MuhurtaNow

নারাযণীয়ং দশক 69 - রাসক্রীডা

Vishnu · প্রথাগত ভক্তিপাঠ

কেশপাশধৃতপিংছিকাবিততিসংচলন্মকরকুংডলং হারজালবনমালিকাললিতমংগরাগঘনসৌরভম্ । পীতচেলধৃতকাংচিকাংচিতমুদংচদংশুমণিনূপুরং রাসকেলিপরিভূষিতং তব হি রূপমীশ কলয়ামহে ॥1॥

তাবদেব কৃতমংডনে কলিতকংচুলীককুচমংডলে গংডলোলমণিকুংডলে যুবতিমংডলেঽথ পরিমংডলে । অংতরা সকলসুংদরীয়ুগলমিংদিরারমণ সংচরন্ মংজুলাং তদনু রাসকেলিময়ি কংজনাভ সমুপাদধাঃ ॥2॥

বাসুদেব তব ভাসমানমিহ রাসকেলিরসসৌরভং দূরতোঽপি খলু নারদাগদিতমাকলয়্য় কুতুকাকুলা । বেষভূষণবিলাসপেশলবিলাসিনীশতসমাবৃতা নাকতো যুগপদাগতা বিযতি বেগতোঽথ সুরমংডলী ॥3॥

বেণুনাদকৃততানদানকলগানরাগগতিয়োজনা- লোভনীযমৃদুপাদপাতকৃততালমেলনমনোহরম্ । পাণিসংক্বণিতকংকণং চ মুহুরংসলংবিতকরাংবুজং শ্রোণিবিংবচলদংবরং ভজত রাসকেলিরসডংবরম্ ॥4॥

স্পর্ধয়া বিরচিতানুগানকৃততারতারমধুরস্বরে নর্তনেঽথ ললিতাংগহারলুলিতাংগহারমণিভূষণে । সম্মদেন কৃতপুষ্পবর্ষমলমুন্মিষদ্দিবিষদাং কুলং চিন্ময়ে ত্বয়ি নিলীযমানমিব সম্মুমোহ সবধূকুলম্ ॥5॥

স্বিন্নসন্নতনুবল্লরী তদনু কাপি নাম পশুপাংগনা কাংতমংসমবলংবতে স্ম তব তাংতিভারমুকুলেক্ষণা ॥ কাচিদাচলিতকুংতলা নবপটীরসারঘনসৌরভং বংচনেন তব সংচুচুংব ভুজমংচিতোরুপুলকাংকুরা ॥6॥

কাপি গংডভুবি সন্নিধায় নিজগংডমাকুলিতকুংডলং পুণ্যপূরনিধিরন্ববাপ তব পূগচর্বিতরসামৃতম্ । ইংদিরাবিহৃতিমংদিরং ভুবনসুংদরং হি নটনাংতরে ত্বামবাপ্য় দধুরংগনাঃ কিমু ন সম্মদোন্মদদশাংতরম্ ॥7॥

গানমীশ বিরতং ক্রমেণ কিল বাদ্যমেলনমুপারতং ব্রহ্মসম্মদরসাকুলাঃ সদসি কেবলং ননৃতুরংগনাঃ । নাবিদন্নপি চ নীবিকাং কিমপি কুংতলীমপি চ কংচুলীং জ্য়োতিষামপি কদংবকং দিবি বিলংবিতং কিমপরং ব্রুবে ॥8॥

মোদসীম্নি ভুবনং বিলাপ্য় বিহৃতিং সমাপ্য় চ ততো বিভো কেলিসম্মৃদিতনির্মলাংগনবঘর্মলেশসুভগাত্মনাম্ । মন্মথাসহনচেতসাং পশুপয়োষিতাং সুকৃতচোদিত- স্তাবদাকলিতমূর্তিরাদধিথ মারবীরপরমোত্সবান্ ॥9॥

কেলিভেদপরিলোলিতাভিরতিলালিতাভিরবলালিভিঃ স্বৈরমীশ ননু সূরজাপযসি চারুনাম বিহৃতিং ব্যধাঃ । কাননেঽপি চ বিসারিশীতলকিশোরমারুতমনোহরে সূনসৌরভময়ে বিলেসিথ বিলাসিনীশতবিমোহনম্ ॥10॥

কামিনীরিতি হি যামিনীষু খলু কামনীযকনিধে ভবান্ পূর্ণসম্মদরসার্ণবং কমপি যোগিগম্যমনুভাবযন্ । ব্রহ্মশংকরমুখানপীহ পশুপাংগনাসু বহুমানযন্ ভক্তলোকগমনীযরূপ কমনীয় কৃষ্ণ পরিপাহি মাম্ ॥11॥

নারাযণীয়ং দশক 69 - রাসক্রীডা সম্পর্কে

The sixty-ninth dashaka of the Narayaneeyam describes the Rasa dance. Krishna appears with a peacock feather in his hair, swinging makara earrings, garlands of pearls and forest flowers, fragrant sandal and a yellow robe with a golden girdle; the gopis, adorned, form a circle around him, and he appears between each pair of them, dancing with every one at once. The poet says that through this the Lord gave the gopis a bliss that only yogis reach, and even Brahma and Shiva honoured them.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana, at Guruvayur, and on Sharad Purnima.

আপনি কি জানেন?

  • In the Rasa dance Krishna multiplies himself so that each gopi feels he is dancing with her alone.
  • The Rasa Lila is celebrated on Sharad Purnima, the autumn full moon.

প্রায়শই জিজ্ঞাসিত প্রশ্ন

What does this dashaka describe?

The Rasa dance of Krishna with the gopis.

How does Krishna dance with all of them?

He appears between every pair of gopis at once.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।