MuhurtaNow

Apaduddharaka Hanuman Stotram

Hanuma · Traditional devotional text

ಓಂ ಅಸ್ಯ ಶ್ರೀ ಆಪದುದ್ಧಾರಕ ಹನುಮತ್ ಸ್ತೋತ್ರ ಮಹಾಮಂತ್ರ ಕವಚಸ್ಯ, ವಿಭೀಷಣ ಋಷಿಃ, ಹನುಮಾನ್ ದೇವತಾ, ಸರ್ವಾಪದುದ್ಧಾರಕ ಶ್ರೀಹನುಮತ್ಪ್ರಸಾದೇನ ಮಮ ಸರ್ವಾಪನ್ನಿವೃತ್ತ್ಯರ್ಥೇ, ಸರ್ವಕಾರ್ಯಾನುಕೂಲ್ಯ ಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಧ್ಯಾನಮ್ । ವಾಮೇ ಕರೇ ವೈರಿಭಿದಂ ವಹಂತಂ ಶೈಲಂ ಪರೇ ಶೃಂಖಲಹಾರಿಟಂಕಮ್ । ದಧಾನಮಚ್ಛಚ್ಛವಿಯಜ್ಞಸೂತ್ರಂ ಭಜೇ ಜ್ವಲತ್ಕುಂಡಲಮಾಂಜನೇಯಮ್ ॥ 1 ॥

ಸಂವೀತಕೌಪೀನ ಮುದಂಚಿತಾಂಗುಳಿಂ ಸಮುಜ್ಜ್ವಲನ್ಮೌಂಜಿಮಥೋಪವೀತಿನಮ್ । ಸಕುಂಡಲಂ ಲಂಬಿಶಿಖಾಸಮಾವೃತಂ ತಮಾಂಜನೇಯಂ ಶರಣಂ ಪ್ರಪದ್ಯೇ ॥ 2 ॥

ಆಪನ್ನಾಖಿಲಲೋಕಾರ್ತಿಹಾರಿಣೇ ಶ್ರೀಹನೂಮತೇ । ಅಕಸ್ಮಾದಾಗತೋತ್ಪಾತ ನಾಶನಾಯ ನಮೋ ನಮಃ ॥ 3 ॥

ಸೀತಾವಿಯುಕ್ತಶ್ರೀರಾಮಶೋಕದುಃಖಭಯಾಪಹ । ತಾಪತ್ರಿತಯಸಂಹಾರಿನ್ ಆಂಜನೇಯ ನಮೋಽಸ್ತು ತೇ ॥ 4 ॥

ಆಧಿವ್ಯಾಧಿ ಮಹಾಮಾರೀ ಗ್ರಹಪೀಡಾಪಹಾರಿಣೇ । ಪ್ರಾಣಾಪಹರ್ತ್ರೇದೈತ್ಯಾನಾಂ ರಾಮಪ್ರಾಣಾತ್ಮನೇ ನಮಃ ॥ 5 ॥

ಸಂಸಾರಸಾಗರಾವರ್ತ ಕರ್ತವ್ಯಭ್ರಾಂತಚೇತಸಾಮ್ । ಶರಣಾಗತಮರ್ತ್ಯಾನಾಂ ಶರಣ್ಯಾಯ ನಮೋಽಸ್ತು ತೇ ॥ 6 ॥

ವಜ್ರದೇಹಾಯ ಕಾಲಾಗ್ನಿರುದ್ರಾಯಾಽಮಿತತೇಜಸೇ । ಬ್ರಹ್ಮಾಸ್ತ್ರಸ್ತಂಭನಾಯಾಸ್ಮೈ ನಮಃ ಶ್ರೀರುದ್ರಮೂರ್ತಯೇ ॥ 7 ॥

ರಾಮೇಷ್ಟಂ ಕರುಣಾಪೂರ್ಣಂ ಹನೂಮಂತಂ ಭಯಾಪಹಮ್ । ಶತ್ರುನಾಶಕರಂ ಭೀಮಂ ಸರ್ವಾಭೀಷ್ಟಪ್ರದಾಯಕಮ್ ॥ 8 ॥

ಕಾರಾಗೃಹೇ ಪ್ರಯಾಣೇ ವಾ ಸಂಗ್ರಾಮೇ ಶತ್ರುಸಂಕಟೇ । ಜಲೇ ಸ್ಥಲೇ ತಥಾಽಽಕಾಶೇ ವಾಹನೇಷು ಚತುಷ್ಪಥೇ ॥ 9 ॥

ಗಜಸಿಂಹ ಮಹಾವ್ಯಾಘ್ರ ಚೋರ ಭೀಷಣ ಕಾನನೇ । ಯೇ ಸ್ಮರಂತಿ ಹನೂಮಂತಂ ತೇಷಾಂ ನಾಸ್ತಿ ವಿಪತ್ ಕ್ವಚಿತ್ ॥ 10 ॥

ಸರ್ವವಾನರಮುಖ್ಯಾನಾಂ ಪ್ರಾಣಭೂತಾತ್ಮನೇ ನಮಃ । ಶರಣ್ಯಾಯ ವರೇಣ್ಯಾಯ ವಾಯುಪುತ್ರಾಯ ತೇ ನಮಃ ॥ 11 ॥

ಪ್ರದೋಷೇ ವಾ ಪ್ರಭಾತೇ ವಾ ಯೇ ಸ್ಮರಂತ್ಯಂಜನಾಸುತಮ್ । ಅರ್ಥಸಿದ್ಧಿಂ ಜಯಂ ಕೀರ್ತಿಂ ಪ್ರಾಪ್ನುವಂತಿ ನ ಸಂಶಯಃ ॥ 12 ॥

ಜಪ್ತ್ವಾ ಸ್ತೋತ್ರಮಿದಂ ಮಂತ್ರಂ ಪ್ರತಿವಾರಂ ಪಠೇನ್ನರಃ । ರಾಜಸ್ಥಾನೇ ಸಭಾಸ್ಥಾನೇ ಪ್ರಾಪ್ತೇ ವಾದೇ ಲಭೇಜ್ಜಯಮ್ ॥ 13 ॥

ವಿಭೀಷಣಕೃತಂ ಸ್ತೋತ್ರಂ ಯಃ ಪಠೇತ್ ಪ್ರಯತೋ ನರಃ । ಸರ್ವಾಪದ್ಭ್ಯೋ ವಿಮುಚ್ಯೇತ ನಾಽತ್ರ ಕಾರ್ಯಾ ವಿಚಾರಣಾ ॥ 14 ॥

ಮಂತ್ರಃ । ಮರ್ಕಟೇಶ ಮಹೋತ್ಸಾಹ ಸರ್ವಶೋಕನಿವಾರಕ । ಶತ್ರೂನ್ ಸಂಹರ ಮಾಂ ರಕ್ಷ ಶ್ರಿಯಂ ದಾಪಯ ಭೋ ಹರೇ ॥ 15

ಇತಿ ವಿಭೀಷಣಕೃತಂ ಸರ್ವಾಪದುದ್ಧಾರಕ ಶ್ರೀಹನುಮತ್ ಸ್ತೋತ್ರಮ್ ॥

About Apaduddharaka Hanuman Stotram

The Apaduddharaka Hanuman Stotram is a hymn to Hanuman as the one who lifts us out of every danger (apad). Its viniyoga names Vibhishana as its seer. The meditation pictures Hanuman holding in his left hand a weapon that breaks enemies and in the other the mountain, wearing a bright sacred thread, and the verses ask him to rescue the devotee from all troubles.

Written by: Vibhishana, as its colophon states

When to chant: On Tuesdays and Saturdays, in times of difficulty or danger, and on Hanuman Jayanti.

Did you know?

  • Its colophon says it was composed by Vibhishana, Ravana's brother, who became a devotee of Rama.
  • "Apad uddharaka" means "the one who lifts us out of calamity".

Frequently asked questions

What does "Apaduddharaka" mean?

"The one who rescues from calamity".

Who composed it?

Vibhishana, as its colophon states.

When is it recited?

On Tuesdays, Saturdays and in times of trouble.

Offered for worship and study, not as prediction. Non-commercial.