5.3 - উথ্সন্নযজ্ঞ্নো বা এষ যদগ্নিঃ - কৃষ্ণ যজুর্বেদ তৈত্তিরীয় সংহিতা পাঠঃ
Kanda 5 - Krishna Yajurveda Taittiriya Samhita · প্রথাগত ভক্তিপাঠ
க்ருஷ்ண யஜுர்வேதீ³ய தைத்திரீய ஸம்ஹிதாயா-ம்பஞ்சமகாண்டே³ த்ருதீய: ப்ரஶ்ன: - சிதீனா-ன்னிரூபணம்
ஓ-ன்னம: பரமாத்மனே, ஶ்ரீ மஹாக³ணபதயே நம:, ஶ்ரீ கு³ருப்⁴யோ நம: । ஹ॒ரி:॒ ஓம் ॥
உ॒த்²ஸ॒ன்ன॒ ய॒ஜ்ஞோ வா ஏ॒ஷ யத॒³க்³னி: கிம் வாஹை॒தஸ்ய॑ க்ரி॒யதே॒ கிம் வா॒ ந யத்³வை ய॒ஜ்ஞஸ்ய॑ க்ரி॒யமா॑ணஸ்யா-ந்த॒ர்யந்தி॒ பூய॑தி॒ வா அ॑ஸ்ய॒ ததா᳚³ஶ்வி॒னீருப॑ த³தா⁴த்ய॒ஶ்வினௌ॒ வை தே॒³வானாம்᳚ பி॒⁴ஷஜௌ॒ தாப்⁴யா॑மே॒வாஸ்மை॑ பே⁴ஷ॒ஜ-ங்க॑ரோதி॒ பஞ்சோப॑ த³தா⁴தி॒ பாங்க்தோ॑ ய॒ஜ்ஞோ யாவா॑னே॒வ ய॒ஜ்ஞஸ்தஸ்மை॑ பே⁴ஷ॒ஜ-ங்க॑ரோத்ய்ருத॒வ்யா॑ உப॑ த³தா⁴த்ய்ருதூ॒னா-ங்க்லுப்த்யை॒ [க்லுப்த்யை᳚, பஞ்சோப॑] 1
பஞ்சோப॑ த³தா⁴தி॒ பஞ்ச॒ வா ரு॒தவோ॒ யாவ॑ந்த ஏ॒வர்தவ॒ஸ்தான் க॑ல்பயதி ஸமா॒னப்ர॑ப்⁴ருதயோ ப⁴வந்தி ஸமா॒னோத॑³ர்கா॒ஸ்தஸ்மா᳚-த்²ஸமா॒னா ரு॒தவ॒ ஏகே॑ன ப॒தே³ன॒ வ்யாவ॑ர்தந்தே॒ தஸ்மா॑த்³-ரு॒தவோ॒ வ்யாவ॑ர்தந்தே ப்ராண॒ப்⁴ருத॒ உப॑ த³தா⁴த்ய்ரு॒துஷ்வே॒வ ப்ரா॒ணான் த॑³தா⁴தி॒ தஸ்மா᳚-த்²ஸமா॒னா-ஸ்ஸந்த॑ ரு॒தவோ॒ ந ஜீ᳚ர்ய॒ந்த்யதோ॒² ப்ரஜ॑னயத்யே॒வைனா॑னே॒ஷ வை வா॒யுர்ய-த்ப்ரா॒ணோ யத்³-ரு॑த॒வ்யா॑ உப॒தா⁴ய॑ ப்ராண॒ப்⁴ருத॑ [ப்ராண॒ப்⁴ருத:॑, உ॒ப॒த³தா॑⁴தி॒] 2
உப॒த³தா॑⁴தி॒ தஸ்மா॒-த்²ஸர்வா॑ன்ரு॒தூனனு॑ வா॒யுரா வ॑ரீவர்தி வ்ருஷ்டி॒ஸனீ॒ருப॑ த³தா⁴தி॒ வ்ருஷ்டி॑மே॒வாவ॑ ருந்தே॒⁴ யதே॑³க॒தோ⁴ப॑த॒³த்³த்⁴யா-தே³க॑ம்ரு॒தும் வ॑ர்ஷேத³னுபரி॒ஹாரக்³ம்॑ ஸாத³யதி॒ தஸ்மா॒-த்²ஸர்வா॑ன்ரு॒தூன். வ॑ர்ஷதி॒ ய-த்ப்ரா॑ண॒ப்⁴ருத॑ உப॒தா⁴ய॑ வ்ருஷ்டி॒ஸனீ॑ருப॒த³தா॑⁴தி॒ தஸ்மா᳚த்³-வா॒யுப்ர॑ச்யுதா தி॒³வோ வ்ருஷ்டி॑ரீர்தே ப॒ஶவோ॒ வை வ॑ய॒ஸ்யா॑ நானா॑மனஸ:॒ க²லு॒ வை ப॒ஶவோ॒ நானா᳚வ்ரதா॒ஸ்தே॑ப ஏ॒வாபி⁴ ஸம॑னஸோ॒ [ஸம॑னஸ:, ய-ங்கா॒மயே॑தா-] 3
ய-ங்கா॒மயே॑தா-ப॒ஶு-ஸ்ஸ்யா॒தி³தி॑ வய॒ஸ்யா᳚ஸ்தஸ்யோ॑-ப॒தா⁴யா॑ப॒ஸ்யா॑ உப॑ த³த்³த்⁴யா॒-த³ஸம்᳚(2)ஜ்ஞான-மே॒வாஸ்மை॑ ப॒ஶுபி⁴॑: கரோத்யப॒ஶுரே॒வ ப॑⁴வதி॒ ய-ங்கா॒மயே॑த பஶு॒மாந்த்²-ஸ்யா॒தி³த்ய॑-ப॒ஸ்யா᳚ஸ்தஸ்யோ॑ப॒தா⁴ய॑ வய॒ஸ்யா॑ உப॑ த³த்³த்⁴யா-த்²ஸம்॒(2)ஜ்ஞான॑மே॒வாஸ்மை॑ ப॒ஶுபி⁴॑: கரோதி பஶு॒மானே॒வ ப॑⁴வதி॒ சத॑ஸ்ர: பு॒ரஸ்தா॒து³ப॑ த³தா⁴தி॒ தஸ்மா᳚ச்ச॒த்வாரி॒ சக்ஷு॑ஷோ ரூ॒பாணி॒ த்³வே ஶு॒க்லே த்³வே க்ரு॒ஷ்ணே [க்ரு॒ஷ்ணே, மூ᳚ர்த॒⁴ன்வதீ᳚-] 4
மூ᳚ர்த॒⁴ன்வதீ᳚-ர்ப⁴வந்தி॒ தஸ்மா᳚-த்பு॒ரஸ்தா᳚ன்மூ॒ர்தா⁴ பஞ்ச॒ த³க்ஷி॑ணாயா॒க்³க்॒³ ஶ்ரோண்யா॒முப॑ த³தா⁴தி॒ பஞ்சோத்த॑ரஸ்யாம்॒ தஸ்மா᳚-த்ப॒ஶ்சாத்³-வர்ஷீ॑யா-ன்பு॒ரஸ்தா᳚-த்ப்ரவண: ப॒ஶுர்ப॒³ஸ்தோ வய॒ இதி॒ த³க்ஷி॒ணேக்³ம்ஸ॒ உப॑ த³தா⁴தி வ்ரு॒ஷ்ணிர்வய॒ இத்யுத்த॒ரே க்³ம்ஸா॑வே॒வ ப்ரதி॑ த³தா⁴தி வ்யா॒க்⁴ரோ வய॒ இதி॒ த³க்ஷி॑ணே ப॒க்ஷ உப॑ த³தா⁴தி ஸி॒க்³ம்॒ஹோ வய॒ இத்யுத்த॑ரே ப॒க்ஷயோ॑ரே॒வ வீ॒ர்யம்॑ த³தா⁴தி॒ புரு॑ஷோ॒ வய॒ இதி॒ மத்³த்⁴யே॒ தஸ்மா॒-த்புரு॑ஷ: பஶூ॒னாமதி॑⁴பதி: ॥ 5 ॥ (க்லுப்த்யா॑ - உப॒தா⁴ய॑ ப்ராண॒ப்⁴ருத:॒-ஸம॑னஸ:-க்ரு॒ஷ்ணே-புரு॑ஷோ॒ வய॒ இதி॒ - பஞ்ச॑ ச) (அ. 1)
இந்த்³ரா᳚க்³னீ॒ அவ்ய॑த²மானா॒மிதி॑ ஸ்வயமாத்ரு॒ண்ணாமுப॑ த³தா⁴தீந்த்³ரா॒க்³னிப்⁴யாம்॒ வா இ॒மௌ லோ॒கௌ வித்⁴ரு॑தாவ॒னயோ᳚-ர்லோ॒கயோ॒-ர்வித்⁴ரு॑த்யா॒ அத்⁴ரு॑தேவ॒ வா ஏ॒ஷா யன்ம॑த்³த்⁴ய॒மா சிதி॑ர॒ந்தரி॑க்ஷமிவ॒ வா ஏ॒ஷேந்த்³ரா᳚க்³னீ॒ இத்யா॑ஹேந்த்³ரா॒க்³னீ வை தே॒³வானா॑மோஜோ॒ ப்⁴ருதா॒வோஜ॑ஸை॒வைனா॑-ம॒ந்தரி॑க்ஷே சினுதே॒ த்⁴ருத்யை᳚ ஸ்வயமாத்ரு॒ண்ணாமுப॑ த³தா⁴த்ய॒ந்தரி॑க்ஷம்॒ வை ஸ்வ॑யமாத்ரு॒ண்ணா ந்தரி॑க்ஷமே॒வோப॑ த॒⁴த்தே ஶ்வ॒முப॑ [த॒⁴த்தே ஶ்வ॒முப॑, க்⁴ரா॒ப॒ய॒தி॒ ப்ரா॒ணமே॒வா-] 6
க்⁴ராபயதி ப்ரா॒ணமே॒வா-ஸ்யாம்᳚ த³தா॒⁴த்யதோ᳚² ப்ராஜாப॒த்யோ வா அஶ்வ:॑ ப்ர॒ஜாப॑தினை॒வாக்³னி-ஞ்சி॑னுதே ஸ்வயமாத்ரு॒ண்ணா ப॑⁴வதி ப்ரா॒ணானா॒முத்²ஸ்ரு॑ஷ்ட்யா॒ அதோ॑² ஸுவ॒ர்க³ஸ்ய॑ லோ॒கஸ்யானு॑க்²யாத்யை தே॒³வானாம்॒ வை ஸு॑வ॒ர்க³ம் லோ॒கம் ய॒தாம் தி³ஶ॒-ஸ்ஸம॑வ்லீயந்த॒ த ஏ॒தா தி³ஶ்யா॑ அபஶ்ய॒-ந்தா உபா॑த³த⁴த॒ தாபி॒⁴ர்வை தே தி³ஶோ॑த்³ருக்³ம்ஹ॒ன்॒ யத்³தி³ஶ்யா॑ உப॒த³தா॑⁴தி தி॒³ஶாம் வித்⁴ரு॑த்யை॒ த³ஶ॑ ப்ராண॒ப்⁴ருத:॑ பு॒ரஸ்தா॒து³ப॑ [பு॒ரஸ்தா॒து³ப॑, த॒³தா॒⁴தி॒ நவ॒ வை புரு॑ஷே] 7
த³தா⁴தி॒ நவ॒ வை புரு॑ஷே ப்ரா॒ணா நாபி॑⁴ர்த³ஶ॒மீ ப்ரா॒ணானே॒வ பு॒ரஸ்தா᳚த்³த⁴த்தே॒ தஸ்மா᳚-த்பு॒ரஸ்தா᳚-த்ப்ரா॒ணா ஜ்யோதி॑ஷ்மதீ-முத்த॒மாமுப॑ த³தா⁴தி॒ தஸ்மா᳚-த்ப்ரா॒ணானாம்॒ வாக்³ஜ்யோதி॑ருத்த॒மா த³ஶோப॑ த³தா⁴தி॒ த³ஶா᳚க்ஷரா வி॒ராட்³ வி॒ராட் ச²ந்த॑³ஸாம்॒ ஜ்யோதி॒ர்ஜ்யோதி॑ரே॒வ பு॒ரஸ்தா᳚த்³த⁴த்தே॒ தஸ்மா᳚-த்பு॒ரஸ்தா॒ஜ்ஜ்யோதி॒ருபா᳚ ஸ்மஹே॒ ச²ந்தா³க்³ம்॑ஸி ப॒ஶுஷ்வா॒ஜிம॑யு॒ஸ்தான் ப்³ரு॑ஹ॒த்யுத॑³ஜய॒-த்தஸ்மா॒த்³-பா³ர்ஹ॑தா: [தஸ்மா॒த்³-பா³ர்ஹ॑தா:, ப॒ஶவ॑ உச்யந்தே॒ மா] 8
ப॒ஶவ॑ உச்யந்தே॒ மா ச²ந்த॒³ இதி॑ த³க்ஷிண॒த உப॑ த³தா⁴தி॒ தஸ்மா᳚த்³-த³க்ஷி॒ணா வ்ரு॑தோ॒ மாஸா:᳚ ப்ருதி॒²வீ ச²ந்த॒³ இதி॑ ப॒ஶ்சா-த்ப்ரதி॑ஷ்டி²த்யா அ॒க்³னிர்தே॒³வதேத்யு॑த்தர॒த ஓஜோ॒ வா அ॒க்³னிரோஜ॑ ஏ॒வோத்த॑ர॒தோ த॑⁴த்தே॒ தஸ்மா॑து³த்தரதோ பி⁴ப்ரயா॒யீ ஜ॑யதி॒ ஷட்த்ரிக்³ம்॑ஶ॒-த்²ஸம்ப॑த்³யந்தே॒ ஷட்த்ரிக்³ம்॑ஶத³க்ஷரா ப்³ருஹ॒தீ பா³ர்ஹ॑தா: ப॒ஶவோ॑ ப்³ருஹ॒த்யைவாஸ்மை॑ ப॒ஶூனவ॑ ருந்தே⁴ ப்³ருஹ॒தீ ச²ந்த॑³ஸா॒க்க்॒³ ஸ்வாரா᳚ஜ்யம்॒ பரீ॑யாய॒ யஸ்யை॒தா [யஸ்யை॒தா:, உ॑பதீ॒⁴யந்தே॒ க³ச்ச॑²தி॒] 9
உ॑பதீ॒⁴யந்தே॒ க³ச்ச॑²தி॒ ஸ்வாரா᳚ஜ்யக்³ம் ஸ॒ப்த வால॑கி²ல்யா: பு॒ரஸ்தா॒து³ப॑ த³தா⁴தி ஸ॒ப்த ப॒ஶ்சா-த்²ஸ॒ப்த வை ஶீ॑ர்ஷ॒ண்யா:᳚ ப்ரா॒ணா த்³வாவவா᳚ஞ்சௌ ப்ரா॒ணானாக்³ம்॑ ஸவீர்ய॒த்வாய॑ மூ॒ர்தா⁴ஸி॒ ராடி³தி॑ பு॒ரஸ்தா॒து³ப॑ த³தா⁴தி॒ யந்த்ரீ॒ ராடி³தி॑ ப॒ஶ்சா-த்ப்ரா॒ணானே॒வாஸ்மை॑ ஸ॒மீசோ॑ த³தா⁴தி ॥ 1௦ ॥ (அஶ்வ॒முப॑-பு॒ரஸ்தா॒து³ப॒-பா³ர்ஹ॑தா-ஏ॒தா-ஶ்சது॑ஸ்த்ரிக்³ம்ஶச்ச) (அ. 2)
தே॒³வா வை யத்³-ய॒ஜ்ஞே கு॑ர்வத॒ தத³ஸு॑ரா அகுர்வத॒ தே தே॒³வா ஏ॒தா அ॑க்ஷ்ணயாஸ்தோ॒மீயா॑ அபஶ்ய॒-ந்தா அ॒ன்யதா॒² நூச்யா॒-ன்யதோ²பா॑த³த⁴த॒ தத³ஸு॑ரா॒ நான்வவா॑ய॒-ந்ததோ॑ தே॒³வா அப॑⁴வ॒-ன்பராஸு॑ரா॒ யத॑³க்ஷ்ணயாஸ்தோ॒மீயா॑ அ॒ன்யதா॒² நூச்யா॒ன்யதோ॑²ப॒ த³தா॑⁴தி॒ ப்⁴ராத்ரு॑வ்யாபி⁴பூ⁴த்யை॒ ப⁴வ॑த்யா॒த்மனா॒ பரா᳚ஸ்ய॒ ப்⁴ராத்ரு॑வ்யோ ப⁴வத்யா॒-ஶுஸ்த்ரி॒வ்ருதி³தி॑ பு॒ரஸ்தா॒து³ப॑ த³தா⁴தி யஜ்ஞமு॒க²ம் வை த்ரி॒வ்ரு- [த்ரி॒வ்ருத், ய॒ஜ்ஞ॒மு॒க²மே॒வ] 11
-த்³ய॑ஜ்ஞமு॒க²மே॒வ பு॒ரஸ்தா॒த்³வி யா॑தயதி॒ வ்யோ॑ம ஸப்தத॒³ஶ இதி॑ த³க்ஷிண॒தோ ந்னம்॒ வை வ்யோ॑மான்னக்³ம்॑ ஸப்தத॒³ஶோன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒த்³-த³க்ஷி॑ணே॒னான்ன॑மத்³யதே த॒⁴ருண॑ ஏகவி॒க்³ம்॒ஶ இதி॑ ப॒ஶ்சா-த்ப்ர॑தி॒ஷ்டா² வா ஏ॑கவி॒க்³ம்॒ஶ: ப்ரதி॑ஷ்டி²த்யை பா॒⁴ந்த: ப॑ஞ்சத॒³ஶ இத்யு॑த்தர॒த ஓஜோ॒ வை பா॒⁴ந்த ஓஜ:॑ பஞ்சத॒³ஶ ஓஜ॑ ஏ॒வோத்த॑ர॒தோ த॑⁴த்தே॒ தஸ்மா॑து³த்தரதோ பி⁴ப்ரயா॒யீ ஜ॑யதி॒ ப்ரதூ᳚ர்திரஷ்டாத॒³ஶ இதி॑ பு॒ரஸ்தா॒- [இதி॑ பு॒ரஸ்தா᳚த், உப॑ த³தா⁴தி॒ த்³வௌ] 12
-து³ப॑ த³தா⁴தி॒ த்³வௌ த்ரி॒வ்ருதா॑வபி⁴பூ॒ர்வம் ய॑ஜ்ஞமு॒கே² வி யா॑தயத்யபி⁴வ॒ர்த-ஸ்ஸ॑வி॒க்³ம்॒ஶ இதி॑ த³க்ஷிண॒தோன்னம்॒ வா அ॑பி⁴வ॒ர்தோன்னக்³ம்॑ ஸவி॒க்³ம்॒ஶோன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒த்³-த³க்ஷி॑ணே॒னான்ன॑மத்³யதே॒ வர்சோ᳚ த்³வாவி॒க்³ம்॒ஶ இதி॑ ப॒ஶ்சாத்³-யத்³-விக்³ம்॑ஶ॒திர்த்³வே தேன॑ வி॒ராஜௌ॒ ய-த்³த்³வே ப்ர॑தி॒ஷ்டா² தேன॑ வி॒ராஜோ॑ரே॒வா-பி॑⁴பூ॒ர்வம॒ன்னாத்³யே॒ ப்ரதி॑திஷ்ட²தி॒ தபோ॑ நவத॒³ஶ இத்யு॑த்தர॒த ஸ்தஸ்மா᳚-த்²ஸ॒வ்யோ [இத்யு॑த்தர॒த ஸ்தஸ்மா᳚-த்²ஸ॒வ்ய:, ஹஸ்த॑யோ-] 13
ஹஸ்த॑யோ-ஸ்தப॒ஸ்வித॑ரோ॒ யோனி॑ஶ்சதுர்வி॒க்³ம்॒ஶ இதி॑ பு॒ரஸ்தா॒து³ப॑ த³தா⁴தி॒ சது॑ர்விக்³ம்ஶத்யக்ஷரா கா³ய॒த்ரீ கா॑³ய॒த்ரீ ய॑ஜ்ஞமு॒க²ம் ய॑ஜ்ஞமு॒க²மே॒வ பு॒ரஸ்தா॒த்³-வியா॑தயதி॒ க³ர்பா᳚⁴: பஞ்சவி॒க்³ம்॒ஶ இதி॑ த³க்ஷிண॒தோன்னம்॒ வை க³ர்பா॒⁴ அன்னம்॑ பஞ்சவி॒க்³ம்॒ஶோன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॑ணே॒னான்ன॑மத்³யத॒ ஓஜ॑ஸ்த்ரிண॒வ இதி॑ ப॒ஶ்சாதி॒³மே வை லோ॒காஸ்த்ரி॑ண॒வ ஏ॒ஷ்வே॑வ லோ॒கேஷு॒ ப்ரதி॑திஷ்ட²தி ஸ॒ப⁴ம்ர॑ணஸ்த்ரயோவி॒க்³ம்॒ஶ இ- [ஸ॒ப⁴ம்ர॑ணஸ்த்ரயோவி॒க்³ம்॒ஶ இதி॑, உ॒த்த॒ர॒த-] 14
-த்யு॑த்தர॒த-ஸ்தஸ்மா᳚-த்²ஸ॒வ்யோ ஹஸ்த॑யோ-ஸ்ஸம்பா॒⁴ர்ய॑தர:॒ க்ரது॑ரேகத்ரி॒க்³ம்॒ஶ இதி॑ பு॒ரஸ்தா॒து³ப॑ த³தா⁴தி॒ வாக்³வை க்ரது॑ர்யஜ்ஞமு॒க²ம் வாக்³ய॑ஜ்ஞமு॒க²மே॒வ பு॒ரஸ்தா॒த்³வி யா॑தயதி ப்³ர॒த்³த்⁴னஸ்ய॑ வி॒ஷ்டபம்॑ சதுஸ்த்ரி॒க்³ம்॒ஶ இதி॑ த³க்ஷிண॒தோ॑ஸௌ வா ஆ॑தி॒³த்யோ ப்³ர॒த்³த்⁴னஸ்ய॑ வி॒ஷ்டபம்॑ ப்³ரஹ்மவர்ச॒ஸமே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॒ணோர்தோ᳚⁴ ப்³ரஹ்மவர்ச॒ஸித॑ர: ப்ரதி॒ஷ்டா² த்ர॑யஸ்த்ரி॒க்³ம்॒ஶ இதி॑ ப॒ஶ்சா-த்ப்ரதி॑ஷ்டி²த்யை॒ நாக॑-ஷ்ஷட்த்ரி॒க்³ம்॒ஶ இத்யு॑த்தர॒த-ஸ்ஸு॑வ॒ர்கோ³ வை லோ॒கோ நாக॑-ஸ்ஸுவ॒ர்க³ஸ்ய॑ லோ॒கஸ்ய॒ ஸம॑ஷ்ட்யை ॥ 15 ॥ (வை த்ரி॒வ்ரு - தி³தி॑ பு॒ரஸ்தா᳚த்² - ஸ॒வ்ய - ஸ்த்ர॑யோவி॒க்³ம்॒ஶ இதி॑ - ஸுவ॒ர்கோ³ வை - பஞ்ச॑ ச) (அ. 3)
(ஆ॒ஶு - ர்வ்யோ॑ம - த॒⁴ருணோ॑ - பா॒⁴ந்த: - ப்ரதூ᳚ர்திர -பி⁴வ॒ர்தோ - வர்ச॒ - ஸ்தபோ॒ - யோனி॒ - ர்க³ர்பா॒⁴ - ஓஜ:॑ - ஸ॒ப⁴ம்ர॑ண:॒ - க்ரது॑ - ர்ப்³ர॒த்³த்⁴ரஸ்ய॑ - ப்ரதி॒ஷ்டா² - நாக:॒ - ஷோட॑³ஶ)
அ॒க்³னேர்பா॒⁴கோ॑³ஸீதி॑ பு॒ரஸ்தா॒து³ப॑ த³தா⁴தி யஜ்ஞமு॒க²ம் வா அ॒க்³னிர்ய॑ஜ்ஞமு॒க²ம் தீ॒³க்ஷா ய॑ஜ்ஞமு॒க²ம் ப்³ரஹ்ம॑ யஜ்ஞமு॒க-²ந்த்ரி॒வ்ருத்³-ய॑ஜ்ஞமு॒க²மே॒வ பு॒ரஸ்தா॒த்³வி யா॑தயதி ந்ரு॒சக்ஷ॑ஸாம் பா॒⁴கோ॑³ஸீதி॑ த³க்ஷிண॒த-ஶ்ஶு॑ஶ்ரு॒வாக்³ம்ஸோ॒ வை ந்ரு॒சக்ஷ॒ஸோன்னம்॑ தா॒⁴தா ஜா॒தாயை॒வாஸ்மா॒ அன்ன॒மபி॑ த³தா⁴தி॒ தஸ்மா᳚ஜ்ஜா॒தோன்ன॑மத்தி ஜ॒னித்ரக்³க்॑³ ஸ்ப்ரு॒தக்³ம் ஸ॑ப்தத॒³ஶ-ஸ்ஸ்தோம॒ இத்யா॒ஹான்னம்॒ வை ஜ॒னித்ர॒- [ஜ॒னித்ர᳚ம், அன்னக்³ம்॑ ஸப்தத॒³ஶோ-ன்ன॑மே॒வ] 16
-மன்னக்³ம்॑ ஸப்தத॒³ஶோ-ன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॑ணே॒னா-ன்ன॑மத்³யதே மி॒த்ரஸ்ய॑ பா॒⁴கோ॑³ஸீதி॑ ப॒ஶ்சா-த்ப்ரா॒ணோ வை மி॒த்ரோ॑பா॒னோ வரு॑ண: ப்ராணாபா॒னாவே॒வாஸ்மி॑ன் த³தா⁴தி தி॒³வோ வ்ரு॒ஷ்டிர்வாதா᳚-ஸ்ஸ்ப்ரு॒தா ஏ॑கவி॒க்³ம்॒ஶ-ஸ்ஸ்தோம॒ இத்யா॑ஹ ப்ரதி॒ஷ்டா² வா ஏ॑கவி॒க்³ம்॒ஶ: ப்ரதி॑ஷ்டி²த்யா॒ இந்த்³ர॑ஸ்ய பா॒⁴கோ॑³ஸீத்யு॑த்தர॒த ஓஜோ॒ வா இந்த்³ர॒ ஓஜோ॒ விஷ்ணு॒ரோஜ:॑, க்ஷ॒த்ரமோஜ:॑ பஞ்சத॒³ஶ [பஞ்சத॒³ஶ:, ஓஜ॑ ஏ॒வோத்த॑ர॒தோ த॑⁴த்தே॒] 17
ஓஜ॑ ஏ॒வோத்த॑ர॒தோ த॑⁴த்தே॒ தஸ்மா॑து³த்தரதோ-பி⁴ப்ரயா॒யீ ஜ॑யதி॒ வஸூ॑னாம் பா॒⁴கோ॑³ஸீதி॑ பு॒ரஸ்தா॒து³ப॑ த³தா⁴தி யஜ்ஞமு॒க²ம் வை வஸ॑வோ யஜ்ஞமு॒க²க்³ம் ரு॒த்³ரா ய॑ஜ்ஞமு॒க-²ஞ்ச॑துர்வி॒க்³ம்॒ஶோ ய॑ஜ்ஞமு॒க²மே॒வ பு॒ரஸ்தா॒த்³வி யா॑தயத்யாதி॒³த்யானாம்᳚ பா॒⁴கோ॑³ஸீதி॑ த³க்ஷிண॒தோன்னம்॒ வா ஆ॑தி॒³த்யா அன்னம்॑ ம॒ருதோன்னம்॒ க³ர்பா॒⁴ அன்னம்॑ பஞ்சவி॒க்³ம்॒ஶோன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॑ணே॒னான்ன॑மத்³ய॒தே தி॑³த்யை பா॒⁴கோ॑³- [தி॑³த்யை பா॒⁴க:³, அ॒ஸீதி॑ ப॒ஶ்சா-த்ப்ர॑தி॒ஷ்டா²] 18
-ஸீதி॑ ப॒ஶ்சா-த்ப்ர॑தி॒ஷ்டா² வா அதி॑³தி: ப்ரதி॒ஷ்டா² பூ॒ஷா ப்ர॑தி॒ஷ்டா² த்ரி॑ண॒வ: ப்ரதி॑ஷ்டி²த்யை தே॒³வஸ்ய॑ ஸவி॒துர்பா॒⁴கோ॑³ ஸீத்யு॑த்தர॒தோ ப்³ரஹ்ம॒ வை தே॒³வ-ஸ்ஸ॑வி॒தா ப்³ரஹ்ம॒ ப்³ருஹ॒ஸ்பதி॒ர்ப்³ரஹ்ம॑ சதுஷ்டோ॒மோ ப்³ர॑ஹ்மவர்ச॒ஸமே॒வோத்த॑ர॒தோ த॑⁴த்தே॒ தஸ்மா॒து³த்த॒ரோர்தோ᳚⁴ ப்³ரஹ்மவர்ச॒ஸித॑ர-ஸ்ஸாவி॒த்ரவ॑தீ ப⁴வதி॒ ப்ரஸூ᳚த்யை॒ தஸ்மா᳚-த்³ப்³ராஹ்ம॒ணானா॒முதீ॑³சீ ஸ॒னி: ப்ரஸூ॑தா த॒⁴ர்த்ரஶ்ச॑துஷ்டோ॒ம இதி॑ பு॒ரஸ்தா॒து³ப॑ த³தா⁴தி யஜ்ஞமு॒க²ம் வை த॒⁴ர்த்ரோ [த॒⁴ர்த்ர:, ய॒ஜ்ஞ॒மு॒க-²ஞ்ச॑துஷ்டோ॒மோ] 19
ய॑ஜ்ஞமு॒க-²ஞ்ச॑துஷ்டோ॒மோ ய॑ஜ்ஞமு॒க²மே॒வ பு॒ரஸ்தா॒த்³வி யா॑தயதி॒ யாவா॑னாம் பா॒⁴கோ॑³ஸீதி॑ த³க்ஷிண॒தோ மாஸா॒ வை யாவா॑ அர்த⁴மா॒ஸா அயா॑வா॒-ஸ்தஸ்மா᳚த்³-த³க்ஷி॒ணாவ்ரு॑தோ॒ மாஸா॒ அன்னம்॒ வை யாவா॒ அன்னம்॑ ப்ர॒ஜா அன்ன॑மே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॑ணே॒னா-ன்ன॑மத்³யத ருபூ॒⁴ணாம் பா॒⁴கோ॑³ஸீதி॑ ப॒ஶ்சா-த்ப்ரதி॑ஷ்டி²த்யை விவ॒ர்தோ᳚ ஷ்டாசத்வாரி॒க்³ம்॒ஶ இத்யு॑த்தர॒தோ॑னயோ᳚ர்லோ॒கயோ᳚-ஸ்ஸவீர்ய॒த்வாய॒ தஸ்மா॑தி॒³மௌ லோ॒கௌ ஸ॒மாவ॑த்³-வீர்யௌ॒ [ஸ॒மாவ॑த்³-வீர்யௌ, யஸ்ய॒ முக்²ய॑வதீ:] 2௦
யஸ்ய॒ முக்²ய॑வதீ: பு॒ரஸ்தா॑து³பதீ॒⁴யந்தே॒ முக்²ய॑ ஏ॒வ ப॑⁴வ॒த்யாஸ்ய॒ முக்²யோ॑ ஜாயதே॒ யஸ்யா-ன்ன॑வதீ - ர்த³க்ஷிண॒தோ-த்த்யன்ன॒மாஸ்யா᳚ன்னா॒தோ³ ஜா॑யதே॒ யஸ்ய॑ ப்ரதி॒ஷ்டா²வ॑தீ: ப॒ஶ்சா-த்ப்ரத்யே॒வ தி॑ஷ்ட²தி॒ யஸ்யௌஜ॑ஸ்வதீருத்தர॒த ஓ॑ஜ॒ஸ்வ்யே॑வ ப॑⁴வ॒த்யாஸ்யௌ॑ஜ॒ஸ்வீ ஜா॑யதே॒ ர்கோ வா ஏ॒ஷ யத॒³க்³னிஸ்தஸ்யை॒ததே॒³வ ஸ்தோ॒த்ரமே॒தச்ச॒²ஸ்த்ரம் யதே॒³ஷா வி॒தா⁴ [வி॒தா⁴, வி॒தீ॒⁴யதே॒ர்க ஏ॒வ] 21
வி॑தீ॒⁴யதே॒ர்க ஏ॒வ தத॒³ர்க்ய॑மனு॒ வி தீ॑⁴ய॒தே த்த்யன்ன॒மாஸ்யா᳚ன்னா॒தோ³ ஜா॑யதே॒ யஸ்யை॒ஷா வி॒தா⁴ வி॑தீ॒⁴யதே॒ ய உ॑ சைனாமே॒வம் வேத॒³ ஸ்ருஷ்டீ॒ருப॑ த³தா⁴தி யதா²ஸ்ரு॒ஷ்டமே॒வாவ॑ ருந்தே॒⁴ ந வா இ॒த³ம் தி³வா॒ ந நக்த॑மாஸீ॒த³வ்யா॑வ்ருத்தம்॒ தே தே॒³வா ஏ॒தா வ்யு॑ஷ்டீரபஶ்ய॒-ந்தா உபா॑த³த⁴த॒ ததோ॒ வா இ॒த-³ம்ம்வ்யௌ᳚ச்ச॒²த்³-யஸ்யை॒தா உ॑பதீ॒⁴யந்தே॒ வ்யே॑வாஸ்மா॑ உச்ச॒²த்யதோ॒² தம॑ ஏ॒வாப॑ஹதே ॥ 22 ॥ (வை ஜ॒னித்ரம்॑ - பஞ்சத॒³ஶோ - தி॑³த்யை பா॒⁴கோ³ - வை த॒⁴ர்த்ர: - ஸ॒மாவ॑த்³வீர்யை-வி॒தா⁴-ததோ॒ வா இ॒த³ம் - சது॑ர்த³ஶ ச ) (அ. 4)
(அ॒க்³னே - ர்ன்ரு॒சக்ஷ॑ஸாம் - ஜ॒னித்ரம்॑ - மி॒த்ர - ஸ்யேந்த்³ர॑ஸ்ய॒ -வஸூ॑னா - மாதி॒³த்யானா॒ - மதி॑³த்யை - தே॒³வஸ்ய॑ ஸவி॒து: - ஸா॑வி॒த்ரவ॑தீ - த॒⁴ர்த்ரோ - யாவா॑னா-ம்ருபூ॒⁴ணாம் - ம்வி॑வ॒ர்த - ஶ்சது॑ர்த³ஶ)
அக்³னே॑ ஜா॒தா-ன்ப்ரணு॑தா³ ந-ஸ்ஸ॒பத்னா॒னிதி॑ பு॒ரஸ்தா॒து³ப॑ த³தா⁴தி ஜா॒தானே॒வ ப்⁴ராத்ரு॑வ்யா॒-ன்ப்ரணு॑த³தே॒ ஸஹ॑ஸா ஜா॒தானிதி॑ ப॒ஶ்சாஜ்ஜ॑னி॒ஷ்யமா॑ணானே॒வ ப்ரதி॑ நுத³தே சதுஶ்சத்வாரி॒க்³ம்॒ஶ-ஸ்ஸ்தோம॒ இதி॑ த³க்ஷிண॒தோ ப்³ர॑ஹ்மவர்ச॒ஸம் வை ச॑துஶ்சத்வாரி॒க்³ம்॒ஶோ ப்³ர॑ஹ்மவர்ச॒ஸமே॒வ த॑³க்ஷிண॒தோ த॑⁴த்தே॒ தஸ்மா॒-த்³த³க்ஷி॒ணோர்தோ᳚⁴ ப்³ரஹ்மவர்ச॒ஸித॑ர-ஷ்ஷோட॒³ஶ-ஸ்ஸ்தோம॒ இத்யு॑த்தர॒த ஓஜோ॒ வை ஷோ॑ட॒³ஶ ஓஜ॑ ஏ॒வோத்த॑ர॒தோ த॑⁴த்தே॒ தஸ்மா॑- [தஸ்மா᳚த், உ॒த்த॒ர॒தோ॒பி॒⁴ப்ர॒யா॒யீ] 23
-து³த்தரதோபி⁴ப்ரயா॒யீ ஜ॑யதி॒ வஜ்ரோ॒ வை ச॑துஶ்சத்வாரி॒க்³ம்॒ஶோ வஜ்ர॑-ஷ்ஷோட॒³ஶோ யதே॒³தே இஷ்ட॑கே உப॒த³தா॑⁴தி ஜா॒தாக்³க்³ஶ்சை॒வ ஜ॑னி॒ஷ்யமா॑ணாக்³க்³ஶ்ச॒ ப்⁴ராத்ரு॑வ்யா-ன்ப்ர॒ணுத்³ய॒ வஜ்ர॒மனு॒ ப்ரஹ॑ரதி॒ ஸ்த்ருத்யை॒ புரீ॑ஷவதீம்॒ மத்³த்⁴ய॒ உப॑த³தா⁴தி॒ புரீ॑ஷம்॒ வை மத்³த்⁴ய॑மா॒த்மன॒-ஸ்ஸாத்மா॑னமே॒வாக்³னி-ஞ்சி॑னுதே॒ ஸாத்மா॒முஷ்மி॑-ன்ம்லோ॒கே ப॑⁴வதி॒ ய ஏ॒வம் வேதை॒³தா வா அ॑ஸப॒த்னா நாமேஷ்ட॑கா॒ யஸ்யை॒தா உ॑பதீ॒⁴யந்தே॒ [உ॑பதீ॒⁴யந்தே᳚, நாஸ்ய॑] 24
நாஸ்ய॑ ஸ॒பத்னோ॑ ப⁴வதி ப॒ஶுர்வா ஏ॒ஷ யத॒³க்³னிர்வி॒ராஜ॑ உத்த॒மாயாம்॒ சித்யா॒முப॑ த³தா⁴தி வி॒ராஜ॑மே॒வோத்த॒மா-ம்ப॒ஶுஷு॑ த³தா⁴தி॒ தஸ்மா᳚-த்பஶு॒மானு॑த்த॒மாம் வாசம்॑ வத³தி॒ த³ஶ॑த॒³ஶோப॑ த³தா⁴தி ஸவீர்ய॒த்வாயா᳚க்ஷ்ண॒யோப॑ த³தா⁴தி॒ தஸ்மா॑த³க்ஷ்ண॒யா ப॒ஶவோங்கா॑³னி॒ ப்ரஹ॑ரந்தி॒ ப்ரதி॑ஷ்டி²த்யை॒ யானி॒ வை ச²ந்தா³க்³ம்॑ஸி ஸுவ॒ர்க்³யா᳚ண்யாஸ॒-ந்தைர்தே॒³வா-ஸ்ஸு॑வ॒ர்க³ம் லோ॒கமா॑ய॒-ந்தேனர்ஷ॑யோ- [-ம்லோ॒கமா॑ய॒-ந்தேனர்ஷ॑ய:, அ॒ஶ்ரா॒ம்ய॒-ந்தே தபோ॑தப்யந்த॒] 25
-ஶ்ராம்ய॒-ந்தே தபோ॑தப்யந்த॒ தானி॒ தப॑ஸாபஶ்ய॒-ந்தேப்⁴ய॑ ஏ॒தா இஷ்ட॑கா॒ நிர॑மிம॒தேவ॒ஶ்ச²ந்தோ॒³ வரி॑வ॒ஶ்ச²ந்த॒³ இதி॒ தா உபா॑த³த⁴த॒ தாபி॒⁴ர்வை தே ஸு॑வ॒ர்க³ம் லோ॒கமா॑ய॒ன்॒. யதே॒³தா இஷ்ட॑கா உப॒த³தா॑⁴தி॒ யான்யே॒வ ச²ந்தா³க்³ம்॑ஸி ஸுவ॒ர்க்³யா॑ணி॒ தைரே॒வ யஜ॑மான-ஸ்ஸுவ॒ர்க³ம் லோ॒கமே॑தி ய॒ஜ்ஞேன॒ வை ப்ர॒ஜாப॑தி: ப்ர॒ஜா அ॑ஸ்ருஜத॒ தா-ஸ்ஸ்தோம॑ பா⁴கை³ரே॒வா-ஸ்ரு॑ஜத॒ ய- [-ஸ்ரு॑ஜத॒ யத், ஸ்தோம॑ பா⁴கா³ உப॒த³தா॑⁴தி] 26
-த்²ஸ்தோம॑ பா⁴கா³ உப॒த³தா॑⁴தி ப்ர॒ஜா ஏ॒வ தத்³-யஜ॑மான-ஸ்ஸ்ருஜதே॒ ப்³ருஹ॒ஸ்பதி॒ர்வா ஏ॒தத்³-ய॒ஜ்ஞஸ்ய॒ தேஜ॒-ஸ்ஸம॑ப⁴ர॒த்³ய-த்²ஸ்தோம॑பா⁴கா॒³ ய-த்²ஸ்தோம॑பா⁴கா³ உப॒த³தா॑⁴தி॒ ஸதே॑ஜஸமே॒வாக்³னி-ஞ்சி॑னுதே॒ ப்³ருஹ॒ஸ்பதி॒ர்வா ஏ॒தாம் ய॒ஜ்ஞஸ்ய॑ ப்ரதி॒ஷ்டா²ம॑பஶ்ய॒த்³ய-த்²ஸ்தோம॑பா⁴கா॒³ ய-த்²ஸ்தோம॑பா⁴கா³ உப॒த³தா॑⁴தி ய॒ஜ்ஞஸ்ய॒ ப்ரதி॑ஷ்டி²த்யை ஸ॒ப்தஸ॒ப்தோப॑ த³தா⁴தி ஸவீர்ய॒த்வாய॑ தி॒ஸ்ரோ மத்³த்⁴யே॒ ப்ரதி॑ஷ்டி²த்யை ॥ 27 ॥ ( உ॒த்த॒ர॒தோ த॑⁴த்தே॒ தஸ்மா॑ - து³பதீ॒⁴யந்த॒ - ருஷ॑யோ - ஸ்ருஜத॒ யத் - த்ரிச॑த்வாரிக்³ம்ஶச்ச) (அ. 5)
ர॒ஶ்மிரித்யே॒வா தி॒³த்யம॑ஸ்ருஜத॒ ப்ரேதி॒ரிதி॒ த⁴ர்ம॒மன்வி॑தி॒ரிதி॒ தி³வக்³ம்॑ ஸ॒தி⁴ம்ரித்ய॒ந்தரி॑க்ஷ-ம்ப்ரதி॒தி⁴ரிதி॑ ப்ருதி॒²வீம் வி॑ஷ்ட॒ம்ப⁴ இதி॒ வ்ருஷ்டிம்॑ ப்ர॒வேத்யஹ॑ரனு॒வேதி॒ ராத்ரி॑மு॒ஶிகி³தி॒ வஸூ᳚-ன்ப்ரகே॒த இதி॑ ரு॒த்³ரான்-த்²ஸு॑தீ॒³திரித்யா॑தி॒³த்யானோஜ॒ இதி॑ பி॒த்ரூக்³க்³ஸ்தந்து॒ரிதி॑ ப்ர॒ஜா: ப்ரு॑தனா॒ஷாடி³தி॑ ப॒ஶூ-ன்ரே॒வதி³த்யோ-ஷ॑தீ⁴ரபி॒⁴ஜித॑³ஸி யு॒க்தக்³ரா॒வே- [யு॒க்தக்³ரா॑வா, இந்த்³ரா॑ய॒ த்வேந்த்³ரம்॑ ஜி॒ன்வேத்யே॒வ] 28
-ந்த்³ரா॑ய॒ த்வேந்த்³ரம்॑ ஜி॒ன்வேத்யே॒வ த॑³க்ஷிண॒தோ வஜ்ரம்॒ பர்யௌ॑ஹத॒³பி⁴ஜி॑த்யை॒ தா: ப்ர॒ஜா அப॑ப்ராணா அஸ்ருஜத॒ தாஸ்வதி॑⁴பதிர॒ஸீத்யே॒வ ப்ரா॒ணம॑த³தா⁴-த்³ய॒ந்தேத்ய॑பா॒னக்³ம் ஸ॒க்³ம்॒ஸர்ப॒ இதி॒ சக்ஷு॑ர்வயோ॒தா⁴ இதி॒ ஶ்ரோத்ரம்॒ தா: ப்ர॒ஜா: ப்ரா॑ண॒தீர॑பான॒தீ: பஶ்ய॑ந்தீ-ஶ்ஶ்ருண்வ॒தீர்ன மி॑து॒²னீ அ॑ப⁴வ॒-ந்தாஸு॑ த்ரி॒வ்ருத॒³ஸீத்யே॒வ மி॑து॒²னம॑த³தா॒⁴-த்தா: ப்ர॒ஜா மி॑து॒²னீ [ ] 29
ப⁴வ॑ந்தீ॒ர்ன ப்ராஜா॑யந்த॒ தா-ஸ்ஸக்³ம்॑ரோ॒ஹோ॑ஸி நீரோ॒ஹோ॑ஸீத்யே॒வ ப்ராஜ॑னய॒-த்தா: ப்ர॒ஜா: ப்ரஜா॑தா॒ ந ப்ரத்ய॑திஷ்ட॒²-ந்தா வ॑ஸு॒கோ॑ஸி॒ வேஷ॑ஶ்ரிரஸி॒ வஸ்ய॑ஷ்டிர॒ஸீத்யே॒வைஷு லோ॒கேஷு॒ ப்ரத்ய॑ஸ்தா²பய॒த்³யதா³ஹ॑ வஸு॒கோ॑ஸி॒ வேஷ॑ஶ்ரிரஸி॒ வஸ்ய॑ஷ்டிர॒ஸீதி॑ ப்ர॒ஜா ஏ॒வ ப்ரஜா॑தா ஏ॒ஷு லோ॒கேஷு॒ ப்ரதி॑ஷ்டா²பயதி॒ ஸாத்மா॒ந்தரி॑க்ஷக்³ம் ரோஹதி॒ ஸப்ரா॑ணோ॒முஷ்மி॑-ன்ம்லோ॒கே ப்ரதி॑ திஷ்ட॒²த்யவ்ய॑ர்து⁴க: ப்ராணாபா॒னாப்⁴யாம்᳚ ப⁴வதி॒ ய ஏ॒வம் வேத॑³ ॥ 3௦ ॥ (யு॒க்தக்³ரா॑வா - ப்ர॒ஜா மி॑து॒²ன்ய॑ - ந்தரி॑க்ஷம்॒ - த்³வாத॑³ஶ ச) (அ. 6)
நா॒க॒ஸத்³பி॒⁴ர்வை தே॒³வா-ஸ்ஸு॑வ॒ர்க³ம் லோ॒கமா॑ய॒-ந்தன்னா॑க॒ஸதா³ம்᳚ நாகஸ॒த்த்வம் யன்னா॑க॒ஸத॑³ உப॒த³தா॑⁴தி நாக॒ஸத்³பி॑⁴ரே॒வ தத்³-யஜ॑மான-ஸ்ஸுவ॒ர்க³ம் லோ॒கமே॑தி ஸுவ॒ர்கோ³ வை லோ॒கோ நாகோ॒ யஸ்யை॒தா உ॑பதீ॒⁴யந்தே॒ நாஸ்மா॒ அகம்॑ ப⁴வதி யஜமானாயத॒னம் வை நா॑க॒ஸதோ॒³ யன்னா॑க॒ஸத॑³ உப॒த³தா᳚⁴த்யா॒யத॑னமே॒வ தத்³-யஜ॑மான: குருதே ப்ரு॒ஷ்டா²னாம்॒ வா ஏ॒த-த்தேஜ॒-ஸ்ஸம்ப்⁴ரு॑தம்॒ யன்னா॑க॒ஸதோ॒³ யன்னா॑க॒ஸத॑³ [யன்னா॑க॒ஸத:॑³, உ॒ப॒த³தா॑⁴தி ப்ரு॒ஷ்டா²னா॑மே॒வ] 31
உப॒த³தா॑⁴தி ப்ரு॒ஷ்டா²னா॑மே॒வ தேஜோவ॑ ருந்தே⁴ பஞ்ச॒சோடா॒³ உப॑ த³தா⁴த்யப்²ஸ॒ரஸ॑ ஏ॒வைன॑மே॒தா பூ॒⁴தா அ॒முஷ்மி॑-ன்ம்லோ॒க உப॑ ஶே॒ரேதோ॑² தனூ॒பானீ॑ரே॒வைதா யஜ॑மானஸ்ய॒ யம் த்³வி॒ஷ்யா-த்தமு॑ப॒த³த॑⁴த்³த்⁴யாயேதே॒³தாப்⁴ய॑ ஏ॒வைனம்॑ தே॒³வதா᳚ப்⁴ய॒ ஆ வ்ரு॑ஶ்சதி தா॒ஜகா³ர்தி॒மார்ச்ச॒²த்யுத்த॑ரா நாக॒ஸத்³ப்⁴ய॒ உப॑த³தா⁴தி॒ யதா॑² ஜா॒யாமா॒னீய॑ க்³ரு॒ஹேஷு॑ நிஷா॒த³ய॑தி தா॒த்³ருகே॒³வ த- [தா॒த்³ருகே॒³வ தத், ப॒ஶ்சா-த்ப்ராசீ॑-] 32
-த்ப॒ஶ்சா-த்ப்ராசீ॑-முத்த॒மாமுப॑ த³தா⁴தி॒ தஸ்மா᳚-த்ப॒ஶ்சா-த்ப்ராசீ॒ பத்ன்யன்வா᳚ஸ்தே ஸ்வயமாத்ரு॒ண்ணா-ஞ்ச॑ விக॒ர்ணீ-ஞ்சோ᳚த்த॒மே உப॑ த³தா⁴தி ப்ரா॒ணோ வை ஸ்வ॑யமாத்ரு॒ண்ணாயு॑ர்விக॒ர்ணீ ப்ரா॒ண-ஞ்சை॒வாயு॑ஶ்ச ப்ரா॒ணானா॑முத்த॒மௌ த॑⁴த்தே॒ தஸ்மா᳚-த்ப்ரா॒ணஶ்சாயு॑ஶ்ச ப்ரா॒ணானா॑முத்த॒மௌ நான்யாமுத்த॑ரா॒மிஷ்ட॑கா॒முப॑ த³த்³த்⁴யா॒த்³-யத॒³ன்யாமுத்த॑ரா॒-மிஷ்ட॑கா-முபத॒³த்³த்⁴யா-த்ப॑ஶூ॒னா- [-முபத॒³த்³த்⁴யா-த்ப॑ஶூ॒னாம், ச॒ யஜ॑மானஸ்ய ச] 33
-ஞ்ச॒ யஜ॑மானஸ்ய ச ப்ரா॒ண-ஞ்சாயு॒ஶ்சாபி॑ த³த்³த்⁴யா॒-த்தஸ்மா॒ன்னா-ன்யோத்த॒ரேஷ்ட॑கோப॒தே⁴யா᳚ ஸ்வயமாத்ரு॒ண்ணாமுப॑ த³தா⁴த்ய॒ஸௌ வை ஸ்வ॑யமாத்ரு॒ண்ணா- மூமே॒வோப॑ த॒⁴த்தே ஶ்வ॒முப॑ க்⁴ராபயதி ப்ரா॒ணமே॒வாஸ்யாம்᳚ த³தா॒⁴த்யதோ᳚² ப்ராஜாப॒த்யோ வா அஶ்வ:॑ ப்ர॒ஜாப॑தினை॒வாக்³னி-ஞ்சி॑னுதே ஸ்வயமாத்ரு॒ண்ணா ப॑⁴வதி ப்ரா॒ணானா॒முத்²ஸ்ரு॑ஷ்ட்யா॒ அதோ॑² ஸுவ॒ர்க³ஸ்ய॑ லோ॒கஸ்யானு॑க்²யாத்யா ஏ॒ஷா வை தே॒³வானாம்॒ விக்ரா᳚ந்தி॒ர்யத்³-வி॑க॒ர்ணீ யத்³-வி॑க॒ர்ணீமு॑ப॒த³தா॑⁴தி தே॒³வானா॑மே॒வ விக்ரா᳚ந்தி॒மனு॒ விக்ர॑மத உத்தர॒த உப॑த³தா⁴தி॒ தஸ்மா॑து³த்தர॒த உ॑பசாரோ॒க்³னி ர்வா॑யு॒மதீ॑ ப⁴வதி॒ ஸமி॑த்³த்⁴யை ॥ 34 ॥ (ஸம்ப்⁴ரு॑தம்॒ யன்னா॑க॒ஸதோ॒³ யன்னா॑க॒ஸத॒³ - ஸ்தத் - ப॑ஶூ॒னா-மே॒ஷா வை-த்³வாவிக்³ம்॑ஶதிஶ்ச) (அ. 7)
ச²ந்தா॒³க்³க்॒³ஸ்யுப॑ த³தா⁴தி ப॒ஶவோ॒ வை ச²ந்தா³க்³ம்॑ஸி ப॒ஶூனே॒வாவ॑ ருந்தே॒⁴ ச²ந்தா³க்³ம்॑ஸி॒ வை தே॒³வானாம்᳚ வா॒ம-ம்ப॒ஶவோ॑ வா॒மமே॒வ ப॒ஶூனவ॑ ருந்த⁴ ஏ॒தாக்³ம் ஹ॒ வை ய॒ஜ்ஞஸே॑ன-ஶ்சைத்ரியாய॒ண-ஶ்சிதிம்॑ வி॒தா³-ஞ்ச॑கார॒ தயா॒ வை ஸ ப॒ஶூனவா॑ருந்த॒⁴ யதே॒³தாமு॑ப॒த³தா॑⁴தி ப॒ஶூனே॒வாவ॑ ருந்தே⁴ கா³ய॒த்ரீ: பு॒ரஸ்தா॒து³ப॑ த³தா⁴தி॒ தேஜோ॒ வை கா॑³ய॒த்ரீ தேஜ॑ ஏ॒வ [தேஜ॑ ஏ॒வ, மு॒க॒²தோ த॑⁴த்தே] 35
மு॑க॒²தோ த॑⁴த்தே மூர்த॒⁴ன்வதீ᳚ர்ப⁴வந்தி மூ॒ர்தா⁴ன॑மே॒வைனக்³ம்॑ ஸமா॒னானாம்᳚ கரோதி த்ரி॒ஷ்டுப॒⁴ உப॑ த³தா⁴தீந்த்³ரி॒யம் வை த்ரி॒ஷ்டுகி॑³ந்த்³ரி॒யமே॒வ ம॑த்³த்⁴ய॒தோ த॑⁴த்தே॒ ஜக॑³தீ॒ருப॑ த³தா⁴தி॒ ஜாக॑³தா॒ வை ப॒ஶவ:॑ ப॒ஶூனே॒வாவ॑ ருந்தே⁴ நு॒ஷ்டுப॒⁴ உப॑ த³தா⁴தி ப்ரா॒ணா வா அ॑னு॒ஷ்டுப் ப்ரா॒ணானா॒முத்²ஸ்ரு॑ஷ்ட்யை ப்³ருஹ॒தீரு॒ஷ்ணிஹா:᳚ ப॒ங்க்தீர॒க்ஷர॑பங்க்தீ॒ரிதி॒ விஷு॑ரூபாணி॒ ச²ந்தா॒³க்³க்॒³ஸ்யுப॑ த³தா⁴தி॒ விஷு॑ரூபா॒ வை ப॒ஶவ:॑ ப॒ஶவ॒- [ப॒ஶவ:॑ ப॒ஶவ:॑, ச²ந்தா³க்³ம்॑ஸி॒ விஷு॑ரூபானே॒வ] 36
-ஶ்ச²ந்தா³க்³ம்॑ஸி॒ விஷு॑ரூபானே॒வ ப॒ஶூனவ॑ ருந்தே॒⁴ விஷு॑ரூபமஸ்ய க்³ரு॒ஹே த்³ரு॑ஶ்யதே॒ யஸ்யை॒தா உ॑பதீ॒⁴யந்தே॒ ய உ॑ சைனா ஏ॒வம் வேதா³தி॑ச்ச²ந்த³ஸ॒முப॑ த³தா॒⁴த்யதி॑ச்ச²ந்தா॒³ வை ஸர்வா॑ணி॒ ச²ந்தா³க்³ம்॑ஸி॒ ஸர்வே॑பி⁴ரே॒வைனம்॒ ச²ந்தோ॑³பி⁴ஶ்சினுதே॒ வர்ஷ்ம॒ வா ஏ॒ஷா ச²ந்த॑³ஸாம்॒ யத³தி॑ச்ச²ந்தா॒³ யத³தி॑ச்ச²ந்த³ஸ-முப॒த³தா॑⁴தி॒ வர்ஷ்மை॒வைனக்³ம்॑ ஸமா॒னானாம்᳚ கரோதி த்³வி॒பதா॒³ உப॑ த³தா⁴தி த்³வி॒பாத்³-யஜ॑மான:॒ ப்ரதி॑ஷ்டி²த்யை ॥ 37 ॥ (தேஜ॑ ஏ॒வ - ப॒ஶவ:॑ ப॒ஶவோ॒ - யஜ॑மான॒ - ஏக॑ஞ்ச) (அ. 8)
ஸர்வா᳚ப்⁴யோ॒ வை தே॒³வதா᳚ப்⁴யோ॒க்³னிஶ்சீ॑யதே॒ ய-த்²ஸ॒யுஜோ॒ நோப॑த॒³த்³த்⁴யா-த்³தே॒³வதா॑ அஸ்யா॒க்³னிம் வ்ரு॑ஞ்ஜீர॒ன்॒. ய-த்²ஸ॒யுஜ॑ உப॒த³தா᳚⁴த்யா॒த்மனை॒வைனக்³ம்॑ ஸ॒யுஜம்॑ சினுதே॒ நாக்³னினா॒ வ்ய்ரு॑த்³த்⁴ய॒தேதோ॒² யதா॒² புரு॑ஷ॒-ஸ்ஸ்னாவ॑பி॒⁴-ஸ்ஸந்த॑த ஏ॒வமே॒வைதாபி॑⁴ர॒க்³னி-ஸ்ஸந்த॑தோ॒ க்³னினா॒ வை தே॒³வா-ஸ்ஸு॑வ॒ர்க³ம் லோ॒கமா॑ய॒-ந்தா அ॒மூ: க்ருத்தி॑கா அப⁴வ॒ன்॒ யஸ்யை॒தா உ॑ப தீ॒⁴யந்தே॑ ஸுவ॒ர்க³மே॒வ [ ] 38
லோ॒கமே॑தி॒ க³ச்ச॑²தி ப்ரகா॒ஶ-ஞ்சி॒த்ரமே॒வ ப॑⁴வதி மண்ட³லேஷ்ட॒கா உப॑ த³தா⁴தீ॒மே வை லோ॒கா ம॑ண்ட³லேஷ்ட॒கா இ॒மே க²லு॒ வை லோ॒கா தே॑³வபு॒ரா தே॑³வபு॒ரா ஏ॒வ ப்ரவி॑ஶதி॒ நார்தி॒மார்ச்ச॑²த்ய॒க்³னி-ஞ்சி॑க்யா॒னோ வி॒ஶ்வஜ்யோ॑திஷ॒ உப॑ த³தா⁴தீ॒மானே॒வைதாபி⁴-॑ர்லோ॒கான் ஜ்யோதி॑ஷ்மத: குரு॒தேதோ᳚² ப்ரா॒ணானே॒வைதா யஜ॑மானஸ்ய தா³த்³த்⁴ரத்யே॒தா வை தே॒³வதா᳚-ஸ்ஸுவ॒ர்க்³யா᳚ஸ்தா ஏ॒வா- -ன்வா॒ரப்⁴ய॑ ஸுவ॒ர்க³ம் லோ॒கமே॑தி ॥ 39 ॥ (ஸு॒வ॒ர்க³மே॒வ - தா ஏ॒வ - ச॒த்வாரி॑ ச) (அ. 9)
வ்ரு॒ஷ்டி॒ஸனீ॒ருப॑ த³தா⁴தி॒ வ்ருஷ்டி॑மே॒வாவ॑ ருந்தே॒⁴ யதே॑³க॒தோ⁴ப॑த॒³த்³த்⁴யாதே³க॑ம்ரு॒தும் வ॑ர்ஷேத³னுபரி॒ஹாரக்³ம்॑ ஸாத³யதி॒ தஸ்மா॒-த்²ஸர்வா॑ன்ரு॒தூன். வ॑ர்ஷதி புரோவாத॒ஸனி॑-ர॒ஸீத்யா॑ஹை॒தத்³வை வ்ருஷ்ட்யை॑ ரூ॒பக்³ம் ரூ॒பேணை॒வ வ்ருஷ்டி॒மவ॑ ருந்தே⁴ ஸம்॒யானீ॑பி॒⁴ர்வை தே॒³வா இ॒மா-ன்ம்லோ॒கான்-த்²ஸம॑யு॒ஸ்த-த்²ஸம்॒யானீ॑னாக்³ம் ஸம்யானி॒த்வம் ய-த்²ஸம்॒யானீ॑ருப॒த³தா॑⁴தி॒ யதா॒²ப்²ஸு நா॒வா ஸம்॒யாத்யே॒வ- [ஸம்॒யாத்யே॒வம், ஏ॒வைதாபி॒⁴] 4௦
-மே॒வைதாபி॒⁴ ர்யஜ॑மான இ॒மா-ன்ம்லோ॒கான்-த்²ஸம் யா॑தி ப்ல॒வோ வா ஏ॒ஷோ᳚க்³னேர்ய-த்²ஸம்॒யானீ॒ர்ய-த்²ஸம்॒யானீ॑ருப॒த³தா॑⁴தி ப்ல॒வமே॒வைதம॒க்³னய॒ உப॑த³தா⁴த்யு॒த யஸ்யை॒தாஸூப॑ஹிதா॒ஸ்வாபோ॒க்³னிக்³ம் ஹர॒ந்த்யஹ்ரு॑த ஏ॒வாஸ்யா॒-க்³னிரா॑தி³த்யேஷ்ட॒கா உப॑ த³தா⁴த்யாதி॒³த்யா வா ஏ॒தம் பூ⁴த்யை॒ ப்ரதி॑னுத³ந்தே॒ யோலம்॒ பூ⁴த்யை॒ ஸன் பூ⁴திம்॒ ந ப்ரா॒ப்னோத்யா॑தி॒³த்யா [ப்ரா॒ப்னோத்யா॑தி॒³த்யா:, ஏ॒வைனம்॒ பூ⁴தி॑-] 41
ஏ॒வைனம்॒ பூ⁴திம்॑ க³மயந்த்ய॒ஸௌ வா ஏ॒தஸ்யா॑தி॒³த்யோ ருச॒மா த॑³த்தே॒ யோ᳚க்³னி-ஞ்சி॒த்வா ந ரோச॑தே॒ யதா॑³தி³த்யேஷ்ட॒கா உ॑ப॒த³தா᳚⁴த்ய॒ஸாவே॒-வாஸ்மி॑ன்னாதி॒³த்யோ ருசம்॑ த³தா⁴தி॒ யதா॒²ஸௌ தே॒³வானா॒க்³ம்॒ ரோச॑த ஏ॒வமே॒வைஷ ம॑னு॒ஷ்யா॑ணாக்³ம் ரோசதே க்⁴ருதேஷ்ட॒கா உப॑ த³தா⁴த்யே॒தத்³வா அ॒க்³னே: ப்ரி॒யம் தா⁴ம॒ யத்³-க்⁴ரு॒த-ம்ப்ரி॒யேணை॒வைனம்॒ தா⁴ம்னா॒ ஸம॑ர்த⁴ய॒- [ஸம॑ர்த⁴யதி, அதோ॒²] 42
-த்யதோ॒² தேஜ॑ஸா நுபரி॒ஹாரக்³ம்॑ ஸாத³ய॒-த்யப॑ரிவர்க-³மே॒வாஸ்மி॒-ந்தேஜோ॑ த³தா⁴தி ப்ர॒ஜாப॑திர॒க்³னிம॑சினுத॒ ஸ யஶ॑ஸா॒ வ்யா᳚ர்த்⁴யத॒ ஸ ஏ॒தா ய॑ஶோ॒தா³ அ॑பஶ்ய॒-த்தா உபா॑த⁴த்த॒ தாபி॒⁴ர்வை ஸ யஶ॑ ஆ॒த்மன்ன॑த⁴த்த॒ யத்³ய॑ஶோ॒தா³ உ॑ப॒த³தா॑⁴தி॒ யஶ॑ ஏ॒வ தாபி॒⁴ர்யஜ॑மான ஆ॒த்மன் த॑⁴த்தே॒ பஞ்சோப॑ த³தா⁴தி॒ பாங்க்த:॒ புரு॑ஷோ॒ யாவா॑னே॒வ புரு॑ஷ॒ஸ்தஸ்மி॒ன்॒ யஶோ॑ த³தா⁴தி ॥ 43 ॥ (ஏ॒வம் - ப்ரா॒ப்ரோத்யா॑தி॒³த்யா - அ॑ர்த⁴ய॒த்யே - கா॒ன்ன ப॑ஞ்சா॒ஶச்ச॑) (அ. 1௦)
தே॒³வா॒ஸு॒ரா-ஸ்ஸம்ய॑த்தா ஆஸ॒ன் கனீ॑யாக்³ம்ஸோ தே॒³வா ஆஸ॒ன் பூ⁴யா॒க்³ம்॒ஸோ-ஸு॑ரா॒ஸ்தே தே॒³வா ஏ॒தா இஷ்ட॑கா அபஶ்ய॒-ந்தா உபா॑த³த⁴த பூ⁴ய॒ஸ்க்ருத॒³ஸீத்யே॒வ பூ⁴யாக்³ம்॑ஸோப⁴வ॒ன் வன॒ஸ்பதி॑பி॒⁴-ரோஷ॑தீ⁴பி⁴-ர்வரிவ॒ஸ்க்ருத॒³ஸீதீ॒-மாம॑ஜய॒-ன்ப்ராச்ய॒ஸீதி॒ ப்ராசீம்॒ தி³ஶ॑மஜயன்னூ॒ர்த்⁴வா ஸீத்ய॒மூம॑ஜய-ன்னந்தரிக்ஷ॒ஸத॑³ஸ்ய॒ந்தரி॑க்ஷே ஸீ॒தே³த்ய॒-ந்தரி॑க்ஷமஜய॒-ந்ததோ॑ தே॒³வா அப॑⁴வ॒- [தே॒³வா அப॑⁴வன்ன், பராஸு॑ரா॒] 44
-ன்பராஸு॑ரா॒ யஸ்யை॒தா உ॑பதீ॒⁴யந்தே॒ பூ⁴யா॑னே॒வ ப॑⁴வத்ய॒பீ⁴மா-ன்ம்லோ॒கான் ஜ॑யதி॒ ப⁴வ॑த்யா॒த்மனா॒ பரா᳚ஸ்ய॒ ப்⁴ராத்ரு॑வ்யோ ப⁴வத்யப்²ஸு॒ஷத॑³ஸி ஶ்யேன॒ஸத॒³ஸீத்யா॑ஹை॒தத்³வா அ॒க்³னே ரூ॒பக்³ம் ரூ॒பேணை॒வாக்³னிமவ॑ ருந்தே⁴ ப்ருதி॒²வ்யாஸ்த்வா॒ த்³ரவி॑ணே ஸாத³யா॒மீ-த்யா॑ஹே॒மானே॒வைதாபி॑⁴-ர்லோ॒கான் த்³ரவி॑ணாவத: குருத ஆயு॒ஷ்யா॑ உப॑ த³தா॒⁴த்யாயு॑ரே॒வா- [உப॑ த³தா॒⁴த்யாயு॑ரே॒வ, அ॒ஸ்மி॒ன் த॒³தா॒⁴த்யக்³னே॒] 45
-ஸ்மி॑ன் த³தா॒⁴த்யக்³னே॒ யத்தே॒ பர॒க்³ம்॒ ஹ்ருன்னாமேத்யா॑ஹை॒தத்³வா அ॒க்³னே: ப்ரி॒யம் தா⁴ம॑ ப்ரி॒யமே॒வாஸ்ய॒ தா⁴மோபா᳚ப்னோதி॒ தாவேஹி॒ ஸக்³ம் ர॑பா⁴வஹா॒ இத்யா॑ஹ॒ வ்யே॑வைனே॑ன॒ பரி॑ த⁴த்தே॒ பாஞ்ச॑ஜன்யே॒ஷ்வப்யே᳚த்³த்⁴யக்³ன॒ இத்யா॑ஹை॒ஷ வா அ॒க்³னி: பாஞ்ச॑ஜன்யோ॒ ய: பஞ்ச॑சிதீக॒-ஸ்தஸ்மா॑தே॒³வமா॑ஹர்த॒வ்யா॑ உப॑ த³தா⁴த்யே॒தத்³வா ரு॑தூ॒னா-ம்ப்ரி॒யம் தா⁴ம॒ யத்³ரு॑த॒வ்யா॑ ருதூ॒னாமே॒வ ப்ரி॒யம் தா⁴மாவ॑ ருந்தே⁴ ஸு॒மேக॒ இத்யா॑ஹ ஸம்வத்²ஸ॒ரோ வை ஸு॒மேக॑-ஸ்ஸம்வத்²ஸ॒ரஸ்யை॒வ ப்ரி॒யம் தா⁴மோபா᳚ப்னோதி ॥ 46 ॥ (அப॑⁴வ॒ - ந்னாயு॑ரே॒வ - ர்த॒வ்யா॑ உப॒ - ஷட்³விக்³ம்॑ஶதிஶ்ச) (அ. 11)
ப்ர॒ஜாப॑தே॒ரக்ஷ்ய॑ஶ்வய॒-த்த-த்பரா॑பத॒-த்தத³ஶ்வோ॑ப⁴வ॒த்³-யத³ஶ்வ॑ய॒-த்தத³ஶ்வ॑ஸ்யாஶ்வ॒த்வ-ந்தத்³தே॒³வா அ॑ஶ்வமே॒தே⁴னை॒வ ப்ரத்ய॑த³து⁴ரே॒ஷ வை ப்ர॒ஜாப॑தி॒க்³ம்॒ ஸர்வம்॑ கரோதி॒ யோ᳚ஶ்வமே॒தே⁴ன॒ யஜ॑தே॒ ஸர்வ॑ ஏ॒வ ப॑⁴வதி॒ ஸர்வ॑ஸ்ய॒ வா ஏ॒ஷா ப்ராய॑ஶ்சித்தி॒-ஸ்ஸர்வ॑ஸ்ய பே⁴ஷ॒ஜக்³ம் ஸர்வம்॒ வா ஏ॒தேன॑ பா॒ப்மானம்॑ தே॒³வா அ॑தர॒ன்னபி॒ வா ஏ॒தேன॑ ப்³ரஹ்மஹ॒த்யா-ம॑தர॒ன்-த்²ஸர்வம்॑ பா॒ப்மான॑- [-ம॑தர॒ன்-த்²ஸர்வம்॑ பா॒ப்மான᳚ம், த॒ர॒தி॒ தர॑தி] 47
-ந்தரதி॒ தர॑தி ப்³ரஹ்மஹ॒த்யாம் யோ᳚ஶ்வமே॒தே⁴ன॒ யஜ॑தே॒ ய உ॑ சைனமே॒வம் வேதோ³த்த॑ரம்॒ வை த-த்ப்ர॒ஜாப॑தே॒ரக்ஷ்ய॑ஶ்வய॒-த்தஸ்மா॒த³ஶ்வ॑ஸ்யோத்தர॒தோவ॑ த்³யந்தி த³க்ஷிண॒தோ᳚ன்யேஷாம்᳚ பஶூ॒னாம் வை॑த॒ஸ: கடோ॑ ப⁴வத்ய॒ப்²ஸுயோ॑னி॒ர்வா அஶ்வோ᳚ப்²ஸு॒ஜோ வே॑த॒ஸ-ஸ்ஸ்வ ஏ॒வைனம்॒ யோனௌ॒ ப்ரதி॑ஷ்டா²பயதி சதுஷ்டோ॒ம-ஸ்ஸ்தோமோ॑ ப⁴வதி ஸ॒ரட்³ட॒⁴ வா அஶ்வ॑ஸ்ய॒ ஸக்த்²யாவ்ரு॑ஹ॒-த்தத்³-தே॒³வாஶ்ச॑துஷ்டோ॒மேனை॒வ ப்ரத்ய॑த³து॒⁴ர்யச்ச॑துஷ்டோ॒ம-ஸ்ஸ்தோமோ॒ ப⁴வ॒த்யஶ்வ॑ஸ்ய ஸர்வ॒த்வாய॑ ॥ 48 ॥ (ஸர்வ॑ம பா॒ப்மான॑ - மவ்ருஹ॒-த்³- த்³வாத॑³ஶ ச) (அ. 12)
(உ॒த்²ஸ॒ன்ன॒ய॒ஜ்ஞ - இந்த்³ரா᳚க்³னீ - தே॒³வா வா அ॑க்ஷ்ணயாஸ்தோ॒மீயா॑ - அ॒க்³னேர்பா॒⁴கோ᳚³ - ஸ்யக்³னே॑ ஜா॒தான் - ர॒ஶ்மிரிதி॑ - நாக॒ஸத்³பி॒⁴: -ச²ந்தா³க்³ம்॑ஸி॒ - ஸர்வா᳚ப்⁴யோ - வ்ருஷ்டி॒ஸனீ᳚ - ர்தே³வாஸு॒ரா: கனீ॑யாக்³ம்ஸ: - ப்ர॒ஜாப॑தே॒ரக்ஷி॒ - த்³வாத॑³ஶ )
(உ॒த்²ஸ॒ன்ன॒ய॒ஜ்ஞோ - தே॒³வா வை - யஸ்ய॒ முக்²ய॑வதீ - ர்னாக॒ஸத்³பி॑⁴ரே॒ - வை தாபி॑⁴ர॒ - ஷ்டாச॑த்வாரிக்³ம்ஶத்)
(உ॒த்²ஸ॒ன்ன॒ய॒ஜ்ஞ, ஸ்ஸ॑ர்வ॒த்வாய॑)
॥ ஹரி:॑ ஓம் ॥
॥ க்ருஷ்ண யஜுர்வேதீ³ய தைத்திரீய ஸம்ஹிதாயா-ம்பஞ்சமகாண்டே³ த்ருதீய: ப்ரஶ்ன-ஸ்ஸமாப்த: ॥
5.3 - উথ্সন্নযজ্ঞ্নো বা এষ যদগ্নিঃ - কৃষ্ণ যজুর্বেদ তৈত্তিরীয় সংহিতা পাঠঃ সম্পর্কে
This is prashna 3 of kanda 5 of the Krishna Yajurveda Taittiriya Samhita, in plain continuous recitation (samhita patha). Its heading calls it "chitinam nirupanam", an account of the layers (chitis) of the fire altar. It opens "Utsannayajno va esha yad agnih", "the fire altar is a sacrifice that runs short", and explains that the Ashvini bricks are laid because the Ashvins, physicians of the gods, heal what is lacking in the rite.
উৎস: Krishna Yajurveda, Taittiriya Samhita 5.3
কখন পাঠ করবেন: In daily Vedic recitation, in Veda patashalas and in Yajur Veda study.
আপনি কি জানেন?
- The fire altar is built in five layers (chitis) of bricks, often in the shape of a bird.
- Samhita patha is the continuous form of the text, the base from which the pada, krama, jata and ghana recitations are built.
প্রায়শই জিজ্ঞাসিত প্রশ্ন
Why are the Ashvini bricks laid?
Because the Ashvins, physicians of the gods, heal what is lacking in the rite.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 5, prashna 3.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ