MuhurtaNow

1.1 - ইষে ত্বোর্জে ত্বা - কৃষ্ণ যজুর্বেদ তৈত্তিরীয় সংহিতা পাঠঃ

Kanda 1 - Krishna Yajurveda Taittiriya Samhita · প্রথাগত ভক্তিপাঠ

krishna yajurvedeeya taittireeya samhitaayaa-mprathamakaande prathamah prashnah - darshapoornamaasau

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

i̠she tvo̠rje tvaa̍ vaa̠yava̍-ssthopaa̠yava̍-sstha de̠vo va̍-ssavi̠taa praarpa̍yatu̠ shreshtha̍tamaaya̠ karma̍na̠ aa pyaa̍yaddhvamaghniyaa devabhaa̠ga-moorja̍svatee̠h paya̍svateeh pra̠jaava̍tee-ranamee̠vaa a̍ya̠kshmaa maa va̍-sste̠na ee̍shata̠ maa-'ghashagm̍so ru̠drasya̍ he̠tih pari̍ vo vrinaktu dhru̠vaa a̠smi-ngopa̍tau syaata ba̠hvee-ryaja̍maanasya pa̠shoo-npaa̍hi ॥ 1 ॥ (i̠she - tricha̍tvarigmshat ) (a. 1)

ya̠jnasya̍ gho̠shada̍si̠ pratyu̍shta̠gm̠ raksha̠h pratyu̍shtaa̠ araa̍taya̠h preya-ma̍gaaddhi̠shanaa̍ ba̠r̠hirachchha̠ manu̍naa kri̠taa sva̠dhayaa̠ vita̍shtaa̠ ta aa va̍hanti ka̠vaya̍h pu̠rastaa̎-dde̠vebhyo̠ jushta̍mi̠ha ba̠r̠hi-raa̠sade̍ de̠vaanaa̎-mparishoo̠tama̍si va̠r̠shavri̍ddhamasi̠ deva̍barhi̠rmaa tvaa-'̠nva-mmaa ti̠rya-kparva̍ te raaddhyaasamaachchhe̠ttaa te̠ maa ri̍sha̠-ndeva̍barhi-shsha̠tava̍lsha̠m vi ro̍ha sa̠hasra̍valshaa̠ [sa̠hasra̍valshaah, vi va̠yagm ru̍hema] 2

vi va̠yagm ru̍hema prithi̠vyaa-ssa̠mpricha̍h paahi susa̠mbhritaa̎ tvaa̠ sambha̍raa̠myadi̍tyai̠ raasnaa̍-'seendraa̠nyai sa̠nnaha̍na-mpoo̠shaa te̎ gra̠nthi-ngra̍thnaatu̠ sa te̠ maa-'' sthaa̠dindra̍sya tvaa baa̠hubhyaa̠mudya̍chchhe̠ briha̠spate̎-rmoo̠rdhnaa ha̍raamyu̠rva̍ntari̍ksha̠manvi̍hi devanga̠mama̍si ॥ 3 ॥ (sa̠hasra̍valshaa - a̠shtaatrigm̍shachcha) (a. 2)

shundha̍ddhva̠-ndaivyaa̍ya̠ karma̍ne devaya̠jyaayai̍ maata̠rishva̍no gha̠rmo̍-'si̠ dyaura̍si prithi̠vya̍si vi̠shvadhaa̍yaa asi para̠mena̠ dhaamnaa̠ drigmha̍sva̠ maa hvaa̠-rvasoo̍naa-mpa̠vitra̍masi sha̠tadhaa̍ra̠m vasoo̍naa-mpa̠vitra̍masi sa̠hasra̍dhaaragm hu̠ta-ssto̠kohu̠to dra̠phso̎ 'gnaye̍ briha̠te naakaa̍ya̠ svaahaa̠ dyaavaa̍prithi̠veebhyaa̠gm̠ saa vi̠shvaayu̠-ssaa vi̠shvavya̍chaa̠-ssaa vi̠shvaka̍rmaa̠ sa-mpri̍chyaddhva-mritaavaree-roo̠rminee̠rmadhu̍mattamaa ma̠ndraa dhana̍sya saa̠taye̠ some̍na̠ tvaa-''ta̍na̠chmeendraa̍ya̠ dadhi̠ vishno̍ ha̠vyagm ra̍kshasva ॥ 4 ॥ (some̍ - naa̠shtau cha̍) (a. 3)

karma̍ne vaa-nde̠vebhya̍-shshakeya̠m veshaa̍ya tvaa̠ pratyu̍shta̠gm̠ raksha̠h pratyu̍shtaa̠ araa̍tayo̠ dhoora̍si̠ dhoorva̠ dhoorva̍nta̠-ndhoorva̠ tam yo̎-'smaa-ndhoorva̍ti̠ ta-ndhoo̎rva̠yam va̠ya-ndhoorvaa̍ma̠stva-nde̠vaanaa̍masi̠ sasni̍tama̠-mpapri̍tama̠-njushta̍tama̠m vahni̍tama-ndeva̠hoota̍ma̠-mahru̍tamasi havi̠rdhaana̠-ndrigmha̍sva̠ maa hvaa̎-rmi̠trasya̍ tvaa̠ chakshu̍shaa̠ prekshe̠ maa bhermaa sam vi̍kthaa̠ maa tvaa̍ - [maa tvaa̎, hi̠gm̠si̠sha̠mu̠ru] 5

higmsishamu̠ru vaataa̍ya de̠vasya̍ tvaa savi̠tuh pra̍sa̠ve̎-'shvino̎-rbaa̠hubhyaa̎-mpoo̠shno hastaa̎bhyaa-ma̠gnaye̠ jushta̠-nnirva̍paamya̠gneeshomaa̎bhyaa-mi̠da-nde̠vaanaa̍mi̠damu̍ na-ssa̠ha sphaa̠tyai tvaa̠ naaraa̎tyai̠ suva̍ra̠bhi vi khye̍sham vaishvaana̠ra-njyoti̠-rdrigmha̍ntaa̠-nduryaa̠ dyaavaa̍prithi̠vyo- ru̠rva̍ntari̍ksha̠ manvi̠-hyadi̍tyaa stvo̠pasthe̍ saadayaa̠myagne̍ ha̠vyagm ra̍kshasva ॥ 6 ॥ ( maa tvaa̠ - shatcha̍tvaarigmshachcha ) (a. 4)

de̠vo va̍-ssavi̠to-tpu̍naa̠tvachchhi̍drena pa̠vitre̍na̠ vaso̠-ssoorya̍sya ra̠shmibhi̠raapo̍ deveeragrepuvo agregu̠vo-'gra̍ i̠mam ya̠jna-nna̍ya̠taagre̍ ya̠jnapa̍ti-ndhatta yu̠shmaanindro̍ 'vrineeta vritra̠toorye̍ yoo̠yamindra̍-mavrineeddhvam vritra̠toorye̠ prokshi̍taa-ssthaa̠gnaye̍ vo̠ jushta̠-mprokshaa̎mya̠gneeshomaa̎bhyaa̠gm̠ shundha̍ddhva̠-ndaivyaa̍ya̠ karma̍ne devaya̠jyaayaa̠ ava̍dhoota̠gm̠ raksho-'va̍dhootaa̠ araa̍ta̠yo-'di̍tyaa̠stvaga̍si̠ prati̍ tvaa - [prati̍ tvaa, pri̠thi̠vee ve̎ttvadhi̠shava̍namasi] 7

prithi̠vee ve̎ttvadhi̠shava̍namasi vaanaspa̠tya-mprati̠ tvaa-'di̍tyaa̠stvagve̎ttva̠gnesta̠noora̍si vaa̠cho vi̠sarja̍na-nde̠vavee̍taye tvaa grihnaa̠myadri̍rasi vaanaspa̠tya-ssa i̠da-nde̠vebhyo̍ ha̠vyagm su̠shami̍ shami̠shvesha̠maa va̠dorja̠maa va̍da dyu̠madva̍data va̠yagm sa̍nghaa̠ta-nje̎shma va̠r̠shavri̍ddhamasi̠ prati̍ tvaa va̠r̠shavri̍ddham vettu̠ paraa̍poota̠gm̠ raksha̠h paraa̍pootaa̠ araa̍tayo̠ raksha̍saa-mbhaa̠go̍ 'si vaa̠yurvo̠ vi vi̍naktu de̠vo va̍-ssavi̠taa hira̍nyapaani̠h prati̍ grihnaatu ॥ 8 ॥ ( tvaa̠ - bhaa̠ga - ekaa̍dasha cha ) (a. 5)

ava̍dhoota̠gm̠ raksho-'va̍dhootaa̠ araa̍ta̠yo-'di̍tyaa̠stvaga̍si̠ prati̍ tvaa prithi̠veeve̎ttu di̠va-sska̍mbha̠nira̍si̠ prati̠ tvaa-'di̍tyaa̠stvagve̎ttu dhi̠shanaa̍-'si parva̠tyaa prati̍ tvaa di̠va-sska̍mbha̠nirve̎ttu dhi̠shanaa̍-'si paarvate̠yee prati̍ tvaa parva̠tirve̎ttu de̠vasya̍ tvaa savi̠tuh pra̍sa̠ve̎-'shvino̎-rbaa̠hubhyaa̎-mpoo̠shnohastaa̎bhyaa̠madhi̍ vapaamidhaa̠nya̍masi dhinu̠hi de̠vaa-npraa̠naaya̍ tvaa 'paa̠naaya̍ tvaa vyaa̠naaya̍ tvaa dee̠rghaamanu̠ prasi̍ti̠maayu̍shedhaa-nde̠vo va̍-ssavi̠taa hira̍nyapaani̠h prati̍ grihnaatu ॥ 9 ॥ (praa̠naaya̍ tvaa̠ - pancha̍dasha cha) (a. 6)

dhrishti̍rasi̠ brahma̍ ya̠chchhaapaa̎gne̠ 'gnimaa̠maada̍-njahi̠ nishkra̠vyaadagm̍ se̠dhaa-''de̍va̠yaja̍m vaha̠ nirda̍gdha̠gm̠ raksho̠ nirda̍gdhaa̠ araa̍tayo dhru̠vama̍si prithi̠vee-ndri̠gm̠haa-''yu̍-rdrigmha pra̠jaa-ndrigm̍ha sajaa̠taana̠smai yaja̍maanaaya̠ paryoo̍ha dha̠rtrama̍sya̠ntari̍ksha-ndrigmha praa̠na-ndrigm̍haapaa̠na-ndrigm̍ha sajaa̠taana̠smai yaja̍maanaaya̠ paryoo̍ha dha̠runa̍masi̠ diva̍-ndrigmha̠ chakshu̍- [chakshu̍h, dri̠gm̠ha̠ shrotra̍-ndrigmha] 10

rdrigmha̠ shrotra̍-ndrigmha sajaa̠taana̠smai yaja̍maanaaya̠ paryoo̍ha̠ dharmaa̍si̠ disho̍ drigmha̠ yoni̍-ndrigmha pra̠jaa-ndrigm̍ha sajaa̠taana̠smai yaja̍maanaaya̠ paryoo̍ha̠ chita̍-sstha pra̠jaama̠smai ra̠yima̠smai sa̍jaa̠taana̠smai yaja̍maanaaya̠ paryoo̍ha̠ bhrigoo̍naa̠mangi̍rasaa̠-ntapa̍saa tapyaddhva̠m yaani̍ gha̠rme ka̠paalaa̎nyupachi̠nvanti̍ ve̠dhasa̍h । poo̠shnastaanyapi̍ vra̠ta i̍ndravaa̠yoo vi mu̍nchataam ॥ 11 ॥ (chakshu̍ - ra̠shtaacha̍tvaarigmshachcha) (a. 7)

sam va̍paami̠ samaapo̍ a̠dbhira̍gmata̠ samosha̍dhayo̠ rase̍na̠ sagm re̠vatee̠-rjaga̍teebhi̠-rmadhu̍matee̠-rmadhu̍mateebhi-ssrijyaddhvama̠dbhyah pari̠ prajaa̍taa-sstha̠ sama̠dbhih pri̍chyaddhva̠-njana̍yatyai tvaa̠ sam yau̎mya̠gnaye̎ tvaa̠-'gneeshomaa̎bhyaa-mma̠khasya̠ shiro̍-'si gha̠rmo̍-'si vi̠shvaayu̍ru̠ru pra̍thasvo̠ru te̍ ya̠jnapa̍tih prathataa̠-ntvacha̍-ngrihneeshvaa̠ntari̍ta̠gm̠ raksho̠-'ntari̍taa̠ araa̍tayode̠vastvaa̍ savi̠taa shra̍payatu̠ varshi̍shthe̠ adhi̠ naake̠-'gniste̍ ta̠nuva̠-mmaa-'ti̍ dhaa̠gagne̍ ha̠vyagm ra̍kshasva̠ sa-mbrahma̍naa prichyasvaika̠taaya̠ svaahaa̎ dvi̠taaya̠ svaahaa̎ tri̠taaya̠ svaahaa̎ ॥ 12 ॥ (sa̠vi̠taa - dvaavigm̍shatishcha) (a. 8)

aa da̍da̠ indra̍sya baa̠hura̍si̠ dakshi̍na-ssa̠hasra̍bhrishti-shsha̠tate̍jaa vaa̠yura̍si ti̠gmate̍jaa̠h prithi̍vi devayaja̠ - nyosha̍ddhyaaste̠ moola̠-mmaa higm̍sisha̠-mapa̍hato̠-'raru̍h prithi̠vyai vra̠ja-nga̍chchha go̠sthaana̠m varsha̍tu te̠ dyaurba̍dhaa̠na de̍va savitah para̠masyaa̎-mparaa̠vati̍ sha̠tena̠ paashai̠ryo̎-'smaa-ndveshti̠ ya-ncha̍ va̠ya-ndvi̠shmastamato̠ maa mau̠gapa̍hato̠-'raru̍h prithi̠vyai de̍va̠yaja̍nyai vra̠jam- [vra̠jam, ga̠chchha̠ go̠sthaana̠m varsha̍tu] 13

ga̍chchha go̠sthaana̠m varsha̍tu te̠ dyaurba̍dhaa̠na de̍va savitah para̠masyaa̎-mparaa̠vati̍ sha̠tena̠ paashai̠ryo̎-'smaa-ndveshti̠ ya-ncha̍ va̠ya-ndvi̠shmastamato̠ maa mau̠gapa̍hato̠-'raru̍h prithi̠vyaa ade̍vayajano vra̠ja-nga̍chchha go̠sthaana̠m varsha̍tu te̠ dyaurba̍dhaa̠na de̍va savitah para̠masyaa̎-mparaa̠vati̍ sha̠tena̠ paashai̠ryo̎-'smaa-ndveshti̠ ya-ncha̍ va̠ya-ndvi̠shmastamato̠ maa- [maa, mau̠ga̠raru̍ste̠ diva̠-mmaa] 14

mau̍ga̠raru̍ste̠ diva̠-mmaa skaa̠n̠. vasa̍vastvaa̠ pari̍ grihnantu gaaya̠trena̠ chhanda̍saaru̠draastvaa̠ pari̍ grihnantu̠ traishtu̍bhena̠ chhanda̍saa-''di̠tyaastvaa̠ pari̍ grihnantu̠ jaaga̍tena̠ chhanda̍saa de̠vasya̍ savi̠tu-ssa̠ve karma̍ krinvanti ve̠dhasa̍ ri̠tama̍syrita̠sada̍na-masyrita̠shreera̍si̠ dhaa a̍si sva̠dhaa a̍syu̠rvee chaasi̠ vasvee̍ chasi pu̠raa kroo̠rasya̍ vi̠sripo̍ viraphshi-nnudaa̠daaya̍ prithi̠vee-njee̠radaa̍nu̠ryaamaira̍yan cha̠ndrama̍si sva̠dhaabhi̠staa-ndheeraa̍so anu̠drishya̍ yajante ॥ 15 ॥ (de̠va̠yaja̍nyai vra̠jam - tamato̠ maa - vi̍raphshi̠n - nekaa̍dasha cha) (a. 9)

pratyu̍shta̠gm̠ raksha̠h pratyu̍shtaa̠ araa̍tayo̠ 'gne-rva̠-steji̍shthena̠ teja̍saa̠ ni-shta̍paami go̠shtha-mmaa nirmri̍ksham vaa̠jina̍-ntvaa sapatnasaa̠hagm sa-mmaa̎rjmi̠ vaacha̍-mpraa̠na-nchakshu̠-shshrotra̍-mpra̠jaam yoni̠-mmaa nirmri̍ksham vaa̠jinee̎-ntvaa sapatnasaa̠heegm sa-mmaa̎rjmyaa̠shaasaa̍naa saumana̠sa-mpra̠jaagm saubhaa̎gya-nta̠noom । a̠gneranu̍vrataa bhoo̠tvaa sa-nna̍hye sukri̠taaya̠ kam ॥ su̠pra̠jasa̍stvaa va̠yagm su̠patnee̠rupa̍- [su̠pathnee̠rupa̍, se̠di̠mi̠ ।] 16

sedima । agne̍ sapatna̠dambha̍na̠-mada̍bdhaaso̠ adaa̎bhyam ॥ i̠mam vishyaa̍mi̠ varu̍nasya̠ paasham̠ mya-maba̍ddhneeta savi̠taa su̠keta̍h । dhaa̠tu-shcha̠ yonau̍ sukri̠tasya̍ lo̠ke syo̠na-mme̍ sa̠ha patyaa̍ karomi ॥ samaayu̍shaa̠ sampra̠jayaa̠ sama̍gne̠ varcha̍saa̠ puna̍h । sa-mpatnee̠ patyaa̠-'ha-nga̍chchhe̠ samaa̠tmaa ta̠nuvaa̠ mama̍ ॥ ma̠hee̠naa-mpayo̠-'syosha̍dheenaa̠gm̠ rasa̠stasya̠ te-'kshee̍yamaanasya̠ ni- [nih, va̠paa̠mi̠ ma̠hee̠naam] 17

rva̍paami mahee̠naa-mpayo̠-'syosha̍dheenaa̠gm̠ raso-'da̍bdhena tvaa̠ chakshu̠shaa-'ve̎kshe suprajaa̠stvaaya̠ tejo̍-'si̠ tejo-'nu̠ prehya̠gniste̠ tejo̠ maa vi nai̍da̠gne-rji̠hvaa-'si̍ su̠bhoorde̠vaanaa̠-ndhaamne̍dhaamne de̠vebhyo̠ yaju̍sheyajushe bhava shu̠krama̍si̠ jyoti̍rasi̠ tejo̍-'si de̠vo va̍-ssavi̠to-tpu̍naa̠tvachchhi̍drena pa̠vitre̍na̠ vaso̠-ssoorya̍sya ra̠shmibhi̍-shshu̠kra-ntvaa̍ shu̠kraayaa̠-ndhaamne̍dhaamne de̠vebhyo̠ yaju̍sheyajushe grihnaami̠ jyoti̍stvaa̠ jyoti̍shya̠rchistvaa̠-'rchishi̠ dhaamne̍dhaamne de̠vebhyo̠ yaju̍sheyajushe grihnaami ॥ 18 ॥ (upa̠ - nee - ra̠shmibhi̍-shshu̠kragm - shoda̍sha cha) (a. 10)

krishno̎-'syaakhare̠shtho̎-'gnaye̎ tvaa̠ svaahaa̠ vedi̍rasi ba̠r̠hishe̎ tvaa̠ svaahaa ̍ba̠r̠hira̍si sru̠gbhyastvaa̠ svaahaa̍ di̠ve tvaa̠-'ntari̍kshaaya tvaa prithi̠vyai tvaa̎ sva̠dhaa pi̠tribhya̠ oorgbha̍va barhi̠shadbhya̍ oo̠rjaa pri̍thi̠vee-nga̍chchhata̠ vishno̠-sstoopo̠-'syoornaa̎mradasa-ntvaa strinaami svaasa̠stha-nde̠vebhyo̍ gandha̠rvo̍-'si vi̠shvaava̍su̠-rvishva̍smaa̠deesha̍to̠ yaja̍maanasya pari̠dhiri̠da ee̍di̠ta indra̍sya baa̠hura̍si̠- [baa̠hura̍si, dakshi̍no̠] 19 dakshi̍no̠ yaja̍maanasya pari̠dhiri̠da ee̍di̠to mi̠traavaru̍nau tvottara̠tah pari̍ dhattaa-ndhru̠vena̠ dharma̍naa̠ yaja̍maanasya pari̠dhiri̠da ee̍di̠ta-ssoorya̍stvaa pu̠rastaa̎-tpaatu̠ kasyaa̎shchida̠bhisha̍styaa vee̠tiho̎tra-ntvaa kave dyu̠manta̠gm̠ sami̍dheema̠hyagne̍ bri̠hanta̍maddhva̠re vi̠sho ya̠ntre stho̠ vasoo̍naagm ru̠draanaa̍-maadi̠tyaanaa̠gm̠ sada̍si seeda ju̠hooru̍pa̠bhri-ddhru̠vaa-'si̍ ghri̠taachee̠ naamnaa̎ pri̠yena̠ naamnaa̎ pri̠ye sada̍si seedai̠taa a̍sadan-thsukri̠tasya̍ lo̠ke taa vi̍shno paahi paa̠hi ya̠jna-mpaa̠hi ya̠jnapa̍ti-mpaa̠hi maam ya̍jna̠niya̎m ॥ 20 ॥ (baa̠hura̍si - pri̠ye sada̍si̠ - pancha̍dasha cha) (a. 11)

bhuva̍namasi̠ vi pra̍tha̠svaagne̠ yashta̍ri̠da-nnama̍h । juhvehya̠gnistvaa̎ hvayati devaya̠jyaayaa̠ upa̍bhri̠dehi̍ de̠vastvaa̍ savi̠taa hva̍yati devaya̠jyaayaa̠ agnaa̍vishnoo̠ maa vaa̠mava̍ kramisha̠m vi ji̍haathaa̠-mmaa maa̠ sa-ntaa̎ptam lo̠ka-mme̍ lokakritau krinuta̠m vishno̠-ssthaana̍masee̠ta indro̍ akrino-dvee̠ryaa̍ni samaa̠rabhyo̠rdhvo a̍ddhva̠ro di̍vi̠sprisha̠mahru̍to ya̠jno ya̠jnapa̍te̠-rindraa̍vaa̠n-thsvaahaa̍ bri̠hadbhaah paa̠hi maa̎-'gne̠ dushcha̍ritaa̠daa maa̠ sucha̍rite bhaja ma̠khasya̠ shiro̍-'si̠ sanjyoti̍shaa̠ jyoti̍ranktaam ॥ 21 ॥ (ahru̍ta̠ - eka̍vigmshatishcha) (a. 12)

vaaja̍sya maa prasa̠veno̎dgraa̠bhenoda̍grabheet । athaa̍ sa̠patnaa̠gm̠ indro̍ me nigraa̠bhenaadha̍raagm akah ॥ u̠dgraa̠bha-ncha̍ nigraa̠bha-ncha̠ brahma̍ de̠vaa a̍veevridhann । athaa̍ sa̠patnaa̍nindraa̠gnee me̍ vishoo̠cheenaa̠n vya̍syataam ॥ vasu̍bhyastvaa ru̠drebhya̍stvaa-''di̠tyebhya̍stvaa̠-'ktagm rihaa̍naa vi̠yantu̠ vaya̍h ॥ pra̠jaam yoni̠-mmaa nirmri̍ksha̠maa pyaa̍yantaa̠maapa̠ osha̍dhayo ma̠rutaa̠-mprisha̍taya-sstha̠ diva̍m- [diva̎m, ga̠chchha̠ tato̍ no̠] 22 gachchha̠ tato̍ no̠ vrishti̠mera̍ya । aa̠yu̠shpaa a̍gne̠-'syaayu̍rme paahi chakshu̠shpaa a̍gne-'si̠ chakshu̍rme paahi dhru̠vaa-'si̠ ya-mpa̍ri̠dhi-mpa̠ryadha̍tthaa̠ agne̍ deva pa̠nibhi̍-rvee̠yamaa̍nah । ta-nta̍ e̠tamanu̠ josha̍-mbharaami̠ nede̠sha tvada̍pache̠tayaa̍tai ya̠jnasya̠ paatha̠ upa̠ sami̍tagm saggsraa̠vabhaa̍gaa-ssthe̠shaa bri̠hanta̍h prastare̠shthaa ba̍rhi̠shada̍shcha [ ] 23

de̠vaa i̠maam vaacha̍ma̠bhi vishve̍ gri̠nanta̍ aa̠sadyaa̠smi-nba̠r̠hishi̍ maadayaddhvama̠gne-rvaa̠mapa̍nnagrihasya̠ sada̍si saadayaami su̠mnaaya̍ sumninee su̠mne maa̍ dhatta-ndhu̠ri dha̠ryau̍ paata̠magne̍ 'dabdhaayo 'sheetatano paa̠hi maa̠-'dya di̠vah paa̠hi prasi̍tyai paa̠hi duri̍shtyai paa̠hi du̍radma̠nyai paa̠hi dushcha̍ritaa̠davi̍sha-nnah pi̠tu-nkri̍nu su̠shadaa̠ yoni̠gg̠ svaahaa̠ devaa̍ gaatuvido gaa̠tumvi̠ttvaa gaa̠tu mi̍ta̠ mana̍saspata i̠ma-nno̍ deva de̠veshu̍ ya̠jnagg svaahaa̍ vaa̠chi svaahaa̠ vaate̍ dhaah ॥ 24 ॥ (diva̍m - cha - vi̠ttvaa gaa̠tum - trayo̍dasha cha) (a. 13)

u̠bhaa vaa̍mindraagnee aahu̠vaddhyaa̍ u̠bhaa raadha̍sa-ssa̠ha maa̍da̠yaddhyai̎ । u̠bhaa daa̠taaraa̍vi̠shaagm ra̍yee̠naamu̠bhaa vaaja̍sya saa̠taye̍ huve vaam ॥ ashra̍va̠gm̠ hi bhoo̍ri̠daava̍ttaraa vaa̠m vijaa̍maaturu̠ta vaa̍ ghaa syaa̠laat । athaa̠ soma̍sya̠ praya̍tee yu̠vabhyaa̠mindraa̎gnee̠ stoma̍-njanayaami̠ navya̎m ॥ indraa̎gnee nava̠ti-mpuro̍ daa̠sapa̍tneeradhoonutam । saa̠kameke̍na̠ karma̍naa ॥ shuchi̠-nnu stoma̠-nnava̍jaata-ma̠dyendraa̎gnee vritrahanaa ju̠shethaa̎m ॥ 25 ॥

u̠bhaa hi vaagm̍ su̠havaa̠ joha̍veemi̠ taa vaajagm̍ sa̠dya u̍sha̠te dheshthaa̎ ॥ va̠yamu̍ tvaa pathaspate̠ ratha̠-nna vaaja̍saataye । dhi̠ye poo̍shannayujmahi ॥ pa̠thaspa̍tha̠h pari̍patim vacha̠syaa kaame̍na kri̠to a̠bhyaa̍nada̠rkam । sano̍ raasachchhu̠rudha̍shcha̠ndraagraa̠ dhiya̍ndhiyagm seeshadhaati̠ pra poo̠shaa ॥ kshetra̍sya̠ pati̍naa va̠yagm hi̠tene̍va jayaamasi । gaamashva̍-mposhayi̠tnvaa sa no̍ [sa na̍h, mri̠daa̠tee̠drishe̎ ।] 26

mridaatee̠drishe̎ ॥ kshetra̍sya pate̠ madhu̍manta-moo̠rmi-ndhe̠nuri̍va̠ payo̍ a̠smaasu̍ dhukshva । ma̠dhu̠shchuta̍-nghri̠tami̍va̠ supoo̍ta-mri̠tasya̍ na̠h pata̍yo mridayantu ॥ agne̠ naya̍ su̠pathaa̍ raa̠ye a̠smaan. vishvaa̍ni deva va̠yunaa̍ni vi̠dvaan । yu̠yo̠ddhya̍sma-jju̍huraa̠nameno̠ bhooyi̍shthaa-nte̠ nama̍uktim vidhema ॥ aa de̠vaanaa̠mapi̠ panthaa̍-maganma̠ yachchha̠knavaa̍ma̠ tadanu̠ pravo̍dhum । a̠gni-rvi̠dvaan-thsa ya̍jaa̠- [sa ya̍jaat, sedu̠ hotaa̠ so] 27

thsedu̠ hotaa̠ so a̍ddhva̠raan-thsa ri̠toon ka̍lpayaati ॥ yadvaahi̍shtha̠-ntada̠gnaye̍ bri̠hada̍rcha vibhaavaso । mahi̍sheeva̠ tvadra̠yistvadvaajaa̠ udee̍rate ॥ agne̠ tva-mpaa̍rayaa̠ navyo̍ a̠smaan-thsva̠stibhi̠rati̍ du̠rgaani̠ vishvaa̎ । pooshcha̍ pri̠thvee ba̍hu̠laa na̍ u̠rvee bhavaa̍ to̠kaaya̠ tana̍yaaya̠ sham yoh ॥ tvama̍gne vrata̠paa a̍si de̠va aa martye̠shvaa । tvam ya̠jneshveedya̍h ॥ yadvo̍ va̠ya-mpra̍mi̠naama̍ vra̠taani̍ vi̠dushaa̎-ndevaa̠ avi̍dushtaraasah । a̠gnishta-dvishva̠maa pri̍naati vi̠dvaan. yebhi̍-rde̠vaagm ri̠tubhi̍h ka̠lpayaa̍ti ॥ 28 ॥ (ju̠shethaa̠maa - sa no̍ - yajaa̠ - daa - trayo̍vigmshatishcha) (a. 14)

(i̠she tvaa̍ - ya̠jnasya̠ - shundha̍dhva̠m - karma̍ne vaam - de̠vo-'va̍dhoota̠m - dhushti̠h - sam va̍paa̠- myaa da̍de̠ - pratyu̍shta̠m - krishno̍-'si̠ - bhuva̍namasi̠ - vaaja̍syo̠bhaa vaa̠m - chatu̍rdasha )

(i̠she - drigm̍ha̠ - bhuva̍na - ma̠shtaavigm̍shatih )

(i̠she tvaa̍, ka̠lpayaa̍ti)

॥ harih̍ om ॥

॥ krishna yajurvedeeya taittireeya samhitaayaa-mprathamakaande prathamah prashna-ssamaaptah ॥

1.1 - ইষে ত্বোর্জে ত্বা - কৃষ্ণ যজুর্বেদ তৈত্তিরীয় সংহিতা পাঠঃ সম্পর্কে

This is the first prashna of the first kanda of the Taittiriya Samhita, in plain recitation: the very opening of the Krishna Yajur Veda. It begins "Ishe tva, urje tva": for nourishment I take you, for strength I take you, words spoken while cutting a branch for the rite. The text describes this prashna as "darsha purnamasau", the mantras for the new-moon and full-moon sacrifices, the model for many other Vedic rites.

উৎস: Krishna Yajur Veda, Taittiriya Samhita 1.1

কখন পাঠ করবেন: At the start of Yajur Veda study, in daily Vedic recitation, and in Veda patashalas.

আপনি কি জানেন?

  • "Ishe tva urje tva" are the first words of the Krishna Yajur Veda, chanted at the start of its recitation.
  • The darsha (new moon) and purnamasa (full moon) sacrifices are the basic model (prakriti) on which many other Vedic rites are built.

প্রায়শই জিজ্ঞাসিত প্রশ্ন

What are the first words of the Krishna Yajur Veda?

"Ishe tva, urje tva": for nourishment, for strength.

What is this prashna about?

The new-moon and full-moon sacrifices (darsha purnamasa).

Which part of the Taittiriya Samhita is this?

Kanda 1, prashna 1.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।