Ashtavakra Gita Chapter 2
Karma Siddhanta · Traditional devotional text
ஜனக உவாச
அஹோ நிரஞ்ஜன: ஶாந்தோ போ³தோ⁴ஹம் ப்ரக்ருதே: பர: । ஏதாவந்தமஹம் காலம் மோஹேனைவ விட³ம்பி³த: ॥ 2-1
யதா² ப்ரகாஶயாம்யேகோ தே³ஹமேனம் ததா² ஜக³த் । அதோ மம ஜக³த்ஸர்வமத²வா ந ச கிஞ்சன ॥ 2-2॥
ஸ ஶரீரமஹோ விஶ்வம் பரித்யஜ்ய மயாது⁴னா । குதஶ்சித் கௌஶலாத்³ ஏவ பரமாத்மா விலோக்யதே ॥ 2-3॥
யதா² ந தோயதோ பி⁴ன்னாஸ்தரங்கா³: பே²னபு³த்³பு³தா³: । ஆத்மனோ ந ததா² பி⁴ன்னம் விஶ்வமாத்மவினிர்க³தம் ॥ 2-4॥
தந்துமாத்ரோ ப⁴வேத்³ ஏவ படோ யத்³வத்³ விசாரித: । ஆத்மதன்மாத்ரமேவேத³ம் தத்³வத்³ விஶ்வம் விசாரிதம் ॥ 2-5॥
யதை²வேக்ஷுரஸே க்ல்ருப்தா தேன வ்யாப்தைவ ஶர்கரா । ததா² விஶ்வம் மயி க்ல்ருப்தம் மயா வ்யாப்தம் நிரந்தரம் ॥ 2-6॥
ஆத்மாஜ்ஞானாஜ்ஜக³த்³பா⁴தி ஆத்மஜ்ஞானான்ன பா⁴ஸதே । ரஜ்ஜ்வஜ்ஞானாத³ஹிர்பா⁴தி தஜ்ஜ்ஞானாத்³ பா⁴ஸதே ந ஹி ॥ 2-7॥
ப்ரகாஶோ மே நிஜம் ரூபம் நாதிரிக்தோஸ்ம்யஹம் தத: । யதா³ ப்ரகாஶதே விஶ்வம் ததா³ஹம் பா⁴ஸ ஏவ ஹி ॥ 2-8॥
அஹோ விகல்பிதம் விஶ்வமஜ்ஞானான்மயி பா⁴ஸதே । ரூப்யம் ஶுக்தௌ ப²ணீ ரஜ்ஜௌ வாரி ஸூர்யகரே யதா² ॥ 2-9॥
மத்தோ வினிர்க³தம் விஶ்வம் மய்யேவ லயமேஷ்யதி । ம்ருதி³ கும்போ⁴ ஜலே வீசி: கனகே கடகம் யதா² ॥ 2-1௦॥
அஹோ அஹம் நமோ மஹ்யம் வினாஶோ யஸ்ய நாஸ்தி மே । ப்³ரஹ்மாதி³ஸ்தம்ப³பர்யந்தம் ஜக³ன்னாஶோபி திஷ்ட²த: ॥ 2-11॥
அஹோ அஹம் நமோ மஹ்யமேகோஹம் தே³ஹவானபி । க்வசின்ன க³ந்தா நாக³ந்தா வ்யாப்ய விஶ்வமவஸ்தி²த: ॥ 2-12॥
அஹோ அஹம் நமோ மஹ்யம் த³க்ஷோ நாஸ்தீஹ மத்ஸம: । அஸம்ஸ்ப்ருஶ்ய ஶரீரேண யேன விஶ்வம் சிரம் த்⁴ருதம் ॥ 2-13॥
அஹோ அஹம் நமோ மஹ்யம் யஸ்ய மே நாஸ்தி கிஞ்சன । அத²வா யஸ்ய மே ஸர்வம் யத்³ வாங்மனஸகோ³சரம் ॥ 2-14॥
ஜ்ஞானம் ஜ்ஞேயம் ததா² ஜ்ஞாதா த்ரிதயம் நாஸ்தி வாஸ்தவம் । அஜ்ஞானாத்³ பா⁴தி யத்ரேத³ம் ஸோஹமஸ்மி நிரஞ்ஜன: ॥ 2-15॥
த்³வைதமூலமஹோ து³:க²ம் நான்யத்தஸ்யாஸ்தி பே⁴ஷஜம் । த்³ருஶ்யமேதன் ம்ருஷா ஸர்வமேகோஹம் சித்³ரஸோமல: ॥ 2-16॥
போ³த⁴மாத்ரோஹமஜ்ஞானாத்³ உபாதி⁴: கல்பிதோ மயா । ஏவம் விம்ருஶதோ நித்யம் நிர்விகல்பே ஸ்தி²திர்மம ॥ 2-17॥
ந மே ப³ந்தோ⁴ஸ்தி மோக்ஷோ வா ப்⁴ராந்தி: ஶாந்தா நிராஶ்ரயா । அஹோ மயி ஸ்தி²தம் விஶ்வம் வஸ்துதோ ந மயி ஸ்தி²தம் ॥ 2-18॥
ஸஶரீரமித³ம் விஶ்வம் ந கிஞ்சிதி³தி நிஶ்சிதம் । ஶுத்³த⁴சின்மாத்ர ஆத்மா ச தத்கஸ்மின் கல்பனாது⁴னா ॥ 2-19॥
ஶரீரம் ஸ்வர்க³னரகௌ ப³ந்த⁴மோக்ஷௌ ப⁴யம் ததா² । கல்பனாமாத்ரமேவைதத் கிம் மே கார்யம் சிதா³த்மன: ॥ 2-2௦॥
அஹோ ஜனஸமூஹேபி ந த்³வைதம் பஶ்யதோ மம । அரண்யமிவ ஸம்வ்ருத்தம் க்வ ரதிம் கரவாண்யஹம் ॥ 2-21॥
நாஹம் தே³ஹோ ந மே தே³ஹோ ஜீவோ நாஹமஹம் ஹி சித் । அயமேவ ஹி மே ப³ந்த⁴ ஆஸீத்³யா ஜீவிதே ஸ்ப்ருஹா ॥ 2-22॥
அஹோ பு⁴வனகல்லோலைர்விசித்ரைர்த்³ராக் ஸமுத்தி²தம் । மய்யனந்தமஹாம்போ⁴தௌ⁴ சித்தவாதே ஸமுத்³யதே ॥ 2-23॥
மய்யனந்தமஹாம்போ⁴தௌ⁴ சித்தவாதே ப்ரஶாம்யதி । அபா⁴க்³யாஜ்ஜீவவணிஜோ ஜக³த்போதோ வினஶ்வர: ॥ 2-24॥
மய்யனந்தமஹாம்போ⁴தா⁴வாஶ்சர்யம் ஜீவவீசய: । உத்³யந்தி க்⁴னந்தி கே²லந்தி ப்ரவிஶந்தி ஸ்வபா⁴வத: ॥ 2-25॥
About Ashtavakra Gita Chapter 2
In the second chapter of the Ashtavakra Gita, King Janaka speaks of his own awakening after Ashtavakra's teaching: "Aho! I am stainless, peaceful, pure awareness, beyond nature; all this time I was only fooled by delusion." He sees that as he lights up the body, so he lights up the whole world, and that the world rises and falls in him like waves in a boundless ocean.
Written by: Traditionally attributed to the sage Ashtavakra
When to chant: For study and reflection, at any time.
Did you know?
- This chapter is Janaka's reply; in the first chapter Ashtavakra teaches and Janaka listens.
- Its last verse gives the famous image of beings as waves rising, playing and sinking in the ocean of the Self.
- Ashtavakra means "bent in eight places"; legend says he was born with eight bends in his body.
Frequently asked questions
Who speaks in this chapter?
King Janaka, describing his awakening.
What does "aho" express?
Wonder: Janaka is amazed at the discovery of his true nature.
What is the image at the end?
Beings rise and sink in the Self like waves in an ocean.
Offered for worship and study, not as prediction. Non-commercial.
More devotional texts