7.1 - প্রজননং জ্য়োতিরগ্নিঃ - কৃষ্ণ যজুর্বেদ তৈত্তিরীয় সংহিতা পাঠঃ
Kanda 7 - Krishna Yajurveda Taittiriya Samhita · প্রথাগত ভক্তিপাঠ
krishna yajurvedeeya taittireeya samhitaayaam saptamakaande prathamah prashnah- ashvamedhagatamantraanaamabhidhaanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
pra̠jana̍na̠-njyoti̍ra̠gni-rde̠vataa̍naa̠-njyoti̍rvi̠raat chhanda̍saa̠-njyoti̍rvi̠raa-dvaa̠cho̎-'gnau sa-nti̍shthate vi̠raaja̍ma̠bhi sampa̍dyate̠ tasmaa̠-ttajjyoti̍ruchyate̠ dvau stomau̎ praatassava̠nam va̍hato̠ yathaa̎ praa̠nashchaa̍-'paa̠nashcha̠ dvau maaddhya̍dinna̠gm̠ sava̍na̠m yathaa̠ chakshu̍shcha̠ shrotra̍-ncha̠ dvau tri̍teeyasava̠nam yathaa̠ vaakcha̍ prati̠shthaa cha̠ puru̍shasammito̠ vaa e̠sha ya̠jno-'sthoo̍ri̠- [ya̠jno-'sthoo̍rih, ya-nkaama̍-nkaa̠maya̍te̠] 1
-rya-nkaama̍-nkaa̠maya̍te̠ tame̠tenaa̠bhya̍shnute̠ sarva̠gg̠ hyasthoo̍rinaa-'bhyashnu̠te̎ 'gnishto̠mena̠ vai pra̠jaapa̍tih pra̠jaa a̍srijata̠ taa a̍gnishto̠menai̠va parya̍grihnaa̠-ttaasaa̠-mpari̍griheetaanaa-mashvata̠ro-'tya̍pravata̠ tasyaa̍nu̠haaya̠reta̠ aa-'da̍tta̠ ta-dga̍rda̠bhe nya̍maa̠r-ttasmaa̎-dgarda̠bho dvi̠retaa̠ atho̍ aahu̠rvada̍baayaa̠-nnya̍maa̠rditi̠ tasmaa̠-dvada̍baa dvi̠retaa̠ atho̍ aahu̠-rosha̍dheeshu̠- [aahu̠-rosha̍dheeshu, nya̍maa̠rditi̠] 2
-nya̍maa̠rditi̠ tasmaa̠dosha̍dha̠yo 'na̍bhyaktaa rebha̠ntyatho̍ aahuh pra̠jaasu̠ nya̍maa̠rditi̠ tasmaa̎-dya̠mau jaa̍yete̠ tasmaa̍dashvata̠ro na pra jaa̍yata̠ aatta̍retaa̠ hi tasmaa̎-dba̠r̠hishyana̍vakLipta-ssarvaveda̠se vaa̍ sa̠hasre̠ vaa-'va̍ kLi̠pto-'ti̠ hyapra̍vata̠ ya e̠vam vi̠dvaana̍gnishto̠mena̠ yaja̍te̠ praajaa̍taah pra̠jaa ja̠naya̍ti̠ pari̠ prajaa̍taa grihnaati̠ tasmaa̍daahurjyeshthaya̠jna iti̍ [ ] 3
pra̠jaapa̍ti̠rvaava jyeshtha̠-ssa hye̍tenaagre-'ya̍jata pra̠jaapa̍tirakaamayata̠ pra jaa̍ye̠yeti̠ sa mu̍kha̠tastri̠vrita̠-nnira̍mimeeta̠ tama̠gnirde̠vataa 'nva̍srijyata gaaya̠tree chhando̍ rathanta̠ragm saama̍ braahma̠no ma̍nu̠shyaa̍naama̠jah pa̍shoo̠naa-ntasmaa̠-tte mukhyaa̍ mukha̠to hyasri̍jya̠ntora̍so baa̠hubhyaa̎-mpanchada̠sha-nnira̍mimeeta̠ tamindro̍ de̠vataa 'nva̍srijyata tri̠shtu-pchhando̍ bri̠ha- [bri̠hat, saama̍ raaja̠nyo̍] 4
-thsaama̍ raaja̠nyo̍ manu̠shyaa̍naa̠mavi̍h pashoo̠naa-ntasmaa̠-tte vee̠ryaa̍vanto vee̠ryaa̎ddhyasri̍jyanta maddhya̠ta-ssa̍ptada̠sha-nnira̍mimeeta̠ tam vishve̍ de̠vaa de̠vataa̠ anva̍srijyanta̠ jaga̍tee̠ chhando̍ vai roo̠pagm saama̠ vaishyo̍ manu̠shyaa̍naa̠-ngaava̍h pashoo̠naa-ntasmaa̠-tta aa̠dyaa̍ anna̠dhaanaa̠ddhya sri̍jyanta̠ tasmaa̠-dbhooyaagm̍so̠ 'nyebhyo̠ bhooyi̍shthaa̠ hi de̠vataa̠ anvasri̍jyanta pa̠tta e̍kavi̠gm̠ sha-nnira̍mimeeta̠ tama̍nu̠shtu-pchhando- [tama̍nu̠shtu-pchhanda̍h, anva̍srijyata] 5
-'nva̍srijyata vairaa̠jagm saama̍ shoo̠dro ma̍nu̠shyaa̍naa̠-mashva̍h pashoo̠naa-ntasmaa̠-ttau bhoo̍tasa-nkraa̠minaa̠vashva̍shcha shoo̠drashcha̠ tasmaa̎chchhoo̠dro ya̠jne-'na̍vakLipto̠ na hi de̠vataa̠ anvasri̍jyata̠ tasmaa̠-tpaadaa̠vupa̍ jeevatah pa̠tto hyasri̍jyetaa-mpraa̠naa vai tri̠vrida̍rdhamaa̠saah pa̍nchada̠shah pra̠jaapa̍ti-ssaptada̠shastraya̍ i̠me lo̠kaa a̠saavaa̍di̠tya e̍kavi̠gm̠sha e̠tasmi̠n vaa e̠te shri̠taa e̠tasmi̠-nprati̍shthitaa̠ ya e̠vam vedai̠tasmi̍nne̠va shra̍yata e̠tasmi̠-nprati̍ tishthati ॥ 6 ॥ (asthoo̍ri̠ - rosha̍dheeshu - jyeshthaya̠jna iti̍ - bri̠ha - da̍nu̠shtu-pchhanda̠h - prati̍shthitaa̠ - nava̍ cha) (a. 1)
praa̠ta̠ssa̠va̠ne vai gaa̍ya̠trena̠ chhanda̍saa tri̠vrite̠ stomaa̍ya̠ jyoti̠rdadha̍deti tri̠vritaa̎ brahmavarcha̠sena̍ panchada̠shaaya̠ jyoti̠rdadha̍deti panchada̠shenauja̍saa vee̠rye̍na saptada̠shaaya̠ jyoti̠rdadha̍deti saptada̠shena̍ praajaapa̠tyena̍ pra̠jana̍nenaikavi̠gm̠shaaya̠ jyoti̠rdadha̍deti̠ stoma̍ e̠va ta-thstomaa̍ya̠ jyoti̠rdadha̍de̠tyatho̠ stoma̍ e̠va stoma̍ma̠bhi pra na̍yati̠ yaava̍nto̠ vai stomaa̠staava̍nta̠h kaamaa̠staava̍nto lo̠kaa -staava̍nti̠ jyoteeg̍shye̠taava̍ta e̠va stomaa̍ne̠taava̍ta̠h kaamaa̍ne̠taava̍to lo̠kaane̠taava̍nti̠ jyotee̠g̠shyava̍ rundhe ॥ 7 ॥ (taava̍nto lo̠kaa - strayo̍dasha cha) (a. 2)
bra̠hma̠vaa̠dino̍ vadanti̠ sa tvai ya̍jeta̠ yo̎-'gnishto̠mena̠ yaja̍maa̠no-'tha̠ sarva̍stomena̠ yaje̠teti̠ yasya̍ tri̠vrita̍manta̠ryanti̍ praa̠naag-stasyaa̠ntarya̍nti praa̠neshu̠ me-'pya̍sa̠diti̠ khalu̠ vai ya̠jnena̠ yaja̍maano yajate̠ yasya̍ panchada̠shama̍nta̠ryanti̍ vee̠rya̍-ntasyaa̠ntarya̍nti vee̠rye̍ me-'pya̍sa̠diti̠ khalu̠ vai ya̠jnena̠ yaja̍maano yajate̠ yasya̍ saptada̠sha-ma̍nta̠ryanti̍ [ ] 8
pra̠jaa-ntasyaa̠ntarya̍nti pra̠jaayaa̠-mme-'pya̍sa̠diti̠ khalu̠ vai ya̠jnena̠ yaja̍maano yajate̠ yasyai̍kavi̠gm̠shama̍nta̠ryanti̍ prati̠shthaa-ntasyaa̠ntarya̍nti prati̠shthaayaa̠-mme-'pya̍sa̠diti̠ khalu̠ vai ya̠jnena̠ yaja̍maano yajate̠ yasya̍ trina̠vama̍nta̠ryantyri̠toogshcha̠ tasya̍ naksha̠triyaa̎-ncha vi̠raaja̍ma̠ntarya̍ntyri̠tushu̠ me-'pya̍sannaksha̠triyaa̍yaa-ncha vi̠raajeeti̠ [vi̠raajeeti̍, khalu̠ vai] 9
khalu̠ vai ya̠jnena̠ yaja̍maano yajate̠ yasya̍ trayastri̠gm̠shama̍nta̠ryanti̍ de̠vataa̠stasyaa̠ntarya̍nti de̠vataa̍su̠ me-'pya̍sa̠diti̠ khalu̠ vai ya̠jnena̠ yaja̍maano yajate̠ yo vai stomaa̍naamava̠ma-mpa̍ra̠mataa̠-ngachchha̍nta̠m veda̍ para̠mataa̍me̠va ga̍chchhati tri̠vridvai stomaa̍naamava̠mastri̠vri-tpa̍ra̠mo ya e̠vam veda̍ para̠mataa̍me̠va ga̍chchhati ॥ 10 ॥ (sa̠pta̠da̠shama̍nta̠ryanti̍ - vi̠raajeeti̠ - chatu̍shchatvaarigmshachcha) (a. 3)
angi̍raso̠ vai sa̠tramaa̍sata̠ te su̍va̠rgam lo̠kamaa̍ya̠-nteshaagm̍ ha̠vishmaag̍shcha havi̠shkrichchaa̍-'heeyetaa̠-ntaava̍kaamayetaagm suva̠rgam lo̠kami̍yaa̠veti̠ taave̠ta-ndvi̍raa̠trama̍pashyataa̠-ntamaa-'ha̍rataa̠-ntenaa̍yajetaa̠-ntato̠ vai tau su̍va̠rgam lo̠kamai̍taa̠m ya e̠vam vi̠dvaa-ndvi̍raa̠trena̠ yaja̍te suva̠rgame̠va lo̠kame̍ti̠ taavaitaa̠-mpoorve̠naahnaa 'ga̍chchhataa̠-mutta̍renaa- [-mutta̍rena, a̠bhi̠pla̠vah poorva̠] 11
-bhipla̠vah poorva̠-maha̍rbhavati̠ gati̠rutta̍ra̠-njyoti̍shtomo-'gnishto̠mah poorva̠maha̍rbhavati̠ teja̠stenaava̍ rundhe̠ sarva̍stomo-'tiraa̠tra utta̍ra̠gm̠ sarva̠syaa-''ptyai̠ sarva̠syaa-'va̍ruddhyai gaaya̠tra-mpoorve-'ha̠nthsaama̍ bhavati̠ tejo̠ vai gaa̍ya̠tree gaa̍ya̠tree bra̍hmavarcha̠sa-nteja̍ e̠va bra̍hmavarcha̠samaa̠tma-ndha̍tte̠ traishtu̍bha̠mutta̍ra̠ ojo̠ vai vee̠rya̍-ntri̠shtugoja̍ e̠va vee̠rya̍maa̠tma-ndha̍tte rathanta̠ra-mpoorve̍- [rathanta̠ra-mpoorve̎, aha̠n-thsaama̍] 12
-'ha̠n-thsaama̍ bhavatee̠yam vai ra̍thanta̠rama̠syaame̠va prati̍ tishthati bri̠hadutta̍re̠-'sau vai bri̠hada̠mushyaa̍me̠va prati̍ tishthati̠ tadaa̍hu̠h kva̍ jaga̍tee chaa-'nu̠shtu-pcheti̍ vaikhaana̠sa-mpoorve-'ha̠n-thsaama̍ bhavati̠ tena̠ jaga̍tyai̠ naiti̍ shoda̠shyutta̍re̠ tenaa̍nu̠shtubho-'thaa̍ ''hu̠rya-thsa̍maa̠ne̎-'rdhamaa̠se syaataa̍-manyata̠rasyaahno̍ vee̠rya̍manu̍ padye̠tetya̍-maavaa̠syaa̍yaa̠-mpoorva̠maha̍-rbhava̠tyutta̍rasmi̠-nnutta̍ra̠-nnaanai̠vaa 'rdha̍maa̠sayo̎rbhavato̠ naanaa̍veerye bhavato ha̠vishma̍nnidhana̠-mpoorva̠maha̍rbhavati havi̠shkrinni̍dhana̠-mutta̍ra̠-mprati̍shthityai ॥ 13 ॥ (utta̍rena - rathanta̠ra-mpoorve - 'nve - ka̍vigmshatishcha) (a. 4)
aapo̠ vaa i̠damagre̍ sali̠lamaa̍see̠-ttasmi̍-npra̠jaapa̍ti-rvaa̠yurbhoo̠tvaa 'cha̍ra̠-thsa i̠maama̍pashya̠-ttaam va̍raa̠ho bhoo̠tvaa-'ha̍ra̠-ttaam vi̠shvaka̍rmaa bhoo̠tvaa vya̍maa̠tr-thsaa-'pra̍thata̠ saa pri̍thi̠vya̍bhava̠-tta-tpri̍thi̠vyai pri̍thivi̠tva-ntasyaa̍mashraamya-tpra̠jaapa̍ti̠-ssa de̠vaana̍srijata̠ vasoo̎-nru̠draanaa̍di̠tyaa-nte de̠vaah pra̠jaapa̍timabruva̠-nprajaa̍yaamahaa̠ iti̠ so̎-'bravee̠- [so̎-'braveet, yathaa̠-'ham-] 14
-dyathaa̠-'ham yu̠shmaagstapa̠saa 'sri̍kshye̠va-ntapa̍si pra̠jana̍na-michchhaddhva̠miti̠ tebhyo̠-'gnimaa̠yata̍na̠-mpraa-'ya̍chchhade̠tenaa̠-''yata̍nena shraamya̠teti̠ te̎-'gninaa̠-''yata̍nenaa-'-shraamya̠-nte sa̍mvathsa̠ra ekaa̠-ngaama̍srijanta̠ taam vasu̍bhyo ru̠drebhya̍ aadi̠tyebhya̠h praa-'ya̍chchhanne̠taagm ra̍kshaddhva̠miti̠ taam vasa̍vo ru̠draa aa̍di̠tyaa a̍rakshanta̠ saa vasu̍bhyo ru̠drebhya̍ aadi̠tyebhya̠h praajaa̍yata̠treeni̍ cha [ ] 15
sha̠taani̠ traya̍strigmshata̠-nchaatha̠ saiva sa̍hasrata̠mya̍bhava̠-tte de̠vaah pra̠jaapa̍timabruvan-thsa̠hasre̍na no yaaja̠yeti̠ so̎-'gnishto̠mena̠ vasoo̍nayaajaya̠-tta i̠mam lo̠kama̍jaya̠-ntachchaa̍dadu̠-ssa u̠kthye̍na ru̠draana̍yaajaya̠-tte̎-'ntari̍kshamajaya̠-ntachchaa̍dadu̠-sso̍-'tiraa̠trenaa̍-''di̠tyaana̍yaajaya̠-tte̍-'mum lo̠kama̍jaya̠-ntachchaa̍-'dadu̠-stada̠ntari̍ksha̠m- [-stada̠ntari̍ksham, vyavai̎ryata̠] 16
-mvyavai̎ryata̠ tasmaa̎-dru̠draa ghaatu̍kaa anaayata̠naa hi tasmaa̍daahu-shshithi̠lam vai ma̍ddhya̠ma-maha̍striraa̠trasya̠ vi hi tada̠vairya̠teti̠ traishtu̍bha-mmaddhya̠masyaahna̠ aajya̍-mbhavati sa̠myaanaa̍ni soo̠ktaani̍ shagmsati shoda̠shinagm̍ shagmsa̠tyahno̠ dhrityaa̠ ashi̍thilambhaavaaya̠ tasmaa̎-ttriraa̠trasyaa̎gnishto̠ma e̠va pra̍tha̠mamaha̍-ssyaa̠datho̠kthyo 'thaa̍-'tiraa̠tra e̠shaam lo̠kaanaa̠m vidhri̍tyai̠ treeni̍treeni sha̠taa-nya̍noocheenaa̠ha-mavya̍vachchhinnaani dadaa- [dadaati, e̠shaam lo̠kaanaa̠-] 17
-tye̠shaam lo̠kaanaa̠-manu̠ santa̍tyai da̠shata̠-nna vichchhi̍ndyaa-dvi̠raaja̠-nnedvi̍chchhi̠nadaa̠neetyatha̠ yaa sa̍hasrata̠myaasee̠-ttasyaa̠mindra̍shcha̠ vishnu̍shcha̠ vyaaya̍chchhetaa̠gm̠ sa indro̍-'manyataa̠nayaa̠ vaa i̠dam vishnu̍-ssa̠hasra̍m varkshyata̠ iti̠ tasyaa̍makalpetaa̠-ndvibhaa̍ga̠ indra̠stritee̍ye̠ vishnu̠stadvaa e̠shaa-'bhyanoo̎chyata u̠bhaa ji̍gyathu̠riti̠ taam vaa e̠taama̍chchhaavaa̠ka [e̠taama̍chchhaavaa̠kah, e̠va] 18
e̠va shagm̍sa̠tyatha̠ yaa sa̍hasrata̠mee saa hotre̠ deyeti̠ hotaa̍ra̠m vaa a̠bhyati̍richyate̠ yada̍ti̠richya̍te̠ hotaa 'naa̎ptasyaa-''payi̠taa 'thaa̍-'hurunne̠tre deyetyati̍riktaa̠ vaa e̠shaa sa̠hasra̠syaati̍rikta unne̠tartvijaa̠mathaa̍-''hu̠-ssarve̎bhya-ssada̠sye̎bhyo̠ deyetyathaa̍-''hurudaa̠ krityaa̠ saa vasha̍-nchare̠dityathaa̍-''hurbra̠hmane̍ chaa̠gneedhe̍ cha̠ deyeti̠ [deyeti, dvibhaa̍ga-] 19
dvibhaa̍ga-mbra̠hmane̠ tritee̍yama̠gneedha̍ ai̠ndro vai bra̠hmaa vai̎shna̠vo̎-'gneedyathai̠va taavaka̍lpetaa̠mityathaa̍ ''hu̠ryaa ka̍lyaa̠nee ba̍huroo̠paa saa deyetyathaa̍ ''hu̠ryaa dvi̍roo̠pobha̠yata̍enee̠ saa deyeti̍ sa̠hasra̍sya̠ pari̍griheetyai̠ tadvaa e̠ta-thsa̠hasra̠syaa-'ya̍nagm sa̠hasragg̍ sto̠treeyaa̎-ssa̠hasra̠-ndakshi̍naa-ssa̠hasra̍sammita-ssuva̠rgo lo̠ka-ssu̍va̠rgasya̍ lo̠kasyaa̠bhiji̍tyai ॥ 20 ॥ (a̠bra̠vee̠ - chcha̠ - tada̠ntari̍ksham - dadaatya - chchhaavaa̠ka - shcha̠ deyeti̍ - sa̠ptacha̍tvaarigmshachcha) (a. 5)
somo̠ vai sa̠hasra̍mavinda̠-ttamindro 'nva̍vinda̠-ttau ya̠mo nyaaga̍chchha̠-ttaava̍bravee̠dastu̠ me-'traa-'peetyastu̠ hee(3) itya̍brootaa̠gm̠ sa ya̠ma eka̍syaam vee̠rya̍-mparya̍pashyadi̠yam vaa a̠sya sa̠hasra̍sya vee̠rya̍-mbibha̠rteeti̠ taava̍braveedi̠ya-mmamaastve̠ta-dyu̠vayo̠riti̠ taava̍brootaa̠gm̠ sarve̠ vaa e̠tade̠tasyaa̎m vee̠rya̍- [e̠tade̠tasyaa̎m vee̠rya̎m, pari̍] 21
-mpari̍ pashyaa̠mo-'gmsha̠maa ha̍raamahaa̠ iti̠ tasyaa̠magmsha̠maa-'ha̍ranta̠ taama̠phsu praa-'ve̍shaya̠n-thsomaa̍yo̠deheeti̠ saa rohi̍nee pinga̠laika̍haayanee roo̠pa-nkri̠tvaa traya̍strigmshataa cha tri̠bhishcha̍ sha̠tai-ssa̠hodai-ttasmaa̠-drohi̍nyaa pinga̠layaika̍haayanyaa̠ soma̍-nkreeneeyaa̠dya e̠vam vi̠dvaa-nrohi̍nyaa pinga̠layaika̍haayanyaa̠ soma̍-nkree̠naati̠ traya̍strigmshataa chai̠vaasya̍ tri̠bhishcha̍ [ ] 22
sha̠tai-ssoma̍h kree̠to bha̍vati̠ sukree̍tena yajate̠ taama̠phsu praave̍shaya̠-nnindraa̍yo̠deheeti̠ saa rohi̍nee lakshma̠naa pa̍shthau̠hee vaartra̍ghnee roo̠pa-nkri̠tvaa traya̍strigmshataa cha tri̠bhishcha̍ sha̠tai-ssa̠hodai-ttasmaa̠-drohi̍neem lakshma̠naa-mpa̍shthau̠heem vaartra̍ghnee-ndadyaa̠dya e̠vam vi̠dvaa-nrohi̍neem lakshma̠naa-mpa̍shthau̠heem vaartra̍ghnee̠-ndadaa̍ti̠ traya̍strigmshachchai̠vaasya̠ treeni̍ cha sha̠taani̠ saa da̠ttaa [da̠ttaa, bha̠va̠ti̠ taama̠phsu] 23
bha̍vati̠ taama̠phsu praave̍shayan ya̠maayo̠deheeti̠ saa jara̍tee moo̠rkhaa ta̍jjagha̠nyaa roo̠pa-nkri̠tvaa traya̍strigmshataa cha tri̠bhishcha̍ sha̠tai-ssa̠hodai-ttasmaa̠jjara̍tee-mmoo̠rkhaa-nta̍jjagha̠nyaa-ma̍nu̠stara̍nee-nkurveeta̠ ya e̠vam vi̠dvaanjara̍tee-mmoo̠rkhaa-nta̍jjagha̠nyaa-ma̍nu̠stara̍nee-nkuru̠te traya̍strigmshachchai̠vaasya̠ treeni̍ cha sha̠taani̠ saa-'mushmi̍mllo̠ke bha̍vati̠ vaage̠va sa̍hasrata̠mee tasmaa̠- [tasmaa̎t, varo̠ deya̠-ssaa] 24
-dvaro̠ deya̠-ssaa hi vara̍-ssa̠hasra̍masya̠ saa da̠ttaa bha̍vati̠ tasmaa̠-dvaro̠ na pra̍ti̠grihya̠-ssaa hi vara̍-ssa̠hasra̍masya̠ prati̍griheeta-mbhavatee̠yam vara̠ iti̍ brooyaa̠dathaa̠nyaa-mbroo̍yaadi̠ya-mmameti̠ tathaa̎-'sya̠ ta-thsa̠hasra̠-mapra̍tigriheeta-mbhavatyubhayatae̠nee syaa̠-ttadaa̍huranyata e̠nee syaa̎-thsa̠hasra̍-mpa̠rastaa̠deta̠miti̠ yaiva vara̍h [vara̍h, ka̠lyaa̠nee roo̠pasa̍mriddhaa̠ saa] 25
kalyaa̠nee roo̠pasa̍mriddhaa̠ saa syaa̠-thsaa hi vara̠-ssamri̍ddhyai̠ taamutta̍re̠naa-''gnee̎ddhra-mparyaa̠neeyaa̍-''hava̠neeya̠syaante̎ dronakala̠shamava̍ ghraapaye̠daa ji̍ghra ka̠lasha̍-mmahyu̠rudhaa̍raa̠ paya̍sva̠tyaa tvaa̍ visha̠ntvinda̍va-ssamu̠drami̍va̠ sindha̍va̠-ssaa maa̍ sa̠hasra̠ aa bha̍ja pra̠jayaa̍ pa̠shubhi̍-ssa̠ha puna̠rmaa ''vi̍shataa-dra̠yiriti̍ pra̠jayai̠vaina̍-mpa̠shubhee̍ ra̠yyaa sa- [ra̠yyaa sam, a̠rdha̠ya̠ti̠ pra̠jaavaa̎-] 26
-ma̍rdhayati pra̠jaavaa̎-npashu̠maa-nra̍yi̠maa-nbha̍vati̠ ya e̠vam veda̠ tayaa̍ sa̠haa-''gnee̎ddhra-mpa̠retya̍ pu̠rastaa̎-tpra̠teechyaa̠-ntishtha̍ntyaa-njuhuyaadu̠bhaa ji̍gyathu̠rna paraa̍ jayethe̠ na paraa̍ jigye kata̠rashcha̠naino̎h । indra̍shcha vishno̠ yadapa̍spridhethaa-ntre̠dhaa sa̠hasra̠m vi tadai̍rayethaa̠miti̍, tredhaavibha̠ktam vai tri̍raa̠tre sa̠hasragm̍ saaha̠sreeme̠vainaa̎-nkaroti sa̠hasra̍syai̠vainaa̠-mmaatraa̎- [-mmaatraa̎m, ka̠ro̠ti̠ roo̠paani̍ juhoti] 27
-nkaroti roo̠paani̍ juhoti roo̠paire̠vainaa̠gm̠ sama̍rdhayati̠ tasyaa̍ upo̠tthaaya̠ karna̠maa ja̍pe̠dide̠ rante-'di̍te̠ sara̍svati̠ priye̠ preya̍si̠ mahi̠ vishru̍tye̠taani̍ te aghniye̠ naamaa̍ni su̠krita̍-mmaa de̠veshu̍ brootaa̠diti̍ de̠vebhya̍ e̠vaina̠maa ve̍daya̠tyanve̍na-nde̠vaa bu̍ddhyante ॥ 28 ॥ ( e̠tade̠tasyaa̎m vee̠rya̍ - masya tri̠bhishcha̍ - da̠ttaa - sa̍hasrata̠mee tasmaa̍ - de̠va vara̠h - sam - maatraa̠ - mekaa̠nnacha̍tvaari̠gm̠shachcha̍) (a. 6)
sa̠ha̠sra̠ta̠myaa̍ vai yaja̍maana-ssuva̠rgam lo̠kame̍ti̠ sainagm̍ suva̠rgam lo̠ka-nga̍mayati̠ saa maa̍ suva̠rgam lo̠ka-nga̍ma̠yetyaa̍ha suva̠rgame̠vaina̍m lo̠ka-nga̍mayati̠ saa maa̠ jyoti̍shmantam lo̠ka-nga̍ma̠yetyaa̍ha̠ jyoti̍shmantame̠vaina̍m lo̠ka-nga̍mayati̠ saa maa̠ sarvaa̠-npunyaa̎-~mllo̠kaa-nga̍ma̠yetyaa̍ha̠ sarvaa̍ne̠vaina̠-mpunyaa̎-~mllo̠kaa-nga̍mayati̠ saa [saa, maa̠ pra̠ti̠shthaa-nga̍maya pra̠jayaa̍] 29
maa̎ prati̠shthaa-nga̍maya pra̠jayaa̍ pa̠shubhi̍-ssa̠ha puna̠rmaa-'' vi̍shataa-dra̠yiriti̍ pra̠jayai̠vaina̍-mpa̠shubhee̍ ra̠yyaa-mprati̍ shthaapayati pra̠jaavaa̎-npashu̠maa-nra̍yi̠maa-nbha̍vati̠ ya e̠vam veda̠ taama̠gneedhe̍ vaa bra̠hmane̍ vaa̠ hotre̍ vodgaa̠tre vaa̎-'ddhva̠ryave̍ vaa dadyaa-thsa̠hasra̍masya̠ saa da̠ttaa bha̍vati sa̠hasra̍masya̠ prati̍griheeta-mbhavati̠ yastaamavi̍dvaa- [yastaamavi̍dvaan, pra̠ti̠gri̠hnaati̠] 30
-npratigri̠hnaati̠ taa-mprati̍grihneeyaa̠dekaa̍-'si̠ na sa̠hasra̠mekaa̎-ntvaa bhoo̠taa-mprati̍ grihnaami̠ na sa̠hasra̠mekaa̍ maa bhoo̠taa-'' vi̍sha̠ maa sa̠hasra̠mityekaa̍me̠vainaa̎-mbhoo̠taa-mprati̍grihnaati̠ na sa̠hasra̠m ya e̠vam veda̍ syo̠naa-'si̍ su̠shadaa̍ su̠shevaa̎ syo̠naa maa ''vi̍sha su̠shadaa̠ maa ''vi̍sha su̠shevaa̠ maa ''vi̠she- [maa ''vi̍sha, ityaa̍ha] 31
-tyaa̍ha syo̠naivainagm̍ su̠shadaa̍ su̠shevaa̍ bhoo̠taa-'' vi̍shati̠ nainagm̍ hinasti brahmavaa̠dino̍ vadanti sa̠hasragm̍ sahasrata̠myanve̠tee(3) sa̍hasrata̠meegm sa̠hasraa(3)miti̠ ya-tpraachee̍mu-thsri̠je-thsa̠hasragm̍ sahasrata̠myanvi̍yaa̠-tta-thsa̠hasra̍maprajnaa̠tragm su̍va̠rgam lo̠ka-nna pra jaa̍neeyaa-tpra̠teechee̠-muthsri̍jati̠ taagm sa̠hasra̠manu̍ pa̠ryaava̍rtate̠ saa pra̍jaana̠tee su̍va̠rgam lo̠kame̍ti̠ yaja̍maana -ma̠bhyu-thsri̍jati kshi̠pre sa̠hasra̠-mpra jaa̍yata utta̠maa nee̠yate̎ pratha̠maa de̠vaa-nga̍chchhati ॥ 32 ॥ (lo̠kaa-nga̍mayati̠ saa - 'vi̍dvaanth - su̠shevaa̠ maa-'' vi̍sha̠ - yaja̍maana̠m - dvaada̍sha cha) (a. 7)
atri̍radadaa̠daurvaa̍ya pra̠jaa-mpu̠trakaa̍maaya̠ sa ri̍richaa̠no̍-'manyata̠ nirvee̎rya-shshithi̠lo yaa̠tayaa̍maa̠ sa e̠ta-ncha̍tooraa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai tasya̍ cha̠tvaaro̍ vee̠raa aa-'jaa̍yanta̠ suho̍taa̠ soo̎dgaataa̠ sva̍ddhvaryu̠-ssusa̍bheyo̠ ya e̠vam vi̠dvaagshcha̍tooraa̠trena̠ yaja̍ta̠ aa-'sya̍ cha̠tvaaro̍ vee̠raa jaa̍yante̠ suho̍taa̠ soo̎dgaataa̠ sva̍ddhvaryu̠-ssusa̍bheyo̠ ye cha̍turvi̠gm̠shaah pava̍maanaa brahmavarcha̠sa-nta- [brahmavarcha̠sa-ntat, ya u̠dyanta̠-] 33
-dya u̠dyanta̠-sstomaa̠-shshree-ssaa 'trigg̍ shra̠ddhaade̍va̠m yaja̍maana-ncha̠tvaari̍ vee̠ryaa̍ni̠ nopaa̍-'nama̠-nteja̍ indri̠ya-mbra̍hmavarcha̠sa-ma̠nnaadya̠gm̠ sa e̠taagshcha̠tura̠shchatu̍shtomaa̠n-thsomaa̍na-pashya̠-ttaanaa-'ha̍ra̠-ttaira̍yajata̠ teja̍ e̠va pra̍tha̠menaa 'vaa̍rundhendri̠ya-ndvi̠teeye̍na brahmavarcha̠sa-ntri̠teeye̍naa̠nnaadya̍-nchatu̠rthena̠ ya e̠vam vi̠dvaagshcha̠tura̠shchatu̍shtomaa̠n-thsomaa̍naa̠hara̍ti̠ tairyaja̍te̠ teja̍ e̠va pra̍tha̠menaava̍ rundha indri̠ya-ndvi̠teeye̍na brahmavarcha̠sa-ntri̠teeye̍naa̠-'nnaadya̍-nchatu̠rthena̠ yaame̠vaatri̠r̠ riddhi̠maardhno̠-ttaame̠va yaja̍maana riddhnoti ॥ 34 ॥ ( tat-teja̍ e̠vaa-shtaada̍sha cha) (a. 8)
ja̠mada̍gni̠h pushti̍kaama-shchatooraa̠trenaa̍-yajata̠ sa e̠taa-nposhaagm̍ apushya̠-ttasmaa̎-tpali̠tau jaama̍dagniyau̠ na sa-njaa̍naate e̠taane̠va poshaa̎-npushyati̠ ya e̠vam vi̠dvaagshcha̍tooraa̠trena̠ yaja̍te purodaa̠shinya̍ upa̠sado̍ bhavanti pa̠shavo̠ vai pu̍ro̠daasha̍h pa̠shoone̠vaava̍ ru̠ndhe 'nna̠m vai pu̍ro̠daasho-'nna̍me̠vaava̍ rundhe 'nnaa̠dah pa̍shu̠maa-nbha̍vati̠ ya e̠vam vi̠dvaagshcha̍tooraa̠trena̠ yaja̍te ॥ 35 ॥ (ja̠mada̍gni - ra̠shtaacha̍tvaarigmshat) (a. 9)
sa̠mva̠thsa̠ro vaa i̠dameka̍ aasee̠-thso̍-'kaamayata̠rtoon-thsri̍je̠yeti̠ sa e̠ta-mpa̍ncharaa̠trama̍pashya̠-ttamaa-'ha̍ra̠-ttenaa̍yajata̠ tato̠ vai sa ri̠toona̍srijata̠ ya e̠vam vi̠dvaa-npa̍ncharaa̠trena̠ yaja̍te̠ praiva jaa̍yate̠ ta ri̠tava̍-ssri̠shtaa na vyaava̍rtanta̠ ta e̠ta-mpa̍ncharaa̠trama̍pashya̠-ntamaa-'ha̍ra̠-ntenaa̍yajanta̠ tato̠ vai te vyaava̍rtanta̠ [vyaava̍rtanta, ya e̠vam vi̠dvaa-npa̍ncharaa̠trena̠] 36
ya e̠vam vi̠dvaa-npa̍ncharaa̠trena̠ yaja̍te̠ vi paa̠pmanaa̠ bhraatri̍vye̠naa-'' va̍rtate̠ saarva̍seni-shshauche̠yo̍-'kaamayata pashu̠maan-thsyaa̠miti̠ sa e̠ta-mpa̍ncharaa̠tramaa-'ha̍ra̠-ttenaa̍-'yajata̠ tato̠ vai sa sa̠hasra̍-mpa̠shoo-npraa-''pno̠dya e̠vam vi̠dvaa-npa̍ncharaa̠trena̠ yaja̍te̠ pra sa̠hasra̍-mpa̠shoonaa̎pnoti baba̠rah praavaa̍hani-rakaamayata vaa̠chah pra̍vadi̠taa syaa̠miti̠ sa e̠ta-mpa̍ncharaa̠tramaa- [e̠ta-mpa̍ncharaa̠tramaa, aa̠ha̠ra̠-ttenaa̍-] 37
-'ha̍ra̠-ttenaa̍-yajata̠ tato̠ vai sa vaa̠chah pra̍vadi̠taa-'bha̍va̠dya e̠vam vi̠dvaa-npa̍ncharaa̠trena̠ yaja̍te pravadi̠taiva vaa̠cho bha̍va̠tyatho̍ enam vaa̠chaspati̠-rityaa̍hu̠ranaa̎pta-shchatooraa̠tro-'ti̍rikta-shshad-raa̠tro-'tha̠ vaa e̠sha sa̍pra̠nti ya̠jno ya-tpa̍ncharaa̠tro ya e̠vam vi̠dvaa-npa̍ncharaa̠trena̠ yaja̍te sampra̠tye̍va ya̠jnena̍ yajate pancharaa̠tro bha̍vati̠ pancha̠ vaa ri̠tava̍-ssamvathsa̠ra [ri̠tava̍-ssamvathsa̠rah, ri̠tushve̠va sa̍mvathsa̠re] 38
ri̠tushve̠va sa̍mvathsa̠re prati̍ tishtha̠tyatho̠ pancha̎kshara pa̠nktih paankto̍ ya̠jno ya̠jname̠vaava̍ rundhe tri̠vrida̍gnishto̠mo bha̍vati̠ teja̍ e̠vaava̍ rundhe panchada̠sho bha̍vateendri̠yame̠vaava̍ rundhe saptada̠sho bha̍vatya̠nnaadya̠syaa-va̍ruddhyaa̠ atho̠ praiva tena̍ jaayate panchavi̠gm̠sho̎ 'gnishto̠mo bha̍vati pra̠jaapa̍te̠raaptyai̍ mahaavra̠tavaa̍-na̠nnaadya̠syaa-va̍ruddhyai vishva̠ji-thsarva̍prishtho-'tiraa̠tro bha̍vati̠ sarva̍syaa̠bhiji̍tyai ॥ 39 ॥ (te vyaava̍rtanta - pravadi̠taa syaa̠miti̠ sa e̠ta-mpa̍ncharaa̠tramaa - sa̍mvathsa̠ro̍- bhiji̍tyai) (a. 10)
de̠vasya̍tvaa savi̠tuh pra̍sa̠ve̎-'shvino̎rbaa̠hubhyaa̎-mpoo̠shno hastaa̎bhyaa̠maa da̍da i̠maama̍gribhna-nrasha̠naamri̠tasya̠ poorva̠ aayu̍shi vi̠dathe̍shu ka̠vyaa । tayaa̍ de̠vaa-ssu̠tamaa ba̍bhoovur-ri̠tasya̠ saama̎m-thsa̠ramaa̠rapa̍ntee ॥ a̠bhi̠dhaa a̍si̠ bhuva̍namasi ya̠ntaa-'si̍ dha̠rtaa-'si̠ so̎-'gnim vai̎shvaana̠ragm sapra̍thasa-ngachchha̠ svaahaa̍kritah prithi̠vyaam ya̠ntaa raad ya̠ntaa-'si̠ yama̍no dha̠rtaa-'si̍ dha̠runa̍h kri̠shyai tvaa̠ kshemaa̍ya tvaa ra̠yyai tvaa̠ poshaa̍ya tvaa prithi̠vyai tvaa̠ 'ntari̍kshaaya tvaa di̠ve tvaa̍ sa̠te tvaa-'sa̍te tvaa̠dbhyastvau-sha̍dheebhyastvaa̠ vishve̎bhyastvaa bhoo̠tebhya̍h ॥ 40 ॥ (dha̠runa̠h - pancha̍vigmshatishcha) (a. 11)
vi̠bhoormaa̠traa pra̠bhooh pi̠traashvo̍-'si̠ hayo̠-'syatyo̍-'si̠ naro̠-'syarvaa̍-'si̠ sapti̍rasi vaa̠jya̍si̠ vrishaa̍-'si nri̠manaa̍ asi̠ yayu̠rnaamaa̎syaadi̠tyaanaa̠-mpatvaanvi̍hya̠gnaye̠ svaahaa̠ svaahe̎mdraa̠gnibhyaa̠g̠ svaahaa̎ pra̠jaapa̍taye̠ svaahaa̠ vishve̎bhyo de̠vebhya̠-ssvaahaa̠ sarvaa̎bhyo de̠vetaa̎bhya i̠ha dhriti̠-ssvaahe̠ha vidhri̍ti̠-ssvaahe̠ha ranti̠-ssvaahe̠ -ha rama̍ti̠-ssvaahaa̠ bhoora̍si bhu̠ve tvaa̠ bhavyaa̍ya tvaa bhavishya̠te tvaa̠ vishve̎bhyastvaa bhoo̠tebhyo̠ devaa̍ aashaapaalaa e̠ta-nde̠vebhyo-'shva̠-mmedhaa̍ya̠ prokshi̍ta-ngopaayata ॥ 41 ॥ (ranti̠-ssvaahaa̠ - dvaavigm̍shatishcha) (a. 12)
aaya̍naaya̠ svaahaa̠ praaya̍naaya̠ svaaho̎ddraa̠vaaya̠ svaahoddru̍taaya̠ svaahaa̍ shookaa̠raaya̠ svaahaa̠ shookri̍taaya̠ svaahaa̠ palaa̍yitaaya̠ svaahaa̠ ''palaa̍yitaaya̠ svaahaa̠ ''valga̍te̠ svaahaa̍ paraa̠valga̍te̠ svaahaa̍ ''ya̠te svaahaa̎ praya̠te svaahaa̠ sarva̍smai̠ svaahaa̎ ॥ 42 ॥ (aaya̍naa̠yotta̍ramaa̠palaa̍yitaaya̠ shadvigm̍shatih) (a. 13)
a̠gnaye̠ svaahaa̠ somaa̍ya̠ svaahaa̍ vaa̠yave̠ svaahaa̠ 'paa-mmodaa̍ya̠ svaahaa̍ savi̠tre svaahaa̠ sara̍svatyai̠ svaahe-ndraa̍ya̠ svaahaa̠ briha̠spata̍ye̠ svaahaa̍ mi̠traaya̠ svaahaa̠ varu̍naaya̠ svaahaa̠ sarva̍smai̠ svaahaa̎ ॥ 43 ॥ (a̠gnaye̍ vaa̠yave̠-'paa-mmodaa̠yendraa̍ya̠ trayo̍vigmshatih) (a. 14)
pri̠thi̠vyai svaahaa̠ 'ntari̍kshaaya̠ svaahaa̍ di̠ve svaahaa̠ sooryaa̍ya̠ svaahaa̍ cha̠ndrama̍se̠ svaahaa̠ naksha̍trebhya̠-ssvaahaa̠ praachyai̍ di̠she svaahaa̠ dakshi̍naayai di̠she svaahaa̎ pra̠teechyai̍ di̠she svaaho-dee̎chyai di̠she svaaho̠rdhvaayai̍ di̠she svaahaa̍ di̠gbhya-ssvaahaa̍ 'vaantaradi̠shaabhya̠-ssvaahaa̠ samaa̎bhya̠-ssvaahaa̍ sha̠radbhya̠-ssvaahaa̍ 'horaa̠trebhya̠-ssvaahaa̎ 'rdhamaa̠sebhya̠-ssvaahaa̠ maase̎bhya̠-ssvaaha̠rtubhya̠-ssvaahaa̍ samvathsa̠raaya̠ svaahaa̠ sarva̍smai̠ svaahaa̎ ॥ 44 ॥ (pri̠thi̠vyai sooryaa̍ya̠ naksha̍trebhya̠h praachyai̍ sa̠ptacha̍tvaarigmshat) (a. 15)
a̠gnaye̠ svaahaa̠ somaa̍ya̠ svaahaa̍ savi̠tre svaahaa̠ sara̍svatyai̠ svaahaa̍ poo̠shne svaahaa̠ briha̠spata̍ye̠ svaahaa̠ 'paa-mmodaa̍ya̠ svaahaa̍ vaa̠yave̠ svaahaa̍ mi̠traaya̠ svaahaa̠ varu̍naaya̠ svaahaa̠ sarva̍smai̠ svaahaa̎ ॥ 45 ॥ (a̠gnaye̍ savi̠tre poo̠shne̍-'paa-mmodaa̍ya vaa̠yave̠ trayo̍vigmshatih) (a. 16)
pri̠thi̠vyai svaahaa̠ 'ntari̍kshaaya̠ svaahaa̍ di̠ve svaahaa̠ 'gnaye̠ svaahaa̠ somaa̍ya̠ svaahaa̠ sooryaa̍ya̠ svaahaa̍ cha̠ndrama̍se̠ svaahaa 'hne̠ svaahaa̠ raatri̍yai̠ svaaha̠rjave̠ svaahaa̍ saa̠dhave̠ svaahaa̍ sukshi̠tyai svaahaa̎ kshu̠dhe svaahaa̍ ''shiti̠mne svaahaa̠ rogaa̍ya̠ svaahaa̍ hi̠maaya̠ svaahaa̍ shee̠taaya̠ svaahaa̍ ''ta̠paaya̠ svaahaa 'ra̍nyaaya̠ svaahaa̍ suva̠rgaaya̠ svaahaa̍ lo̠kaaya̠ svaahaa̠ sarva̍smai̠ svaahaa̎ ॥ 46 ॥ (pri̠thi̠vyaa a̠gnaye-'hne̠ raatri̍yai̠ chatu̍shchatvaarigmshat) (a. 17)
bhuvo̍ de̠vaanaa̠-nkarma̍naa̠-'pasa̠rtasya̍ pa̠thyaa̍-'si̠ vasu̍bhi-rde̠vebhi̍-rde̠vata̍yaa gaaya̠trena̍ tvaa̠ chhanda̍saa yunajmi vasa̠ntena̍ tva̠rtunaa̍ ha̠vishaa̍ deekshayaami ru̠drebhi̍-rde̠vebhi̍-rde̠vata̍yaa̠ traishtu̍bhena tvaa̠ chhanda̍saa yunajmi gree̠shmena̍ tva̠rtunaa̍ ha̠vishaa̍ deekshayaa-myaadi̠tyebhi̍-rde̠vebhi̍-rde̠vata̍yaa̠ jaaga̍tena tvaa̠ chhanda̍saa yunajmi va̠r̠shaabhi̍stva̠rtunaa̍ ha̠vishaa̍ deekshayaami̠ vishve̍bhi-rde̠vebhi̍-rde̠vata̠yaa ''nu̍shtubhena tvaa̠ chhanda̍saa yunajmi [ ] 47
sha̠radaa̎ tva̠rtunaa̍ ha̠vishaa̍ deekshayaa̠myangi̍robhi-rde̠vebhi̍-rde̠vata̍yaa̠ paankte̍na tvaa̠ chhanda̍saa yunajmi hemantashishi̠raabhyaa̎-ntva̠rtunaa̍ ha̠vishaa̍ deekshayaa̠myaa-'ha-ndee̠kshaama̍ruhamri̠tasya̠ patnee̎-ngaaya̠trena̠ chhanda̍saa̠ brahma̍naa cha̠rtagm sa̠tye̍-'dhaagm sa̠tyamri̠te̍-'dhaam ॥ ma̠hee moo ̠shu >1su̠traamaa̍na >2-mi̠ha dhriti̠-ssvaahe̠ha vidhri̍ti̠-ssvaahe̠ha ranti̠-ssvaahe̠ha rama̍ti̠-ssvaahaa̎ ॥ 48 ॥ (aanu̍shtubhena tvaa̠ chhanda̍saa yuna̠jmye - kaa̠nna pa̍nchaa̠shachcha̍) (a. 18)
ee̠kaam̠raaya̠ svaahe-nkri̍taaya̠ svaahaa̠ kranda̍te̠ svaahaa̍ 'va̠kranda̍te̠ svaahaa̠ protha̍te̠ svaahaa̎ pra̠protha̍te̠ svaahaa̍ ga̠ndhaaya̠ svaahaa̎ ghraa̠taaya̠ svaahaa̎ praa̠naaya̠ svaahaa̎ vyaa̠naaya̠ svaahaa̍ 'paa̠naaya̠ svaahaa̍ sandee̠yamaa̍naaya̠ svaahaa̠ sandi̍taaya̠ svaahaa̍ vichri̠tyamaa̍naaya̠ svaahaa̠ vichri̍ttaaya̠ svaahaa̍ palaayi̠shyamaa̍naaya̠ svaahaa̠ palaa̍yitaaya̠ svaaho̍paraggsya̠te svaahopa̍rataaya̠ svaahaa̍ nivekshya̠te svaahaa̍ nivi̠shamaa̍naaya̠ svaahaa̠ nivi̍shtaaya̠ svaahaa̍ nishathsya̠te svaahaa̍ ni̠sheeda̍te̠ svaahaa̠ nisha̍nnaaya̠ svaahaa̍- [nisha̍nnaaya̠ svaahaa̎, aa̠si̠shya̠te svaahaa] 49
-''sishya̠te svaahaa ''see̍naaya̠ svaahaa̍ ''si̠taaya̠ svaahaa̍ nipathsya̠te svaahaa̍ ni̠padya̍maanaaya̠ svaahaa̠ nipa̍nnaaya̠ svaahaa̍ shayishya̠te svaahaa̠ shayaa̍naaya̠ svaahaa̍ shayi̠taaya̠ svaahaa̍ sammeelishya̠te svaahaa̍ sa̠meemla̍te̠ svaahaa̠ sammee̍litaaya̠ svaahaa̎ svaphsya̠te svaahaa̎ svapa̠te svaahaa̍ su̠ptaaya̠ svaahaa̎ prabhothsya̠te svaahaa̎ pra̠buddhya̍maanaaya̠ svaahaa̠ prabu̍ddhaaya̠ svaahaa̍ jaagarishya̠te svaahaa̠ jaagra̍te̠ svaahaa̍ jaagari̠taaya̠ svaahaa̠ shushroo̍shamaanaaya̠ svaahaa̍ shrinva̠te svaahaa̎ shru̠taaya̠ svaahaa̍ veekshishya̠te svaahaa̠ [veekshishya̠te svaahaa̎, veeksha̍maanaaya̠ svaahaa̠] 50
veeksha̍maanaaya̠ svaahaa̠ veekshi̍taaya̠ svaahaa̍ sagmhaasya̠te svaahaa̍ sa̠jimhaa̍naaya̠ svaaho̠-jjihaa̍naaya̠ svaahaa̍ vivarthsya̠te svaahaa̍ vi̠varta̍maanaaya̠ svaahaa̠ vivri̍ttaaya̠ svaaho̎-tthaasya̠te svaaho̠ttishtha̍te̠ svaahotthi̍taaya̠ svaahaa̍ vidhavishya̠te svaahaa̍ vidhoonvaa̠naaya̠ svaahaa̠ vidhoo̍taaya̠ svaaho̎-tkraggsya̠te svaaho̠tkraama̍te̠ svaahotkraa̎mtaaya̠ svaahaa̍ chankramishya̠te svaahaa̍ chankra̠myamaa̍naaya̠ svaahaa̍ chankrami̠taaya̠ svaahaa̍ kandooyishya̠te svaahaa̍ kandoo̠yamaa̍naaya̠ svaahaa̍ kandooyi̠taaya̠ svaahaa̍ nikashishya̠te svaahaa̍ ni̠kasha̍maanaaya̠ svaahaa̠ nika̍shitaaya̠ svaahaa̠ yadatti̠ tasmai̠ svaahaa̠ ya-tpiba̍ti̠ tasmai̠ svaahaa̠ yanmeha̍ti̠ tasmai̠ svaahaa̠ yachchhakri̍-tka̠roti̠ tasmai̠ svaahaa̠ reta̍se̠ svaahaa̎ pra̠jaabhya̠-ssvaahaa̎ pra̠jana̍naaya̠ svaahaa̠ sarva̍smai̠ svaahaa̎ ॥ 51 ॥ (nisha̍nnaaya̠ svaahaa̍ - veekshishya̠te svaahaa̍ - ni̠kasha̍maanaaya̠ svaahaa̍ - sa̠ptavigm̍shatishcha) (a. 19)
a̠gnaye̠ svaahaa̍ vaa̠yave̠ svaahaa̠ sooryaa̍ya̠ svaaha̠rta-ma̍syri̠tasya̠rtama̍si sa̠tyama̍si sa̠tyasya̍ sa̠tya-ma̍syri̠tasya̠ panthaa̍ asi de̠vaanaa̎-nchhaa̠yaa-'mrita̍sya̠ naama̠ ta-thsa̠tyam ya-ttva-mpra̠jaapa̍ti̠rasyadhi̠ yada̍smin vaa̠jinee̍va̠ shubha̠-sspardha̍nte̠ diva̠-ssoorye̍na̠ visho̠-'po vri̍naa̠nah pa̍vate ka̠vya-npa̠shu-nna go̠paa irya̠h pari̍jmaa ॥ 52 ॥ (a̠gnaye̍ vaa̠yave̠ sooryaa̍yaa̠ - 'shtaacha̍tvaarigmshat) (a. 20)
(pra̠jana̍nam - praatassava̠ne vai - bra̍hmavaa̠dina̠-ssa tvaa - angi̍rasa̠- aapo̠ vai - somo̠ vai - sa̍hasrata̠myaa - tri̍ - rja̠mada̍gnih - samvathsa̠ro - de̠vasya̍ -vi̠bhoo - raaya̍naayaa̠- 'gnaye̍ - prithi̠vyaa - a̠gnaye̍ - prithi̠vyai - bhuva̍ - eekaam̠raayaa̠ - gnaye̍ vaa̠yave̠ sooryaa̍ya - vigmsha̠tih )
(pra̠jana̍na̠ - mangi̍rasa̠h - somo̠ vai - pra̍tigri̠hnaati̍ - vi̠bhoo - rveeksha̍maanaaya̠ - dvipa̍nchaa̠shat)
(pra̠jana̍na̠, mpari̍jmaa)
॥ hari̍h om ॥
॥ krishna yajurvedeeya taittireeya samhitaayaam saptamakaande prathamah prashna-ssamaaptah ॥
7.1 - প্রজননং জ্য়োতিরগ্নিঃ - কৃষ্ণ যজুর্বেদ তৈত্তিরীয় সংহিতা পাঠঃ সম্পর্কে
This is the first prashna of the seventh kanda of the Krishna Yajurveda Taittiriya Samhita, which begins the explanation of the great soma sessions and gives mantras connected with the Ashvamedha. It opens: "Agni is light and generation (prajananam jyotir agnih)", and goes on to explain the special rites of many days, their stotras and offerings, and the meaning behind them.
উৎস: Krishna Yajurveda, Taittiriya Samhita 7.1
কখন পাঠ করবেন: In Vedic chanting and in traditional study of the Taittiriya Samhita.
আপনি কি জানেন?
- The seventh kanda deals with soma rites lasting many days and the great sattras, ending the Samhita.
- The Ashvamedha, the horse sacrifice, was the grandest royal rite of the Vedic age.
প্রায়শই জিজ্ঞাসিত প্রশ্ন
How does this prashna begin?
"Prajananam jyotir agnih", Agni is light and generation.
What does the seventh kanda deal with?
Soma rites of many days and the great sattras.
Which Veda is it from?
The Krishna Yajurveda, Taittiriya Samhita 7.1.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ