Bhagavadgita Parayana - Chapter 1
Sri Krishna · Traditional devotional text
ওং শ্রী পরমাত্মনে নমঃ অথ প্রথমোঽধ্য়ায়ঃ অর্জুনবিষাদয়োগঃ
ধৃতরাষ্ট্র উবাচ
ধর্মক্ষেত্রে কুরুক্ষেত্রে সমবেতা যুয়ুত্সবঃ । মামকাঃ পাংডবাশ্চৈব কিমকুর্বত সংজয় ॥1
সংজয় উবাচ
দৃষ্ট্বা তু পাংডবানীকং ব্য়ূঢং দুর্য়োধনস্তদা । আচার্যমুপসংগম্য় রাজা বচনমব্রবীত্ ॥2
পশ্য়ৈতাং পাংডুপুত্রাণাম্ আচার্য় মহতীং চমূম্ । ব্য়ূঢাং দ্রুপদপুত্রেণ তব শিষ্য়েণ ধীমতা ॥3॥
অত্র শূরা মহেষ্বাসাঃ ভীমার্জুনসমা যুধি । যুয়ুধানো বিরাটশ্চ দ্রুপদশ্চ মহারথঃ ॥4॥
ধৃষ্টকেতুশ্চেকিতানঃ কাশিরাজশ্চ বীর্যবান্ । পুরুজিত্কুংতিভোজশ্চ শৈব্যশ্চ নরপুংগবঃ ॥5॥
যুধামন্য়ুশ্চ বিক্রাংতঃ উত্তমৌজাশ্চ বীর্যবান্ । সৌভদ্রো দ্রৌপদেয়াশ্চ সর্ব এব মহারথাঃ ॥6॥
অস্মাকং তু বিশিষ্টা যে তান্নিবোধ দ্বিজোত্তম । নাযকা মম সৈন্যস্য় সংজ্ঞার্থং তান্ ব্রবীমি তে ॥7॥
ভবান্ ভীষ্মশ্চ কর্ণশ্চ কৃপশ্চ সমিতিংজয়ঃ । অশ্বত্থামা বিকর্ণশ্চ সৌমদত্তিস্তথৈব চ ॥8॥
অন্য়ে চ বহবঃ শূরাঃ মদর্থে ত্যক্তজীবিতাঃ । নানাশস্ত্রপ্রহরণাঃ সর্বে যুদ্ধবিশারদাঃ ॥9॥
অপর্য়াপ্তং তদস্মাকং বলং ভীষ্মাভিরক্ষিতম্ । পর্য়াপ্তং ত্বিদমেতেষাং বলং ভীমাভিরক্ষিতম্ ॥10॥
অযনেষু চ সর্বেষু যথাভাগমবস্থিতাঃ । ভীষ্মমেবাভিরক্ষংতু ভবংতঃ সর্ব এব হি ॥11॥
তস্য় সংজনযন্ হর্ষং কুরুবৃদ্ধঃ পিতামহঃ । সিংহনাদং বিনদ্য়োচ্চৈঃ শংখং দধ্মৌ প্রতাপবান্ ॥12॥
ততঃ শংখাশ্চ ভের্যশ্চ পণবানকগোমুখাঃ । সহসৈবাভ্যহন্য়ংত স শব্দস্তুমুলোঽভবত্ ॥13॥
ততঃ শ্বেতৈর্হয়ৈর্য়ুক্তে মহতি স্য়ংদনে স্থিতৌ । মাধবঃ পাংডবশ্চৈব দিব্য়ৌ শংখৌ প্রদধ্মতুঃ ॥14॥
পাংচজন্য়ং হৃষীকেশঃ দেবদত্তং ধনংজয়ঃ । পৌংড্রং দধ্মৌ মহাশংখং ভীমকর্মা বৃকোদরঃ ॥15॥
অনংতবিজয়ং রাজা কুংতীপুত্রো যুধিষ্ঠিরঃ । নকুলঃ সহদেবশ্চ সুঘোষমণিপুষ্পকৌ ॥16॥
কাশ্যশ্চ পরমেষ্বাসঃ শিখংডী চ মহারথঃ । ধৃষ্টদ্য়ুম্নো বিরাটশ্চ সাত্যকিশ্চাপরাজিতঃ ॥17॥
দ্রুপদো দ্রৌপদেয়াশ্চ সর্বশঃ পৃথিবীপতে । সৌভদ্রশ্চ মহাবাহুঃ শংখান্-দধ্মুঃ পৃথক্ পৃথক্ ॥18॥
স ঘোষো ধার্তরাষ্ট্রাণাং হৃদয়ানি ব্যদারযত্ । নভশ্চ পৃথিবীং চৈব তুমুলো ব্যনুনাদযন্ ॥19॥
অথ ব্যবস্থিতান্-দৃষ্ট্বা ধার্তরাষ্ট্রান্ কপিধ্বজঃ । প্রবৃত্তে শস্ত্রসংপাতে ধনুরুদ্যম্য় পাংডবঃ ॥20॥
হৃষীকেশং তদা বাক্যম্ ইদমাহ মহীপতে । অর্জুন উবাচ সেনয়োরুভয়োর্মধ্য়ে রথং স্থাপয় মেঽচ্য়ুত ॥21॥
যাবদেতান্নিরীক্ষেঽহং যোদ্ধুকামানবস্থিতান্ । কৈর্ময়া সহ যোদ্ধব্য়ং অস্মিন্ রণসমুদ্যমে ॥22॥
যোত্স্যমানানবেক্ষেঽহং য এতেঽত্র সমাগতাঃ । ধার্তরাষ্ট্রস্য় দুর্বুদ্ধেঃ যুদ্ধে প্রিযচিকীর্ষবঃ ॥23॥
সংজয় উবাচ
এবমুক্তো হৃষীকেশঃ গুডাকেশেন ভারত । সেনয়োরুভয়োর্মধ্য়ে স্থাপয়িত্বা রথোত্তমম্ ॥24
ভীষ্মদ্রোণপ্রমুখতঃ সর্বেষাং চ মহীক্ষিতাম্ । উবাচ পার্থ পশ্য়ৈতান্ সমবেতান্কুরূনিতি ॥25॥
তত্রাপশ্যত্স্থিতান্ পার্থঃ পিতৄনথ পিতামহান্ । আচার্য়ান্-মাতুলান্-ভ্রাতৄন্ পুত্রান্-পৌত্রান্-সখীংস্তথা ॥26॥
শ্বশুরান্-সুহৃদশ্চৈব সেনয়োরুভয়োরপি । তান্সমীক্ষ্য় স কৌংতেয়ঃ সর্বান্বংধূনবস্থিতান্ ॥27॥
কৃপয়া পরয়াঽঽবিষ্টঃ বিষীদন্নিদমব্রবীত্ । অর্জুন উবাচ দৃষ্ট্বেমং স্বজনং কৃষ্ণ যুয়ুত্সুং সমুপস্থিতম্ ॥28॥
সীদংতি মম গাত্রাণি মুখং চ পরিশুষ্যতি । বেপথুশ্চ শরীরে মে রোমহর্ষশ্চ জাযতে ॥29॥
গাংডীবং স্রংসতে হস্তাত্ ত্ব ক্চৈব পরিদহ্যতে । ন চ শক্নোম্যবস্থাতুং ভ্রমতীব চ মে মনঃ ॥30॥
নিমিত্তানি চ পশ্য়ামি বিপরীতানি কেশব । ন চ শ্রেয়োঽনুপশ্য়ামি হত্বা স্বজনমাহবে ॥31॥
ন কাংক্ষে বিজয়ং কৃষ্ণ ন চ রাজ্য়ং সুখানি চ । কিং নো রাজ্য়েন গোবিংদ কিং ভোগৈর্জীবিতেন বা ॥32॥
যেষামর্থে কাংক্ষিতং নঃ রাজ্য়ং ভোগাঃ সুখানি চ । ত ইমেঽবস্থিতা যুদ্ধে প্রাণাংস্ত্যক্ত্ত্বা ধনানি চ ॥33॥
আচার্য়াঃ পিতরঃ পুত্রাঃ তথৈব চ পিতামহাঃ । মাতুলাঃ শ্বশুরাঃ পৌত্রাঃ শ্য়ালাঃ সংবংধিনস্তথা ॥34॥
এতান্ন হংতুমিচ্ছামি ঘ্নতোঽপি মধুসূদন । অপি ত্রৈলোক্যরাজ্যস্য় হেতোঃ কিং নু মহীকৃতে ॥35॥
নিহত্য় ধার্তরাষ্ট্রান্নঃ কা প্রীতিঃ স্য়াজ্জনার্দন । পাপমেবাশ্রয়েদস্মান্ হত্বৈতানাততায়িনঃ ॥36॥
তস্মান্নার্হা বয়ং হংতুং ধার্তরাষ্ট্রান্স্ববাংধবান্ । স্বজনং হি কথং হত্বা সুখিনঃ স্য়াম মাধব ॥37॥
যদ্যপ্য়েতে ন পশ্য়ংতি লোভোপহতচেতসঃ । কুলক্ষযকৃতং দোষং মিত্রদ্রোহে চ পাতকম্ ॥38॥
কথং ন জ্ঞেযমস্মাভিঃ পাপাদস্মান্নিবর্তিতুম্ । কুলক্ষযকৃতং দোষং প্রপশ্যদ্ভির্জনার্দন ॥39॥
কুলক্ষয়ে প্রণশ্য়ংতি কুলধর্মাঃ সনাতনাঃ । ধর্মে নষ্টে কুলং কৃত্স্নম্ অধর্মোঽভিভবত্য়ুত ॥40॥
অধর্মাভিভবাত্কৃষ্ণ প্রদুষ্য়ংতি কুলস্ত্রিয়ঃ । স্ত্রীষু দুষ্টাসু বার্ষ্ণেয় জাযতে বর্ণসংকরঃ ॥41॥
সংকরো নরকায়ৈব কুলঘ্নানাং কুলস্য় চ । পতংতি পিতরো হ্য়েষাং লুপ্তপিংডোদকক্রিয়াঃ ॥42॥
দোষৈরেতৈঃ কুলঘ্নানাং বর্ণসংকরকারকৈঃ । উত্সাদ্য়ংতে জাতিধর্মাঃ কুলধর্মাশ্চ শাশ্বতাঃ ॥43॥
উত্সন্নকুলধর্মাণাং মনুষ্য়াণাং জনার্দন । নরকেঽনিযতং বাসঃ ভবতীত্যনুশুশ্রুম ॥44॥
অহো বত মহত্পাপং কর্তুং ব্যবসিতা বযম্ । যদ্রাজ্যসুখলোভেন হংতুং স্বজনমুদ্যতাঃ ॥45॥
যদি মামপ্রতীকারম্ অশস্ত্রং শস্ত্রপাণয়ঃ । ধার্তরাষ্ট্রা রণে হন্য়ুঃ তন্মে ক্ষেমতরং ভবেত্ ॥46॥
সংজয় উবাচ
এবমুক্ত্বাঽর্জুনঃ সংখ্য়ে রথোপস্থ উপাবিশত্ । বিসৃজ্য় সশরং চাপং শোকসংবিগ্নমানসঃ ॥47
॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে অর্জুনবিষাদয়োগো নাম প্রথমোঽধ্য়ায়ঃ ॥
About Bhagavadgita Parayana - Chapter 1
The first chapter of the Bhagavad Gita, Arjuna Vishada Yoga, "the yoga of Arjuna's despair", sets the scene on the battlefield of Kurukshetra. Blind King Dhritarashtra asks Sanjaya what his sons and the Pandavas did there; Sanjaya describes the two armies, the great warriors and the blowing of conches. Arjuna asks Krishna to drive his chariot between the armies, and seeing his teachers, kinsmen and friends ready to fight, he is overcome by grief, lays down his bow and sinks down in sorrow.
Source: Mahabharata, Bhishma Parva (Bhagavad Gita, chapter 1)
When to chant: In daily Gita parayana, on Gita Jayanti and Ekadashi, and as the start of a full reading.
Did you know?
- It begins with the famous words "Dharmakshetre Kurukshetre", "on the field of dharma, the field of the Kurus".
- It has 47 verses; most are spoken by Sanjaya, who sees the battle through the divine sight given by Vyasa.
- Krishna's conch is Panchajanya and Arjuna's is Devadatta.
Frequently asked questions
What is the first chapter called?
Arjuna Vishada Yoga, the yoga of Arjuna's despair.
How does the Gita begin?
With Dhritarashtra's question, "Dharmakshetre Kurukshetre".
Why does Arjuna despair?
He sees his teachers, kinsmen and friends ready to fight him.
Offered for worship and study, not as prediction. Non-commercial.
More devotional texts