MuhurtaNow

সুব্রহ্মণ্য় ভুজংগ প্রয়াত স্তোত্রম্

Subrahmanya Swamy · প্রথাগত ভক্তিপাঠ

ഭജേഽഹം കുമാരം ഭവാനീകുമാരം ഗലോല്ലാസിഹാരം നമത്സദ്വിഹാരമ് । രിപുസ്തോമപാരം നൃസിംഹാവതാരം സദാനിർവികാരം ഗുഹം നിർവിചാരമ് ॥ 1 ॥

നമാമീശപുത്രം ജപാശോണഗാത്രം സുരാരാതിശത്രും രവീംദ്വഗ്നിനേത്രമ് । മഹാബര്ഹിപത്രം ശിവാസ്യാബ്ജമിത്രം പ്രഭാസ്വത്കളത്രം പുരാണം പവിത്രമ് ॥ 2 ॥

അനേകാര്കകോടി-പ്രഭാവജ്ജ്വലം തം മനോഹാരി മാണിക്യ ഭൂഷോജ്ജ്വലം തമ് । ശ്രിതാനാമഭീഷ്ടം നിശാംതം നിതാംതം ഭജേ ഷണ്മുഖം തം ശരച്ചംദ്രകാംതമ് ॥ 3 ॥

കൃപാവാരി കല്ലോലഭാസ്വത്കടാക്ഷം വിരാജന്മനോഹാരി ശോണാംബുജാക്ഷമ് । പ്രയോഗപ്രദാനപ്രവാഹൈകദക്ഷം ഭജേ കാംതികാംതം പരസ്തോമരക്ഷമ് ॥ 4 ॥

സുകസ്തൂരിസിംദൂരഭാസ്വല്ലലാടം ദയാപൂര്ണചിത്തം മഹാദേവപുത്രമ് । രവീംദൂല്ലസദ്രത്നരാജത്കിരീടം ഭജേ ക്രീഡിതാകാശ ഗംഗാദ്രികൂടമ് ॥ 5 ॥

സുകുംദപ്രസൂനാവളീശോഭിതാംഗം ശരത്പൂര്ണചംദ്രപ്രഭാകാംതികാംതമ് । ശിരീഷപ്രസൂനാഭിരാമം ഭവംതം ഭജേ ദേവസേനാപതിം വല്ലഭം തമ് ॥ 6 ॥

സുലാവണ്യസത്സൂര്യകോടിപ്രതീകം പ്രഭും താരകാരിം ദ്വിഷഡ്ബാഹുമീശമ് । നിജാംകപ്രഭാദിവ്യമാനാപദീശം ഭജേ പാർവതീപ്രാണപുത്രം സുകേശമ് ॥ 7 ॥

അജം സർവലോകപ്രിയം ലോകനാഥം ഗുഹം ശൂരപദ്മാദിദംഭോളിധാരമ് । സുചാരും സുനാസാപുടം സച്ചരിത്രം ഭജേ കാര്തികേയം സദാ ബാഹുലേയമ് ॥ 8 ॥

ശരാരണ്യസംഭൂതമിംദ്രാദിവംദ്യം ദ്വിഷഡ്ബാഹുസംഖ്യായുധശ്രേണിരമ്യമ് । മരുത്സാരഥിം കുക്കുടേശം സുകേതും ഭജേ യോഗിഹൃത്പദ്മമധ്യാധിവാസമ് ॥ 9 ॥

വിരിംചീംദ്രവല്ലീശ ദേവേശമുഖ്യം പ്രശസ്താമരസ്തോമസംസ്തൂയമാനമ് । ദിശ ത്വം ദയാളോ ശ്രിയം നിശ്ചലാം മേ വിനാ ത്വാം ഗതിഃ കാ പ്രഭോ മേ പ്രസീദ ॥ 10 ॥

പദാംഭോജസേവാ സമായാതബൃംദാ- രകശ്രേണികോടീരഭാസ്വല്ലലാടമ് । കളത്രോല്ലസത്പാര്ശ്വയുഗ്മം വരേണ്യം ഭജേ ദേവമാദ്യംതഹീനപ്രഭാവമ് ॥ 11 ॥

ഭവാംഭോധിമധ്യേ തരംഗേ പതംതം പ്രഭോ മാം സദാ പൂര്ണദൃഷ്ട്യാ സമീക്ഷ്യ । ഭവദ്ഭക്തിനാവോദ്ധര ത്വം ദയാളോ സുഗത്യംതരം നാസ്തി ദേവ പ്രസീദ ॥ 12 ॥

ഗളേ രത്നഭൂഷം തനൌ മംജുവേഷം കരേ ജ്ഞാനശക്തിം ദരസ്മേരമാസ്യേ । കടിന്യസ്തപാണിം ശിഖിസ്ഥം കുമാരം ഭജേഽഹം ഗുഹാദന്യദേവം ന മന്യേ ॥ 13 ॥

ദയാഹീനചിത്തം പരദ്രോഹപാത്രം സദാ പാപശീലം ഗുരോര്ഭക്തിഹീനമ് । അനന്യാവലംബം ഭവന്നേത്രപാത്രം കൃപാശീല മാം ഭോ പവിത്രം കുരു ത്വമ് ॥ 14 ॥

മഹാസേന ഗാംഗേയ വല്ലീസഹായ പ്രഭോ താരകാരേ ഷഡാസ്യാമരേശ । സദാ പായസാന്നപ്രദാതര്ഗുഹേതി സ്മരിഷ്യാമി ഭക്ത്യാ സദാഹം വിഭോ ത്വാമ് ॥ 15 ॥

പ്രതാപസ്യ ബാഹോ നമദ്വീരബാഹോ പ്രഭോ കാര്തികേയേഷ്ടകാമപ്രദേതി । യദാ യേ പഠംതേ ഭവംതം തദേവം പ്രസന്നസ്തു തേഷാം ബഹുശ്രീം ദദാസി ॥ 16 ॥

അപാരാതിദാരിദ്ര്യവാരാശിമധ്യേ ഭ്രമംതം ജനഗ്രാഹപൂര്ണേ നിതാംതമ് । മഹാസേന മാമുദ്ധര ത്വം കടാക്ഷാ- വലോകേന കിംചിത്പ്രസീദ പ്രസീദ ॥ 17 ॥

സ്ഥിരാം ദേഹി ഭക്തിം ഭവത്പാദപദ്മേ ശ്രിയം നിശ്ചലാം ദേഹി മഹ്യം കുമാര । ഗുഹം ചംദ്രതാരം സുവംശാഭിവൃദ്ധിം കുരു ത്വം പ്രഭോ മേ മനഃ കല്പസാലഃ ॥ 18 ॥

നമസ്തേ നമസ്തേ മഹാശക്തിപാണേ നമസ്തേ നമസ്തേ ലസദ്വജ്രപാണേ । നമസ്തേ നമസ്തേ കടിന്യസ്തപാണേ നമസ്തേ നമസ്തേ സദാഭീഷ്ടപാണേ ॥ 19 ॥

നമസ്തേ നമസ്തേ മഹാശക്തിധാരിന് നമസ്തേ സുരാണാം മഹാസൌഖ്യദായിന് । നമസ്തേ സദാ കുക്കുടേശാഖ്യക ത്വം സമസ്താപരാധം വിഭോ മേ ക്ഷമസ്വ ॥ 20 ॥

കുമാരാത്പരം കര്മയോഗം ന ജാനേ കുമാരാത്പരം കര്മശീലം ന ജാനേ । യ ഏകോ മുനീനാം ഹൃദബ്ജാധിവാസഃ ശിവാംകം സമാരുഹ്യ സത്പീഠകല്പമ് ॥ 21 ॥

വിരിംചായ മംത്രോപദേശം ചകാര പ്രമോദേന സോഽയം തനോതു ശ്രിയം മേ । യമാഹുഃ പരം വേദ ശൂരേഷു മുഖ്യം സദാ യസ്യ ശക്ത്യാ ജഗത്ഭീതഭീതാ ॥ 22 ॥

യമാശ്രിത്യ ദേവാഃ സ്ഥിരം സ്വര്ഗപാലാഃ സദോംകാരരൂപം ചിദാനംദമീഡേ । ഗുഹസ്തോത്രമേതത് കൃതം താരകാരേ ഭുജംഗപ്രയാതേന ഹൃദ്യേന കാംതമ് ॥ 23 ॥

ജനാ യേ പഠംതേ മഹാഭക്തിയുക്താഃ പ്രമോദേന സായം പ്രഭാതേ വിശേഷഃ । ന ജന്മര്ക്ഷയോഗേ യദാ തേ രുദാംതാ മനോവാംഛിതാന് സർവകാമാന് ലഭംതേ ॥ 23 ॥

ഇതി ശ്രീ സുബ്രഹ്മണ്യ ഭുജംഗ പ്രയാത സ്തോത്രമ് ।

সুব্রহ্মণ্য় ভুজংগ প্রয়াত স্তোত্রম্ সম্পর্কে

This Subrahmanya Bhujanga Prayata Stotram is a hymn to Lord Subrahmanya in the bhujanga prayata metre, whose rhythm is said to move like a gliding serpent. It opens "Bhaje'ham Kumaram Bhavani Kumaram": I worship Kumara, son of Bhavani, adorned with a shining necklace, who overcomes all enemies, ever changeless, Guha beyond all thought.

কখন পাঠ করবেন: On Tuesdays, Skanda Shashthi and Thaipusam, and in Murugan worship.

আপনি কি জানেন?

  • "Bhujanga prayata" means "the gait of a serpent": each line has four groups of a short and two long syllables.
  • It praises him as son of Shiva with the sun, moon and fire as his three eyes, and with a peacock-feather emblem.

প্রায়শই জিজ্ঞাসিত প্রশ্ন

What is "bhujanga prayata"?

A Sanskrit metre whose rhythm is likened to the gliding of a serpent.

Who is Kumara?

Subrahmanya, the youthful son of Shiva and Parvati (Bhavani).

When is it recited?

On Tuesdays, Skanda Shashthi and Thaipusam.

উপাসনা ও অধ্যয়নের জন্য প্রদত্ত, ভবিষ্যদ্বাণী হিসেবে নয়। অবাণিজ্যিক।