নারাযণীয়ং দশক 72 - অক্রূরগোকুলয়াত্রা
Vishnu · প্রথাগত ভক্তিপাঠ
কংসোঽথ নারদগিরা ব্রজবাসিনং ত্বা- মাকর্ণ্য় দীর্ণহৃদয়ঃ স হি গাংদিনেযম্ । আহূয় কার্মুকমখচ্ছলতো ভবংত- মানেতুমেনমহিনোদহিনাথশায়িন্ ॥1॥
অক্রূর এষ ভবদংঘ্রিপরশ্চিরায় ত্বদ্দর্শনাক্ষমমনাঃ ক্ষিতিপালভীত্য়া । তস্য়াজ্ঞয়ৈব পুনরীক্ষিতুমুদ্যতস্ত্বা- মানংদভারমতিভূরিতরং বভার ॥2॥
সোঽয়ং রথেন সুকৃতী ভবতো নিবাসং গচ্ছন্ মনোরথগণাংস্ত্বয়ি ধার্যমাণান্ । আস্বাদযন্ মুহুরপাযভয়েন দৈবং সংপ্রার্থযন্ পথি ন কিংচিদপি ব্যজানাত্ ॥3॥
দ্রক্ষ্য়ামি বেদশতগীতগতিং পুমাংসং স্প্রক্ষ্য়ামি কিংস্বিদপি নাম পরিষ্বজেযম্ । কিং বক্ষ্যতে স খলু মাং ক্বনু বীক্ষিতঃ স্য়া- দিত্থং নিনায় স ভবন্মযমেব মার্গম্ ॥4॥
ভূয়ঃ ক্রমাদভিবিশন্ ভবদংঘ্রিপূতং বৃংদাবনং হরবিরিংচসুরাভিবংদ্যম্ । আনংদমগ্ন ইব লগ্ন ইব প্রমোহে কিং কিং দশাংতরমবাপ ন পংকজাক্ষ ॥5॥
পশ্যন্নবংদত ভবদ্বিহৃতিস্থলানি পাংসুষ্ববেষ্টত ভবচ্চরণাংকিতেষু । কিং ব্রূমহে বহুজনা হি তদাপি জাতা এবং তু ভক্তিতরলা বিরলাঃ পরাত্মন্ ॥6॥
সায়ং স গোপভবনানি ভবচ্চরিত্র- গীতামৃতপ্রসৃতকর্ণরসাযনানি । পশ্যন্ প্রমোদসরিতেব কিলোহ্যমানো গচ্ছন্ ভবদ্ভবনসন্নিধিমন্বয়াসীত্ ॥7॥
তাবদ্দদর্শ পশুদোহবিলোকলোলং ভক্তোত্তমাগতিমিব প্রতিপালয়ংতম্ । ভূমন্ ভবংতমযমগ্রজবংতমংত- র্ব্রহ্মানুভূতিরসসিংধুমিবোদ্বমংতম্ ॥8॥
সায়ংতনাপ্লববিশেষবিবিক্তগাত্রৌ দ্বৌ পীতনীলরুচিরাংবরলোভনীয়ৌ । নাতিপ্রপংচধৃতভূষণচারুবেষৌ মংদস্মিতার্দ্রবদনৌ স যুবাং দদর্শ ॥9॥
দূরাদ্রথাত্সমবরুহ্য় নমংতমেন- মুত্থাপ্য় ভক্তকুলমৌলিমথোপগূহন্ । হর্ষান্মিতাক্ষরগিরা কুশলানুয়োগী পাণিং প্রগৃহ্য় সবলোঽথ গৃহং নিনেথ ॥10॥
নংদেন সাকমমিতাদরমর্চয়িত্বা তং যাদবং তদুদিতাং নিশময়্য় বার্তাম্ । গোপেষু ভূপতিনিদেশকথাং নিবেদ্য় নানাকথাভিরিহ তেন নিশামনৈষীঃ ॥11॥
চংদ্রাগৃহে কিমুত চংদ্রভগাগৃহে নু রাধাগৃহে নু ভবনে কিমু মৈত্রবিংদে । ধূর্তো বিলংবত ইতি প্রমদাভিরুচ্চৈ- রাশংকিতো নিশি মরুত্পুরনাথ পায়াঃ ॥12॥
নারাযণীয়ং দশক 72 - অক্রূরগোকুলয়াত্রা সম্পর্কে
The seventy-second dashaka of the Narayaneeyam tells of Akrura's journey to Vraja. Hearing from Narada that Krishna lives in Vraja, Kamsa, his heart shattered with fear, calls Akrura, son of Gandini, and on the pretext of a festival of the bow sends him to bring Krishna to Mathura. Akrura, long a devotee of the Lord's feet, sets out with joy, his mind full of longing to see him, thinking: shall I see those feet worshipped by Brahma and the gods? Reaching Vraja at dusk, he sees the Lord's footprints in the dust, falls and rolls in them with tears of joy, and then meets Krishna and Balarama, who welcome him with love.
রচয়িতা: Melpathur Narayana Bhattathiri (1560 to 1646)
কখন পাঠ করবেন: In daily Narayaneeyam parayana and at Guruvayur.
আপনি কি জানেন?
- Akrura, though sent by Kamsa, was in heart one of Krishna's greatest devotees.
- Akrura rolling in the dust of the Lord's footprints is a famous image of humble devotion.
প্রায়শই জিজ্ঞাসিত প্রশ্ন
Who sent Akrura to Vraja?
Kamsa, on the pretext of a bow festival.
What did Akrura do on seeing the footprints?
He rolled in the dust with tears of joy.
Who wrote the Narayaneeyam?
Melpathur Narayana Bhattathiri, in 1586.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ