MuhurtaNow

নারাযণীয়ং দশক 57 - প্রলংবাসুরবধম্

Vishnu · প্রথাগত ভক্তিপাঠ

রামসখঃ ক্বাপি দিনে কামদ ভগবন্ গতো ভবান্ বিপিনম্ । সূনুভিরপি গোপানাং ধেনুভিরভিসংবৃতো লসদ্বেষঃ ॥1॥

সংদর্শযন্ বলায় স্বৈরং বৃংদাবনশ্রিয়ং বিমলাম্ । কাংডীরৈঃ সহ বালৈর্ভাংডীরকমাগমো বটং ক্রীডন্ ॥2॥

তাবত্তাবকনিধনস্পৃহয়ালুর্গোপমূর্তিরদয়ালুঃ । দৈত্য়ঃ প্রলংবনামা প্রলংববাহুং ভবংতমাপেদে ॥3॥

জানন্নপ্যবিজানন্নিব তেন সমং নিবদ্ধসৌহার্দঃ । বটনিকটে পটুপশুপব্য়াবদ্ধং দ্বংদ্বয়ুদ্ধমারব্ধাঃ ॥4॥

গোপান্ বিভজ্য় তন্বন্ সংঘং বলভদ্রকং ভবত্কমপি । ত্বদ্বলভীরুং দৈত্য়ং ত্বদ্বলগতমন্বমন্যথা ভগবন্ ॥5॥

কল্পিতবিজেতৃবহনে সমরে পরয়ূথগং স্বদয়িততরম্ । শ্রীদামানমধত্থাঃ পরাজিতো ভক্তদাসতাং প্রথযন্ ॥6॥

এবং বহুষু বিভূমন্ বালেষু বহত্সু বাহ্যমানেষু । রামবিজিতঃ প্রলংবো জহার তং দূরতো ভবদ্ভীত্য়া ॥7॥

ত্বদ্দূরং গময়ংতং তং দৃষ্ট্বা হলিনি বিহিতগরিমভরে । দৈত্য়ঃ স্বরূপমাগাদ্যদ্রূপাত্ স হি বলোঽপি চকিতোঽভূত্ ॥8॥

উচ্চতয়া দৈত্যতনোস্ত্বন্মুখমালোক্য় দূরতো রামঃ । বিগতভয়ো দৃঢমুষ্ট্য়া ভৃশদুষ্টং সপদি পিষ্টবানেনম্ ॥9॥

হত্বা দানববীরং প্রাপ্তং বলমালিলিংগিথ প্রেম্ণা । তাবন্মিলতোর্য়ুবয়োঃ শিরসি কৃতা পুষ্পবৃষ্টিরমরগণৈঃ ॥10॥

আলংবো ভুবনানাং প্রালংবং নিধনমেবমারচযন্ । কালং বিহায় সদ্য়ো লোলংবরুচে হরে হরেঃ ক্লেশান্ ॥11॥

নারাযণীয়ং দশক 57 - প্রলংবাসুরবধম্ সম্পর্কে

The fifty-seventh dashaka of the Narayaneeyam tells of the slaying of the demon Pralamba. One day Krishna and Balarama go to the forest with the cowherd boys and cows, showing Balarama the beauty of Vrindavan, and play games under the Bhandira banyan tree. The demon Pralamba joins them disguised as a cowherd boy and carries Balarama off on his back, but Balarama strikes him down.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana and at Guruvayur.

আপনি কি জানেন?

  • In the game, the losers had to carry the winners on their backs, which gave Pralamba his chance to carry Balarama away.
  • Its last verse plays on sound: "alambo bhuvananam Pralambam nidhanam" (the support of the worlds brought Pralamba to his end), asking Hari to remove our troubles.

প্রায়শই জিজ্ঞাসিত প্রশ্ন

What story does this dashaka tell?

Balarama slaying the demon Pralamba, who came disguised as a cowherd boy.

Where did it happen?

Under the Bhandira banyan tree in Vrindavan.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।