MuhurtaNow

শ্রী রুদ্রং লঘুন্য়াসম্

Vedic · প্রথাগত ভক্তিপাঠ

ఓం అథాత్మానగ్ం శివాత్మానం శ్రీ రుద్రరూపం ధ్యాయేత్ ॥

శుద్ధస్ఫటిక సంకాశం త్రినేత్రం పంచ వక్త్రకమ్ । గంగాధరం దశభుజం సర్వాభరణ భూషితమ్ ॥

నీలగ్రీవం శశాంకాంకం నాగ యజ్ఞోప వీతినమ్ । వ్యాఘ్ర చర్మోత్తరీయం చ వరేణ్యమభయ ప్రదమ్ ॥

కమండల్-వక్ష సూత్రాణాం ధారిణం శూలపాణినమ్ । జ్వలంతం పింగళజటా శిఖా ముద్ద్యోత ధారిణమ్ ॥

వృష స్కంధ సమారూఢం ఉమా దేహార్థ ధారిణమ్ । అమృతేనాప్లుతం శాంతం దివ్యభోగ సమన్వితమ్ ॥

దిగ్దేవతా సమాయుక్తం సురాసుర నమస్కృతమ్ । నిత్యం చ శాశ్వతం శుద్ధం ధ్రువ-మక్షర-మవ్యయమ్ । సర్వ వ్యాపిన-మీశానం రుద్రం-వైఀ విశ్వరూపిణమ్ । ఏవం ధ్యాత్వా ద్విజః సమ్యక్ తతో యజనమారభేత్ ॥

అథాతో రుద్ర స్నానార్చనాభిషేక విధిం-వ్యాఀ᳚క్ష్యాస్యామః । ఆదిత ఏవ తీర్థే స్నాత్వా, ఉదేత్య శుచిః ప్రయతో బ్రహ్మచారీ శుక్లవాసా దేవాభిముఖః స్థిత్వా, ఆత్మని దేవతాః స్థాపయేత్ ॥

ప్రజననే బ్రహ్మా తిష్ఠతు । పాదయోర్విష్ణుస్తిష్ఠతు । హస్తయోర్హరస్తిష్ఠతు । బాహ్వోరింద్రస్తిష్టతు । జఠరేఽఅగ్నిస్తిష్ఠతు । హృద॑యే శివస్తిష్ఠతు । కంఠే వసవస్తిష్ఠంతు । వక్త్రే సరస్వతీ తిష్ఠతు । నాసికయో-ర్వాయుస్తిష్ఠతు । నయనయో-శ్చంద్రాదిత్యౌ తిష్టేతామ్ । కర్ణయోరశ్వినౌ తిష్టేతామ్ । లలాటే రుద్రాస్తిష్ఠంతు । మూర్థ్న్యాదిత్యాస్తిష్ఠంతు । శిరసి మహాదేవస్తిష్ఠతు । శిఖాయాం-వాఀమదేవాస్తిష్ఠతు । పృష్ఠే పినాకీ తిష్ఠతు । పురతః శూలీ తిష్ఠతు । పార్శ్వయోః శివాశంకరౌ తిష్ఠేతామ్ । సర్వతో వాయుస్తిష్ఠతు । తతో బహిః సర్వతోఽగ్నిర్జ్వాలామాలా-పరివృతస్తిష్ఠతు । సర్వేష్వంగేషు సర్వా దేవతా యథాస్థానం తిష్ఠంతు । మాగ్ం రక్షంతు ।

అ॒గ్నిర్మే॑ వా॒చి శ్రి॒తః । వాఘృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । వా॒యుర్మే᳚ ప్రా॒ణే శ్రి॒తః । ప్రా॒ణో హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । సూర్యో॑ మే॒ చక్షుషి శ్రి॒తః । చక్షు॒ర్హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । చం॒ద్రమా॑ మే॒ మన॑సి శ్రి॒తః । మనో॒ హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । దిశో॑ మే॒ శ్రోత్రే᳚ శ్రి॒తాః । శ్రోత్ర॒గ్ం॒ హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ఆపోమే॒ రేతసి శ్రి॒తాః । రేతో హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । పృ॒థి॒వీ మే॒ శరీ॑రే శ్రి॒తా । శరీ॑ర॒గ్ం॒ హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ఓ॒ష॒ధి॒ వ॒న॒స్పతయో॑ మే॒ లోమ॑సు శ్రి॒తాః । లోమా॑ని॒ హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ఇంద్రో॑ మే॒ బలే᳚ శ్రి॒తః । బల॒గ్ం॒ హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ప॒ర్జన్యో॑ మే॒ మూ॒ర్ద్ని శ్రి॒తః । మూ॒ర్ధా హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ఈశా॑నో మే॒ మ॒న్యౌ శ్రి॒తః । మ॒న్యుర్హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । ఆ॒త్మా మ॑ ఆ॒త్మని॑ శ్రి॒తః । ఆ॒త్మా హృద॑యే । హృద॑యం॒ మయి॑ । అ॒హమ॒మృతే᳚ । అ॒మృతం॒ బ్రహ్మ॑ణి । పున॑ర్మ ఆ॒త్మా పున॒రాయు॒ రాగా᳚త్ । పునః॑ ప్రా॒ణః పున॒రాకూ॑త॒మాగా᳚త్ । వై॒శ్వా॒న॒రో ర॒శ్మిభి॑ర్వావృధా॒నః । అం॒తస్తి॑ష్ఠ॒త్వమృత॑స్య గో॒పాః ॥

అస్య శ్రీ రుద్రాధ్యాయ ప్రశ్న మహామంత్రస్య, అఘోర ఋషిః, అనుష్టుప్ ఛందః, సంకర్షణ మూర్తి స్వరూపో యోఽసావాదిత్యః పరమపురుషః స ఏష రుద్రో దేవతా । నమః శివాయేతి బీజమ్ । శివతరాయేతి శక్తిః । మహాదేవాయేతి కీలకమ్ । శ్రీ సాంబ సదాశివ ప్రసాద సిద్ధ్యర్థే జపే వినియోగః ॥

ఓం అగ్నిహోత్రాత్మనే అంగుష్ఠాభ్యాం నమః । దర్శపూర్ణ మాసాత్మనే తర్జనీభ్యాం నమః । చాతుర్మాస్యాత్మనే మధ్యమాభ్యాం నమః । నిరూఢ పశుబంధాత్మనే అనామికాభ్యాం నమః । జ్యోతిష్టోమాత్మనే కనిష్ఠికాభ్యాం నమః । సర్వక్రత్వాత్మనే కరతల కరపృష్ఠాభ్యాం నమః ॥

అగ్నిహోత్రాత్మనే హృదయాయ నమః । దర్శపూర్ణ మాసాత్మనే శిరసే స్వాహా । చాతుర్మాస్యాత్మనే శిఖాయై వషట్ । నిరూఢ పశుబంధాత్మనే కవచాయ హుమ్ । జ్యోతిష్టోమాత్మనే నేత్రత్రయాయ వౌషట్ । సర్వక్రత్వాత్మనే అస్త్రాయఫట్ । భూర్భువస్సువరోమితి దిగ్బంధః ॥

ధ్యానం ఆపాతాళ-నభఃస్థలాంత-భువన-బ్రహ్మాండ-మావిస్ఫురత్- జ్యోతిః స్ఫాటిక-లింగ-మౌళి-విలసత్-పూర్ణేందు-వాంతామృతైః । అస్తోకాప్లుత-మేక-మీశ-మనిశం రుద్రాను-వాకాంజపన్ ధ్యాయే-దీప్సిత-సిద్ధయే ధ్రువపదం-విఀప్రోఽభిషించే-చ్చివమ్ ॥

బ్రహ్మాండ వ్యాప్తదేహా భసిత హిమరుచా భాసమానా భుజంగైః కంఠే కాలాః కపర్దాః కలిత-శశికలా-శ్చండ కోదండ హస్తాః । త్ర్యక్షా రుద్రాక్షమాలాః ప్రకటితవిభవాః శాంభవా మూర్తిభేదాః రుద్రాః శ్రీరుద్రసూక్త-ప్రకటితవిభవా నః ప్రయచ్చంతు సౌఖ్యమ్ ॥

ఓం గ॒ణానాం᳚ త్వా గ॒ణప॑తిగ్ం హవామహే క॒విం క॑వీ॒నాము॑ప॒మశ్ర॑వస్తమమ్ । జ్యే॒ష్ఠ॒రాజం॒ బ్రహ్మ॑ణాం బ్రహ్మణస్పత॒ ఆ నః॑ శృ॒ణ్వన్నూ॒తిభి॑స్సీద॒ సాద॑నమ్ ॥ మహాగణపతయే॒ నమః ॥

శం చ॑ మే॒ మయ॑శ్చ మే ప్రి॒యం చ॑ మేఽనుకా॒మశ్చ॑ మే॒ కామ॑శ్చ మే సౌమనస॒శ్చ॑ మే భ॒ద్రం చ॑ మే॒ శ్రేయ॑శ్చ మే॒ వస్య॑శ్చ మే॒ యశ॑శ్చ మే॒ భగ॑శ్చ మే॒ ద్రవి॑ణం చ మే యం॒తా చ॑ మే ధ॒ర్తా చ॑ మే॒ క్షేమ॑శ్చ మే॒ ధృతి॑శ్చ మే॒ విశ్వం॑ చ మే॒ మహ॑శ్చ మే సం॒విఀచ్చ॑ మే॒ జ్ఞాత్రం॑ చ మే॒ సూశ్చ॑ మే ప్ర॒సూశ్చ॑ మే॒ సీరం॑ చ మే ల॒యశ్చ॑ మ ఋ॒తం చ॑ మే॒ఽమృతం॑ చ మేఽయ॒క్ష్మం చ॒ మేఽనా॑మయచ్చ మే జీ॒వాతు॑శ్చ మే దీర్ఘాయు॒త్వం చ॑ మేఽనమి॒త్రం చ॒ మేఽభ॑యం చ మే సు॒గం చ॑ మే॒ శయ॑నం చ మే సూ॒షా చ॑ మే॒ సు॒దినం॑ చ మే ॥

ఓం శాంతిః॒ శాంతిః॒ శాంతిః॑ ॥

শ্রী রুদ্রং লঘুন্য়াসম্ সম্পর্কে

The Rudram Laghunyasam is the short preparatory rite chanted before the Shri Rudram. It begins "Athatmanam Shivatmanam Shri Rudrarupam dhyayet": one should meditate on oneself as Shiva, in the form of Rudra. Its meditation pictures Shiva pure as crystal, three-eyed and five-faced, bearing the Ganga, with ten arms and every ornament; then, with Vedic mantras, the deities are placed in each part of the body, so that the chanter becomes fit to recite the Rudram.

কখন পাঠ করবেন: Before Shri Rudram and Rudrabhishekam, on Mondays, Pradosham and Maha Shivaratri.

আপনি কি জানেন?

  • "Laghu nyasa" means the short nyasa, as opposed to the longer Mahanyasa used in elaborate Rudra rites.
  • Its idea, that one must become Shiva to worship Shiva, is summed up in the saying "Shivo bhutva Shivam yajet".

প্রায়শই জিজ্ঞাসিত প্রশ্ন

What is the Laghunyasam?

The short preparatory nyasa chanted before the Shri Rudram.

How is Shiva pictured?

Crystal-white, three-eyed, five-faced and ten-armed.

What is the larger form called?

Mahanyasa.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।