MuhurtaNow

গংগা অষ্টকং 2

Ganga · প্রথাগত ভক্তিপাঠ

భగవతి భవలీలామౌళిమాలే తవాంభః కణమణుపరిమాణం ప్రాణినో యే స్పృశంతి । అమరనగరనారీచామరగ్రాహిణీనాం విగతకలికలంకాతంకమంకే లుఠంతి ॥ 1 ॥

బ్రహ్మాండం ఖండయంతీ హరశిరసి జటావల్లిముల్లాసయంతీ స్వర్లోకాదాపతంతీ కనకగిరిగుహాగండశైలాత్ స్ఖలంతీ । క్షోణీపృష్టే లుఠంతీ దురితచయచమూర్నిర్భరం భర్త్సయంతీ పాథోధిం పూరయంతీ సురనగరసరిత్పావనీ నః పునాతు ॥ 2 ॥

మజ్జన్మాతంగకుంభచ్యుతమదమదిరామోదమత్తాలిజాలం స్నానైః సిద్ధాంగనానాం కుచయుగవిగలత్కుంకుమాసంగపింగమ్ । సాయం ప్రాతర్మునీనాం కుశకుసుమచయైశ్ఛిన్నతీరస్థనీరం పాయాన్నో గాంగమంభః కరికరమకరాక్రాంతరహస్తరంగమ్ ॥ 3 ॥

ఆదావాదిపితామహస్య నియమవ్యాపారపాత్రే జలం పశ్చాత్పన్నగశాయినో భగవతః పాదోదకం పావనమ్ । భూయః శంభుజటావిభూషణమణిర్జహ్నోర్మహర్షేరియం కన్యా కల్మషనాశినీ భగవతీ భాగీరథీ పాతు మామ్ ॥ 4 ॥

శైలేంద్రాదవతారిణీ నిజజలే మజ్జజ్జనోత్తారిణీ పారావారవిహారిణీ భవభయశ్రేణీసముత్సారిణీ । శేషాంగైరనుకారిణీ హరశిరోవల్లీదళాకారిణీ కాశీప్రాంతవిహారిణీ విజయతే గంగా మనోహారిణీ ॥ 5 ॥

కుతో వీచీ వీచిస్తవ యది గతా లోచనపథం త్వమాపీతా పీతాంబరపురవాసం వితరసి । త్వదుత్సంగే గంగే పతతి యది కాయస్తనుభృతాం తదా మాతః శాంతక్రతవపదలాభోఽప్యతిలఘుః ॥ 6 ॥

భగవతి తవ తీరే నీరమాత్రాశనోఽహం విగతవిషయతృష్ణః కృష్ణమారాధయామి । సకలకలుషభంగే స్వర్గసోపానసంగే తరలతరతరంగే దేవి గంగే ప్రసీద ॥ 7 ॥

మాతర్జాహ్నవి శంభుసంగమిలితే మౌళౌ నిధాయాంజలిం త్వత్తీరే వపుషోఽవసానసమయే నారాయణాంఘ్రిద్వయమ్ । సానందం స్మరతో భవిష్యతి మమ ప్రాణప్రయాణోత్సవే భూయాద్భక్తిరవిచ్యుతా హరిహరాద్వైతాత్మికా శాశ్వతీ ॥ 8 ॥

గంగాష్టకమిదం పుణ్యం యః పఠేత్ప్రయతో నరః । సర్వపాపవినిర్ముక్తో విష్ణులోకం స గచ్ఛతి ॥ 9 ॥

ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ గంగాష్టకం సంపూర్ణమ్ ।

গংগা অষ্টকং 2 সম্পর্কে

This Ganga Ashtakam is a hymn of eight verses to Goddess Ganga, attributed in its colophon to Adi Shankaracharya, disciple of Govinda Bhagavatpada. It opens: O Goddess, garland on the head of Shiva in his cosmic play, those beings who touch even a tiny drop of your water are fanned by the maidens of the city of the gods, freed from the fear of the stain of Kali. It then pictures her descent: breaking through the cosmic egg, making Shiva's matted locks sway, falling from heaven, tumbling from the caves and boulders of the golden mountain, and flowing on to purify the earth.

রচয়িতা: Attributed to Adi Shankaracharya, as its colophon states

কখন পাঠ করবেন: On Ganga Dussehra and Ganga Saptami, during Kartika and Magha snana, and at holy dips.

আপনি কি জানেন?

  • The verses trace the Ganga's journey from heaven, through Shiva's hair and the Himalayas, down to the plains.
  • Ganga Dussehra, in Jyeshtha, celebrates her descent to earth through King Bhagiratha's austerity.

প্রায়শই জিজ্ঞাসিত প্রশ্ন

Who is it attributed to?

Adi Shankaracharya, as its colophon states.

Whose head does the Ganga adorn?

Lord Shiva's.

When is it recited?

On Ganga Dussehra and during holy dips.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।

আরও ভক্তিপাঠ