Ashtavakra Gita Chapter 1
Karma Siddhanta · Traditional devotional text
॥ ശ്രീ ॥ അഥ ശ്രീമദഷ്ടാവക്രഗീതാ പ്രാരഭ്യതേ ॥
ജനക ഉവാച
കഥം ജ്ഞാനമവാപ്നോതി കഥം മുക്തിര്ഭവിഷ്യതി । വൈരാഗ്യം ച കഥം പ്രാപ്തമേതദ് ബ്രൂഹി മമ പ്രഭോ ॥ 1-1
അഷ്ടാവക്ര ഉവാച
മുക്തിമിച്ഛസി ചേത്താത വിഷയാന് വിഷവത്ത്യജ । ക്ഷമാര്ജവദയാതോഷസത്യം പീയൂഷവദ് ഭജ ॥ 1-2
ന പൃഥ്വീ ന ജലം നാഗ്നിര്ന വായുര്ദ്യൌര്ന വാ ഭവാന് । ഏഷാം സാക്ഷിണമാത്മാനം ചിദ്രൂപം വിദ്ധി മുക്തയേ ॥ 1-3॥
യദി ദേഹം പൃഥക് കൃത്യ ചിതി വിശ്രാമ്യ തിഷ്ഠസി । അധുനൈവ സുഖീ ശാംതോ ബംധമുക്തോ ഭവിഷ്യസി ॥ 1-4॥
ന ത്വം വിപ്രാദികോ വര്ണോ നാശ്രമീ നാക്ഷഗോചരഃ । അസംഗോഽസി നിരാകാരോ വിശ്വസാക്ഷീ സുഖീ ഭവ ॥ 1-5॥
ധര്മാധര്മൌ സുഖം ദുഃഖം മാനസാനി ന തേ വിഭോ । ന കര്താസി ന ഭോക്താസി മുക്ത ഏവാസി സർവദാ ॥ 1-6॥
ഏകോ ദ്രഷ്ടാസി സർവസ്യ മുക്തപ്രായോഽസി സർവദാ । അയമേവ ഹി തേ ബംധോ ദ്രഷ്ടാരം പശ്യസീതരമ് ॥ 1-7॥
അഹം കര്തേത്യഹംമാനമഹാകൃഷ്ണാഹിദംശിതഃ । നാഹം കര്തേതി വിശ്വാസാമൃതം പീത്വാ സുഖം ചര ॥ 1-8॥
ഏകോ വിശുദ്ധബോധോഽഹമിതി നിശ്ചയവഹ്നിനാ । പ്രജ്വാല്യാജ്ഞാനഗഹനം വീതശോകഃ സുഖീ ഭവ ॥ 1-9॥
യത്ര വിശ്വമിദം ഭാതി കല്പിതം രജ്ജുസര്പവത് । ആനംദപരമാനംദഃ സ ബോധസ്ത്വം സുഖം ഭവ ॥ 1-10॥
മുക്താഭിമാനീ മുക്തോ ഹി ബദ്ധോ ബദ്ധാഭിമാന്യപി । കിംവദംതീഹ സത്യേയം യാ മതിഃ സാ ഗതിര്ഭവേത് ॥ 1-11॥
ആത്മാ സാക്ഷീ വിഭുഃ പൂര്ണ ഏകോ മുക്തശ്ചിദക്രിയഃ । അസംഗോ നിഃസ്പൃഹഃ ശാംതോ ഭ്രമാത്സംസാരവാനിവ ॥ 1-12॥
കൂടസ്ഥം ബോധമദ്വൈതമാത്മാനം പരിഭാവയ । ആഭാസോഽഹം ഭ്രമം മുക്ത്വാ ഭാവം ബാഹ്യമഥാംതരമ് ॥ 1-13॥
ദേഹാഭിമാനപാശേന ചിരം ബദ്ധോഽസി പുത്രക । ബോധോഽഹം ജ്ഞാനഖഡ്ഗേന തന്നികൃത്യ സുഖീ ഭവ ॥ 1-14॥
നിഃസംഗോ നിഷ്ക്രിയോഽസി ത്വം സ്വപ്രകാശോ നിരംജനഃ । അയമേവ ഹി തേ ബംധഃ സമാധിമനുതിഷ്ഠസി ॥ 1-15॥
ത്വയാ വ്യാപ്തമിദം വിശ്വം ത്വയി പ്രോതം യഥാര്ഥതഃ । ശുദ്ധബുദ്ധസ്വരൂപസ്ത്വം മാ ഗമഃ ക്ഷുദ്രചിത്തതാമ് ॥ 1-16॥
നിരപേക്ഷോ നിർവികാരോ നിര്ഭരഃ ശീതലാശയഃ । അഗാധബുദ്ധിരക്ഷുബ്ധോ ഭവ ചിന്മാത്രവാസനഃ ॥ 1-17॥
സാകാരമനൃതം വിദ്ധി നിരാകാരം തു നിശ്ചലമ് । ഏതത്തത്ത്വോപദേശേന ന പുനര്ഭവസംഭവഃ ॥ 1-18॥
യഥൈവാദര്ശമധ്യസ്ഥേ രൂപേഽംതഃ പരിതസ്തു സഃ । തഥൈവാഽസ്മിന് ശരീരേഽംതഃ പരിതഃ പരമേശ്വരഃ ॥ 1-19॥
ഏകം സർവഗതം വ്യോമ ബഹിരംതര്യഥാ ഘടേ । നിത്യം നിരംതരം ബ്രഹ്മ സർവഭൂതഗണേ തഥാ ॥ 1-20॥
About Ashtavakra Gita Chapter 1
The first chapter of the Ashtavakra Gita opens with King Janaka's three questions: how is knowledge gained, how will liberation come, how is dispassion reached? Ashtavakra answers at once: give up the objects of the senses like poison and drink in forgiveness, sincerity, kindness, contentment and truth like nectar; you are not earth, water, fire, air or space, but the witness of them all, pure awareness.
Written by: Traditionally attributed to the sage Ashtavakra
When to chant: For study and reflection, at any time.
Did you know?
- Its best-known verse says: one who thinks himself free is free, one who thinks himself bound is bound; "as one thinks, so one becomes".
- The last verse compares Brahman in all beings to the one space inside and outside a pot.
- Ashtavakra means "bent in eight places"; legend says he was born with eight bends in his body.
Frequently asked questions
What does Janaka ask?
How to gain knowledge, liberation and dispassion.
What is Ashtavakra's answer?
That you are not the body or elements but pure awareness, the witness of all.
Is this the start of the Ashtavakra Gita?
Yes, chapter 1 opens the dialogue.
Offered for worship and study, not as prediction. Non-commercial.
More devotional texts