यं नमस्ते सदा वायुपुत्राय तुभ्यम् । नमस्ते सदा पिंगलाक्षाय तुभ्यं नमस्ते सदा रामभक्ताय तुभ्यम् ॥ 12 ॥
हनूमद्भुजंगप्रयातं प्रभाते प्रदोषेऽपि वा चार्धरात्रेऽपि मर्त्यः । पठन्नश्नतोऽपि प्रमुक्तोघजालो सदा सर्वदा रामभक्तिं प्रयाति ॥ 13 ॥
इति श्रीमदांजनेय भुजंगप्रयात स्तोत्रम् ।
আংজনেয় ভুজংগ প্রয়াত স্তোত্রম্ সম্পর্কে
The Anjaneya Bhujanga Prayata Stotram is a hymn to Hanuman in the gliding bhujanga prayata metre. It praises the son of the Wind, his body glowing like gold with a gracious complexion, whose valour the world fears and whose steadiness is like the snowy Himalaya, who treats weapons as straw and shines in battle; the devotee sings "bhaje Vayuputram", I worship the son of the Wind.
কখন পাঠ করবেন: On Tuesdays and Saturdays, on Hanuman Jayanti, and in Hanuman worship.
আপনি কি জানেন?
- "Bhujanga prayata" means "the movement of a serpent", a metre whose rhythm seems to glide.
- Many verses begin with "bhaje", I worship, giving the hymn a steady, chant-like beat.
প্রায়শই জিজ্ঞাসিত প্রশ্ন
What metre is it in?
Bhujanga prayata, a gliding Sanskrit metre.
Whom does it praise?
Hanuman (Anjaneya), son of the Wind god.
When is it recited?
On Tuesdays, Saturdays and Hanuman Jayanti.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ