Bhagavadgita Parayana - Chapter 5
Sri Krishna · Traditional devotional text
ఓం శ్రీ పరమాత్మనే నమః అథ పంచమోఽధ్యాయః కర్మసన్న్యాసయోగః
అర్జున ఉవాచ
సన్న్యాసం కర్మణాం కృష్ణ పునర్యోగం చ శంససి । యచ్ఛ్రేయ ఏతయోరేకం తన్మే బ్రూహి సునిశ్చితమ్ ॥1
శ్రీ భగవానువాచ
సన్న్యాసః కర్మయోగశ్చ నిశ్శ్రేయసకరావుభౌ । తయోస్తు కర్మసన్న్యాసాత్ కర్మయోగో విశిష్యతే ॥2
జ్ఞేయః స నిత్యసన్న్యాసీ యో న ద్వేష్టి న కాంక్షతి । నిర్ద్వంద్వో హి మహాబాహో సుఖం బంధాత్ప్రముచ్యతే ॥3॥
సాంఖ్యయోగౌ పృథగ్బాలాః ప్రవదంతి న పండితాః । ఏకమప్యాస్థితః సమ్యక్ ఉభయోర్విందతే ఫలమ్ ॥4॥
యత్సాంఖ్యైః ప్రాప్యతే స్థానం తద్యోగైరపి గమ్యతే । ఏకం సాంఖ్యం చ యోగం చ యః పశ్యతి స పశ్యతి ॥5॥
సన్న్యాసస్తు మహాబాహో దుఃఖమాప్తుమయోగతః । యోగయుక్తో మునిర్బ్రహ్మ నచిరేణాధిగచ్ఛతి ॥6॥
యోగయుక్తో విశుద్ధాత్మా విజితాత్మా జితేంద్రియః । సర్వభూతాత్మభూతాత్మా కుర్వన్నపి న లిప్యతే ॥7॥
నైవ కించిత్కరోమీతి యుక్తో మన్యేత తత్త్వవిత్ । పశ్యన్శృణ్వన్స్పృశంజిఘ్రన్ అశ్నన్గచ్ఛన్స్వపన్శ్వసన్ ॥8॥
ప్రలపన్విసృజన్గృహ్ణన్ ఉన్మిషన్నిమిషన్నపి । ఇంద్రియాణీంద్రియార్థేషు వర్తంత ఇతి ధారయన్ ॥9॥
బ్రహ్మణ్యాధాయ కర్మాణి సంగం త్యక్త్వా కరోతి యః । లిప్యతే న స పాపేన పద్మపత్రమివాంభసా ॥10॥
కాయేన మనసా బుద్ధ్యా కేవలైరింద్రియైరపి । యోగినః కర్మ కుర్వంతి సంగం త్యక్త్వాత్మశుద్ధయే ॥11॥
యుక్తః కర్మఫలం త్యక్త్వా శాంతిమాప్నోతి నైష్ఠికీమ్ । అయుక్తః కామకారేణ ఫలే సక్తో నిబధ్యతే ॥12॥
సర్వకర్మాణి మనసా సన్న్యస్యాస్తే సుఖం వశీ । నవద్వారే పురే దేహీ నైవ కుర్వన్న కారయన్ ॥13॥
న కర్తృత్వం న కర్మాణి లోకస్య సృజతి ప్రభుః । న కర్మఫలసంయోగం స్వభావస్తు ప్రవర్తతే ॥14॥
నాదత్తే కస్యచిత్పాపం న చైవ సుకృతం విభుః । అజ్ఞానేనావృతం జ్ఞానం తేన ముహ్యంతి జంతవః ॥15॥
జ్ఞానేన తు తదజ్ఞానం యేషాం నాశితమాత్మనః । తేషామాదిత్యవజ్జ్ఞానం ప్రకాశయతి తత్పరమ్ ॥16॥
తద్బుద్ధయస్తదాత్మానః తన్నిష్ఠాస్తత్పరాయణాః । గచ్ఛంత్యపునరావృత్తిం జ్ఞాననిర్ధూతకల్మషాః ॥17॥
విద్యావినయసంపన్నే బ్రాహ్మణే గవి హస్తిని । శుని చైవ శ్వపాకే చ పండితాః సమదర్శినః ॥18॥
ఇహైవ తైర్జితః సర్గః యేషాం సామ్యే స్థితం మనః । నిర్దోషం హి సమం బ్రహ్మ తస్మాత్ బ్రహ్మణి తే స్థితాః ॥19॥
న ప్రహృష్యేత్ప్రియం ప్రాప్య నోద్విజేత్ప్రాప్య చాప్రియమ్ । స్థిరబుద్ధిరసమ్మూఢః బ్రహ్మవిత్ బ్రహ్మణి స్థితః ॥20॥
బాహ్యస్పర్శేష్వసక్తాత్మా విందత్యాత్మని యత్సుఖమ్ । స బ్రహ్మయోగయుక్తాత్మా సుఖమక్షయమశ్నుతే ॥21॥
యే హి సంస్పర్శజా భోగాః దుఃఖయోనయ ఏవ తే । ఆద్యంతవంతః కౌంతేయ న తేషు రమతే బుధః ॥22॥
శక్నోతీహైవ యః సోఢుం ప్రాక్శరీరవిమోక్షణాత్ । కామక్రోధోద్భవం వేగం స యుక్తః స సుఖీ నరః ॥23॥
యోఽంతఃసుఖోఽంతరారామః తథాంతర్జ్యోతిరేవ యః । స యోగీ బ్రహ్మనిర్వాణం బ్రహ్మభూతోఽధిగచ్ఛతి ॥24॥
లభంతే బ్రహ్మనిర్వాణం ఋషయః క్షీణకల్మషాః । ఛిన్నద్వైధా యతాత్మానః సర్వభూతహితే రతాః ॥25॥
కామక్రోధవియుక్తానాం యతీనాం యతచేతసామ్ । అభితో బ్రహ్మనిర్వాణం వర్తతే విదితాత్మనామ్ ॥26॥
స్పర్శాన్కృత్వా బహిర్బాహ్యాన్ చక్షుశ్చైవాంతరే భ్రువోః ప్రాణాపానౌ సమౌ కృత్వా నాసాభ్యంతరచారిణౌ ॥27॥
యతేంద్రియమనోబుద్ధిః మునిర్మోక్షపరాయణః । విగతేచ్ఛాభయక్రోధః యః సదా ముక్త ఏవ సః ॥28॥
భోక్తారం యజ్ఞతపసాం సర్వలోకమహేశ్వరమ్ । సుహృదం సర్వభూతానాం జ్ఞాత్వా మాం శాంతిమృచ్ఛతి ॥29॥
॥ ఓం తత్సదితి శ్రీమద్భగవద్గీతాసు ఉపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే కర్మసన్న్యాసయోగో నామ పంచమోఽధ్యాయః ॥
About Bhagavadgita Parayana - Chapter 5
Chapter 5 of the Bhagavad Gita, Karma Sannyasa Yoga, the yoga of renouncing action, set out for parayana. Arjuna asks which is better, giving up action or the yoga of action. Krishna answers that both lead to freedom, but acting without attachment is better: the wise person works while offering the results to the Lord, untouched like a lotus leaf by water, and sees the same Self in all beings.
Source: Bhagavad Gita, chapter 5
When to chant: In daily Gita parayana, reading one chapter at a time, and in Gita jayanti recitations.
Did you know?
- The image of the lotus leaf untouched by water comes from verse 5.10.
- The Bhagavad Gita is in the Bhishma Parva of the Mahabharata; it has 18 chapters and about 700 verses.
Frequently asked questions
Which does Krishna call better, renunciation or action?
Both lead to freedom, but unattached action (karma yoga) is better.
What is the lotus-leaf image?
One who acts offering everything to the Lord is untouched by sin, as a lotus leaf is by water.
What is the chapter called?
Karma Sannyasa Yoga.
Offered for worship and study, not as prediction. Non-commercial.
More devotional texts