1.5 - দেবাসুরাঃ সংযত্তা আসন্ন্ - কৃষ্ণ যজুর্বেদ তৈত্তিরীয় সংহিতা পাঠঃ
Kanda 1 - Krishna Yajurveda Taittiriya Samhita · প্রথাগত ভক্তিপাঠ
krishna yajurvedeeya taittireeya samhitaayaa-mprathamakaande panchamah prashnah - punaraadhaanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
de̠vaa̠su̠raa-ssamya̍ttaa aasa̠nte de̠vaa vi̍ja̠yamu̍pa̠yanto̠ 'gnau vaa̠mam vasu̠ sa-nnya̍dadhate̠damu̍ no bhavishyati̠ yadi̍ no je̠shyanteeti̠ tada̠gnirnya̍kaamayata̠ tenaapaa̎kraama̠-ttadde̠vaa vi̠jityaa̍va̠ruru̍thsamaanaa̠ anvaa̍ya̠-ntada̍sya̠ saha̠saa-''di̍thsanta̠ so̍ 'rodee̠dyadaro̍dee̠-tta-dru̠drasya̍ rudra̠tvam yadashrvashee̍yata̠ ta- [tat, ra̠ja̠tagm] 1
dra̍ja̠tagm hira̍nyamabhava̠-ttasmaa̎-draja̠tagm hira̍nya-madakshi̠nya-ma̍shru̠jagm hi yo ba̠r̠hishi̠ dadaa̍ti pu̠raa-'sya̍ samvathsa̠raa-dgri̠he ru̍danti̠ tasmaa̎-dba̠r̠hishi̠ na deya̠gm̠ so̎-'gnira̍bravee-dbhaa̠gya̍saa̠nyatha̍ va i̠damiti̍ punaraa̠dheya̍-nte̠ keva̍la̠mitya̍bruva-nnri̠ddhnava̠-tkhalu̠ sa itya̍bravee̠dyo ma̍ddeva̠tya̍-ma̠gni-maa̠dadhaa̍taa̠ iti̠ ta-mpoo̠shaa-''dha̍tta̠ tena̍ [ ] 2
poo̠shaa-''rdhno̠-ttasmaa̎-tpau̠shnaah pa̠shava̍ uchyante̠ ta-ntvashtaa-''dha̍tta̠ tena̠ tvashtaa̎-''rdhno̠-ttasmaa̎-ttvaa̠shtraah pa̠shava̍ uchyante̠ ta-mmanu̠raa-'dha̍tta̠ tena̠ manu̍raa̠rdhno̠-ttasmaa̎nmaana̠vya̍h pra̠jaa u̍chyante̠ ta-ndhaa̠taa-''dha̍tta̠ tena̍ dhaa̠taa-''rdhno̎-thsamvathsa̠ro vai dhaa̠taa tasmaa̎-thsamvathsa̠ra-mpra̠jaah pa̠shavo-'nu̠ pra jaa̍yante̠ ya e̠va-mpu̍naraa̠dheya̠syardhi̠m veda̠- [e̠va-mpu̍naraa̠dheya̠syardhi̠m veda̍, ri̠dhnotye̠va] 3
-rdhnotye̠va yo̎-'syai̠va-mba̠ndhutaa̠m veda̠ bandhu̍maa-nbhavati bhaaga̠dheya̠m vaa a̠gniraahi̍ta i̠chchhamaa̍nah pra̠jaa-mpa̠shoon yaja̍maana̠syopa̍ dodraavo̠dvaasya̠ puna̠raa da̍dheeta bhaaga̠dheye̍nai̠vaina̠gm̠ sama̍rdhaya̠tyatho̠ shaanti̍re̠vaasyai̠shaa puna̍rvasvo̠raa da̍dheetai̠tadvai pu̍naraa̠dheya̍sya̠ naksha̍tra̠m ya-tpuna̍rvasoo̠ svaayaa̍me̠vaina̍-nde̠vataa̍yaamaa̠dhaaya̍ brahmavarcha̠see bha̍vati da̠rbhai raa da̍dhaa̠tyayaa̍tayaamatvaaya da̠rbhairaa da̍dhaatya̠dbhya e̠vaina̠mosha̍dheebhyo 'va̠ruddhyaa ''dha̍tte̠ pancha̍kapaalah puro̠daasho̍ bhavati̠ pancha̠ vaa ri̠tava̍ ri̠tubhya̍ e̠vaina̍mava̠ruddhyaa ''dha̍tte ॥ 4 ॥ (ashee̍yata̠ tat- tena̠-veda̍- da̠rbhaih pancha̍vigmshatishcha) (a. 1)
paraa̠ vaa e̠sha ya̠jna-mpa̠shoon va̍pati̠ yo̎-'gnimu̍dvaa̠saya̍te̠ pancha̍kapaalah puro̠daasho̍ bhavati̠ paankto̍ ya̠jnah paanktaa̎h pa̠shavo̍ ya̠jname̠va pa̠shoonava̍ rundhe veera̠haa vaa e̠sha de̠vaanaa̠m yo̎-'gnimu̍dvaa̠saya̍te̠ na vaa e̠tasya̍ braahma̠naa ri̍taa̠yava̍h pu̠raa-'nna̍maksha-npa̠nktyo̍ yaajyaanuvaa̠kyaa̍ bhavanti̠ paankto̍ ya̠jnah paankta̠h puru̍sho de̠vaane̠va vee̠ra-nni̍rava̠daayaa̠gni-mpuna̠raa [puna̠raa, dha̠tte̠ sha̠taaksha̍raa bhavanti] 5
dha̍tte sha̠taaksha̍raa bhavanti sha̠taayu̠h puru̍sha-shsha̠tendri̍ya̠ aayu̍shye̠vendri̠ye prati̍ tishthati̠ yadvaa a̠gniraahi̍to̠ nardhyate̠ jyaayo̍ bhaaga̠dheya̍-nnikaa̠maya̍maano̠ yadaa̎gne̠yagm sarva̠-mbhava̍ti̠ saivaasyardhi̠-ssam vaa e̠tasya̍ gri̠he vaak sri̍jyate̠ yo̎-'gnimu̍dvaa̠saya̍te̠ sa vaacha̠gm̠ sagmsri̍shtaa̠m yaja̍maana eeshva̠ro-'nu̠ paraa̍bhavito̠-rvibha̍ktayo bhavanti vaa̠cho vidhri̍tyai̠ yaja̍maana̠syaa-'pa̍raabhaavaaya̠ [-'pa̍raabhaavaaya, vibha̍kti-nkaroti̠] 6
vibha̍kti-nkaroti̠ brahmai̠va tada̍karupaa̠gm̠shu ya̍jati̠ yathaa̍ vaa̠mam vasu̍ vividaa̠no gooha̍ti taa̠drige̠va tada̠gni-mprati̍ svishta̠krita̠-nniraa̍ha̠ yathaa̍ vaa̠mam vasu̍ vividaa̠nah pra̍kaa̠sha-njiga̍mishati taa̠drige̠va tadvibha̍ktimu̠ktvaa pra̍yaa̠jena̠ vasha̍tkarotyaa̠yata̍naade̠va naiti̠ yaja̍maano̠ vai pu̍ro̠daasha̍h pa̠shava̍ e̠te aahu̍tee̠ yada̠bhita̍h puro̠daasha̍me̠te aahu̍tee [ ] 7
ju̠hoti̠ yaja̍maaname̠vobha̠yata̍h pa̠shubhi̠h pari̍ grihnaati kri̠taya̍ju̠-ssambhri̍tasambhaara̠ ityaa̍hu̠rna sa̠mbhrityaa̎-ssambhaa̠raa na yaju̍h karta̠vya̍mityatho̠ khalu̍ sa̠mbhrityaa̍ e̠va sa̍mbhaa̠raah ka̍rta̠vya̍m yaju̍-rya̠jnasya̠ samri̍ddhyai punarnishkri̠to ratho̠ dakshi̍naa punaruthsyoo̠tam vaasa̍h punaruthsri̠shto̍-'na̠dvaa-npu̍naraa̠dheya̍sya̠ samri̍ddhyai sa̠pta te̍ agne sa̠midha̍-ssa̠pta ji̠hvaa itya̍gniho̠tra-nju̍hoti̠ yatra̍yatrai̠vaasya̠ nya̍kta̠-ntata̍ [nya̍kta̠-ntata̍h, e̠vaina̠mava̍ rundhe] 8
e̠vaina̠mava̍ rundhe veera̠haa vaa e̠sha de̠vaanaa̠m yo̎-'gnimu̍dvaa̠saya̍te̠ tasya̠ varu̍na e̠varna̠yaadaa̎gnivaaru̠na-mekaa̍dashakapaala̠manu̠ nirva̍pe̠dya-nchai̠va hanti̠ yashchaa̎syarna̠yaattau bhaa̍ga̠dheye̍na preenaati̠ naa-''rti̠maarchchha̍ti̠ yaja̍maanah ॥ 9 ॥ (aa-'pa̍raabhaavaaya-puro̠daasha̍me̠te-aahu̍tee̠-tata̠h -shatatrigm̍shachcha) (a. 2)
bhoomi̍-rbhoo̠mnaa dyau-rva̍ri̠naa-'ntari̍ksha-mmahi̠tvaa । u̠pasthe̍ te devyadite̠ 'gnima̍nnaa̠dama̠nnaadyaa̠yaa-''da̍dhe ॥ aa-'ya-ngauh prishni̍rakramee̠dasa̍na-nmaa̠tara̠-mpuna̍h । pi̠tara̍-ncha pra̠yan-thsuva̍h ॥ tri̠gm̠shaddhaama̠ vi raa̍jati̠ vaa-kpa̍ta̠ngaaya̍ shishriye । pratya̍sya vaha̠ dyubhi̍h ॥ a̠sya praa̠naada̍paana̠tya̍ntashcha̍rati rocha̠naa । vya̍khya-nmahi̠sha-ssuva̍h ॥ yattvaa̎ [ ] 10
kru̠ddhah pa̍ro̠vapa̍ ma̠nyunaa̠ yadava̍rtyaa । su̠kalpa̍magne̠ tattava̠ puna̠stvoddee̍payaamasi ॥yatte̍ ma̠nyupa̍roptasya prithi̠veemanu̍ daddhva̠se । aa̠di̠tyaa vishve̠ tadde̠vaa vasa̍vashcha sa̠maabha̍rann ॥ mano̠ jyoti̍-rjushataa̠maajya̠m vichchhi̍nnam ya̠jnagm sami̠ma-nda̍dhaatu । briha̠spati̍stanutaami̠ma-nno̠ vishve̍ de̠vaa i̠ha maa̍dayantaam ॥ sa̠pta te̍ agne sa̠midha̍-ssa̠pta ji̠hvaa-ssa̠pta- [ji̠hvaa-ssa̠pta, risha̍ya-ssa̠pta dhaama̍] 11
-rsha̍ya-ssa̠pta dhaama̍ pri̠yaani̍ । sa̠pta hotraa̎-ssapta̠dhaa tvaa̍ yajanti sa̠pta yonee̠raa pri̍nasvaa ghri̠tena̍ ॥ puna̍roo̠rjaa ni va̍rtasva̠ puna̍ragna i̠shaa-''yu̍shaa । puna̍rnah paahi vi̠shvata̍h ॥ sa̠ha ra̠yyaa ni va̍rta̠svaagne̠ pinva̍sva̠ dhaara̍yaa । vi̠shvaphsni̍yaa vi̠shvata̠spari̍ ॥ leka̠-ssale̍ka-ssu̠leka̠ste na̍ aadi̠tyaa aajya̍-njushaa̠naa vi̍yantu̠ keta̠-ssake̍ta-ssu̠keta̠ste na̍ aadi̠tyaa aajya̍-njushaa̠naa vi̍yantu̠ viva̍svaa̠gm̠ adi̍ti̠-rdeva̍jooti̠ste na̍ aadi̠tyaa aajya̍-njushaa̠naa vi̍yantu ॥ 12 ॥ (tvaa̠-ji̠hvaa-ssa̠pta-su̠keta̠ste na̠-strayo̍dasha cha ) (a. 3)
bhoomi̍-rbhoo̠mnaa dyau-rva̍ri̠netyaa̍haa̠-''shishai̠vaina̠maa dha̍tte sa̠rpaa vai jeerya̍nto 'manyanta̠ sa e̠ta-nka̍sa̠rneera̍h kaadrave̠yo mantra̍mapashya̠-ttato̠ vai te jee̠rnaasta̠noorapaa̎ghnata sarparaa̠jniyaa̍ ri̠gbhi-rgaarha̍patya̠maa da̍dhaati punarna̠vame̠vaina̍ma̠jara̍-nkri̠tvaa ''dha̠tte-'tho̍ poo̠tame̠va pri̍thi̠veema̠nnaadya̠-nnopaa̍-'nama̠thsaita- [nopaa̍-'nama̠thsaitam, mantra̍mapashya̠-ttato̠ vai] 13
-mmantra̍mapashya̠-ttato̠ vai taama̠nnaadya̠-mupaa̍nama̠dyath -sa̍rparaa̠jniyaa̍ ri̠gbhi-rgaarha̍patya-maa̠dadhaa̎tya̠nnaadya̠syaava̍ruddhyaa̠ atho̍ a̠syaame̠vaina̠-mprati̍shthita̠maa dha̍tte̠ yattvaa̎ kru̠ddhah pa̍ro̠vapetyaa̠haapa̍hnuta e̠vaasmai̠ ta-tpuna̠stvoddee̍payaama̠seetyaa̍ha̠ sami̍ndha e̠vaina̠m yatte̍ ma̠nyupa̍ropta̠syetyaa̍ha de̠vataa̍bhire̠vai- [de̠vataa̍bhire̠va, e̠na̠gm̠ sa-mbha̍rati̠ vi vaa] 14
-na̠gm̠ sa-mbha̍rati̠ vi vaa e̠tasya̍ ya̠jnashchhi̍dyate̠ yo̎-'gnimu̍dvaa̠saya̍te̠ briha̠spati̍vatya̠rchopa̍ tishthate̠ brahma̠ vai de̠vaanaa̠-mbriha̠spati̠-rbrahma̍nai̠va ya̠jnagm sa-nda̍dhaati̠ vichchhi̍nnam ya̠jnagm sami̠ma-nda̍dhaa̠tvityaa̍ha̠ santa̍tyai̠ vishve̍ de̠vaa i̠ha maa̍dayantaa̠mityaa̍ha sa̠ntatyai̠va ya̠jna-nde̠vebhyo-'nu̍ dishati sa̠pta te̍ agne sa̠midha̍-ssa̠pta ji̠hvaa [ji̠hvaah, ityaa̍ha] 15
ityaa̍ha sa̠ptasa̍pta̠ vai sa̍pta̠dhaa-'gneh pri̠yaasta̠nuva̠staa e̠vaava̍ rundhe̠ puna̍roo̠rjaa sa̠ha ra̠yyetya̠bhita̍h puro̠daasha̠maahu̍tee juhoti̠ yaja̍maaname̠vorjaa cha̍ ra̠yyaa cho̍bha̠yata̠h pari̍ grihnaatyaadi̠tyaa vaa a̠smaallo̠kaada̠mum lo̠kamaa̍ya̠-nte̍-'mushmi̍n mlo̠ke vya̍trishya̠-nta i̠mam lo̠ka-mpuna̍rabhya̠vetyaa̠ 'gnimaa̠dhaayai̠-taan. homaa̍najuhavu̠sta aa̎rdhnuva̠-nte su̍va̠rgam lo̠kamaa̍ya̠n̠. yah pa̍raa̠cheena̍-mpunaraa̠dheyaa̍da̠gnimaa̠dadhee̍ta̠ sa e̠taan. homaa̎n juhuyaa̠dyaame̠vaa-''di̠tyaa riddhi̠maardhnu̍va̠-ntaame̠vardhno̍ti ॥ 16 ॥ (saitam-de̠vataa̍bhire̠va-ji̠hvaa-e̠taan-pancha̍vigmshatishcha ) (a. 4)
u̠pa̠pra̠yanto̍ addhva̠ra-mmantra̍m vochemaa̠gnaye̎ । aa̠re a̠sme cha̍ shrinva̠te ॥ a̠sya pra̠tnaamanu̠ dyutagm̍ shu̠kra-ndu̍duhre̠ ahra̍yah । paya̍-ssahasra̠saamrishi̎m ॥ a̠gni-rmoo̠rdhaa di̠vah ka̠kutpati̍h prithi̠vyaa a̠yam । a̠paagm retaagm̍si jinvati ॥ a̠yami̠ha pra̍tha̠mo dhaa̍yi dhaa̠tribhi̠r̠ hotaa̠ yaji̍shtho adhva̠reshveedya̍h ॥ yamapna̍vaano̠ bhriga̍vo viruru̠churvane̍shu chi̠tram vi̠bhuva̍m vi̠shevi̍she ॥ u̠bhaa vaa̍mindraagnee aahu̠vaddhyaa̍ [aahu̠vaddhyai̎, u̠bhaa] 17
u̠bhaa raadha̍sa-ssa̠ha maa̍da̠yaddhyai̎ । u̠bhaa daa̠taaraa̍vi̠shaagm ra̍yee̠naamu̠bhaa vaaja̍sya saa̠taye̍ huve vaam ॥ a̠ya-nte̠ yoni̍r-ri̠tviyo̠ yato̍ jaa̠to aro̍chathah । ta-njaa̠nanna̍gna̠ aa ro̠haathaa̍ no vardhayaa ra̠yim ॥ agna̠ aayoogm̍shi pavasa̠ aa su̠vorja̠misha̍-ncha nah । aa̠re baa̍dhasva du̠chchhunaa̎m ॥ agne̠ pava̍sva̠ svapaa̍ a̠sme varcha̍-ssu̠veerya̎m । dadha̠tposhagm̍ ra̠yi- [ra̠yim, mmayi̍ ।] 18
-mmayi̍ ॥ agne̍ paavaka ro̠chishaa̍ ma̠ndrayaa̍ deva ji̠hvayaa̎ । aa de̠vaan. va̍kshi̠ yakshi̍ cha ॥ sa na̍h paavaka deedi̠vo-'gne̍ de̠vaagm i̠haa ''va̍ha । upa̍ ya̠jnagm ha̠vishcha̍ nah ॥ a̠gni-shshuchi̍vratatama̠-shshuchi̠-rvipra̠-shshuchi̍h ka̠vih । shuchi̍ rochata̠ aahu̍tah ॥ uda̍gne̠ shucha̍ya̠stava̍ shu̠kraa bhraaja̍nta eerate । tava̠ jyoteeg̍shya̠rchaya̍h ॥ aa̠yu̠rdaa a̍gne̠-'syaayu̍rme [a̍gne̠-'syaayu̍rme, de̠hi̠ va̠rcho̠daa] 19
dehi varcho̠daa a̍gne-'si̠ varcho̍ me dehi tanoo̠paa a̍gne-'si ta̠nuva̍-mme paa̠hyagne̠ yanme̍ ta̠nuvaa̍ oo̠na-ntanma̠ aa pri̍na̠ chitraa̍vaso sva̠sti te̍ paa̠rama̍shee̠yendhaa̍naastvaa sha̠tagm himaa̎ dyu̠manta̠-ssami̍dheemahi̠ vaya̍svanto vaya̠skrita̠m yasha̍svanto yasha̠skritagm̍ su̠veeraa̍so̠ adaa̎bhyam । agne̍ sapatna̠dambha̍na̠m varshi̍shthe̠ adhi̠ naake̎ ॥ sa-ntvama̍gne̠ soorya̍sya̠ varcha̍saa 'gathaa̠-ssamrishee̍naag stu̠tena̠ sa-mpri̠yena̠ dhaamnaa̎ । tvama̍gne̠ soorya̍varchaa asi̠ sa-mmaamaayu̍shaa̠ varcha̍saa pra̠jayaa̍ srija ॥ 20 ॥ (aa̠hu̠vaddhyai̠-poshagm̍ ra̠yim-me̠-varcha̍saa-sa̠ptada̍sha cha ) (a. 5)
sa-mpa̍shyaami pra̠jaa a̠ha-mida̍prajaso maana̠veeh । sarvaa̍ bhavantu no gri̠he । ambha̠-ssthaambho̍ vo bhaksheeya̠ maha̍-sstha̠ maho̍ vo bhaksheeya̠ saha̍-sstha̠ saho̍ vo bhakshee̠yorja̠-ssthorja̍m vo bhaksheeya̠ reva̍tee̠ rama̍ddhva-ma̠smin mlo̠ke̎-'smi-ngo̠shthe̎-'smin kshaye̠-'smin yonaa̍vi̠haiva ste̠to maa-'pa̍ gaata ba̠hveerme̍ bhooyaasta [bhooyaasta, sa̠gm̠hi̠taa-'si̍] 21
sagmhi̠taa-'si̍ vishvaroo̠peeraa mo̠rjaa vi̠shaa ''gau̍pa̠tyenaa ''raa̠yasposhe̍na sahasrapo̠sham va̍h pushyaasa̠-mmayi̍ vo̠ raaya̍-shshrayantaam ॥ upa̍ tvaa-'gne di̠vedi̍ve̠ doshaa̍vastardhi̠yaa va̠yam । namo̠ bhara̍nta̠ ema̍si ॥ raaja̍ntamaddhva̠raanaa̎-ngo̠paamri̠tasya̠ deedi̍vim । vardha̍maana̠gg̠ sve dame̎ ॥ sa na̍h pi̠teva̍ soo̠nave-'gne̍ soopaaya̠no bha̍va । sacha̍svaa na-ssva̠staye̎ ॥ agne̠ [agne̎, tva-nno̠ anta̍mah ।] 22
tva-nno̠ anta̍mah । u̠ta traa̠taa shi̠vo bha̍va varoo̠tthya̍h ॥ ta-ntvaa̍ shochishtha deedivah । su̠mnaaya̍ noo̠namee̍mahe̠ sakhi̍bhyah ॥ vasu̍ra̠gni-rvasu̍shravaah । achchhaa̍ nakshi dyu̠matta̍mo ra̠yi-ndaa̎h ॥ oo̠rjaa va̍h pashyaamyoo̠rjaa maa̍ pashyata raa̠yasposhe̍na vah pashyaami raa̠yasposhe̍na maa pashya̠tedaa̎-sstha madhu̠krita̍-ssyo̠naa maa ''vi̍sha̠teraa̠ mada̍h । sa̠ha̠sra̠po̠sham va̍h pushyaasa̠- [pushyaasa̠m, mayi̍] 23
mmayi̍ vo̠ raaya̍-shshrayantaam ॥ tathsa̍vi̠tu-rvare̎nya̠-mbhargo̍ de̠vasya̍ dheemahi । dhiyo̠ yona̍h pracho̠dayaa̎t ॥ so̠maana̠gg̠ svara̍na-nkrinu̠hi bra̍hmanaspate । ka̠ksheeva̍nta̠m ya au̍shi̠jam ॥ ka̠daa cha̠na sta̠reera̍si̠ nendra̍ sashchasi daa̠shushe̎ ॥ upo̠pennu ma̍ghava̠-nbhuya̠ innu te̠ daana̍-nde̠vasya̍ prichyate ॥ pari̍ tvaa-'gne̠ pura̍m va̠yam vipragm̍ sahasya dheemahi ॥ dhri̠shadva̍rna-ndi̠vedi̍ve bhe̠ttaara̍-mbhangu̠raava̍tah ॥ agne̍ grihapate sugrihapa̠tira̠ha-ntvayaa̍ gri̠hapa̍tinaa bhooyaasagm sugrihapa̠tirmayaa̠ tva-ngri̠hapa̍tinaa bhooyaa-shsha̠tagm himaa̠staamaa̠shisha̠maa shaa̍se̠ tanta̍ve̠ jyoti̍shmatee̠-ntaamaa̠shisha̠maa shaa̍se̠-'mushmai̠ jyoti̍shmateem ॥ 24 ॥ (bhoo̠yaa̠sta̠-sva̠staye-'gne̍-pushyaasam-dhri̠shadva̍rna̠-mekaa̠nnatri̠gm̠shachcha̍ ) (a. 6)
aya̍jno̠ vaa e̠sha yo̍-'saa̠mopa̍pra̠yanto̍ addhva̠ramityaa̍ha̠ stoma̍me̠vaasmai̍ yuna̠ktyupetyaa̍ha pra̠jaa vai pa̠shava̠ upe̠mam lo̠ka-mpra̠jaame̠va pa̠shooni̠mam lo̠kamupai̎tya̠sya pra̠tnaamanu̠ dyuta̠mityaa̍ha suva̠rgo vai lo̠kah pra̠tna-ssu̍va̠rgame̠va lo̠kagm sa̠maaro̍hatya̠gni-rmoo̠rdhaa di̠vah ka̠kudityaa̍ha moo̠rdhaana̍- [moo̠rdhaana̎m, e̠vainagm̍] 25
me̠vainagm̍ samaa̠naanaa̎-nkaro̠tyatho̍ devalo̠kaade̠va ma̍nushyalo̠ke prati̍ tishthatya̠yami̠ha pra̍tha̠mo dhaa̍yi dhaa̠tribhi̠rityaa̍ha̠ mukhya̍me̠vaina̍-nkarotyu̠bhaa vaa̍mindraagnee aahu̠vaddhyaa̠ ityaa̠haujo̠ bala̍me̠vaava̍ rundhe̠ 'ya-nte̠ yoni̍r-ri̠tviya̠ ityaa̍ha pa̠shavo̠ vai ra̠yih pa̠shoone̠vaava̍ rundhe sha̠dbhirupa̍ tishthate̠ shadvaa [shadvai, ri̠tava̍ ri̠tushve̠va] 26
ri̠tava̍ ri̠tushve̠va prati̍ tishthati sha̠dbhirutta̍raabhi̠rupa̍ tishthate̠ dvaada̍sha̠ sa-mpa̍dyante̠ dvaada̍sha̠ maasaa̎-ssamvathsa̠ra-ssan̍mvathsa̠ra e̠va prati̍ tishthati̠ yathaa̠ vai puru̠sho-'shvo̠ gau-rjeerya̍tye̠va-ma̠gniraahi̍to jeeryati samvathsa̠rasya̍ pa̠rastaa̍daagnipaavamaa̠neebhi̠-rupa̍ tishthate punarna̠va-me̠vaina̍-ma̠jara̍-nkaro̠tyatho̍ pu̠naatye̠vopa̍ tishthate̠ yoga̍ e̠vaasyai̠sha upa̍ tishthate̠ [upa̍ tishthate, dama̍ e̠vaasyai̠sha] 27
dama̍ e̠vaasyai̠sha upa̍ tishthate yaachnaivaa-'syai̠shopa̍ tishthate̠ yathaa̠ paapee̍yaa̠nchhreya̍sa aa̠hritya̍ nama̠syati̍ taa̠drige̠va tadaa̍yu̠rdaa a̍gne̠-'syaayu̍rme de̠heetyaa̍haa-''yu̠rdaa hye̍sha va̍rcho̠daa a̍gne-'si̠ varcho̍ me de̠heetyaa̍ha varcho̠daa hye̍sha ta̍noo̠paa a̍gne-'si ta̠nuva̍-mme paa̠heetyaa̍ha [paa̠heetyaa̍ha, ta̠noo̠paa] 28
tanoo̠paa hye̍sho-'gne̠ yanme̍ ta̠nuvaa̍ oo̠na-ntanma̠ aa pri̠netyaa̍ha̠ yanme̎ pra̠jaayai̍ pashoo̠naamoo̠na-ntanma̠ aa poo̍ra̠yeti̠ vaavaitadaa̍ha̠ chitraa̍vaso sva̠sti te̍ paa̠rama̍shee̠yetyaa̍ha̠ raatri̠-rvai chi̠traava̍su̠ravyu̍shtyai̠ vaa e̠tasyai̍ pu̠raa braa̎hma̠naa a̍bhaishu̠-rvyu̍shtime̠vaava̍ rundha̠ indhaa̍naastvaa sha̠tagm [sha̠tam, himaa̠ ityaa̍ha] 29
himaa̠ ityaa̍ha sha̠taayu̠h puru̍sha-shsha̠tendri̍ya̠ aayu̍shye̠vendri̠ye prati̍ tishthatye̠shaa vai soo̠rmee karna̍kaavatye̠tayaa̍ ha sma̠ vai de̠vaa asu̍raanaagm shatata̠r̠haag strigm̍hanti̠ yade̠tayaa̍ sa̠midha̍maa̠dadhaa̍ti̠ vajra̍me̠vaitachchha̍ta̠ghneem yaja̍maano̠ bhraatri̍vyaaya̠ pra ha̍rati̠ strityaa̠ achha̍mbatkaara̠gm̠ sa-ntvama̍gne̠ soorya̍sya̠ varcha̍saa-'gathaa̠ ityaa̍hai̠tattvamasee̠dama̠ha-mbhoo̍yaasa̠miti̠ vaavaitadaa̍ha̠ tvama̍gne̠ soorya̍varchaa a̠seetyaa̍haa̠-''shisha̍me̠vaitaamaa shaa̎ste ॥ 30 ॥ (moo̠rdhaana̠gm̠-shadvaa-e̠sha upa̍ tishthate-paa̠heetyaa̍ha-sha̠ta-ma̠hagm shoda̍sha cha) (a. 7)
sa-mpa̍shyaami pra̠jaa a̠hamityaa̍ha̠ yaava̍nta e̠va graa̠myaah pa̠shava̠staane̠vaava̍ ru̠ndhe-'mbha̠-ssthaambho̍ vo bhakshee̠yetyaa̠haambho̠ hye̍taa maha̍-sstha̠ maho̍ vo bhakshee̠yetyaa̍ha̠ maho̠ hye̍taa-ssaha̍-sstha̠ saho̍ vo bhakshee̠yetyaa̍ha̠ saho̠ hye̍taa oorja̠-ssthorja̍m vo bhakshee̠ye- [bhakshee̠yeti̍, aa̠horjo̠ hye̍taa] 31
-tyaa̠horjo̠ hye̍taa reva̍tee̠ rama̍ddhva̠mityaa̍ha pa̠shavo̠ vai re̠vatee̎h pa̠shoone̠vaatma-nra̍mayata i̠haiva ste̠to maa-'pa̍ gaa̠tetyaa̍ha dhru̠vaa e̠vainaa̠ ana̍pagaah kuruta ishtaka̠chidvaa a̠nyo̎-'gnih pa̍shu̠chida̠nya-ssagm̍hi̠taasi̍ vishvaroo̠peeriti̍ va̠thsama̠bhi mri̍sha̠tyupai̠vaina̍-ndhatte pashu̠chita̍mena-nkurute̠ pra [ ] 32
vaa e̠sho̎-'smaallo̠kaachchya̍vate̠ ya aa̍hava̠neeya̍-mupa̠tishtha̍te̠ gaarha̍patya̠mupa̍ tishthate̠ 'sminne̠va lo̠ke prati̍ tishtha̠tyatho̠ gaarha̍patyaayai̠va ni hnu̍te gaaya̠treebhi̠rupa̍ tishthate̠ tejo̠ vai gaa̍ya̠tree teja̍ e̠vaatma-ndha̠tte-'tho̠ yade̠ta-ntri̠chama̠nvaaha̠ santa̍tyai̠ gaarha̍patya̠m vaa anu̍ dvi̠paado̍ vee̠raah pra jaa̍yante̠ ya e̠vam vi̠dvaa-ndvi̠padaa̍bhi̠-rgaarha̍patya-mupa̠tishtha̍ta̠ [mupa̠tishtha̍te, aa-'sya̍] 33
aa-'sya̍ vee̠ro jaa̍yata oo̠rjaa va̍h pashyaamyoo̠rjaa maa̍ pashya̠tetyaa̍haa̠ ''shisha̍me̠vaitaamaa shaa̎ste̠ tathsa̍vi̠tu-rvare̎nya̠mityaa̍ha̠ prasoo̎tyai so̠maana̠gg̠ svara̍na̠mityaa̍ha somapee̠thame̠vaava̍ rundhe krinu̠hi bra̍hmanaspata̠ ityaa̍ha brahmavarcha̠same̠vaava̍ rundhe ka̠daa cha̠na sta̠reera̠seetyaa̍ha̠ na sta̠reegm raatri̍m vasati̠ [raatri̍m vasati, ya e̠vam] 34
ya e̠vam vi̠dvaana̠gni-mu̍pa̠tishtha̍te̠ pari̍ tvaa-'gne̠ pura̍m va̠yamityaa̍ha pari̠dhime̠vaita-mpari̍ dadhaa̠tyaska̍ndaa̠yaagne̍ grihapata̠ ityaa̍ha yathaaya̠jure̠vaitachchha̠tagm himaa̠ ityaa̍ha sha̠ta-ntvaa̍ hema̠ntaani̍ndhishee̠yeti̠ vaavaitadaa̍ha pu̠trasya̠ naama̍ grihnaatyannaa̠dame̠vaina̍-nkaroti̠ taamaa̠shisha̠maa shaa̍se̠ tanta̍ve̠ jyoti̍shmatee̠miti̍ brooyaa̠dyasya̍ pu̠tro-'jaa̍ta̠-ssyaa-tte̍ja̠svye̍vaasya̍ brahmavarcha̠see pu̠tro jaa̍yate̠ taamaa̠shisha̠maa shaa̍se̠ 'mushmai̠ jyoti̍shmatee̠ miti̍ brooyaa̠dyasya̍ pu̠tro jaa̠ta-ssyaa-tteja̍ e̠vaasmi̍-nbrahmavarcha̠sa-nda̍dhaati ॥ 35 ॥ (oorja̍m vo bhakshee̠yeti̠ - pra -gaarha̍patyamupa̠tishtha̍te -vasati̠-jyoti̍shmatee̠ - mekaa̠nnatri̠gm̠shachcha̍) (a. 8)
a̠gni̠ho̠tra-nju̍hoti̠ yade̠va ki-ncha̠ yaja̍maanasya̠ sva-ntasyai̠va tadreta̍-ssinchati pra̠jana̍ne pra̠jana̍na̠gm̠ hi vaa a̠gnirathausha̍dhee̠ranta̍gataa dahati̠ taastato̠ bhooya̍see̠h pra jaa̍yante̠ yathsaa̠ya-nju̠hoti̠ reta̍ e̠va tathsi̍nchati̠ praiva praa̍ta̠stane̍na janayati̠ tadreta̍-ssi̠kta-nna tvashtraa-'vi̍krita̠-mprajaa̍yate yaava̠chchho vai reta̍sa-ssi̠ktasya̠ [reta̍sa-ssi̠ktasya̍, tvashtaa̍ roo̠paani̍] 36
tvashtaa̍ roo̠paani̍ vika̠roti̍ taava̠chchho vai tatpra jaa̍yata e̠sha vai daivya̠stvashtaa̠ yo yaja̍te ba̠hveebhi̠rupa̍ tishthate̠ reta̍sa e̠va si̠ktasya̍ bahu̠sho roo̠paani̠ vi ka̍roti̠ sa praiva jaa̍yate̠ shvasshvo̠ bhooyaa̎-nbhavati̠ ya e̠vam mvi̠dvaana̠gnimu̍pa̠tishtha̠te 'ha̍rde̠vaanaa̠maasee̠-d- raatri̠rasu̍raanaa̠-nte-'su̍raa̠ yadde̠vaanaa̎m vi̠ttam mvedya̠maasee̠ttena̍ sa̠ha [ ] 37
raatri̠-mpraa-'vi̍sha̠nte de̠vaa hee̠naa a̍manyanta̠ te̍-'pashyannaagne̠yee raatri̍raagne̠yaah pa̠shava̍ i̠mame̠vaagnigg sta̍vaama̠ sa na̍-sstu̠tah pa̠shoo-npuna̍rdaasya̠teeti̠ te̎-'gnima̍stuva̠n-thsa e̎bhya-sstu̠to raatri̍yaa̠ addhyaha̍ra̠bhi pa̠shoonniraa̎rja̠tte de̠vaah pa̠shoon vi̠ttvaa kaamaagm̍ akurvata̠ ya e̠vam vi̠dvaana̠gnimu̍pa̠tishtha̍te pashu̠maa-nbha̍va- [pashu̠maa-nbha̍vati, aa̠di̠tyo] 38
-tyaadi̠tyo vaa a̠smaallo̠kaada̠mum lo̠kamai̠thso̍-'mum lo̠ka-nga̠tvaa puna̍ri̠mam lo̠kama̠bhya̍ddhyaaya̠-thsa i̠mam lo̠kamaa̠gatya̍ mri̠tyora̍bibhenmri̠tyusa̍myuta iva̠ hya̍yam lo̠ka-sso̍-'manyate̠ma-me̠vaagnigg sta̍vaani̠ sa maa̎ stu̠ta-ssu̍va̠rgam lo̠ka-nga̍mayishya̠teeti̠ so̎-'gnima̍stau̠-thsa e̍nagg stu̠ta-ssu̍va̠rgam lo̠kama̍gamaya̠dya [lo̠kama̍gamaya̠dyah, e̠vam vi̠dvaana̠gni-] 39
e̠vam vi̠dvaana̠gnimu̍pa̠tishtha̍te suva̠rgame̠va lo̠kame̍ti̠ sarva̠maayu̍retya̠bhi vaa e̠sho̎-'gnee aa ro̍hati̠ ya e̍naavupa̠tishtha̍te̠ yathaa̠ khalu̠ vai shreyaa̍na̠bhyaaroo̍dhah kaa̠maya̍te̠ tathaa̍ karoti̠ nakta̠mupa̍ tishthate̠ na praa̠ta-ssagm hi nakta̍m vra̠taani̍ sri̠jyante̍ sa̠ha shreyaag̍shcha̠ paapee̍yaagshchaasaate̠ jyoti̠rvaa a̠gnistamo̠ raatri̠rya- [raatri̠ryat, nakta̍mupa̠tishtha̍te̠] 40
-nnakta̍mupa̠tishtha̍te̠ jyoti̍shai̠va tama̍staratyupa̠stheyo̠ 'gnee(3)-rnopa̠stheyaa(3) ityaa̍hu-rmanu̠shyaa̍yennvai yo-'ha̍raharaa̠hrityaa-'thai̍na̠m yaacha̍ti̠ sa innvai tamupaa̎rchchha̠tyatha̠ ko de̠vaanaha̍raharyaachishya̠teeti̠ tasmaa̠nnopa̠stheyo 'tho̠ khalvaa̍huraa̠shishe̠ vai kam yaja̍maano yajata̠ itye̠shaa khalu̠ vaa [khalu̠ vai, aahi̍taagne-] 41
aahi̍taagne raa̠shee-ryada̠gnimu̍pa̠tishtha̍te̠ tasmaa̍dupa̠stheya̍h pra̠jaapa̍tih pa̠shoona̍srijata̠ te sri̠shtaa a̍horaa̠tre praa-'vi̍sha̠-ntaanchhando̍bhi̠-ranva̍̍vinda̠-dyachchhando̍bhi-rupa̠tishtha̍te̠ svame̠va tadanvi̍chchhati̠ na tatra̍ jaa̠mya̍steetyaa̍hu̠ryo-'ha̍raharupa̠ tishtha̍ta̠ iti̠ yo vaa a̠gni-mpra̠tyannu̍pa̠ tishtha̍te̠ pratye̍namoshati̠ yah paraa̠m vishva̍-mpra̠jayaa̍ pa̠shubhi̍ reti̠ kavaa̍tiryanni̠vopa̍ tishtheta̠ naina̍-mpra̠tyosha̍ti̠ na vishva̍-mpra̠jayaa̍ pa̠shubhi̍reti ॥ 42 ॥ (si̠ktasya̍-sa̠ha-bha̍vati̠-yo-yat-khalu̠ vai-pa̠shubhi̠-strayo̍dasha cha) (a. 9)
mama̠ naama̍ pratha̠ma-njaa̍tavedah pi̠taa maa̠taa cha̍ dadhatu̠ryadagre̎ । tattva-mbi̍bhrihi̠ puna̠raa madaito̠stavaa̠ha-nnaama̍ bibharaanyagne ॥ mama̠ naama̠ tava̍ cha jaatavedo̠ vaasa̍see iva vi̠vasaa̍nau̠ ye charaa̍vah । aayu̍she̠ tva-njee̠vase̍ va̠yam ya̍thaaya̠tham vi pari̍ dadhaavahai̠ puna̠ste ॥ namo̠-'gnaye 'pra̍tividdhaaya̠ namo-'naa̍dhrishtaaya̠ nama̍-ssa̠mraaje̎ । ashaa̍dho [ashaa̍dhah, a̠gnirbri̠hadva̍yaa] 43
a̠gnirbri̠hadva̍yaa vishva̠ji-thsaha̍ntya̠-shshreshtho̍ gandha̠rvah । tvatpi̍taaro agne de̠vaa-stvaamaa̍hutaya̠-stvadvi̍vaachanaah । sa-mmaamaayu̍shaa̠ sa-ngau̍pa̠tyena̠ suhi̍te maa dhaah ॥ a̠yama̠gni-shshreshtha̍tamo̠ 'ya-mbhaga̍vattamo̠ 'yagm sa̍hasra̠saata̍mah । a̠smaa a̍stu su̠veerya̎m ॥ mano̠ jyoti̍-rjushataa̠maajyam̠ mvichchhi̍nnam ya̠jnagm sami̠ma-nda̍dhaatu । yaa i̠shtaa u̠shaso̍ ni̠mrucha̍shcha̠ taa-ssa-nda̍dhaami ha̠vishaa̍ ghri̠tena̍ ॥ paya̍svatee̠rosha̍dhaya̠h- [paya̍svatee̠rosha̍dhayah, paya̍sva-] 44
paya̍svadvee̠rudhaa̠-mpaya̍h । a̠paa-mpaya̍so̠ yatpaya̠stena̠ maami̍ndra̠ sagm sri̍ja ॥ agne̎ vratapate vra̠ta-ncha̍rishyaami̠ tachchha̍keya̠-ntanme̍ raaddhyataam ॥ a̠gnigm hotaa̍rami̠ha tagm hu̍ve de̠vaan. ya̠jniyaa̍ni̠ha yaan. havaa̍mahe ॥ aa ya̍ntu de̠vaa-ssu̍mana̠syamaa̍naa vi̠yantu̍ de̠vaa ha̠visho̍ me a̠sya ॥ kastvaa̍ yunakti̠ sa tvaa̍ yunaktu̠ yaani̍ gha̠rme ka̠paalaa̎nyupachi̠nvanti̍ [ ] 45
ve̠dhasa̍h । poo̠shnastaanyapi̍ vra̠ta i̍ndravaa̠yoo vi mu̍nchataam ॥abhi̍nno gha̠rmo jee̠radaa̍nu̠ryata̠ aatta̠stada̍ga̠-npuna̍h । i̠ddhmo vedi̍h pari̠dhaya̍shcha̠ sarve̍ ya̠jnasyaa-''yu̠ranu̠ sa-ncha̍ranti ॥ traya̍strigmsha̠-ttanta̍vo̠ ye vi̍tatni̠re ya i̠mam ya̠jnagg sva̠dhayaa̠ dada̍nte̠ teshaa̎-nchhi̠nna-mpratye̠ta-dda̍dhaami̠ svaahaa̍ gha̠rmo de̠vaagm apye̍tu ॥ 46 ॥ (ashaa̍dha̠-osha̍dhaya-upachi̠nvanti̠-pancha̍chatvaarigmshachcha) (a. 10)
vai̠shvaa̠na̠ro na̍ oo̠tyaa-'' pra yaa̍tu paraa̠vata̍h । a̠gniru̠kthena̠ vaaha̍saa ॥ ri̠taavaa̍nam vaishvaana̠ramri̠tasya̠ jyoti̍sha̠spati̎m । aja̍sra-ngha̠rmamee̍mahe ॥ vai̠shvaa̠na̠rasya̍ da̠gm̠sanaa̎bhyo bri̠hadari̍naa̠deka̍-ssvapa̠sya̍yaa ka̠vih । u̠bhaa pi̠taraa̍ ma̠haya̍nnajaayataa̠gni-rdyaavaa̍prithi̠vee bhoori̍retasaa ॥ pri̠shto di̠vi pri̠shto a̠gnih pri̍thi̠vyaa-mpri̠shto vishvaa̠ osha̍dhee̠raa vi̍vesha । vai̠shvaa̠na̠ra-ssaha̍saa pri̠shto a̠gni-ssano̠ divaa̠ sa- [divaa̠ sah, ri̠shah paa̍tu̠ nakta̎m ।] 47
ri̠shah paa̍tu̠ nakta̎m ॥ jaa̠to yada̍gne̠ bhuva̍naa̠ vyakhya̍h pa̠shu-nna go̠paa irya̠h pari̍jmaa । vaishvaa̍nara̠ brahma̍ne vinda gaa̠tum yoo̠ya-mpaa̍ta sva̠stibhi̠-ssadaa̍ nah ॥ tvama̍gne sho̠chishaa̠ shoshu̍chaana̠ aa roda̍see aprinaa̠ jaaya̍maanah । tva-nde̠vaagm a̠bhisha̍steramuncho̠ vaishvaa̍nara jaatavedo mahi̠tvaa ॥ a̠smaaka̍magne ma̠ghava̍thsu dhaara̠yaanaa̍mi ksha̠trama̠jaragm̍ su̠veerya̎m । va̠ya-nja̍yema sha̠tinagm̍ saha̠srina̠m vaishvaa̍nara̠ [vaishvaa̍nara, vaaja̍magne̠] 48
vaaja̍magne̠ tavo̠tibhi̍h ॥ vai̠shvaa̠na̠rasya̍ suma̠tau syaa̍ma̠ raajaa̠ hika̠-mbhuva̍naanaa-mabhi̠shreeh । i̠to jaa̠to vishva̍mi̠dam vi cha̍shte vaishvaana̠ro ya̍tate̠ soorye̍na ॥ ava̍ te̠ hedo̍ varuna̠ namo̍bhi̠rava̍ ya̠jnebhi̍reemahe ha̠virbhi̍h । kshaya̍nna̠smabhya̍masura pracheto̠ raaja̠nnenaagm̍si shishrathah kri̠taani̍ ॥ udu̍tta̠mam va̍runa̠ paasha̍ma̠smadavaa̍-'dha̠mam vima̍ddhya̠magg shra̍thaaya । athaa̍ va̠yamaa̍ditya [ ] 49
vra̠te tavaa-'naa̍gaso̠ adi̍taye syaama ॥ da̠dhi̠kraav.nno̍ akaarisha-nji̠shnorashva̍sya vaa̠jina̍h ॥ su̠ra̠bhino̠ mukhaa̍ kara̠-tprana̠ aayoogm̍shi taarishat ॥ aa da̍dhi̠kraa-shshava̍sa̠ pancha̍ kri̠shtee-ssoorya̍ iva̠ jyoti̍shaa̠-'pasta̍taana । sa̠ha̠sra̠saa-shsha̍ta̠saa vaa̠jyarvaa̍ pri̠naktu̠ maddhvaa̠ sami̠maa vachaagm̍si । a̠gni-rmoo̠rdhaa, bhuva̍h । maru̍to̠ yaddha̍vo di̠va-ssu̍mnaa̠yanto̠ havaa̍mahe । aa too na̠ [aa too na̍h, upa̍ gantana ।] 50
upa̍ gantana ॥ yaa va̠-shsharma̍ shashamaa̠naaya̠ santi̍ tri̠dhaatoo̍ni daa̠shushe̍ yachchha̠taadhi̍ । a̠smabhya̠-ntaani̍ maruto̠ vi ya̍nta ra̠yi-nno̍ dhatta vrishana-ssu̠veera̎m ॥ adi̍ti-rna urushya̠tvadi̍ti̠-shsharma̍ yachchhatu । adi̍tih paa̠tvagmha̍sah ॥ ma̠heemoo̠shu maa̠taragm̍ suvra̠taanaa̍mri̠tasya̠ patnee̠mava̍se huvema । tu̠vi̠ksha̠traa-ma̠jara̍ntee-muroo̠cheegm su̠sharmaa̍na̠madi̍tigm su̠pranee̍tim ॥ su̠traamaa̍na-mprithi̠vee-ndyaama̍ne̠hasagm̍ su̠sharmaa̍na̠ madi̍tigm su̠pranee̍tim । daivee̠-nnaavagg̍ svari̠traa-manaa̍gasa̠-masra̍vantee̠maa ru̍hemaa sva̠staye̎ ॥ i̠maagm su naava̠maa-'ru̍hagm sha̠taari̍traagm sha̠tasphyaa̎m । achchhi̍draa-mpaarayi̠shnum ॥ 51 ॥ (divaa̠ sa-sa̍ha̠srina̠m vaishvaa̍naraa-ditya̠- too no ̍- 'ne̠hasagm̍ su̠sharmaa̍na̠-mekaa̠nnavigm̍sha̠tishcha̍ ) (a. 11)
(de̠vaa̠su̠raah-paraa̠-bhoomi̠-rbhoomi̍-rupapra̠yanta̠h-sa-mpa̍shyaa̠-myaya̍jna̠h- sa-mpa̍shyaa - myagniho̠tram - mama̠ naama̍-vaishvaana̠ra-ekaa̍dasha । )
(de̠vaa̠su̠raah-kru̠ddhah-sa-mpa̍shyaami̠-sa-mpa̍shyaami̠-nakta̠-mupa̍ganta̠-naika̍panchaa̠shat । )
(de̠vaa̠su̠raah, paa̍rayi̠shnum)
॥ hari̍h om ॥
॥ krishna yajurvedeeya taittireeya samhitaayaa-mprathamakaande panchamah prashna-ssamaaptah ॥
1.5 - দেবাসুরাঃ সংযত্তা আসন্ন্ - কৃষ্ণ যজুর্বেদ তৈত্তিরীয় সংহিতা পাঠঃ সম্পর্কে
This is the fifth prashna of the first kanda of the Krishna Yajurveda Taittiriya Samhita, on punaradhana, the re-establishing of the sacred household fires. It opens with a story: "The gods and the asuras were locked in conflict; the gods, fearing defeat, placed their wealth in Agni", and explains why and how the fires are set up again, with the mantras for kindling them and the offerings that follow.
উৎস: Krishna Yajurveda, Taittiriya Samhita 1.5
কখন পাঠ করবেন: In Vedic chanting and in traditional study of the Taittiriya Samhita.
আপনি কি জানেন?
- Punaradhana is done when the sacred fires have been neglected or a householder wishes to set them up afresh.
- Agni, as keeper of the gods' treasure in the story, is the central deity of the household fire rites.
প্রায়শই জিজ্ঞাসিত প্রশ্ন
What is punaradhana?
The re-establishing of the sacred household fires.
How does this prashna begin?
With the story of the gods and asuras in conflict.
Which Veda is it from?
The Krishna Yajurveda, Taittiriya Samhita 1.5.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ