MuhurtaNow

Bhagavadgita Parayana - Chapter 2

Sri Krishna · Traditional devotional text

ওং শ্রী পরমাত্মনে নমঃ অথ দ্বিতীয়োঽধ্য়ায়ঃ সাংখ্যয়োগঃ

সংজয় উবাচ

তং তথা কৃপয়াঽঽবিষ্টম্ অশ্রুপূর্ণাকুলেক্ষণম্ । বিষীদংতমিদং বাক্যম্ উবাচ মধুসূদনঃ ॥1

শ্রী ভগবানুবাচ

কুতস্ত্বা কশ্মলমিদং বিষমে সমুপস্থিতম্ । অনার্যজুষ্টমস্বর্গ্যম্ অকীর্তিকরমর্জুন ॥2

ক্লৈব্য়ং মা স্ম গমঃ পার্থ নৈতত্ত্বয়্য়ুপপদ্যতে । ক্ষুদ্রং হৃদযদৌর্বল্য়ং ত্যক্ত্বোত্তিষ্ঠ পরংতপ ॥3॥

অর্জুন উবাচ

কথং ভীষ্মমহং সংখ্য়ে দ্রোণং চ মধুসূদন । ইষুভিঃ প্রতিয়োত্স্য়ামি পূজার্হাবরিসূদন ॥4

গুরূনহত্বা হি মহানুভাবান্ শ্রেয়ো ভোক্তুং ভৈক্ষ্যমপীহ লোকে । হত্বার্থকামাংস্তু গুরূনিহৈব ভুংজীয় ভোগান্ রুধিরপ্রদিগ্ধান্ ॥5॥

ন চৈতদ্বিদ্মঃ কতরন্নো গরীয়ঃ যদ্বা জয়েম যদি বা নো জয়েয়ুঃ । যানেব হত্বা ন জিজীবিষামঃ তেঽবস্থিতাঃ প্রমুখে ধার্তরাষ্ট্রাঃ ॥6॥

কার্পণ্যদোষোপহতস্বভাবঃ পৃচ্ছামি ত্বাং ধর্মসম্মূঢচেতাঃ । যচ্ছ্রেয়ঃ স্য়ান্নিশ্চিতং ব্রূহি তন্মে শিষ্যস্তেঽহং শাধি মাং ত্বাং প্রপন্নম্ ॥7॥

ন হি প্রপশ্য়ামি মমাপনুদ্য়াত্ যচ্ছোকমুচ্ছোষণমিংদ্রিয়াণাম্ । অবাপ্য় ভূমাবসপত্নমৃদ্ধং রাজ্য়ং সুরাণামপি চাধিপত্যম্ ॥8॥

সংজয় উবাচ

এবমুক্ত্বা হৃষীকেশং গুডাকেশঃ পরংতপঃ । ন যোত্স্য় ইতি গোবিংদম্ উক্ত্বা তূষ্ণীং বভূব হ ॥9

তমুবাচ

হৃষীকেশঃ প্রহসন্নিব ভারত । সেনয়োরুভয়োর্মধ্য়ে বিষীদংতমিদং বচঃ ॥10

শ্রী ভগবানুবাচ

অশোচ্য়ানন্বশোচস্ত্বং প্রজ্ঞাবাদাংশ্চ ভাষসে । গতাসূনগতাসূংশ্চ নানুশোচংতি পংডিতাঃ ॥11

ন ত্বেবাহং জাতু নাসং ন ত্বং নেমে জনাধিপাঃ । ন চৈব ন ভবিষ্য়ামঃ সর্বে বযমতঃ পরম্ ॥12॥

দেহিনোঽস্মিন্যথা দেহে কৌমারং যৌবনং জরা । তথা দেহাংতরপ্রাপ্তিঃ ধীরস্তত্র ন মুহ্যতি ॥13॥

মাত্রাস্পর্শাস্তু কৌংতেয় শীতোষ্ণসুখদুঃখদাঃ । আগমাপায়িনোঽনিত্য়াঃ তাংস্তিতিক্ষস্ব ভারত ॥14॥

যং হি ন ব্যথয়ংত্য়েতে পুরুষং পুরুষর্ষভ । সমদুঃখসুখং ধীরং সোঽমৃতত্বায় কল্পতে ॥15॥

নাসতো বিদ্যতে ভাবঃ নাভাবো বিদ্যতে সতঃ । উভয়োরপি দৃষ্টোঽংতঃ ত্বনয়োস্তত্ত্বদর্শিভিঃ ॥16॥

অবিনাশি তু তদ্বিদ্ধি যেন সর্বমিদং ততম্ । বিনাশমব্যযস্য়াস্য় ন কশ্চিত্কর্তুমর্হতি ॥17॥

অংতবংত ইমে দেহাঃ নিত্যস্য়োক্তাঃ শরীরিণঃ । অনাশিনোঽপ্রমেযস্য় তস্মাদ্য়ুধ্যস্ব ভারত ॥18॥

য এনং বেত্তি হংতারং যশ্চৈনং মন্যতে হতম্ । উভৌ তৌ ন বিজানীতঃ নায়ং হংতি ন হন্যতে ॥19॥

ন জাযতে ম্রিযতে বা কদাচিত্ নায়ং ভূত্বা ভবিতা বা ন ভূয়ঃ । অজো নিত্য়ঃ শাশ্বতোঽয়ং পুরাণঃ ন হন্যতে হন্যমানে শরীরে ॥20॥

বেদাবিনাশিনং নিত্য়ং য এনমজমব্যযম্ । কথং স পুরুষঃ পার্থ কং ঘাতযতি হংতি কম্ ॥21॥

বাসাংসি জীর্ণানি যথা বিহায় নবানি গৃহ্ণাতি নরোঽপরাণি । তথা শরীরাণি বিহায় জীর্ণানি অন্য়ানি সংয়াতি নবানি দেহী ॥22॥

নৈনং ছিংদংতি শস্ত্রাণি নৈনং দহতি পাবকঃ । ন চৈনং ক্লেদয়ংত্য়াপঃ ন শোষযতি মারুতঃ ॥23॥

অচ্ছেদ্য়োঽযমদাহ্য়োঽযম্ অক্লেদ্য়োঽশোষ্য় এব চ । নিত্য়ঃ সর্বগতঃ স্থাণুঃ অচলোঽয়ং সনাতনঃ ॥24॥

অব্যক্তোঽযমচিংত্য়োঽযম্ অবিকার্য়োঽযমুচ্যতে । তস্মাদেবং বিদিত্বৈনং নানুশোচিতুমর্হসি ॥25॥

অথ চৈনং নিত্যজাতং নিত্য়ং বা মন্যসে মৃতম্ । তথাঽপি ত্বং মহাবাহো নৈবং শোচিতুমর্হসি ॥26॥

জাতস্য় হি ধ্রুবো মৃত্য়ুঃ ধ্রুবং জন্ম মৃতস্য় চ । তস্মাদপরিহার্য়েঽর্থে ন ত্বং শোচিতুমর্হসি ॥27॥

অব্যক্তাদীনি ভূতানি ব্যক্তমধ্য়ানি ভারত । অব্যক্তনিধনান্য়েব তত্র কা পরিদেবনা ॥28॥

আশ্চর্যবত্পশ্যতি কশ্চিদেনং আশ্চর্যবদ্বদতি তথৈব চান্য়ঃ । আশ্চর্যবচ্চৈনমন্য়ঃ শৃণোতি শ্রুত্বাঽপ্য়েনং বেদ ন চৈব কশ্চিত্ ॥29॥

দেহী নিত্যমবধ্য়োঽয়ং দেহে সর্বস্য় ভারত । তস্মাত্সর্বাণি ভূতানি ন ত্বং শোচিতুমর্হসি ॥30॥

স্বধর্মমপি চাবেক্ষ্য় ন বিকংপিতুমর্হসি । ধর্ম্য়াদ্ধি যুদ্ধাচ্ছ্রেয়োঽন্যত্ ক্ষত্রিযস্য় ন বিদ্যতে ॥31॥

যদৃচ্ছয়া চোপপন্নং স্বর্গদ্বারমপাবৃতম্ । সুখিনঃ ক্ষত্রিয়াঃ পার্থ লভংতে যুদ্ধমীদৃশম্ ॥32॥

অথ চেত্ত্বমিমং ধর্ম্য়ং সংগ্রামং ন করিষ্যসি । ততঃ স্বধর্মং কীর্তিং চ হিত্বা পাপমবাপ্স্যসি ॥33॥

অকীর্তিং চাপি ভূতানি কথয়িষ্য়ংতি তেঽব্যয়াম্ । সংভাবিতস্য় চাকীর্তিঃ মরণাদতিরিচ্যতে ॥34॥

ভয়াদ্রণাদুপরতং মংস্য়ংতে ত্বাং মহারথাঃ । যেষাং চ ত্বং বহুমতঃ ভূত্বা যাস্যসি লাঘবম্ ॥35॥

অবাচ্যবাদাংশ্চ বহূন্ বদিষ্য়ংতি তবাহিতাঃ । নিংদংতস্তব সামর্থ্য়ং ততো দুঃখতরং নু কিম্ ॥36॥

হতো বা প্রাপ্স্যসি স্বর্গং জিত্বা বা ভোক্ষ্যসেমহীম্ । তস্মাদুত্তিষ্ঠ কৌংতেয় যুদ্ধায় কৃতনিশ্চয়ঃ ॥37॥

সুখদুঃখে সমে কৃত্বা লাভালাভৌ জয়াজয়ৌ । ততো যুদ্ধায় যুজ্যস্ব নৈবং পাপমবাপ্স্যসি ॥38॥

এষা তেঽভিহিতা সাংখ্য়ে বুদ্ধির্য়োগে ত্বিমাং শৃণু । বুদ্ধ্য়া যুক্তো যয়া পার্থ কর্মবংধং প্রহাস্যসি ॥39॥

নেহাভিক্রমনাশোঽস্তি প্রত্যবায়ো ন বিদ্যতে । স্বল্পমপ্যস্য় ধর্মস্য় ত্রাযতে মহতো ভয়াত্ ॥40॥

ব্যবসায়াত্মিকা বুদ্ধিঃ একেহ কুরুনংদন । বহুশাখা হ্যনংতাশ্চ বুদ্ধয়োঽব্যবসায়িনাম্ ॥41॥

যামিমাং পুষ্পিতাং বাচং প্রবদংত্যবিপশ্চিতঃ । বেদবাদরতাঃ পার্থ নান্যদস্তীতি বাদিনঃ ॥42॥

কামাত্মানঃ স্বর্গপরাঃ জন্মকর্মফলপ্রদাম্ । ক্রিয়াবিশেষবহুলাং ভোগৈশ্বর্যগতিং প্রতি ॥43॥

ভোগৈশ্বর্যপ্রসক্তানাং তয়াঽপহৃতচেতসাম্ । ব্যবসায়াত্মিকা বুদ্ধিঃ সমাধৌ ন বিধীযতে ॥44॥

ত্রৈগুণ্যবিষয়া বেদাঃ নিস্ত্রৈগুণ্য়ো ভবার্জুন । নির্দ্বংদ্বো নিত্যসত্ত্বস্থঃ নির্য়োগক্ষেম আত্মবান্ ॥45॥

যাবানর্থ উদপানে সর্বতঃ সংপ্লুতোদকে । তাবান্সর্বেষু বেদেষু ব্রাহ্মণস্য় বিজানতঃ ॥46॥

কর্মণ্য়েবাধিকারস্তে মা ফলেষু কদাচন । মা কর্মফলহেতুর্ভূঃ মা তে সংগোঽস্ত্বকর্মণি ॥47॥

যোগস্থঃ কুরু কর্মাণি সংগং ত্যক্ত্বা ধনংজয় । সিদ্ধ্যসিদ্ধ্য়োঃ সমো ভূত্বা সমত্বং যোগ উচ্যতে ॥48॥

দূরেণ হ্যবরং কর্ম বুদ্ধিয়োগাদ্ধনংজয় । বুদ্ধৌ শরণমন্বিচ্ছ কৃপণাঃ ফলহেতবঃ ॥49॥

বুদ্ধিয়ুক্তো জহাতীহ উভে সুকৃতদুষ্কৃতে । তস্মাদ্য়োগায় যুজ্যস্ব যোগঃ কর্মসু কৌশলম্ ॥50॥

কর্মজং বুদ্ধিয়ুক্তা হি ফলং ত্যক্ত্বা মনীষিণঃ । জন্মবংধবিনির্মুক্তাঃ পদং গচ্ছংত্যনামযম্ ॥51॥

যদা তে মোহকলিলং বুদ্ধির্ব্যতিতরিষ্যতি । তদা গংতাঽসি নির্বেদং শ্রোতব্যস্য় শ্রুতস্য় চ ॥52॥

শ্রুতিবিপ্রতিপন্না তে যদা স্থাস্যতি নিশ্চলা । সমাধাবচলা বুদ্ধিঃ তদা যোগমবাপ্স্যসি ॥53॥

অর্জুন উবাচ

স্থিতপ্রজ্ঞস্য় কা ভাষা সমাধিস্থস্য় কেশব । স্থিতধীঃ কিং প্রভাষেত কিমাসীত ব্রজেত কিম্ ॥54

শ্রী ভগবানুবাচ

প্রজহাতি যদা কামান্ সর্বান্পার্থ মনোগতান্ । আত্মন্য়েবাত্মনা তুষ্টঃ স্থিতপ্রজ্ঞস্তদোচ্যতে ॥55

দুঃখেষ্বনুদ্বিগ্নমনাঃ সুখেষু বিগতস্পৃহঃ । বীতরাগভযক্রোধঃ স্থিতধীর্মুনিরুচ্যতে ॥56॥

যঃ সর্বত্রানভিস্নেহঃ তত্তত্প্রাপ্য় শুভাশুভম্ । নাভিনংদতি ন দ্বেষ্টি তস্য় প্রজ্ঞা প্রতিষ্ঠিতা ॥57॥

যদা সংহরতে চায়ং কূর্মোঽংগানীব সর্বশঃ । ইংদ্রিয়াণীংদ্রিয়ার্থেভ্য়ঃ তস্য় প্রজ্ঞা প্রতিষ্ঠিতা ॥58॥

বিষয়া বিনিবর্তংতে নিরাহারস্য় দেহিনঃ । রসবর্জং রসোঽপ্যস্য় পরং দৃষ্ট্বা নিবর্ততে ॥59॥

যততো হ্যপি কৌংতেয় পুরুষস্য় বিপশ্চিতঃ । ইংদ্রিয়াণি প্রমাথীনি হরংতি প্রসভং মনঃ ॥60॥

তানি সর্বাণি সংযম্য় যুক্ত আসীত মত্পরঃ । বশে হি যস্য়েংদ্রিয়াণি তস্য় প্রজ্ঞা প্রতিষ্ঠিতা ॥61॥

ধ্য়াযতো বিষয়ান্পুংসঃ সংগস্তেষূপজাযতে । সংগাত্সংজাযতে কামঃ কামাত্ক্রোধোঽভিজাযতে ॥62॥

ক্রোধাদ্ভবতি সম্মোহঃ সম্মোহাত্স্মৃতিবিভ্রমঃ । স্মৃতিভ্রংশাত্ বুদ্ধিনাশঃ বুদ্ধিনাশাত্প্রণশ্যতি ॥63॥

রাগদ্বেষবিয়ুক্তৈস্তু বিষয়ানিংদ্রিয়ৈশ্চরন্ । আত্মবশ্য়ৈর্বিধেয়াত্মা প্রসাদমধিগচ্ছতি ॥64॥

প্রসাদে সর্বদুঃখানাং হানিরস্য়োপজাযতে । প্রসন্নচেতসো হ্য়াশু বুদ্ধিঃ পর্যবতিষ্ঠতে ॥65॥

নাঽস্তি বুদ্ধিরয়ুক্তস্য় ন চায়ুক্তস্য় ভাবনা । ন চাভাবযতঃ শাংতিঃ অশাংতস্য় কুতঃ সুখম্ ॥66॥

ইংদ্রিয়াণাং হি চরতাং যন্মনোঽনুবিধীযতে । তদস্য় হরতি প্রজ্ঞাং বায়ুর্নাবমিবাংভসি ॥67॥

তস্মাদ্যস্য় মহাবাহো নিগৃহীতানি সর্বশঃ । ইংদ্রিয়াণীংদ্রিয়ার্থেভ্য়ঃ তস্য় প্রজ্ঞা প্রতিষ্ঠিতা ॥68॥

যা নিশা সর্বভূতানাং তস্য়াং জাগর্তি সংযমী । যস্য়াং জাগ্রতি ভূতানি সা নিশা পশ্যতো মুনেঃ ॥69॥

আপূর্যমাণমচলপ্রতিষ্ঠং সমুদ্রমাপঃ প্রবিশংতি যদ্বত্ । তদ্বত্কামা যং প্রবিশংতি সর্বে স শাংতিমাপ্নোতি ন কামকামী ॥70॥

বিহায় কামান্য়ঃ সর্বান্ পুমাংশ্চরতি নিস্স্পৃহঃ । নির্মমো নিরহংকারঃ স শাংতিমধিগচ্ছতি ॥71॥

এষা ব্রাহ্মী স্থিতিঃ পার্থ নৈনাং প্রাপ্য় বিমুহ্যতি । স্থিত্বাঽস্য়ামংতকালেঽপি ব্রহ্মনির্বাণমৃচ্ছতি ॥72॥

॥ ওং তত্সদিতি শ্রীমদ্ভগবদ্গীতাসু উপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে সাংখ্যয়োগো নাম দ্বিতীয়োঽধ্য়ায়ঃ ॥

About Bhagavadgita Parayana - Chapter 2

The second chapter of the Bhagavad Gita, Sankhya Yoga, is where Krishna's teaching begins. Seeing Arjuna overcome with pity and tears, Krishna tells him that the wise grieve neither for the living nor the dead: the Self is never born and never dies, weapons cannot cut it, nor fire burn it. He then teaches action without attachment to results, "karmany evadhikaras te", and ends by describing the sthitaprajna, the person of steady wisdom.

Source: Mahabharata, Bhishma Parva (Bhagavad Gita, chapter 2)

When to chant: In daily Gita parayana, on Gita Jayanti and Ekadashi, and often memorised as the essence of the Gita.

Did you know?

  • With 72 verses, it is often called a summary of the whole Gita.
  • Verse 47, "karmany evadhikaras te ma phaleshu kadachana", says: your right is to action alone, never to its fruits.
  • Its closing verses on the sthitaprajna (2.54 to 2.72) were recited daily at Mahatma Gandhi's prayer meetings.

Recited on these festivals

Frequently asked questions

What is the second chapter called?

Sankhya Yoga, the yoga of knowledge.

What is its most famous verse?

2.47, "karmany evadhikaras te": your right is to action, not its fruits.

Who is the sthitaprajna?

The person of steady wisdom, untouched by pleasure and pain.

Offered for worship and study, not as prediction. Non-commercial.