1.2 - আপ উন্দন্তু জীবসে - কৃষ্ণ যজুর্বেদ তৈত্তিরীয় সংহিতা পাঠঃ
Kanda 1 - Krishna Yajurveda Taittiriya Samhita · প্রথাগত ভক্তিপাঠ
krishna yajurvedeeya taittireeya samhitaayaa-mprathamakaande dviteeyah prashnah - agnishtome krayah
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
aapa̍ undantu jee̠vase̍ deerghaayu̠tvaaya̠ varcha̍sa̠ osha̍dhe̠ traaya̍svaina̠gg̠ svadhi̍te̠ mainagm̍ higmsee-rdeva̠shroore̠taani̠ pra va̍pe sva̠styutta̍raanyashee̠yaapo̍ a̠smaa-nmaa̠tara̍-shshundhantu ghri̠tena̍ no ghrita̠puva̍h punantu̠ vishva̍ma̠sma-tpra va̍hantu ri̠pramudaa̎bhya̠-shshuchi̠raa poo̠ta e̍mi̠ soma̍sya ta̠noora̍si ta̠nuva̍-mme paahi mahee̠naa-mpayo̍-'si varcho̠dhaa a̍si̠ varcho̠- [varcha̍h, mayi̍ dhehi vri̠trasya̍] 1
mayi̍ dhehi vri̠trasya̍ ka̠neeni̍kaa-'si chakshu̠shpaa a̍si̠ chakshu̍rme paahi chi̠tpati̍stvaa punaatu vaa̠kpati̍stvaa punaatu de̠vastvaa̍ savi̠taa pu̍naa̠tvachchhi̍drena pa̠vitre̍na̠ vaso̠-ssoorya̍sya ra̠shmibhi̠stasya̍ te pavitrapate pa̠vitre̍na̠ yasmai̠ ka-mpu̠ne tachchha̍keya̠maa vo̍ devaasa eemahe̠ satya̍dharmaano addhva̠re yadvo̍ devaasa aagu̠re yajni̍yaaso̠ havaa̍maha̠ indraa̎gnee̠ dyaavaa̍prithivee̠ aapa̍ oshadhee̠ stva-ndee̠kshaanaa̠-madhi̍patirasee̠ha maa̠ santa̍-mpaahi ॥ 2 ॥ (varcha̍ - oshadhee- ra̠shtau cha̍ ) (a. 1)
aakoo̎tyai pra̠yuje̠-'gnaye̠ svaahaa̍ me̠dhaayai̠ mana̍se̠ 'gnaye̠ svaahaa̍ dee̠kshaayai̠ tapa̍se̠-'gnaye̠ svaahaa̠ sara̍svatyai poo̠shne̎-'gnaye̠ svaahaa-''po̍ devee-rbrihatee-rvishvashambhuvo̠ dyaavaa̍prithi̠vee u̠rva̍ntari̍ksha̠-mbriha̠spati̍rno ha̠vishaa̍ vridhaatu̠ svaahaa̠ vishve̍ de̠vasya̍ ne̠turmarto̍ vrineeta sa̠khyam vishve̍ raa̠ya i̍shuddhyasi dyu̠mnam vri̍neeta pu̠shyase̠ svaaha̍rkhsaa̠mayo̠-shshilpe̎ stha̠ste vaa̠maa ra̍bhe̠ te maa̍- [te maa̎, paa̠ta̠maa-'sya] 3
paata̠maa-'sya ya̠jnasyo̠dricha̍ i̠maa-ndhiya̠gm̠ shiksha̍maanasya deva̠ kratu̠-ndaksha̍m varuna̠ sagm shi̍shaadhi̠ yayaa-'ti̠ vishvaa̍ duri̠taa tare̍ma su̠tarmaa̍na̠madhi̠ naavagm̍ ruhe̠morga̍syaangira̠syoorna̍mradaa̠ oorja̍-mme yachchha paa̠hi maa̠ maa maa̍ higmsee̠-rvishno̠-shsharmaa̍si̠ sharma̠ yaja̍maanasya̠ sharma̍ me yachchha̠ naksha̍traanaa-mmaa-'teekaa̠shaa-tpaa̠heendra̍sya̠ yoni̍rasi̠- [yoni̍rasi, maa maa̍ higmseeh] 4 maa maa̍ higmseeh kri̠shyai tvaa̍ susa̠syaayai̍ supippa̠laabhya̠-stvausha̍dheebhya-ssoopa̠sthaa de̠vo vana̠spati̍roo̠rdhvo maa̍ paa̠hyodricha̠-ssvaahaa̍ ya̠jna-mmana̍saa̠ svaahaa̠ dyaavaa̍prithi̠veebhyaa̠g̠ svaaho̠ro-ra̠ntari̍kshaa̠-thsvaahaa̍ ya̠jnam vaataa̠daa ra̍bhe ॥ 5 ॥ ( maa̠ - yoni̍rasi - tri̠gm̠shachcha̍ ) (a. 2)
daivee̠-ndhiya̍-mmanaamahe sumridee̠kaa-ma̠bhishta̍ye varcho̠dhaam ya̠jnavaa̍hasagm supaa̠raa no̍ asa̠-dvashe̎ । ye de̠vaa mano̍jaataa mano̠yuja̍-ssu̠dakshaa̠ daksha̍pitaara̠ste na̍h paantu̠ te no̍-'vantu̠ tebhyo̠ nama̠stebhya̠-ssvaahaa-'gne̠ tvagm su jaa̍grihi va̠yagm su ma̍ndisheemahi gopaa̠ya na̍-ssva̠staye̎ pra̠budhe̍ na̠h puna̍rdadah । tvama̍gne vrata̠paa a̍si de̠va aa martye̠shvaa । tvam- [tvam, ya̠jneshveedya̍h ।] 6
ya̠jneshveedya̍h ॥ vishve̍ de̠vaa a̠bhi maamaa-'va̍vritra-npoo̠shaa sa̠nyaa somo̠ raadha̍saa de̠va-ssa̍vi̠taa vaso̎rvasu̠daavaa̠ raasveya̍-thso̠maa ''bhooyo̍ bhara̠ maa pri̠na-npoo̠rtyaa vi raa̍dhi̠ maa-'hamaayu̍shaa cha̠ndrama̍si̠ mama̠ bhogaa̍ya bhava̠ vastra̍masi̠ mama̠ bhogaa̍ya bhavo̠sraa-'si̠ mama̠ bhogaa̍ya bhava̠ hayo̍-'si̠ mama̠ bhogaa̍ya bhava̠- [bhogaa̍ya bhava, chhaago̍-'si̠ mama̠] 7
chhaago̍-'si̠ mama̠ bhogaa̍ya bhava me̠sho̍-'si̠ mama̠ bhogaa̍ya bhava vaa̠yave̎ tvaa̠ varu̍naaya tvaa̠ nir-ri̍tyai tvaa ru̠draaya̍ tvaa̠ devee̍raapo apaa-nnapaa̠dya oo̠rmir-ha̍vi̠shya̍ indri̠yaavaa̎-nma̠dinta̍ma̠stam vo̠ maa-'va̍ kramisha̠machchhi̍nna̠-ntantu̍-mprithi̠vyaa anu̍ gesha-mbha̠draada̠bhi shreya̠h prehi̠ briha̠spati̍h purae̠taa te̍ a̠stvathe̠mava̍ sya̠ vara̠ aa pri̍thi̠vyaa aa̠re shatroo̎n krinuhi̠ sarva̍veera̠ edama̍ganma deva̠yaja̍na-mprithi̠vyaa vishve̍ de̠vaa yadaju̍shanta̠ poorva̍ rikhsaa̠maabhyaa̠m yaju̍shaa sa̠ntara̍nto raa̠yasposhe̍na̠ sami̠shaa ma̍dema ॥ 8 ॥ ( aa tvagm-hayo̍-'si̠ mama̠ bhogaa̍ya bhava-sya̠-pancha̍vigmshatishcha ) (a. 3)
i̠ya-nte̍ shukra ta̠noori̠dam varcha̠stayaa̠ sa-mbha̍va̠ bhraaja̍-ngachchha̠ joora̍si dhri̠taa mana̍saa̠ jushtaa̠ vishna̍ve̠ tasyaa̎ste sa̠tyasa̍vasah prasa̠ve vaa̠cho ya̠ntrama̍sheeya̠ svaahaa̍ shu̠krama̍sya̠mrita̍masi vaishvade̠vagm ha̠vi-ssoorya̍sya̠ chakshu̠raa -'ru̍hama̠gne ra̠kshnah ka̠neeni̍kaa̠m yadeta̍shebhi̠reeya̍se̠ bhraaja̍maano vipa̠shchitaa̠ chida̍si ma̠naa-'si̠ dheera̍si̠ dakshi̍naa- [dakshi̍naa, a̠si̠ ya̠jniyaa̍-'si] 9
-'si ya̠jniyaa̍-'si ksha̠triyaa̠ 'syadi̍ti-rasyubha̠yata̍̍shsheershnee̠ saa na̠-ssupraa̍chee̠ supra̍teechee̠ sa-mbha̍va mi̠trastvaa̍ pa̠di ba̍ddhnaatu poo̠shaa-'ddhva̍nah paa̠tvindraa̠yaa-ddhya̍kshaa̠yaanu̍ tvaa maa̠taa ma̍nyataa̠manu̍ pi̠taa-'nu̠ bhraataa̠ saga̠rbhyo-'nu̠ sakhaa̠ sayoo̎thya̠-ssaa de̍vi de̠vamachchhe̠heendraa̍ya̠ somagm̍ ru̠drastvaa ''va̍rtayatu mi̠trasya̍ pa̠thaa sva̠sti soma̍sakhaa̠ puna̠rehi̍ sa̠ha ra̠yyaa ॥ 10 ॥ ( dakshi̍naa̠-soma̍sakhaa̠, pancha̍ cha ) (a. 4)
vasvya̍si ru̠draa-'syadi̍ti-rasyaadi̠tyaa-'si̍ shu̠kraa-'si̍ cha̠ndraa-'si̠ briha̠spati̍stvaa su̠mne ra̍nvatu ru̠dro vasu̍bhi̠raa chi̍ketu prithi̠vyaastvaa̍ moo̠rdhannaa ji̍gharmi deva̠yaja̍na̠ idaa̍yaah pa̠de ghri̠tava̍ti̠ svaahaa̠ pari̍likhita̠gm̠ raksha̠h pari̍likhitaa̠ araa̍taya i̠dama̠hagm raksha̍so gree̠vaa api̍ krintaami̠ yo̎-'smaa-ndveshti̠ ya-ncha̍ va̠ya-ndvi̠shma i̠dama̍sya gree̠vaa [gree̠vaah, api̍ krintaamya̠sme] 11
api̍ krintaamya̠sme raaya̠stve raaya̠stote̠ raaya̠-ssa-nde̍vi de̠vyorvashyaa̍ pashyasva̠ tvashtee̍matee te sapeya su̠retaa̠ reto̠ dadhaa̍naa vee̠ram vi̍deya̠ tava̍ sa̠ndrishi̠ maa-'hagmraa̠yasposhe̍na̠ vi yo̍sham ॥ 12 ॥ ( a̠sya̠ gree̠vaa-ekaa̠nna tri̠gm̠shachcha̍ ) (a. 5)
a̠gm̠shunaa̍ te a̠gm̠shuh pri̍chyataa̠-mparu̍shaa̠ paru̍-rga̠ndhaste̠ kaama̍mavatu̠ madaa̍ya̠ raso̠ achyu̍to̠ 'maatyo̍-'si shu̠kraste̠ graho̠-'bhi tya-nde̠vagm sa̍vi̠taara̍moo̠nyo̎h ka̠vikra̍tu̠marchaa̍mi sa̠tyasa̍vasagm ratna̠dhaama̠bhi pri̠ya-mma̠timoo̠rdhvaa yasyaa̠mati̠rbhaa adi̍dyuta̠-thsavee̍mani̠ hira̍nyapaaniramimeeta su̠kratu̍h kri̠paa suva̍h । pra̠jaabhya̍stvaa praa̠naaya̍ tvaa vyaa̠naaya̍ tvaa pra̠jaastvamanu̠ praani̍hi pra̠jaastvaamanu̠ praana̍ntu ॥ 13 ॥ (anu̍-sa̠pta cha̍) (a. 6)
soma̍-nte kreenaa̠myoorja̍svanta̠-mpaya̍svantam vee̠ryaa̍vantamabhi-maati̠shaahagm̍ shu̠kra-nte̍ shu̠krena̍ kreenaami cha̠ndra-ncha̠ndrenaa̠mrita̍ma̠mrite̍na sa̠myatte̠ gora̠sme cha̠ndraani̠ tapa̍sasta̠noora̍si pra̠jaapa̍te̠-rvarna̠stasyaa̎ste sahasrapo̠sha-mpushya̍ntyaashchara̠mena̍ pa̠shunaa̎ kreenaamya̠sme te̠ bandhu̠rmayi̍ te̠ raaya̍-shshrayantaama̠sme jyoti̍-ssomavikra̠yini̠ tamo̍ mi̠tro na̠ ehi̠ sumi̍tradhaa̠ indra̍syo̠ru maa vi̍sha̠ dakshi̍na-mu̠shannu̠shantagg̍ syo̠na-ssyo̠nagg svaana̠ bhraajaanghaa̍re̠ bambhaa̍re̠ hasta̠ suha̍sta̠ krishaa̍nave̠te va̍-ssoma̠ kraya̍naa̠staa-nra̍kshaddhva̠-mmaa vo̍ dabhann ॥ 14 ॥ (u̠rum-dvaavigm̍shatishcha) (a. 7)
udaayu̍shaa svaa̠yushodosha̍dheenaa̠gm̠ rase̠no-tpa̠rjanya̍sya̠ shushme̠noda̍sthaama̠mritaa̠gm̠ anu̍ । u̠rva̍ntari̍ksha̠manvi̠hyadi̍tyaa̠-ssado̠-'syadi̍tyaa̠-ssada̠ aa see̠daasta̍bhnaa̠-ddyaamri̍sha̠bho a̠ntari̍ksha̠mami̍meeta vari̠maana̍-mprithi̠vyaa aa-'see̍da̠-dvishvaa̠ bhuva̍naani sa̠mraa-dvishvettaani̠ varu̍nasya vra̠taani̠ vane̍shu̠ vya̍ntari̍ksha-ntataana̠ vaaja̠marva̍thsu̠ payo̍ aghni̠yaasu̍ hri̠thsu- [ ] ॥ 15 ॥
kratu̠m varu̍no vi̠kshva̍gni-ndi̠vi soorya̍madadhaa̠-thsoma̠madraa̠vudu̠tya-njaa̠tave̍dasa-nde̠vam va̍hanti ke̠tava̍h । dri̠she vishvaa̍ya̠ soorya̎m ॥ usraa̠veta̍-ndhoorshaahaavana̠shroo avee̍rahanau brahma̠choda̍nau̠ varu̍nasya̠ skambha̍namasi̠ varu̍nasya skambha̠sarja̍namasi̠ pratya̍sto̠ varu̍nasya̠ paasha̍h ॥ 16 ॥ ( hri̠thsu-pancha̍trigmshachcha ) (a. 8)
pra chya̍vasva bhuvaspate̠ vishvaa̎nya̠bhi dhaamaa̍ni̠ maa tvaa̍ paripa̠ree vi̍da̠nmaa tvaa̍ paripa̠nthino̍ vida̠nmaa tvaa̠ vrikaa̍ aghaa̠yavo̠ maa ga̍ndha̠rvo vi̠shvaava̍su̠raa da̍ghachchhye̠no bhoo̠tvaa paraa̍ pata̠ yaja̍maanasya no gri̠he de̠vai-ssagg̍skri̠tam yaja̍maanasya sva̠styaya̍nya̠syapi̠ panthaa̍magasmahi svasti̠gaa-ma̍ne̠hasa̠m yena̠ vishvaa̠h pari̠ dvisho̍ vri̠nakti̍ vi̠ndate̠ vasu̠ namo̍ mi̠trasya̠ varu̍nasya̠ chaksha̍se ma̠ho de̠vaaya̠ tadri̠tagm sa̍paryata doore̠drishe̍ de̠vajaa̍taaya ke̠tave̍ di̠vaspu̠traaya̠ sooryaa̍ya shagmsata̠ varu̍nasya̠ skambha̍namasi̠ varu̍nasya skambha̠sarja̍na-ma̠syunmu̍kto̠ varu̍nasya̠ paasha̍h ॥ 17 ॥ ( mi̠trasya̠-trayo̍vigmshatishcha ) (a. 9)
a̠gne-raa̍ti̠thyama̍si̠ vishna̍ve tvaa̠ soma̍syaa-''ti̠thyama̍si̠ vishna̍ve̠ tvaa-'ti̍theraati̠thyama̍si̠ vishna̍ve tvaa̠-'gnaye̎ tvaa raayasposha̠daavnne̠ vishna̍ve tvaa shye̠naaya̍ tvaa soma̠bhrite̠ vishna̍ve tvaa̠ yaa te̠ dhaamaa̍ni ha̠vishaa̠ yaja̍nti̠ taa te̠ vishvaa̍ pari̠bhoora̍stu ya̠jna-nga̍ya̠sphaana̍h pra̠tara̍na-ssu̠veero-'vee̍rahaa̠ pracha̍ra soma̠ duryaa̠nadi̍tyaa̠-ssado̠-'syadi̍tyaa̠-ssada̠ aa- [sada̠ aa, see̠da̠ varu̍no-'si] ॥ 18 ॥
see̍da̠ varu̍no-'si dhri̠tavra̍to vaaru̠nama̍si sha̠myo-rde̠vaanaagm̍ sa̠khyaanmaa de̠vaanaa̍-ma̠pasa̍-shchhithsma̠hyaapa̍taye tvaa grihnaami̠ pari̍pataye tvaa grihnaami̠ tanoo̠naptre̎ tvaa grihnaami shaakva̠raaya̍ tvaa grihnaami̠ shakma̠nnoji̍shthaaya tvaa grihnaa̠mya-naa̍dhrishtamasya-naadhri̠shya-nde̠vaanaa̠mojo̍- 'bhishasti̠paa a̍nabhishaste̠-'nyamanu̍ me dee̠kshaa-ndee̠kshaapa̍ti-rmanyataa̠manu̠ tapa̠stapa̍spati̠ranja̍saa sa̠tyamupa̍ geshagm suvi̠te maa̍ dhaah ॥ 19 ॥ ( aa-mai-ka̍-ncha ) (a. 10)
a̠gm̠shuragm̍shuste deva so̠maa-''pyaa̍yataa̠-mindraa̍yaikadhana̠vida̠ aa tubhya̠mindra̍h pyaayataa̠maa tvamindraa̍ya pyaaya̠svaa-''pyaa̍yaya̠ sakhee̎m-thsa̠nyaa me̠dhayaa̎ sva̠sti te̍ deva soma su̠tyaama̍shee̠yeshtaa̠ raaya̠h preshe bhagaa̍ya̠rtamri̍tavaa̠dibhyo̠ namo̍ di̠ve nama̍h prithi̠vyaa agne̎ vratapate̠ tvam vra̠taanaa̎m vra̠tapa̍tirasi̠ yaa mama̍ ta̠noore̠shaa saa tvayi̠ [tvayi̍, yaa tava̍] ॥ 20 ॥
yaa tava̍ ta̠noori̠yagm saa mayi̍ sa̠ha nau̎ vratapate vra̠tino̎-rvra̠taani̠ yaa te̍ agne̠ rudri̍yaa ta̠noostayaa̍ nah paahi̠ tasyaa̎ste̠ svaahaa̠ yaa te̍ agne-'yaasha̠yaa ra̍jaasha̠yaa ha̍raasha̠yaa ta̠noorvarshi̍shthaa gahvare̠shtho-'gram vacho̠ apaa̍vadhee-ntve̠sham vacho̠ apaa̍vadhee̠g̠ svaahaa̎ ॥ 21 ॥ ( tvayi̍-chatvaari̠gm̠shachcha̍ ) (a. 11)
vi̠ttaaya̍nee me-'si ti̠ktaaya̍nee me̠-'syava̍taanmaa naathi̠tamava̍taanmaa vyathi̠tam vi̠dera̠gnirnabho̠ naamaagne̍ angiro̠ yo̎-'syaa-mpri̍thi̠vyaamasyaayu̍shaa̠ naamnehi̠ yatte-'naa̍dhrishta̠-nnaama̍ ya̠jniya̠-ntena̠ tvaa-''da̠dhe-'gne̍ angiro̠ yo dvi̠teeya̍syaa-ntri̠teeya̍syaa-mprithi̠vyaa-masyaayu̍shaa̠ naamnehi̠ yatte-'naa̍dhrishta̠-nnaama̍- [ ] 22
ya̠jniya̠-ntena̠ tvaa-''da̍dhe si̠gm̠heera̍si mahi̠sheera̍syu̠ru pra̍thasvo̠ru te̍ ya̠jnapa̍tih prathataa-ndhru̠vaa-'si̍ de̠vebhya̍-shshundhasva de̠vebhya̍-shshumbhasvendragho̠shastvaa̠ vasu̍bhih pu̠rastaa̎-tpaatu̠ mano̍javaastvaa pi̠tribhi̍-rdakshina̠tah paa̍tu̠ prache̍taastvaa ru̠draih pa̠shchaa-tpaa̍tu vi̠shvaka̍rmaa tvaa-''di̠tyairu̍ttara̠tah paa̍tu si̠gm̠heera̍si sapatnasaa̠hee svaahaa̍ si̠gm̠heera̍si suprajaa̠vani̠-ssvaahaa̍ si̠gm̠hee- [si̠gm̠heeh, a̠si̠ raa̠ya̠spo̠sha̠vani̠-ssvaahaa̍] 23
ra̍si raayasposha̠vani̠-ssvaahaa̍ si̠gm̠heera̍syaaditya̠vani̠-ssvaahaa̍ si̠gm̠heera̠syaa va̍ha de̠vaande̍vaya̠te yaja̍maanaaya̠ svaahaa̍ bhoo̠tebhya̍stvaa vi̠shvaayu̍rasi prithi̠vee-ndrigm̍ha dhruva̠kshida̍sya̠ntari̍ksha-ndrigmhaachyuta̠kshida̍si̠ diva̍-ndrigmhaa̠gne-rbhasmaa̎sya̠gneh puree̍shamasi ॥ 24 ॥ (naama̍-suprajaa̠vani̠-ssvaahaa̍ si̠gm̠seeh; pancha̍trigmshachcha ) (a. 12)
yu̠njate̠ mana̍ u̠ta yu̍njate̠ dhiyo̠ vipraa̠ vipra̍sya briha̠to vi̍pa̠shchita̍h । vi hotraa̍ dadhe vayunaa̠videka̠ inma̠hee de̠vasya̍ savi̠tuh pari̍shtutih ॥ su̠vaagde̍va̠ duryaa̠gm̠ aa va̍da deva̠shrutau̍ de̠veshvaa gho̍shethaa̠maa no̍ vee̠ro jaa̍yataa-nkarma̠nyo̍ yagm sarve̍-'nu̠ jeevaa̍ma̠ yo ba̍hoo̠naamasa̍dva̠shee ॥ i̠dam vishnu̠-rvicha̍krame tre̠dhaa ni da̍dhe pa̠dam ॥ samoo̍dhamasya [samoo̍dhamasya, paa̠gm̠su̠ra] 25
paagmsu̠ra iraa̍vatee dhenu̠matee̠ hi bhoo̠tagm soo̍yava̠sinee̠ mana̍ve yasha̠sye̎ । vya̍skabhnaa̠-droda̍see̠ vishnu̍re̠te daa̠dhaara̍ prithi̠veema̠bhito̍ ma̠yookhai̎h ॥ praachee̠ preta̍maddhva̠ra-nka̠lpaya̍ntee oo̠rdhvam ya̠jna-nna̍yata̠-mmaa jee̎hvarata̠matra̍ ramethaa̠m varshma̍-nprithi̠vyaa di̠vo vaa̍ vishnavu̠ta vaa̍ prithi̠vyaa ma̠ho vaa̍ vishnavu̠ta vaa̠-'ntari̍kshaa̠ddhastau̍ prinasva ba̠hubhi̍-rvasa̠vyai̍raa pra ya̍chchha̠ [pra ya̍chchha, dakshi̍naa̠dota] 26
dakshi̍naa̠dota sa̠vyaat । vishno̠rnuka̍m vee̠ryaa̍ni̠ pra vo̍cha̠m yah paarthi̍vaani vima̠me rajaagm̍si̠ yo aska̍bhaaya̠dutta̍ragm sa̠dhastha̍m vichakramaa̠na stre̠dhoru̍gaa̠yo vishno̍ ra̠raata̍masi̠ vishno̎h pri̠shthama̍si̠ vishno̠-shshnaptre̎ stho̠ vishno̠-ssyoora̍si̠ vishno̎-rdhru̠vama̍si vaishna̠vama̍si̠ vishna̍ve tvaa ॥ 27 ॥ ( a̠sya̠-ya̠chchhaikaa̠nna cha̍tvaari̠gm̠shachcha̍ ) (a. 13)
kri̠nu̠shva paaja̠h prasi̍ti̠nna pri̠thveem yaa̠hi raaje̠vaama̍vaa̠gm̠ ibhe̍na । tri̠shveemanu̠ prasi̍tim-droonaa̠no-'staa̍-'si̠ viddhya̍ ra̠kshasa̠ stapi̍shthaih ॥ tava̍ bhra̠maasa̍ aashu̠yaa pa̍nta̠tyanu̍ sprisha-dhrisha̠taa shoshu̍chaanah । tapoog̍shyagne ju̠hvaa̍ pata̠ngaanasa̍ndito̠ visri̍ja̠ vishva̍gu̠lkaah ॥ prati̠spasho̠ visri̍ja̠-toorni̍tamo̠ bhavaa̍ paa̠yurvi̠sho a̠syaa ada̍bdhah । yo no̍ doo̠re a̠ghashagm̍so̠ [a̠ghashagm̍sah, yo antyagne̠] 28
yo antyagne̠ maaki̍shte̠ vyathi̠raa da̍dharsheet ॥ uda̍gne tishtha̠ pratyaa ''ta̍nushva̠ nya̍mitraagm̍ oshataa-ttigmahete । yo no̠ araa̍tigm samidhaana cha̠kre nee̠chaa ta-ndha̍kshyata̠sa-nna shushka̎m ॥ oo̠rdhvo bha̍va̠ prati̍vi̠ddhyaa-'ddhya̠smadaa̠vishkri̍nushva̠ daivyaa̎nyagne । ava̍sthi̠raa ta̍nuhi yaatu̠joonaa̎-njaa̠mimajaa̍mim̠ pramri̍neehi̠ shatroon̍ ॥ sa te̍ [sa te̎, jaa̠naa̠ti̠ su̠ma̠tim] 29
jaanaati suma̠tim ya̍vishtha̠ya eeva̍te̠ brahma̍ne gaa̠tumaira̍t । vishvaa̎nyasmai su̠dinaa̍ni raa̠yo dyu̠mnaanya̠ryo viduro̍ a̠bhi dyau̎t ॥ seda̍gne astu su̠bhaga̍-ssu̠daanu̠-ryastvaa̠ nitye̍na ha̠vishaa̠ya u̠kthaih । pipree̍shati̠ sva aayu̍shi duro̠ne vishveda̍smai su̠dinaa̠ saa-'sa̍di̠shtih ॥ archaa̍mi te suma̠ti-nghoshya̠rvaakh-sante̍ vaa̠ vaa taa̍ jarataa- [vaa̠ vaa taa̍ jarataam, i̠yangeeh] 30
mi̠yangeeh । svashvaa̎stvaa su̠rathaa̍ marjayemaa̠sme ksha̠traani̍ dhaaraye̠ranu̠ dyoon ॥ i̠ha tvaa̠ bhooryaa cha̍re̠ dupa̠tma-ndoshaa̍vasta-rdeedi̠vaagmsa̠manu̠ dyoon । kreeda̍ntastvaa su̠mana̍sa-ssapemaa̠bhi dyu̠mnaa ta̍sthi̠vaagmso̠ janaa̍naam ॥ yastvaa̠-svashva̍-ssuhira̠nyo a̍gna upa̠yaati̠ vasu̍mataa̠ rathe̍na । tasya̍ traa̠taa-bha̍vasi̠ tasya̠ sakhaa̠ yasta̍ aati̠thyamaa̍nu̠shag jujo̍shat ॥ ma̠ho ru̍jaami - [ ] 31
ba̠ndhutaa̠ vacho̍bhi̠stanmaa̍ pi̠turgota̍maa̠da-nvi̍yaaya । tvanno̍ a̠sya vacha̍sa-shchikiddhi̠ hota̍ryavishtha sukrato̠ damoo̍naah ॥ asva̍pnaja sta̠rana̍ya-ssu̠shevaa̠ ata̍ndraaso-'vri̠kaa ashra̍mishthaah । te paa̠yava̍-ssa̠ddhriya̍ncho ni̠shadyaa-'gne̠ tava̍nah paantvamoora ॥ ye paa̠yavo̍ maamate̠ya-nte̍ agne̠ pashya̍nto a̠ndha-ndu̍ri̠taadara̍kshann । ra̠raksha̠taan-thsu̠krito̍ vi̠shvave̍daa̠ diphsa̍nta̠ idri̠pavo̠ naa ha̍ [naa ha̍, de̠bhu̠h] 32
debhuh ॥ tvayaa̍ va̠yagm sa̍dha̠nya̍-stvotaa̠-stava̠ pranee̎tyashyaama̠ vaajaan̍ । u̠bhaa shagmsaa̍ soodaya satyataate-'nushthu̠yaa kri̍nuhyahrayaana ॥ a̠yaa te̍ agne sa̠midhaa̍ vidhema̠ prati̠stomagm̍ sha̠syamaa̍na-ngribhaaya । dahaa̠shaso̍ ra̠kshasa̍h paa̠hya̍smaa-ndru̠ho ni̠do mi̍tramaho ava̠dyaat ॥ ra̠ksho̠hanam̍ mvaa̠jina̠maaji̍gharmi mi̠tra-mprathi̍shtha̠-mupa̍yaami̠ sharma̍ । shishaa̍no a̠gnih kratu̍bhi̠-ssami̍ddha̠ssano̠ divaa̠ [divaa̎, sari̠shah paa̍tu̠ nakta̎m] 33
sari̠shah paa̍tu̠ nakta̎m ॥ vijyoti̍shaa briha̠taa bhaa̎tya̠gni-raa̠vi-rvishvaa̍ni krinute mahi̠tvaa । praade̍vee-rmaa̠yaa-ssa̍hate-du̠revaa̠-shshishee̍te̠ shringe̠ raksha̍se vi̠nikshe̎ ॥ u̠ta svaa̠naaso̍ di̠visha̍ntva̠gne sti̠gmaayu̍dhaa̠ raksha̍se̠ hanta̠vaa u̍ । made̍ chidasya̠ praru̍janti̠ bhaamaa̠ na va̍rante pari̠baadho̠ ade̍veeh ॥ 34 ॥ (a̠ghashagm̍sa̠h-sa te̍-jarataagm-rujaami-ha̠ -divai - ka̍chatvaarigmshachcha) (a. 14)
(aapa̍ unda̠, ntvaakoo̎tyai̠, daivee̍, mi̠yante̠, vasvya̍sya̠gm̠ shunaa̍ te̠, soma̍nta̠, udaayu̍shaa̠, pra chya̍vasvaa̠, 'gne raa̍ti̠thya, -ma̠gm̠shuragm̍ shu, rvi̠ttaaya̍nee me-'si, yu̠nchate̍, krinu̠shva paaja̠, shchatu̍rdasha ।)
(aapo̠-vasvya̍si̠ yaa tave̠-yangee-shchatu̍strigmshat ।)
(aapa̍ unda̠n, tvade̍veeh)
॥ hari̍h om ॥
॥ krishna yajurvedeeya taittireeya samhitaayaa-mprathamakaande dviteeyah prashna-ssamaaptah ॥
1.2 - আপ উন্দন্তু জীবসে - কৃষ্ণ যজুর্বেদ তৈত্তিরীয় সংহিতা পাঠঃ সম্পর্কে
This is prashna 2 of kanda 1 of the Krishna Yajurveda Taittiriya Samhita, in plain continuous recitation (samhita patha). It gives the first mantras of the soma sacrifice (agnishtoma), from the consecration (diksha) of the sacrificer to the buying and welcoming of the soma plant. It opens "Apa undantu jivase", "may the waters moisten you for life", spoken as the sacrificer is bathed for the diksha.
উৎস: Krishna Yajurveda, Taittiriya Samhita 1.2
কখন পাঠ করবেন: In daily Vedic recitation, in Veda patashalas and in Yajur Veda study.
আপনি কি জানেন?
- The diksha marks the sacrificer's entry into a state of ritual purity for the length of the soma rite.
- Samhita patha is the continuous form of the text, the base from which the pada, krama, jata and ghana recitations are built.
প্রায়শই জিজ্ঞাসিত প্রশ্ন
What rite do these mantras begin?
The soma sacrifice, starting with the consecration (diksha) of the sacrificer.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 1, prashna 2.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ