MuhurtaNow

শ্রী কৃষ্ণ কবচং (ত্রৈলোক্য় মংগল কবচম্)

Vishnu · প্রথাগত ভক্তিপাঠ

శ్రీ నారద ఉవాచ

– భగవన్సర్వధర్మజ్ఞ కవచం యత్ప్రకాశితమ్ । త్రైలోక్యమంగళం నామ కృపయా కథయ ప్రభో ॥ 1

సనత్కుమార ఉవాచ

– శృణు వక్ష్యామి విప్రేంద్ర కవచం పరమాద్భుతమ్ । నారాయణేన కథితం కృపయా బ్రహ్మణే పురా ॥ 2

బ్రహ్మణా కథితం మహ్యం పరం స్నేహాద్వదామి తే । అతి గుహ్యతరం తత్త్వం బ్రహ్మమంత్రౌఘవిగ్రహమ్ ॥ 3 ॥

యద్ధృత్వా పఠనాద్బ్రహ్మా సృష్టిం వితనుతే ధ్రువమ్ । యద్ధృత్వా పఠనాత్పాతి మహాలక్ష్మీర్జగత్త్రయమ్ ॥ 4 ॥

పఠనాద్ధారణాచ్ఛంభుః సంహర్తా సర్వమంత్రవిత్ । త్రైలోక్యజననీ దుర్గా మహిషాదిమహాసురాన్ ॥ 5 ॥

వరతృప్తాన్ జఘానైవ పఠనాద్ధారణాద్యతః । ఏవమింద్రాదయః సర్వే సర్వైశ్వర్యమవాప్నుయుః ॥ 6 ॥

ఇదం కవచమత్యంతగుప్తం కుత్రాపి నో వదేత్ । శిష్యాయ భక్తియుక్తాయ సాధకాయ ప్రకాశయేత్ ॥ 7 ॥

శఠాయ పరశిష్యాయ దత్వా మృత్యుమవాప్నుయాత్ । త్రైలోక్యమంగళస్యాఽస్య కవచస్య ప్రజాపతిః ॥ 8 ॥

ఋషిశ్ఛందశ్చ గాయత్రీ దేవో నారాయణస్స్వయమ్ । ధర్మార్థకామమోక్షేషు వినియోగః ప్రకీర్తితః ॥ 9 ॥

ప్రణవో మే శిరః పాతు నమో నారాయణాయ చ । ఫాలం మే నేత్రయుగళమష్టార్ణో భుక్తిముక్తిదః ॥ 10 ॥

క్లీం పాయాచ్ఛ్రోత్రయుగ్మం చైకాక్షరః సర్వమోహనః । క్లీం కృష్ణాయ సదా ఘ్రాణం గోవిందాయేతి జిహ్వికామ్ ॥ 11 ॥

గోపీజనపదవల్లభాయ స్వాహాఽననం మమ । అష్టాదశాక్షరో మంత్రః కంఠం పాతు దశాక్షరః ॥ 12 ॥

గోపీజనపదవల్లభాయ స్వాహా భుజద్వయమ్ । క్లీం గ్లౌం క్లీం శ్యామలాంగాయ నమః స్కంధౌ రక్షాక్షరః ॥ 13 ॥

క్లీం కృష్ణః క్లీం కరౌ పాయాత్ క్లీం కృష్ణాయాం గతోఽవతు । హృదయం భువనేశానః క్లీం కృష్ణః క్లీం స్తనౌ మమ ॥ 14 ॥

గోపాలాయాగ్నిజాయాతం కుక్షియుగ్మం సదాఽవతు । క్లీం కృష్ణాయ సదా పాతు పార్శ్వయుగ్మమనుత్తమః ॥ 15 ॥

కృష్ణ గోవిందకౌ పాతు స్మరాద్యౌజేయుతౌ మనుః । అష్టాక్షరః పాతు నాభిం కృష్ణేతి ద్వ్యక్షరోఽవతు ॥ 16 ॥

పృష్ఠం క్లీం కృష్ణకం గల్ల క్లీం కృష్ణాయ ద్విరాంతకః । సక్థినీ సతతం పాతు శ్రీం హ్రీం క్లీం కృష్ణఠద్వయమ్ ॥ 17 ॥

ఊరూ సప్తాక్షరం పాయాత్ త్రయోదశాక్షరోఽవతు । శ్రీం హ్రీం క్లీం పదతో గోపీజనవల్లభపదం తతః ॥ 18 ॥

శ్రియా స్వాహేతి పాయూ వై క్లీం హ్రీం శ్రీం సదశార్ణకః । జానునీ చ సదా పాతు క్లీం హ్రీం శ్రీం చ దశాక్షరః ॥ 19 ॥

త్రయోదశాక్షరః పాతు జంఘే చక్రాద్యుదాయుధః । అష్టాదశాక్షరో హ్రీం శ్రీం పూర్వకో వింశదర్ణకః ॥ 20 ॥

సర్వాంగం మే సదా పాతు ద్వారకానాయకో బలీ । నమో భగవతే పశ్చాద్వాసుదేవాయ తత్పరమ్ ॥ 21 ॥

తారాద్యో ద్వాదశార్ణోఽయం ప్రాచ్యాం మాం సర్వదాఽవతు । శ్రీం హ్రీం క్లీం చ దశార్ణస్తు క్లీం హ్రీం శ్రీం షోడశార్ణకః ॥ 22 ॥

గదాద్యుదాయుధో విష్ణుర్మామగ్నేర్దిశి రక్షతు । హ్రీం శ్రీం దశాక్షరో మంత్రో దక్షిణే మాం సదాఽవతు ॥ 23 ॥

తారో నమో భగవతే రుక్మిణీవల్లభాయ చ । స్వాహేతి షోడశార్ణోఽయం నైరృత్యాం దిశి రక్షతు ॥ 24 ॥

క్లీం హృషీకేశ వంశాయ నమో మాం వారుణోఽవతు । అష్టాదశార్ణః కామాంతో వాయవ్యే మాం సదాఽవతు ॥ 25 ॥

శ్రీం మాయాకామతృష్ణాయ గోవిందాయ ద్వికో మనుః । ద్వాదశార్ణాత్మకో విష్ణురుత్తరే మాం సదాఽవతు ॥ 26 ॥

వాగ్భవం కామకృష్ణాయ హ్రీం గోవిందాయ తత్పరమ్ । శ్రీం గోపీజనవల్లభాయ స్వాహా హస్తౌ తతః పరమ్ ॥ 27 ॥

ద్వావింశత్యక్షరో మంత్రో మామైశాన్యే సదాఽవతు । కాళీయస్య ఫణామధ్యే దివ్యం నృత్యం కరోతి తమ్ ॥ 28 ॥

నమామి దేవకీపుత్రం నృత్యరాజానమచ్యుతమ్ । ద్వాత్రింశదక్షరో మంత్రోఽప్యధో మాం సర్వదాఽవతు ॥ 29 ॥

కామదేవాయ విద్మహే పుష్పబాణాయ ధీమహి । తన్నోఽనంగః ప్రచోదయాదేషా మాం పాతుచోర్ధ్వతః ॥ 30 ॥

ఇతి తే కథితం విప్ర బ్రహ్మమంత్రౌఘవిగ్రహమ్ । త్రైలోక్యమంగళం నామ కవచం బ్రహ్మరూపకమ్ ॥ 31 ॥

బ్రహ్మణా కథితం పూర్వం నారాయణముఖాచ్ఛ్రుతమ్ । తవ స్నేహాన్మయాఽఖ్యాతం ప్రవక్తవ్యం న కస్యచిత్ ॥ 32 ॥

గురుం ప్రణమ్య విధివత్కవచం ప్రపఠేత్తతః । సకృద్ద్విస్త్రిర్యథాజ్ఞానం స హి సర్వతపోమయః ॥ 33 ॥

మంత్రేషు సకలేష్వేవ దేశికో నాత్ర సంశయః । శతమష్టోత్తరం చాస్య పురశ్చర్యా విధిస్స్మృతః ॥ 34 ॥

హవనాదీందశాంశేన కృత్వా తత్సాధయేద్ధ్రువమ్ । యది స్యాత్సిద్ధకవచో విష్ణురేవ భవేత్స్వయమ్ ॥ 35 ॥

మంత్రసిద్ధిర్భవేత్తస్య పురశ్చర్యా విధానతః । స్పర్ధాముద్ధూయ సతతం లక్ష్మీర్వాణీ వసేత్తతః ॥ 36 ॥

పుష్పాంజల్యష్టకం దత్వా మూలేనైవ పఠేత్సకృత్ । దశవర్షసహస్రాణి పూజాయాః ఫలమాప్నుయాత్ ॥ 37 ॥

భూర్జే విలిఖ్య గుళికాం స్వర్ణస్థాం ధారయేద్యది । కంఠే వా దక్షిణే బాహౌ సోఽపి విష్ణుర్న సంశయః ॥ 38 ॥

అశ్వమేధసహస్రాణి వాజపేయశతాని చ । మహాదానాని యాన్యేవ ప్రాదక్షిణ్యం భువస్తథా ॥ 39 ॥

కళాం నార్హంతి తాన్యేవ సకృదుచ్చారణాత్తతః । కవచస్య ప్రసాదేన జీవన్ముక్తో భవేన్నరః ॥ 40 ॥

త్రైలోక్యం క్షోభయత్యేవ త్రైలోక్యవిజయీ స హి । ఇదం కవచమజ్ఞాత్వా యజేద్యః పురుషోత్తమమ్ । శతలక్షప్రజప్తోఽపి న మంత్రస్తస్య సిద్ధ్యతి ॥ 41 ॥

ఇతి శ్రీ నారదపాంచరాత్రే జ్ఞానామృతసారే త్రైలోక్యమంగళకవచమ్ ।

শ্রী কৃষ্ণ কবচং (ত্রৈলোক্য় মংগল কবচম্) সম্পর্কে

The Trailokya Mangala Kavacham, "the armour that blesses the three worlds", is a protective hymn of Lord Krishna. Narada asks Lord Shiva for this kavacha, and Shiva says it is the wondrous armour that Narayana himself once taught to Brahma. It then asks Krishna, in his many forms and names, to guard every part of the body and every direction.

উৎস: Narada Pancharatra, Jnanamritasara, as its colophon states

কখন পাঠ করবেন: On Krishna Janmashtami and Ekadashi, before Krishna mantra japa, and for protection.

আপনি কি জানেন?

  • Its colophon places it in the Jnanamritasara of the Narada Pancharatra.
  • The name "Trailokya Mangala" means that which brings good to all three worlds.

প্রায়শই জিজ্ঞাসিত প্রশ্ন

What does "Trailokya Mangala" mean?

"Auspicious for the three worlds".

Who teaches it here?

Lord Shiva, to the sage Narada.

Where is it from?

The Narada Pancharatra, as its colophon states.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।