MuhurtaNow

নারাযণীয়ং দশক 9 - ব্রহ্মণঃ তপঃ তথা লোকসৃষ্টিঃ

Vishnu · প্রথাগত ভক্তিপাঠ

ಸ್ಥಿತಸ್ಸ ಕಮಲೋದ್ಭವಸ್ತವ ಹಿ ನಾಭಿಪಂಕೇರುಹೇ ಕುತಃ ಸ್ವಿದಿದಮಂಬುಧಾವುದಿತಮಿತ್ಯನಾಲೋಕಯನ್ । ತದೀಕ್ಷಣಕುತೂಹಲಾತ್ ಪ್ರತಿದಿಶಂ ವಿವೃತ್ತಾನನ- ಶ್ಚತುರ್ವದನತಾಮಗಾದ್ವಿಕಸದಷ್ಟದೃಷ್ಟ್ಯಂಬುಜಾಂ ॥1॥

ಮಹಾರ್ಣವವಿಘೂರ್ಣಿತಂ ಕಮಲಮೇವ ತತ್ಕೇವಲಂ ವಿಲೋಕ್ಯ ತದುಪಾಶ್ರಯಂ ತವ ತನುಂ ತು ನಾಲೋಕಯನ್ । ಕ ಏಷ ಕಮಲೋದರೇ ಮಹತಿ ನಿಸ್ಸಹಾಯೋ ಹ್ಯಹಂ ಕುತಃ ಸ್ವಿದಿದಂಬುಜಂ ಸಮಜನೀತಿ ಚಿಂತಾಮಗಾತ್ ॥2॥

ಅಮುಷ್ಯ ಹಿ ಸರೋರುಹಃ ಕಿಮಪಿ ಕಾರಣಂ ಸಂಭ್ವೇ- ದಿತಿ ಸ್ಮ ಕೃತನಿಶ್ಚಯಸ್ಸ ಖಲು ನಾಲರಂಧ್ರಾಧ್ವನಾ । ಸ್ವಯೋಗಬಲವಿದ್ಯಯಾ ಸಮವರೂಢವಾನ್ ಪ್ರೌಢಧೀ - ಸ್ತ್ವದೀಯಮತಿಮೋಹನಂ ನ ತು ಕಲೇವರಂ ದೃಷ್ಟವಾನ್ ॥3॥

ತತಃ ಸಕಲನಾಲಿಕಾವಿವರಮಾರ್ಗಗೋ ಮಾರ್ಗಯನ್ ಪ್ರಯಸ್ಯ ಶತವತ್ಸರಂ ಕಿಮಪಿ ನೈವ ಸಂದೃಷ್ಟವಾನ್ । ನಿವೃತ್ಯ ಕಮಲೋದರೇ ಸುಖನಿಷಣ್ಣ ಏಕಾಗ್ರಧೀಃ ಸಮಾಧಿಬಲಮಾದಧೇ ಭವದನುಗ್ರಹೈಕಾಗ್ರಹೀ ॥4॥

ಶತೇನ ಪರಿವತ್ಸರೈರ್ದೃಢಸಮಾಧಿಬಂಧೋಲ್ಲಸತ್- ಪ್ರಬೋಧವಿಶದೀಕೃತಃ ಸ ಖಲು ಪದ್ಮಿನೀಸಂಭವಃ । ಅದೃಷ್ಟಚರಮದ್ಭುತಂ ತವ ಹಿ ರೂಪಮಂತರ್ದೃಶಾ ವ್ಯಚಷ್ಟ ಪರಿತುಷ್ಟಧೀರ್ಭುಜಗಭೋಗಭಾಗಾಶ್ರಯಮ್ ॥5॥

ಕಿರೀಟಮುಕುಟೋಲ್ಲಸತ್ಕಟಕಹಾರಕೇಯೂರಯುಙ್- ಮಣಿಸ್ಫುರಿತಮೇಖಲಂ ಸುಪರಿವೀತಪೀತಾಂಬರಮ್ । ಕಲಾಯಕುಸುಮಪ್ರಭಂ ಗಲತಲೋಲ್ಲಸತ್ಕೌಸ್ತುಭಂ ವಪುಸ್ತದಯಿ ಭಾವಯೇ ಕಮಲಜನ್ಮೇ ದರ್ಶಿತಮ್ ॥6॥

ಶ್ರುತಿಪ್ರಕರದರ್ಶಿತಪ್ರಚುರವೈಭವ ಶ್ರೀಪತೇ ಹರೇ ಜಯ ಜಯ ಪ್ರಭೋ ಪದಮುಪೈಷಿ ದಿಷ್ಟ್ಯಾ ದೃಶೋಃ । ಕುರುಷ್ವ ಧಿಯಮಾಶು ಮೇ ಭುವನನಿರ್ಮಿತೌ ಕರ್ಮಠಾ- ಮಿತಿ ದ್ರುಹಿಣವರ್ಣಿತಸ್ವಗುಣಬಂಹಿಮಾ ಪಾಹಿ ಮಾಮ್ ॥7॥

ಲಭಸ್ವ ಭುವನತ್ರಯೀರಚನದಕ್ಷತಾಮಕ್ಷತಾಂ ಗೃಹಾಣ ಮದನುಗ್ರಹಂ ಕುರು ತಪಶ್ಚ ಭೂಯೋ ವಿಧೇ । ಭವತ್ವಖಿಲಸಾಧನೀ ಮಯಿ ಚ ಭಕ್ತಿರತ್ಯುತ್ಕಟೇ- ತ್ಯುದೀರ್ಯ ಗಿರಮಾದಧಾ ಮುದಿತಚೇತಸಂ ವೇಧಸಮ್ ॥8॥

ಶತಂ ಕೃತತಪಾಸ್ತತಃ ಸ ಖಲು ದಿವ್ಯಸಂವತ್ಸರಾ- ನವಾಪ್ಯ ಚ ತಪೋಬಲಂ ಮತಿಬಲಂ ಚ ಪೂರ್ವಾಧಿಕಮ್ । ಉದೀಕ್ಷ್ಯ ಕಿಲ ಕಂಪಿತಂ ಪಯಸಿ ಪಂಕಜಂ ವಾಯುನಾ ಭವದ್ಬಲವಿಜೃಂಭಿತಃ ಪವನಪಾಥಸೀ ಪೀತವಾನ್ ॥9॥

ತವೈವ ಕೃಪಯಾ ಪುನಸ್ಸರಸಿಜೇನ ತೇನೈವ ಸಃ ಪ್ರಕಲ್ಪ್ಯ ಭುವನತ್ರಯೀಂ ಪ್ರವವೃತೇ ಪ್ರಜಾನಿರ್ಮಿತೌ । ತಥಾವಿಧಕೃಪಾಭರೋ ಗುರುಮರುತ್ಪುರಾಧೀಶ್ವರ ತ್ವಮಾಶು ಪರಿಪಾಹಿ ಮಾಂ ಗುರುದಯೋಕ್ಷಿತೈರೀಕ್ಷಿತೈಃ ॥10॥

নারাযণীয়ং দশক 9 - ব্রহ্মণঃ তপঃ তথা লোকসৃষ্টিঃ সম্পর্কে

The ninth dashaka of the Narayaneeyam tells of Brahma's beginning. Seated on the lotus that springs from the Lord's navel, Brahma wonders where this lotus in the ocean has come from; turning his face in every direction out of curiosity, he becomes four-faced, with eight lotus eyes. He goes down the lotus stalk for a thousand years searching for its source but cannot find it, and returns. Then he hears a voice saying "tapa" (do austerity), and after a thousand years of penance he sees the Lord's own form, praises him and receives the power to create the worlds.

রচয়িতা: Melpathur Narayana Bhattathiri (1560 to 1646)

কখন পাঠ করবেন: In daily Narayaneeyam parayana and at Guruvayur.

আপনি কি জানেন?

  • The story of Brahma turning to each direction explains, in poetic fashion, why he has four faces.
  • The word "tapa", heard by Brahma, teaches that creation begins with inner discipline.

প্রায়শই জিজ্ঞাসিত প্রশ্ন

Why does Brahma become four-faced?

He turned his face to every direction to see.

What word does Brahma hear?

"Tapa", do austerity.

Who wrote the Narayaneeyam?

Melpathur Narayana Bhattathiri, in 1586.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।