MuhurtaNow

শ্রী হনুমত্সহস্র নাম স্তোত্রম্ (আংজনেয় সহস্র নাম স্তোত্রম্)

Hanuma · প্রথাগত ভক্তিপাঠ

অস্য় শ্রীহনুমত্সহস্রনামস্তোত্রমহামংত্রস্য় শ্রীরামচংদ্র ঋষিঃ অনুষ্টুপ্ছংদঃ শ্রীহনুমান্মহারুদ্রো দেবতা হ্রীং শ্রীং হ্রৌং হ্রাং বীজং শ্রীং ইতি শক্তিঃ কিলিকিল বুবু কারেণ ইতি কীলকং লংকাবিধ্বংসনেতি কবচং মম সর্বোপদ্রবশাংত্যর্থে মম সর্বকার্যসিদ্ধ্যর্থে জপে বিনিয়োগঃ ।

ধ্য়ানং – প্রতপ্তস্বর্ণবর্ণাভং সংরক্তারুণলোচনম্ । সুগ্রীবাদিয়ুতং ধ্য়ায়েত্ পীতাংবরসমাবৃতম্ ॥ গোষ্পদীকৃতবারাশিং পুচ্ছমস্তকমীশ্বরম্ । জ্ঞানমুদ্রাং চ বিভ্রাণং সর্বালংকারভূষিতম্ ॥ বামহস্তসমাকৃষ্টদশাস্য়াননমংডলম্ । উদ্যদ্দক্ষিণদোর্দংডং হনূমংতং বিচিংতয়েত্ ॥

স্তোত্রং – হনূমান্ শ্রীপ্রদো বায়ুপুত্রো রুদ্রো নয়োঽজরঃ । অমৃত্য়ুর্বীরবীরশ্চ গ্রামবাসো জনাশ্রয়ঃ ॥ 1 ॥

ধনদো নির্গুণাকারো বীরো নিধিপতির্মুনিঃ । পিংগাক্ষো বরদো বাগ্মী সীতাশোকবিনাশনঃ ॥ 2 ॥

শিবঃ শর্বঃ পরোঽব্যক্তো ব্যক্তাব্যক্তো ধরাধরঃ । পিংগকেশঃ পিংগরোমা শ্রুতিগম্য়ঃ সনাতনঃ ॥ 3 ॥

অনাদির্ভগবান্ দিব্য়ো বিশ্বহেতুর্নরাশ্রয়ঃ । আরোগ্যকর্তা বিশ্বেশো বিশ্বনাথো হরীশ্বরঃ ॥ 4 ॥

ভর্গো রামো রামভক্তঃ কল্য়াণপ্রকৃতীশ্বরঃ । বিশ্বংভরো বিশ্বমূর্তির্বিশ্বাকারোঽথ বিশ্বপঃ ॥ 5 ॥

বিশ্বাত্মা বিশ্বসেব্য়োঽথ বিশ্বো বিশ্বধরো রবিঃ । বিশ্বচেষ্টো বিশ্বগম্য়ো বিশ্বধ্য়েয়ঃ কলাধরঃ ॥ 6 ॥

প্লবংগমঃ কপিশ্রেষ্ঠো জ্য়েষ্ঠো বেদ্য়ো বনেচরঃ । বালো বৃদ্ধো যুবা তত্ত্বং তত্ত্বগম্য়ঃ সখা হ্যজঃ ॥ 7 ॥

অংজনাসূনুরব্যগ্রো গ্রামস্য়াংতো ধরাধরঃ । ভূর্ভুবঃস্বর্মহর্লোকো জনোলোকস্তপোঽব্যয়ঃ ॥ 8 ॥

সত্যমোংকারগম্যশ্চ প্রণবো ব্য়াপকোঽমলঃ । শিবধর্মপ্রতিষ্ঠাতা রামেষ্টঃ ফল্গুনপ্রিয়ঃ ॥ 9 ॥

গোষ্পদীকৃতবারীশঃ পূর্ণকামো ধরাপতিঃ । রক্ষোঘ্নঃ পুংডরীকাক্ষঃ শরণাগতবত্সলঃ ॥ 10 ॥

জানকীপ্রাণদাতা চ রক্ষঃপ্রাণাপহারকঃ । পূর্ণঃ সত্য়ঃ পীতবাসা দিবাকরসমপ্রভঃ ॥ 11 ॥

দ্রোণহর্তা শক্তিনেতা শক্তিরাক্ষসমারকঃ । অক্ষঘ্নো রামদূতশ্চ শাকিনীজীবিতাহরঃ ॥ 12 ॥

বুভূকারহতারাতির্গর্বপর্বতমর্দনঃ । হেতুস্ত্বহেতুঃ প্রাংশুশ্চ বিশ্বকর্তা জগদ্গুরুঃ ॥ 13 ॥

জগন্নাথো জগন্নেতা জগদীশো জনেশ্বরঃ । জগত্শ্রিতো হরিঃ শ্রীশো গরুডস্মযভংজকঃ ॥ 14 ॥

পার্থধ্বজো বায়ুপুত্রঃ সিতপুচ্ছোঽমিতপ্রভঃ । ব্রহ্মপুচ্ছঃ পরব্রহ্মপুচ্ছো রামেষ্টকারকঃ ॥ 15 ॥

সুগ্রীবাদিয়ুতো জ্ঞানী বানরো বানরেশ্বরঃ । কল্পস্থায়ী চিরংজীবী প্রসন্নশ্চ সদাশিবঃ ॥ 16 ॥

সন্মতিঃ সদ্গতির্ভুক্তিমুক্তিদঃ কীর্তিদাযকঃ । কীর্তিঃ কীর্তিপ্রদশ্চৈব সমুদ্রঃ শ্রীপ্রদঃ শিবঃ ॥ 17 ॥

উদধিক্রমণো দেবঃ সংসারভযনাশনঃ । বালিবংধনকৃদ্বিশ্বজেতা বিশ্বপ্রতিষ্ঠিতঃ ॥ 18 ॥ [বারি]

লংকারিঃ কালপুরুষো লংকেশগৃহভংজনঃ । ভূতাবাসো বাসুদেবো বসুস্ত্রিভুবনেশ্বরঃ ॥

শ্রীরামরূপঃ কৃষ্ণস্তু লংকাপ্রাসাদভংজনঃ । কৃষ্ণঃ কৃষ্ণস্তুতঃ শাংতঃ শাংতিদো বিশ্বভাবনঃ ॥ 20 ॥

বিশ্বভোক্তাঽথ মারঘ্নো ব্রহ্মচারী জিতেংদ্রিয়ঃ । ঊর্ধ্বগো লাংগুলী মালী লাংগূলাহতরাক্ষসঃ ॥ 21 ॥

সমীরতনুজো বীরো বীরমারো জযপ্রদঃ । জগন্মংগলদঃ পুণ্য়ঃ পুণ্যশ্রবণকীর্তনঃ ॥ 22 ॥

পুণ্যকীর্তিঃ পুণ্যগীতির্জগত্পাবনপাবনঃ । দেবেশোঽমিতরোমাঽথ রামভক্তবিধাযকঃ ॥ 23 ॥

ধ্য়াতা ধ্য়েয়ো জগত্সাক্ষী চেতা চৈতন্যবিগ্রহঃ । জ্ঞানদঃ প্রাণদঃ প্রাণো জগত্প্রাণঃ সমীরণঃ ॥ 24 ॥

বিভীষণপ্রিয়ঃ শূরঃ পিপ্পলাশ্রযসিদ্ধিদঃ । সিদ্ধঃ সিদ্ধাশ্রয়ঃ কালঃ কালভক্ষকপূজিতঃ ॥ 25 ॥

লংকেশনিধনস্থায়ী লংকাদাহক ঈশ্বরঃ । চংদ্রসূর্য়াগ্নিনেত্রশ্চ কালাগ্নিঃ প্রলয়াংতকঃ ॥ 26 ॥

কপিলঃ কপিশঃ পুণ্যরাতির্দ্বাদশরাশিগঃ । সর্বাশ্রয়োঽপ্রমেয়াত্মা রেবত্য়াদিনিবারকঃ ॥ 27 ॥

লক্ষ্মণপ্রাণদাতা চ সীতাজীবনহেতুকঃ । রামধ্য়ায়ী হৃষীকেশো বিষ্ণুভক্তো জটী বলী ॥ 28 ॥

দেবারিদর্পহা হোতা ধাতা কর্তা জগত্প্রভুঃ । নগরগ্রামপালশ্চ শুদ্ধো বুদ্ধো নিরংতরঃ ॥ 29 ॥

নিরংজনো নির্বিকল্পো গুণাতীতো ভয়ংকরঃ । হনুমাংশ্চ দুরারাধ্যস্তপঃসাধ্য়ো মহেশ্বরঃ ॥ 30 ॥

জানকীঘনশোকোত্থতাপহর্তা পরাশরঃ । বাঙ্ময়ঃ সদসদ্রূপঃ কারণং প্রকৃতেঃ পরঃ ॥ 31 ॥

ভাগ্যদো নির্মলো নেতা পুচ্ছলংকাবিদাহকঃ । পুচ্ছবদ্ধো যাতুধানো যাতুধানরিপুপ্রিয়ঃ ॥ 32 ॥

ছায়াপহারী ভূতেশো লোকেশঃ সদ্গতিপ্রদঃ । প্লবংগমেশ্বরঃ ক্রোধঃ ক্রোধসংরক্তলোচনঃ ॥ 33 ॥

ক্রোধহর্তা তাপহর্তা ভক্তাভযবরপ্রদঃ । ভক্তানুকংপী বিশ্বেশঃ পুরুহূতঃ পুরংদরঃ ॥ 34 ॥

অগ্নির্বিভাবসুর্ভাস্বান্ যমো নিরৃতিরেব চ । বরুণো বায়ুগতিমান্ বায়ুঃ কুবের ঈশ্বরঃ ॥ 35 ॥

রবিশ্চংদ্রঃ কুজঃ সৌম্য়ো গুরুঃ কাব্য়ঃ শনৈশ্চরঃ । রাহুঃ কেতুর্মরুদ্দাতা ধাতা হর্তা সমীরজঃ ॥ 36 ॥

মশকীকৃতদেবারির্দৈত্য়ারির্মধুসূদনঃ । কামঃ কপিঃ কামপালঃ কপিলো বিশ্বজীবনঃ ॥ 37 ॥

ভাগীরথীপদাংভোজঃ সেতুবংধবিশারদঃ । স্বাহা স্বধা হবিঃ কব্য়ং হব্যবাহঃ প্রকাশকঃ ॥ 38 ॥

স্বপ্রকাশো মহাবীরো মধুরোঽমিতবিক্রমঃ । উড্ডীনোড্ডীনগতিমান্ সদ্গতিঃ পুরুষোত্তমঃ ॥ 39 ॥

জগদাত্মা জগদ্য়োনির্জগদংতো হ্যনংতরঃ । বিপাপ্মা নিষ্কলংকোঽথ মহান্ মহদহংকৃতিঃ ॥ 40 ॥

খং বায়ুঃ পৃথিবী চাপো বহ্নির্দিক্ কাল একলঃ । ক্ষেত্রজ্ঞঃ ক্ষেত্রপালশ্চ পল্বলীকৃতসাগরঃ ॥ 41 ॥

হিরণ্ময়ঃ পুরাণশ্চ খেচরো ভূচরো মনুঃ । হিরণ্যগর্ভঃ সূত্রাত্মা রাজরাজো বিশাং পতিঃ ॥ 42 ॥

বেদাংতবেদ্য় উদ্গীথো বেদাংগো বেদপারগঃ । প্রতিগ্রামস্থিতঃ সদ্য়ঃ স্ফূর্তিদাতা গুণাকরঃ ॥ 43 ॥

নক্ষত্রমালী ভূতাত্মা সুরভিঃ কল্পপাদপঃ । চিংতামণির্গুণনিধিঃ প্রজাদ্বারমনুত্তমঃ ॥ 44 ॥

পুণ্যশ্লোকঃ পুরারাতিঃ মতিমান্ শর্বরীপতিঃ । কিল্কিলারাবসংত্রস্তভূতপ্রেতপিশাচকঃ ॥ 45 ॥

ঋণত্রযহরঃ সূক্ষ্মঃ স্থূলঃ সর্বগতিঃ পুমান্ । অপস্মারহরঃ স্মর্তা শ্রুতির্গাথা স্মৃতির্মনুঃ ॥ 46 ॥

স্বর্গদ্বারং প্রজাদ্বারং মোক্ষদ্বারং যতীশ্বরঃ । নাদরূপং পরং ব্রহ্ম ব্রহ্ম ব্রহ্মপুরাতনঃ ॥ 47 ॥

একোঽনেকো জনঃ শুক্লঃ স্বয়ংজ্য়োতিরনাকুলঃ । জ্য়োতির্জ্য়োতিরনাদিশ্চ সাত্ত্বিকো রাজসস্তমঃ ॥ 48 ॥

তমোহর্তা নিরালংবো নিরাকারো গুণাকরঃ । গুণাশ্রয়ো গুণময়ো বৃহত্কায়ো বৃহদ্যশাঃ ॥

বৃহদ্ধনুর্বৃহত্পাদো বৃহন্মূর্ধা বৃহত্স্বনঃ । বৃহত্কর্ণো বৃহন্নাসো বৃহদ্বাহুর্বৃহত্তনুঃ ॥ 50 ॥

বৃহদ্গলো বৃহত্কায়ো বৃহত্পুচ্ছো বৃহত্করঃ । বৃহদ্গতির্বৃহত্সেবো বৃহল্লোকফলপ্রদঃ ॥ 51 ॥

বৃহদ্ভক্তির্বৃহদ্বাংছাফলদো বৃহদীশ্বরঃ । বৃহল্লোকনুতো দ্রষ্টা বিদ্য়াদাতা জগদ্গুরুঃ ॥ 52 ॥

দেবাচার্য়ঃ সত্যবাদী ব্রহ্মবাদী কলাধরঃ । সপ্তপাতালগামী চ মলয়াচলসংশ্রয়ঃ ॥ 53 ॥

উত্তরাশাস্থিতঃ শ্রীশো দিব্য়ৌষধিবশঃ খগঃ । শাখামৃগঃ কপীংদ্রোঽথ পুরাণঃ প্রাণচংচুরঃ ॥ 54 ॥

চতুরো ব্রাহ্মণো যোগী যোগিগম্য়ঃ পরোঽবরঃ । অনাদিনিধনো ব্য়াসো বৈকুংঠঃ পৃথিবীপতিঃ ॥ 55 ॥

অপরাজিতো জিতারাতিঃ সদানংদদ ঈশিতা । গোপালো গোপতির্য়োদ্ধা কলিঃ স্ফালঃ পরাত্পরঃ ॥ 56 ॥

মনোবেগী সদায়োগী সংসারভযনাশনঃ । তত্ত্বদাতাঽথ তত্ত্বজ্ঞস্তত্ত্বং তত্ত্বপ্রকাশকঃ ॥ 57 ॥

শুদ্ধো বুদ্ধো নিত্যয়ুক্তো ভক্তাকারো জগদ্রথঃ । প্রলয়োঽমিতমাযশ্চ মায়াতীতো বিমত্সরঃ ॥ 58 ॥

মায়ানির্জিতরক্ষাশ্চ মায়ানির্মিতবিষ্টপঃ । মায়াশ্রযশ্চ নির্লেপো মায়ানির্বর্তকঃ সুখী ॥

সুখং সুখপ্রদো নাগো মহেশকৃতসংস্তবঃ । মহেশ্বরঃ সত্যসংধঃ শরভঃ কলিপাবনঃ ॥ 60 ॥

রসো রসজ্ঞঃ সন্মানো রূপং চক্ষুঃ শ্রুতী রবঃ । ঘ্রাণং গংধঃ স্পর্শনং চ স্পর্শো হিংকারমানগঃ ॥ 61 ॥

নেতিনেতীতিগম্যশ্চ বৈকুংঠভজনপ্রিয়ঃ । গিরিশো গিরিজাকাংতো দুর্বাসাঃ কবিরংগিরাঃ ॥ 62 ॥

ভৃগুর্বসিষ্ঠশ্চ্যবনো নারদস্তুংবুরুর্হরঃ । বিশ্বক্ষেত্রং বিশ্ববীজং বিশ্বনেত্রং চ বিশ্বপঃ ॥ 63 ॥

যাজকো যজমানশ্চ পাবকঃ পিতরস্তথা । শ্রদ্ধা বুদ্ধিঃ ক্ষমা তংদ্রা মংত্রো মংত্রয়িতা সুরঃ ॥ 64 ॥

রাজেংদ্রো ভূপতী রূঢো মালী সংসারসারথিঃ । নিত্য়ঃ সংপূর্ণকামশ্চ ভক্তকামধুগুত্তমঃ ॥ 65 ॥

গণপঃ কেশবো ভ্রাতা পিতা মাতাঽথ মারুতিঃ । সহস্রমূর্ধা সহস্রাস্য়ঃ সহস্রাক্ষঃ সহস্রপাত্ ॥ 66 ॥

কামজিত্ কামদহনঃ কামঃ কাম্যফলপ্রদঃ । মুদ্রোপহারী রক্ষোঘ্নঃ ক্ষিতিভারহরো বলঃ ॥ 67 ॥

নখদংষ্ট্রায়ুধো বিষ্ণুভক্তো ভক্তাভযপ্রদঃ । দর্পহা দর্পদো দংষ্ট্রাশতমূর্তিরমূর্তিমান্ ॥ 68 ॥

মহানিধির্মহাভাগো মহাভর্গো মহর্ধিদঃ । মহাকারো মহায়োগী মহাতেজা মহাদ্য়ুতিঃ ॥

মহাকর্মা মহানাদো মহামংত্রো মহামতিঃ । মহাশমো মহোদারো মহাদেবাত্মকো বিভুঃ ॥ 70 ॥

রুদ্রকর্মা ক্রূরকর্মা রত্ননাভঃ কৃতাগমঃ । অংভোধিলংঘনঃ সিদ্ধঃ সত্যধর্মা প্রমোদনঃ ॥ 71 ॥

জিতামিত্রো জয়ঃ সোমো বিজয়ো বায়ুবাহনঃ । জীবো ধাতা সহস্রাংশুর্মুকুংদো ভূরিদক্ষিণঃ ॥ 72 ॥

সিদ্ধার্থঃ সিদ্ধিদঃ সিদ্ধঃ সংকল্পঃ সিদ্ধিহেতুকঃ । সপ্তপাতালচরণঃ সপ্তর্ষিগণবংদিতঃ ॥ 73 ॥

সপ্তাব্ধিলংঘনো বীরঃ সপ্তদ্বীপোরুমংডলঃ । সপ্তাংগরাজ্যসুখদঃ সপ্তমাতৃনিষেবিতঃ ॥ 74 ॥

সপ্তলোকৈকমকুটঃ সপ্তহোত্রঃ স্বরাশ্রয়ঃ । সপ্তসামোপগীতশ্চ সপ্তপাতালসংশ্রয়ঃ ॥ 75 ॥

সপ্তচ্ছংদোনিধিঃ সপ্তচ্ছংদঃ সপ্তজনাশ্রয়ঃ । মেধাদঃ কীর্তিদঃ শোকহারী দৌর্ভাগ্যনাশনঃ ॥ 76 ॥

সর্ববশ্যকরো গর্ভদোষহা পুত্রপৌত্রদঃ । প্রতিবাদিমুখস্তংভো রুষ্টচিত্তপ্রসাদনঃ ॥ 77 ॥

পরাভিচারশমনো দুঃখহা বংধমোক্ষদঃ । নবদ্বারপুরাধারো নবদ্বারনিকেতনঃ ॥ 78 ॥

নরনারাযণস্তুত্য়ো নবনাথমহেশ্বরঃ । মেখলী কবচী খড্গী ভ্রাজিষ্ণুর্জিষ্ণুসারথিঃ ॥ 79 ॥

বহুয়োজনবিস্তীর্ণপুচ্ছঃ পুচ্ছহতাসুরঃ । দুষ্টহংতা নিযমিতা পিশাচগ্রহশাতনঃ ॥ 80 ॥

বালগ্রহবিনাশী চ ধর্মনেতা কৃপাকরঃ । উগ্রকৃত্যশ্চোগ্রবেগ উগ্রনেত্রঃ শতক্রতুঃ ॥ 81 ॥

শতমন্য়ুস্তুতঃ স্তুত্য়ঃ স্তুতিঃ স্তোতা মহাবলঃ । সমগ্রগুণশালী চ ব্যগ্রো রক্ষোবিনাশনঃ ॥ 82 ॥

রক্ষোঽগ্নিদাবো ব্রহ্মেশঃ শ্রীধরো ভক্তবত্সলঃ । মেঘনাদো মেঘরূপো মেঘবৃষ্টিনিবারণঃ ॥ 83 ॥

মেঘজীবনহেতুশ্চ মেঘশ্য়ামঃ পরাত্মকঃ । সমীরতনয়ো ধাতা তত্ত্ববিদ্য়াবিশারদঃ ॥ 84 ॥

অমোঘোঽমোঘবৃষ্টিশ্চাভীষ্টদোঽনিষ্টনাশনঃ । অর্থোঽনর্থাপহারী চ সমর্থো রামসেবকঃ ॥ 85 ॥

অর্থী ধন্য়োঽসুরারাতিঃ পুংডরীকাক্ষ আত্মভূঃ । সংকর্ষণো বিশুদ্ধাত্মা বিদ্য়ারাশিঃ সুরেশ্বরঃ ॥ 86 ॥

অচলোদ্ধারকো নিত্য়ঃ সেতুকৃদ্রামসারথিঃ । আনংদঃ পরমানংদো মত্স্য়ঃ কূর্মো নিধিঃ শয়ঃ ॥ 87 ॥

বরাহো নারসিংহশ্চ বামনো জমদগ্নিজঃ । রামঃ কৃষ্ণঃ শিবো বুদ্ধঃ কল্কী রামাশ্রয়ো হরিঃ ॥ 88 ॥

নংদী ভৃংগী চ চংডী চ গণেশো গণসেবিতঃ । কর্মাধ্যক্ষঃ সুরারামো বিশ্রামো জগতীপতিঃ ॥

জগন্নাথঃ কপীশশ্চ সর্বাবাসঃ সদাশ্রয়ঃ । সুগ্রীবাদিস্তুতো দাংতঃ সর্বকর্মা প্লবংগমঃ ॥ 90 ॥

নখদারিতরক্ষশ্চ নখয়ুদ্ধবিশারদঃ । কুশলঃ সুধনঃ শেষো বাসুকিস্তক্ষকস্তথা ॥ 91 ॥

স্বর্ণবর্ণো বলাঢ্যশ্চ পুরুজেতাঽঘনাশনঃ । কৈবল্যদীপঃ কৈবল্য়ো গরুডঃ পন্নগো গুরুঃ ॥ 92 ॥

ক্লীক্লীরাবহতারাতিগর্বঃ পর্বতভেদনঃ । বজ্রাংগো বজ্রবক্ত্রশ্চ ভক্তবজ্রনিবারকঃ ॥ 93 ॥

নখায়ুধো মণিগ্রীবো জ্বালামালী চ ভাস্করঃ । প্রৌঢপ্রতাপস্তপনো ভক্ততাপনিবারকঃ ॥ 94 ॥

শরণং জীবনং ভোক্তা নানাচেষ্টোঽথ চংচলঃ । স্বস্থস্ত্বস্বাস্থ্যহা দুঃখশাতনঃ পবনাত্মজঃ ॥ 95 ॥

পবনঃ পাবনঃ কাংতো ভক্তাংগঃ সহনো বলঃ । মেঘনাদরিপুর্মেঘনাদসংহৃতরাক্ষসঃ ॥ 96 ॥

ক্ষরোঽক্ষরো বিনীতাত্মা বানরেশঃ সতাংগতিঃ । শ্রীকংঠঃ শিতিকংঠশ্চ সহায়ঃ সহনাযকঃ ॥ 97 ॥

অস্থূলস্ত্বনণুর্ভর্গো দেবসংসৃতিনাশনঃ । অধ্য়াত্মবিদ্য়াসারশ্চাপ্যধ্য়াত্মকুশলঃ সুধীঃ ॥ 98 ॥

অকল্মষঃ সত্যহেতুঃ সত্যদঃ সত্যগোচরঃ । সত্যগর্ভঃ সত্যরূপঃ সত্য়ঃ সত্যপরাক্রমঃ ॥ 99 ॥

অংজনাপ্রাণলিংগং চ বায়ুবংশোদ্ভবঃ শ্রুতিঃ । ভদ্ররূপো রুদ্ররূপঃ সুরূপশ্চিত্ররূপধৃক্ ॥ 100 ॥

মৈনাকবংদিতঃ সূক্ষ্মদর্শনো বিজয়ো জয়ঃ । ক্রাংতদিঙ্মংডলো রুদ্রঃ প্রকটীকৃতবিক্রমঃ ॥ 101 ॥

কংবুকংঠঃ প্রসন্নাত্মা হ্রস্বনাসো বৃকোদরঃ । লংবোষ্ঠঃ কুংডলী চিত্রমালী যোগবিদাং বরঃ ॥ 102 ॥

বিপশ্চিত্ কবিরানংদবিগ্রহোঽনল্পনাশনঃ । ফাল্গুনীসূনুরব্যগ্রো যোগাত্মা যোগতত্পরঃ ॥ 103 ॥

যোগবিদ্য়োগকর্তা চ যোগয়োনির্দিগংবরঃ । অকারাদিক্ষকারাংতবর্ণনির্মিতবিগ্রহঃ ॥ 104 ॥

উলূখলমুখঃ সিদ্ধসংস্তুতঃ পরমেশ্বরঃ । শ্লিষ্টজংঘঃ শ্লিষ্টজানুঃ শ্লিষ্টপাণিঃ শিখাধরঃ ॥ 105 ॥

সুশর্মাঽমিতধর্মা চ নারাযণপরাযণঃ । জিষ্ণুর্ভবিষ্ণূ রোচিষ্ণুর্গ্রসিষ্ণুঃ স্থাণুরেব চ ॥ 106 ॥

হরী রুদ্রানুকৃদ্বৃক্ষকংপনো ভূমিকংপনঃ । গুণপ্রবাহঃ সূত্রাত্মা বীতরাগঃ স্তুতিপ্রিয়ঃ ॥ 107 ॥

নাগকন্য়াভযধ্বংসী কৃতপূর্ণঃ কপালভৃত্ । অনুকূলোঽক্ষয়োঽপায়োঽনপায়ো বেদপারগঃ ॥ 108 ॥

অক্ষরঃ পুরুষো লোকনাথস্ত্র্যক্ষঃ প্রভুর্দৃঢঃ । অষ্টাংগয়োগফলভূঃ সত্যসংধঃ পুরুষ্টুতঃ ॥ 109 ॥

শ্মশানস্থাননিলয়ঃ প্রেতবিদ্রাবণক্ষমঃ । পংচাক্ষরপরঃ পংচমাতৃকো রংজনো ধ্বজঃ ॥ 110 ॥

যোগিনীবৃংদবংদ্যশ্রীঃ শত্রুঘ্নোঽনংতবিক্রমঃ । ব্রহ্মচারীংদ্রিযবপুর্ধৃতদংডো দশাত্মকঃ ॥ 111 ॥

অপ্রপংচঃ সদাচারঃ শূরসেনো বিদারকঃ । বুদ্ধঃ প্রমোদ আনংদঃ সপ্তজিহ্বপতির্ধরঃ ॥ 112 ॥

নবদ্বারপুরাধারঃ প্রত্যগ্রঃ সামগাযনঃ । ষট্চক্রধামা স্বর্লোকভযহৃন্মানদো মদঃ ॥ 113 ॥

সর্ববশ্যকরঃ শক্তিরনংতোঽনংতমংগলঃ । অষ্টমূর্তিধরো নেতা বিরূপঃ স্বরসুংদরঃ ॥ 114 ॥

ধূমকেতুর্মহাকেতুঃ সত্যকেতুর্মহারথঃ । নংদীপ্রিয়ঃ স্বতংত্রশ্চ মেখলী ডমরুপ্রিয়ঃ ॥ 115 ॥

লোহিতাংগঃ সমিদ্বহ্নিঃ ষডৃতুঃ শর্ব ঈশ্বরঃ । ফলভুক্ ফলহস্তশ্চ সর্বকর্মফলপ্রদঃ ॥ 116 ॥

ধর্মাধ্যক্ষো ধর্মফলো ধর্মো ধর্মপ্রদোঽর্থদঃ । পংচবিংশতিতত্ত্বজ্ঞস্তারকো ব্রহ্মতত্পরঃ ॥ 117 ॥

ত্রিমার্গবসতির্ভীমঃ সর্বদুষ্টনিবর্হণঃ । ঊর্জঃস্বামী জলস্বামী শূলী মালী নিশাকরঃ ॥ 118 ॥

রক্তাংবরধরো রক্তো রক্তমাল্যবিভূষণঃ । বনমালী শুভাংগশ্চ শ্বেতঃ শ্বেতাংবরো যুবা ॥ 119 ॥

জয়োঽজেযপরীবারঃ সহস্রবদনঃ কবিঃ । শাকিনীডাকিনীযক্ষরক্ষোভূতপ্রভংজনঃ ॥ 120 ॥

সদ্য়োজাতঃ কামগতির্জ্ঞানমূর্তির্যশস্করঃ । শংভুতেজাঃ সার্বভৌমো বিষ্ণুভক্তঃ প্লবংগমঃ ॥ 121 ॥

চতুর্ণবতিমংত্রজ্ঞঃ পৌলস্ত্যবলদর্পহা । সর্বলক্ষ্মীপ্রদঃ শ্রীমানংগদপ্রিযবর্ধনঃ ॥ 122 ॥

স্মৃতিবীজং সুরেশানঃ সংসারভযনাশনঃ । উত্তমঃ শ্রীপরীবারঃ শ্রীভূরুগ্রশ্চ কামধুক্ ॥ 123 ॥

সদাগতির্মাতরিশ্বা রামপাদাব্জষট্পদঃ । নীলপ্রিয়ো নীলবর্ণো নীলবর্ণপ্রিয়ঃ সুহৃত্ ॥ 124 ॥

রামদূতো লোকবংধুরংতরাত্মা মনোরমঃ । শ্রীরামধ্য়ানকৃদ্বীরঃ সদা কিংপুরুষস্তুতঃ ॥ 125 ॥

রামকার্য়াংতরংগশ্চ শুদ্ধির্গতিরনাময়ঃ । পুণ্যশ্লোকঃ পরানংদঃ পরেশপ্রিযসারথিঃ ॥ 126 ॥

লোকস্বামী মুক্তিদাতা সর্বকারণকারণঃ । মহাবলো মহাবীরঃ পারাবারগতির্গুরুঃ ॥ 127 ॥

তারকো ভগবাংস্ত্রাতা স্বস্তিদাতা সুমংগলঃ । সমস্তলোকসাক্ষী চ সমস্তসুরবংদিতঃ । সীতাসমেতশ্রীরামপাদসেবাধুরংধরঃ ॥ 128 ॥

ইদং নামসহস্রং তু যোঽধীতে প্রত্যহং নরঃ । দুঃখৌঘো নশ্যতে ক্ষিপ্রং সংপত্তির্বর্ধতে চিরম্ ॥ 129 ॥

বশ্য়ং চতুর্বিধং তস্য় ভবত্য়েব ন সংশয়ঃ । রাজানো রাজপুত্রাশ্চ রাজকীয়াশ্চ মংত্রিণঃ ॥ 130 ॥

ত্রিকালং পঠনাদস্য় দৃশ্য়ংতে চ ত্রিপক্ষতঃ । অশ্বত্থমূলে জপতাং নাস্তি বৈরিকৃতং ভযম্ ॥ 131 ॥

ত্রিকালপঠনাদস্য় সিদ্ধিঃ স্য়াত্ করসংস্থিতা । ব্রাহ্মে মুহূর্তে চোত্থায় প্রত্যহং যঃ পঠেন্নরঃ ॥ 132 ॥

ঐহিকামুষ্মিকান্ সোঽপি লভতে নাত্র সংশয়ঃ । সংগ্রামে সন্নিবিষ্টানাং বৈরিবিদ্রাবণং ভবেত্ ॥ 133 ॥

জ্বরাপস্মারশমনং গুল্মাদিব্য়াধিবারণম্ । সাম্রাজ্যসুখসংপত্তিদাযকং জপতাং নৃণাম্ ॥ 134 ॥

য ইদং পঠতে নিত্য়ং পাঠয়েদ্বা সমাহিতঃ । সর্বান্ কামানবাপ্নোতি বায়ুপুত্রপ্রসাদতঃ ॥ 135 ॥

ইতি শ্রী হনুমত্ সহস্রনাম স্তোত্রম্ ।

শ্রী হনুমত্সহস্র নাম স্তোত্রম্ (আংজনেয় সহস্র নাম স্তোত্রম্) সম্পর্কে

The Hanuman Sahasranama Stotram is the hymn of a thousand names of Hanuman. Its viniyoga names Sri Ramachandra as the seer and Hanuman as Maha Rudra the deity; its meditation pictures him golden like heated gold, with red eyes, in yellow garments, surrounded by Sugriva and the monkey host, and then the thousand names follow in verse.

কখন পাঠ করবেন: On Tuesdays and Saturdays, on Hanuman Jayanti, and during Sundarakanda readings.

আপনি কি জানেন?

  • The meditation calls Hanuman "Maha Rudra", honouring him as an incarnation of Shiva.
  • Many boy names on MuhurtaNow, such as Maruti, Bhrigu and Kubera, come from the namavali form of these names.

প্রায়শই জিজ্ঞাসিত প্রশ্ন

How many names does it have?

About a thousand, in verse form.

Who is its seer?

Sri Ramachandra, as the viniyoga states.

When is it recited?

On Tuesdays, Saturdays and Hanuman Jayanti.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।