নারাযণ উপনিষদ্
Vedic · প্রথাগত ভক্তিপাঠ
ಓಂ ಸ॒ಹ ನಾ॑ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯಂ॑ ಕರವಾವಹೈ । ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ಓಂ ಅಥ ಪುರುಷೋ ಹ ವೈ ನಾರಾಯಣೋಽಕಾಮಯತ ಪ್ರಜಾಃ ಸೃ॑ಜೇಯೇ॒ತಿ । ನಾ॒ರಾ॒ಯ॒ಣಾತ್ಪ್ರಾ॑ಣೋ ಜಾ॒ಯತೇ । ಮನಃ ಸರ್ವೇಂದ್ರಿ॑ಯಾಣಿ॒ ಚ । ಖಂ-ವಾಁಯುರ್ಜ್ಯೋತಿರಾಪಃ ಪೃಥಿವೀ ವಿಶ್ವ॑ಸ್ಯ ಧಾ॒ರಿಣೀ । ನಾ॒ರಾ॒ಯ॒ಣಾದ್ಬ್ರ॑ಹ್ಮಾ ಜಾ॒ಯತೇ । ನಾ॒ರಾ॒ಯ॒ಣಾದ್ರು॑ದ್ರೋ ಜಾ॒ಯತೇ । ನಾ॒ರಾ॒ಯ॒ಣಾದಿಂ॑ದ್ರೋ ಜಾ॒ಯತೇ । ನಾ॒ರಾ॒ಯ॒ಣಾತ್ಪ್ರಜಾಪತಯಃ ಪ್ರ॑ಜಾಯಂ॒ತೇ । ನಾ॒ರಾ॒ಯ॒ಣಾದ್ದ್ವಾದಶಾದಿತ್ಯಾ ರುದ್ರಾ ವಸವಸ್ಸರ್ವಾಣಿ ಚ ಛಂ॑ದಾಗ್ಂ॒ಸಿ । ನಾ॒ರಾ॒ಯ॒ಣಾದೇವ ಸಮು॑ತ್ಪದ್ಯಂ॒ತೇ । ನಾ॒ರಾ॒ಯ॒ಣೇ ಪ್ರ॑ವರ್ತಂ॒ತೇ । ನಾ॒ರಾ॒ಯ॒ಣೇ ಪ್ರ॑ಲೀಯಂ॒ತೇ ॥
ಓಮ್ । ಅಥ ನಿತ್ಯೋ ನಾ॑ರಾಯ॒ಣಃ । ಬ್ರ॒ಹ್ಮಾ ನಾ॑ರಾಯ॒ಣಃ । ಶಿ॒ವಶ್ಚ॑ ನಾರಾಯ॒ಣಃ । ಶ॒ಕ್ರಶ್ಚ॑ ನಾರಾಯ॒ಣಃ । ದ್ಯಾ॒ವಾ॒ಪೃ॒ಥಿ॒ವ್ಯೌ ಚ॑ ನಾರಾಯ॒ಣಃ । ಕಾ॒ಲಶ್ಚ॑ ನಾರಾಯ॒ಣಃ । ದಿ॒ಶಶ್ಚ॑ ನಾರಾಯ॒ಣಃ । ಊ॒ರ್ಧ್ವಶ್ಚ॑ ನಾರಾಯ॒ಣಃ । ಅ॒ಧಶ್ಚ॑ ನಾರಾಯ॒ಣಃ । ಅಂ॒ತ॒ರ್ಬ॒ಹಿಶ್ಚ॑ ನಾರಾಯ॒ಣಃ । ನಾರಾಯಣ ಏವೇ॑ದಗ್ಂ ಸ॒ರ್ವಮ್ । ಯದ್ಭೂ॒ತಂ-ಯಁಚ್ಚ॒ ಭವ್ಯಂ᳚ । ನಿಷ್ಕಲೋ ನಿರಂಜನೋ ನಿರ್ವಿಕಲ್ಪೋ ನಿರಾಖ್ಯಾತಃ ಶುದ್ಧೋ ದೇವ ಏಕೋ॑ ನಾರಾಯ॒ಣಃ । ನ ದ್ವಿ॒ತೀಯೋ᳚ಸ್ತಿ॒ ಕಶ್ಚಿ॑ತ್ । ಯ ಏ॑ವಂ-ವೇಁ॒ದ । ಸ ವಿಷ್ಣುರೇವ ಭವತಿ ಸ ವಿಷ್ಣುರೇ॑ವ ಭ॒ವತಿ ॥
ಓಮಿತ್ಯ॑ಗ್ರೇ ವ್ಯಾ॒ಹರೇತ್ । ನಮ ಇ॑ತಿ ಪ॒ಶ್ಚಾತ್ । ನಾ॒ರಾ॒ಯ॒ಣಾಯೇತ್ಯು॑ಪರಿ॒ಷ್ಟಾತ್ । ಓಮಿ॑ತ್ಯೇಕಾ॒ಕ್ಷರಮ್ । ನಮ ಇತಿ॑ ದ್ವೇ ಅ॒ಕ್ಷರೇ । ನಾ॒ರಾ॒ಯ॒ಣಾಯೇತಿ ಪಂಚಾ᳚ಕ್ಷರಾ॒ಣಿ । ಏತದ್ವೈ ನಾರಾಯಣಸ್ಯಾಷ್ಟಾಕ್ಷ॑ರಂ ಪ॒ದಮ್ । ಯೋ ಹ ವೈ ನಾರಾಯಣಸ್ಯಾಷ್ಟಾಕ್ಷರಂ ಪದ॑ಮಧ್ಯೇ॒ತಿ । ಅನಪಬ್ರವಸ್ಸರ್ವಮಾ॑ಯುರೇ॒ತಿ । ವಿಂದತೇ ಪ್ರಾ॑ಜಾಪ॒ತ್ಯಗ್ಂ ರಾಯಸ್ಪೋಷಂ॑ ಗೌಪ॒ತ್ಯಮ್ । ತತೋಽಮೃತತ್ವಮಶ್ನುತೇ ತತೋಽಮೃತತ್ವಮಶ್ನು॑ತ ಇ॒ತಿ । ಯ ಏ॑ವಂ-ವೇಁ॒ದ ॥
ಪ್ರತ್ಯಗಾನಂದಂ ಬ್ರಹ್ಮ ಪುರುಷಂ ಪ್ರಣವ॑ಸ್ವರೂ॒ಪಮ್ । ಅಕಾರ ಉಕಾರ ಮಕಾ॑ರ ಇ॒ತಿ । ತಾನೇಕಧಾ ಸಮಭರತ್ತದೇತ॑ದೋಮಿ॒ತಿ । ಯಮುಕ್ತ್ವಾ॑ ಮುಚ್ಯ॑ತೇ ಯೋ॒ಗೀ॒ ಜ॒ನ್ಮ॒ಸಂಸಾ॑ರಬಂ॒ಧನಾತ್ । ಓಂ ನಮೋ ನಾರಾಯಣಾಯೇತಿ ಮಂ॑ತ್ರೋಪಾ॒ಸಕಃ । ವೈಕುಂಠಭುವನಲೋಕಂ॑ ಗಮಿ॒ಷ್ಯತಿ । ತದಿದಂ ಪರಂ ಪುಂಡರೀಕಂ-ವಿಁ॑ಜ್ಞಾನ॒ಘನಮ್ । ತಸ್ಮಾತ್ತದಿದಾ॑ವನ್ಮಾ॒ತ್ರಮ್ । ಬ್ರಹ್ಮಣ್ಯೋ ದೇವ॑ಕೀಪು॒ತ್ರೋ॒ ಬ್ರಹ್ಮಣ್ಯೋ ಮ॑ಧುಸೂ॒ದನೋಮ್ । ಸರ್ವಭೂತಸ್ಥಮೇಕಂ॑ ನಾರಾ॒ಯಣಮ್ । ಕಾರಣರೂಪಮಕಾರ ಪ॑ರಬ್ರ॒ಹ್ಮೋಮ್ । ಏತದಥರ್ವ ಶಿರೋ॑ಯೋಽಧೀ॒ತೇ ಪ್ರಾ॒ತರ॑ಧೀಯಾ॒ನೋ॒ ರಾತ್ರಿಕೃತಂ ಪಾಪಂ॑ ನಾಶ॒ಯತಿ । ಸಾ॒ಯಮ॑ಧೀಯಾ॒ನೋ॒ ದಿವಸಕೃತಂ ಪಾಪಂ॑ ನಾಶ॒ಯತಿ । ಮಾಧ್ಯಂದಿನಮಾದಿತ್ಯಾಭಿಮುಖೋ॑ಽಧೀಯಾ॒ನಃ॒ ಪಂಚಪಾತಕೋಪಪಾತಕಾ᳚ತ್ಪ್ರಮು॒ಚ್ಯತೇ । ಸರ್ವ ವೇದ ಪಾರಾಯಣ ಪು॑ಣ್ಯಂ-ಲಁ॒ಭತೇ । ನಾರಾಯಣಸಾಯುಜ್ಯಮ॑ವಾಪ್ನೋ॒ತಿ॒ ನಾರಾಯಣ ಸಾಯುಜ್ಯಮ॑ವಾಪ್ನೋ॒ತಿ । ಯ ಏ॑ವಂ-ವೇಁ॒ದ । ಇತ್ಯು॑ಪ॒ನಿಷ॑ತ್ ॥
ಓಂ ಸ॒ಹ ನಾ॑ವವತು । ಸ॒ಹ ನೌ॑ ಭುನಕ್ತು । ಸ॒ಹ ವೀ॒ರ್ಯಂ॑ ಕರವಾವಹೈ । ತೇ॒ಜ॒ಸ್ವಿನಾ॒ವಧೀ॑ತಮಸ್ತು॒ ಮಾ ವಿ॑ದ್ವಿಷಾ॒ವಹೈ᳚ ॥ ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
নারাযণ উপনিষদ্ সম্পর্কে
The Narayana Upanishad is a short Upanishad declaring Narayana as the source of everything: from Narayana arise life, mind, the senses, the elements and all the gods, and into Narayana they return. It teaches the eight-syllable mantra "Om Namo Narayanaya" and ends with the meaning of Om as a, u and m.
উৎস: Krishna Yajurveda
কখন পাঠ করবেন: In daily Vishnu worship, on Ekadashi and Vaikuntha Ekadashi, and as part of Vedic recitation.
আপনি কি জানেন?
- It is the classic source of the ashtakshara mantra "Om Namo Narayanaya", central to Sri Vaishnava practice.
- It opens and closes with the "Saha navavatu" peace chant, a prayer that teacher and student study together without discord.
- Its closing passage says that by uttering Om, the yogi is freed from the bondage of birth and worldly life.
প্রায়শই জিজ্ঞাসিত প্রশ্ন
What does the Narayana Upanishad teach?
That Narayana is the source and end of all beings, and it gives the mantra "Om Namo Narayanaya".
Which Veda does it belong to?
The Krishna Yajurveda.
What is the ashtakshara mantra?
"Om Namo Narayanaya", the eight-syllable mantra of Narayana.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।