নারাযণীয়ং দশক 80 - স্যমংতকোপাখ্য়ানম্
Vishnu · প্রথাগত ভক্তিপাঠ
ಸತ್ರಾಜಿತಸ್ತ್ವಮಥ ಲುಬ್ಧವದರ್ಕಲಬ್ಧಂ ದಿವ್ಯಂ ಸ್ಯಮಂತಕಮಣಿಂ ಭಗವನ್ನಯಾಚೀಃ । ತತ್ಕಾರಣಂ ಬಹುವಿಧಂ ಮಮ ಭಾತಿ ನೂನಂ ತಸ್ಯಾತ್ಮಜಾಂ ತ್ವಯಿ ರತಾಂ ಛಲತೋ ವಿವೋಢುಮ್ ॥1॥
ಅದತ್ತಂ ತಂ ತುಭ್ಯಂ ಮಣಿವರಮನೇನಾಲ್ಪಮನಸಾ ಪ್ರಸೇನಸ್ತದ್ಭ್ರಾತಾ ಗಲಭುವಿ ವಹನ್ ಪ್ರಾಪ ಮೃಗಯಾಮ್ । ಅಹನ್ನೇನಂ ಸಿಂಹೋ ಮಣಿಮಹಸಿ ಮಾಂಸಭ್ರಮವಶಾತ್ ಕಪೀಂದ್ರಸ್ತಂ ಹತ್ವಾ ಮಣಿಮಪಿ ಚ ಬಾಲಾಯ ದದಿವಾನ್ ॥2॥
ಶಶಂಸುಃ ಸತ್ರಾಜಿದ್ಗಿರಮನು ಜನಾಸ್ತ್ವಾಂ ಮಣಿಹರಂ ಜನಾನಾಂ ಪೀಯೂಷಂ ಭವತಿ ಗುಣಿನಾಂ ದೋಷಕಣಿಕಾ । ತತಃ ಸರ್ವಜ್ಞೋಽಪಿ ಸ್ವಜನಸಹಿತೋ ಮಾರ್ಗಣಪರಃ ಪ್ರಸೇನಂ ತಂ ದೃಷ್ಟ್ವಾ ಹರಿಮಪಿ ಗತೋಽಭೂಃ ಕಪಿಗುಹಾಮ್ ॥3॥
ಭವಂತಮವಿತರ್ಕಯನ್ನತಿವಯಾಃ ಸ್ವಯಂ ಜಾಂಬವಾನ್ ಮುಕುಂದಶರಣಂ ಹಿ ಮಾಂ ಕ ಇಹ ರೋದ್ಧುಮಿತ್ಯಾಲಪನ್ । ವಿಭೋ ರಘುಪತೇ ಹರೇ ಜಯ ಜಯೇತ್ಯಲಂ ಮುಷ್ಟಿಭಿ- ಶ್ಚಿರಂ ತವ ಸಮರ್ಚನಂ ವ್ಯಧಿತ ಭಕ್ತಚೂಡಾಮಣಿಃ ॥4॥
ಬುಧ್ವಾಽಥ ತೇನ ದತ್ತಾಂ ನವರಮಣೀಂ ವರಮಣಿಂ ಚ ಪರಿಗೃಹ್ಣನ್ । ಅನುಗೃಹ್ಣನ್ನಮುಮಾಗಾಃ ಸಪದಿ ಚ ಸತ್ರಾಜಿತೇ ಮಣಿಂ ಪ್ರಾದಾಃ ॥5॥
ತದನು ಸ ಖಲು ಬ್ರೀಲಾಲೋಲೋ ವಿಲೋಲವಿಲೋಚನಾಂ ದುಹಿತರಮಹೋ ಧೀಮಾನ್ ಭಾಮಾಂ ಗಿರೈವ ಪರಾರ್ಪಿತಾಮ್ । ಅದಿತ ಮಣಿನಾ ತುಭ್ಯಂ ಲಭ್ಯಂ ಸಮೇತ್ಯ ಭವಾನಪಿ ಪ್ರಮುದಿತಮನಾಸ್ತಸ್ಯೈವಾದಾನ್ಮಣಿಂ ಗಹನಾಶಯಃ ॥6॥
ವ್ರೀಲಾಕುಲಾಂ ರಮಯತಿ ತ್ವಯಿ ಸತ್ಯಭಾಮಾಂ ಕೌಂತೇಯದಾಹಕಥಯಾಥ ಕುರೂನ್ ಪ್ರಯಾತೇ । ಹೀ ಗಾಂದಿನೇಯಕೃತವರ್ಮಗಿರಾ ನಿಪಾತ್ಯ ಸತ್ರಾಜಿತಂ ಶತಧನುರ್ಮಣಿಮಾಜಹಾರ ॥7॥
ಶೋಕಾತ್ ಕುರೂನುಪಗತಾಮವಲೋಕ್ಯ ಕಾಂತಾಂ ಹತ್ವಾ ದ್ರುತಂ ಶತಧನುಂ ಸಮಹರ್ಷಯಸ್ತಾಮ್ । ರತ್ನೇ ಸಶಂಕ ಇವ ಮೈಥಿಲಗೇಹಮೇತ್ಯ ರಾಮೋ ಗದಾಂ ಸಮಶಿಶಿಕ್ಷತ ಧಾರ್ತರಾಷ್ಟ್ರಮ್ ॥8॥
ಅಕ್ರೂರ ಏಷ ಭಗವನ್ ಭವದಿಚ್ಛಯೈವ ಸತ್ರಾಜಿತಃ ಕುಚರಿತಸ್ಯ ಯುಯೋಜ ಹಿಂಸಾಮ್ । ಅಕ್ರೂರತೋ ಮಣಿಮನಾಹೃತವಾನ್ ಪುನಸ್ತ್ವಂ ತಸ್ಯೈವ ಭೂತಿಮುಪಧಾತುಮಿತಿ ಬ್ರುವಂತಿ ॥9॥
ಭಕ್ತಸ್ತ್ವಯಿ ಸ್ಥಿರತರಃ ಸ ಹಿ ಗಾಂದಿನೇಯ- ಸ್ತಸ್ಯೈವ ಕಾಪಥಮತಿಃ ಕಥಮೀಶ ಜಾತಾ । ವಿಜ್ಞಾನವಾನ್ ಪ್ರಶಮವಾನಹಮಿತ್ಯುದೀರ್ಣಂ ಗರ್ವಂ ಧ್ರುವಂ ಶಮಯಿತುಂ ಭವತಾ ಕೃತೈವ ॥10॥
ಯಾತಂ ಭಯೇನ ಕೃತವರ್ಮಯುತಂ ಪುನಸ್ತ- ಮಾಹೂಯ ತದ್ವಿನಿಹಿತಂ ಚ ಮಣಿಂ ಪ್ರಕಾಶ್ಯ । ತತ್ರೈವ ಸುವ್ರತಧರೇ ವಿನಿಧಾಯ ತುಷ್ಯನ್ ಭಾಮಾಕುಚಾಂತಶಯನಃ ಪವನೇಶ ಪಾಯಾಃ ॥11॥
নারাযণীয়ং দশক 80 - স্যমংতকোপাখ্য়ানম্ সম্পর্কে
The eightieth dashaka of the Narayaneeyam tells the story of the Syamantaka gem. Krishna asks Satrajit for the divine gem given to him by the Sun, but Satrajit refuses; his brother Prasena wears it on a hunt and is killed by a lion, which is in turn killed by Jambavan. Suspected of taking the gem, Krishna follows the trail into Jambavan's cave and fights him for twenty-eight days, until Jambavan recognises his Lord Rama and gives him the gem and his daughter Jambavati. Satrajit, ashamed, gives Krishna the gem and his daughter Satyabhama; later the gem passes to Akrura, and Krishna leaves it with him.
রচয়িতা: Melpathur Narayana Bhattathiri (1560 to 1646)
কখন পাঠ করবেন: In daily Narayaneeyam parayana and at Guruvayur.
আপনি কি জানেন?
- The Syamantaka story is traditionally recited on Ganesh Chaturthi, as it is said to remove the blame of seeing the moon that night.
- Jambavan, the bear king, had served Rama in the Ramayana and recognised Krishna as the same Lord.
প্রায়শই জিজ্ঞাসিত প্রশ্ন
Who gave Satrajit the Syamantaka gem?
The Sun god.
Whom did Krishna marry in this story?
Jambavati and Satyabhama.
Who wrote the Narayaneeyam?
Melpathur Narayana Bhattathiri, in 1586.
উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।
আরও ভক্তিপাঠ