MuhurtaNow

শ্রী মধ্বাচার্য় কৃত দ্বাদশ স্তোত্র - দশমস্তোত্রম্

Vishnu · প্রথাগত ভক্তিপাঠ

अथ दशमस्तोत्रम्

अव नः श्रीपतिरप्रतिरधिकेशादिभवादे । करुणापूर्णवरप्रदचरितं ज्ञापय मे ते ॥ 1॥

सुरवंद्याधिप सद्वरभरिताशेषगुणालम् । करुणापूर्णवरप्रदचरितं ज्ञापय मे ते ॥ 2॥

सकलध्वांतविनाशन (विनाशक) परमानंदसुधाहो । करुणापूर्णवरप्रदचरितं ज्ञापय मे ते ॥ 3॥

त्रिजगत्पोत सदार्चितचरणाशापतिधातो । करुणापूर्णवरप्रदचरितं ज्ञापय मे ते ॥ 4॥

त्रिगुणातीतविधारक परितो देहि सुभक्तिम् । करुणापूर्णवरप्रदचरितं ज्ञापय मे ते ॥ 5॥

शरणं कारणभावन भव मे तात सदाऽलम् । करुणापूर्णवरप्रदचरितं ज्ञापय मे ते ॥ 6॥

मरणप्राणद पालक जगदीशाव सुभक्तिम् । करुणापूर्णवरप्रदचरितं ज्ञापय मे ते ॥ 7॥

तरुणादित्यसवर्णकचरणाब्जामल कीर्ते । करुणापूर्णवरप्रदचरितं ज्ञापय मे ते ॥ 8॥

सलिलप्रोत्थसरागकमणिवर्णोच्चनखादे । करुणापूर्णवरप्रदचरितं ज्ञापय मे ते ॥ 9॥

कज (खज) तूणीनिभपावनवरजंघामितशक्ते । करुणापूर्णवरप्रदचरितं ज्ञापय मे ते ॥ 10॥

इबहस्तप्रभशोभनपरमोरुस्थरमाले । करुणापूर्णवरप्रदचरितं ज्ञापय मे ते ॥ 11॥

असनोत्फुल्लसुपुष्पकसमवर्णावरणांते । करुणापूर्णवरप्रदचरितं ज्ञापय मे ते ॥ 12॥

शतमोदोद्भवसुंदरिवरपद्मोत्थितनाभे । करुणापूर्णवरप्रदचरितं ज्ञापय मे ते ॥ 13॥

जगदागूहकपल्लवसमकुक्षे शरणादे । करुणापूर्णवरप्रदचरितं ज्ञापय मे ते ॥ 14॥

जगदंबामलसुंदरिगृहवक्षोवर योगिन् । करुणापूर्णवरप्रदचरितं ज्ञापय मे ते ॥ 15॥

दितिजांतप्रद चक्रधरगदायुग्वरबाहो । करुणापूर्णवरप्रदचरितं ज्ञापय मे ते ॥ 16॥

परमज्ञानमहानिधिवदन श्रीरमणेंदो । करुणापूर्णवरप्रदचरितं ज्ञापय मे ते ॥ 17॥

निखिलाघौघविनाशन (विनाशक) परसौख्यप्रददृष्टे । करुणापूर्णवरप्रदचरितं ज्ञापय मे ते ॥ 18॥

परमानंदसुतीर्थसुमुनिराजो हरिगाथाम् । कृतवान्नित्यसुपूर्णकपरमानंदपदैषिन् ॥ 19॥

इति श्रीमदानंदतीर्थभगवत्पादाचार्य विरचितं द्वादशस्तोत्रेषु दशमस्तोत्रं संपूर्णम्

শ্রী মধ্বাচার্য় কৃত দ্বাদশ স্তোত্র - দশমস্তোত্রম্ সম্পর্কে

This is the tenth of Sri Madhvacharya's twelve Dwadasha Stotras, a short, rhythmic prayer to Vishnu as the lord of Shri. It begins "Ava nah Shripatir apratir": protect us, O lord of Shri, who has no equal and is above even Brahma, Shiva and the gods; make known to me your deeds, full of compassion and the granting of boons. The verses repeat this simple plea for protection and for knowledge of the Lord's glories.

রচয়িতা: Sri Madhvacharya, as its colophon states

কখন পাঠ করবেন: In Madhva worship and daily recitation, at Udupi, and on Madhva Navami.

আপনি কি জানেন?

  • Its colophon names Anandatirtha (Madhvacharya) as its author.
  • It reflects the Dvaita teaching that Vishnu is supreme, above Brahma, Shiva and all the gods.
  • The Dwadasha Stotras are sung daily in the worship of Krishna at Udupi.

প্রায়শই জিজ্ঞাসিত প্রশ্ন

Who wrote this stotra?

Sri Madhvacharya, as its colophon states.

What does it ask?

Protection, and knowledge of the Lord's compassionate deeds.

Where are the Dwadasha Stotras sung daily?

In the worship of Krishna at Udupi.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।