MuhurtaNow

Bhagavadgita Parayana - Chapter 7

Sri Krishna · Traditional devotional text

ఓం శ్రీ పరమాత్మనే నమః అథ సప్తమోఽధ్యాయః జ్ఞానవిజ్ఞానయోగః

శ్రీ భగవానువాచ

మయ్యాసక్తమనాః పార్థ యోగం యుంజన్మదాశ్రయః । అసంశయం సమగ్రం మాం యథా జ్ఞాస్యసి తచ్ఛృణు ॥1

జ్ఞానం తేఽహం సవిజ్ఞానం ఇదం వక్ష్యామ్యశేషతః । యజ్జ్ఞాత్వా నేహ భూయోఽన్యత్ జ్ఞాతవ్యమవశిష్యతే ॥2॥

మనుష్యాణాం సహస్రేషు కశ్చిద్యతతి సిద్ధయే । యతతామపి సిద్ధానాం కశ్చిన్మాం వేత్తి తత్త్వతః ॥3॥

భూమిరాపోఽనలో వాయుః ఖం మనో బుద్ధిరేవ చ । అహంకార ఇతీయం మే భిన్నా ప్రకృతిరష్టధా ॥4॥

అపరేయమితస్త్వన్యాం ప్రకృతిం విద్ధి మే పరామ్ । జీవభూతాం మహాబాహో యయేదం ధార్యతే జగత్ ॥5॥

ఏతద్యోనీని భూతాని సర్వాణీత్యుపధారయ । అహం కృత్స్నస్య జగతః ప్రభవః ప్రలయస్తథా ॥6॥

మత్తః పరతరం నాన్యత్ కింజిదస్తి ధనంజయ । మయి సర్వమిదం ప్రోతం సూత్రే మణిగణా ఇవ ॥7॥

రసోఽహమప్సు కౌంతేయ ప్రభాఽస్మి శశిసూర్యయోః । ప్రణవః సర్వవేదేషు శబ్దః ఖే పౌరుషం నృషు ॥8॥

పుణ్యో గంధః పృథివ్యాం చ తేజశ్చాస్మి విభావసౌ । జీవనం సర్వభూతేషు తపశ్చాస్మి తపస్విషు ॥9॥

బీజం మాం సర్వభూతానాం విద్ధి పార్థ సనాతనమ్ । బుద్ధిర్బుద్ధిమతామస్మి తేజస్తేజస్వినామహమ్ ॥10॥

బలం బలవతాం చాహం కామరాగవివర్జితమ్ । ధర్మావిరుద్ధో భూతేషు కామోఽస్మి భరతర్షభ ॥11॥

యే చైవ సాత్త్వికా భావాః రాజసాస్తామసాశ్చ యే । మత్త ఏవేతి తాన్విద్ధి న త్వహం తేషు తే మయి ॥12॥

త్రిభిర్గుణమయైర్భావైః ఏభిః సర్వమిదం జగత్ । మోహితం నాభిజానాతి మామేభ్యః పరమవ్యయమ్ ॥13॥

దైవీ హ్యేషా గుణమయీ మమ మాయా దురత్యయా । మామేవ యే ప్రపద్యంతే మాయామేతాం తరంతి తే ॥14॥

న మాం దుష్కృతినో మూఢాః ప్రపద్యంతే నరాధమాః । మాయయాఽపహృతజ్ఞానాః ఆసురం భావమాశ్రితాః ॥15॥

చతుర్విధా భజంతే మాం జనాః సుకృతినోఽర్జున । ఆర్తో జిజ్ఞాసురర్థార్థీ జ్ఞానీ చ భరతర్షభ ॥16॥

తేషాం జ్ఞానీ నిత్యయుక్తః ఏక భక్తిర్విశిష్యతే । ప్రియో హి జ్ఞానినోఽత్యర్థం అహం స చ మమ ప్రియః ॥17॥

ఉదారాః సర్వ ఏవైతే జ్ఞానీ త్వాత్మైవ మే మతమ్ । ఆస్థితః స హి యుక్తాత్మా మామేవానుత్తమాం గతిమ్ ॥18॥

బహూనాం జన్మనామంతే జ్ఞానవాన్మాం ప్రపద్యతే । వాసుదేవః సర్వమితి స మహాత్మా సుదుర్లభః ॥19॥

కామైస్తై స్తైర్హృతజ్ఞానాః ప్రపద్యంతేఽన్యదేవతాః । తం తం నియమమాస్థాయ ప్రకృత్యా నియతాః స్వయా ॥20॥

యో యో యాం యాం తనుం భక్తః శ్రద్ధయార్చితుమిచ్ఛతి । తస్య తస్యాచలాం శ్రద్ధాం తామేవ విదధామ్యహమ్ ॥21॥

స తయా శ్రద్ధయా యుక్తః తస్యారాధనమీహతే । లభతే చ తతః కామాన్ మయైవ విహితాన్హి తాన్ ॥22॥

అంతవత్తు ఫలం తేషాం తద్భవత్యల్పమేధసామ్ । దేవాందేవయజో యాంతి మద్భక్తా యాంతి మామపి ॥23॥

అవ్యక్తం వ్యక్తిమాపన్నం మన్యంతే మామబుద్ధయః । పరం భావమజానంతః మమావ్యయమనుత్తమమ్ ॥24॥

నాహం ప్రకాశః సర్వస్య యోగమాయాసమావృతః । మూఢోఽయం నాభిజానాతి లోకో మామజమవ్యయమ్ ॥25॥

వేదాహం సమతీతాని వర్తమానాని చార్జున । భవిష్యాణి చ భూతాని మాం తు వేద న కశ్చన ॥26॥

ఇచ్ఛాద్వేషసముత్థేన ద్వంద్వమోహేన భారత । సర్వభూతాని సమ్మోహం సర్గే యాంతి పరంతప ॥27॥

యేషాం త్వంతగతం పాపం జనానాం పుణ్యకర్మణామ్ । తే ద్వంద్వమోహనిర్ముక్తాః భజంతే మాం దృఢవ్రతాః ॥28॥

జరామరణమోక్షాయ మామాశ్రిత్య యతంతి యే । తే బ్రహ్మ తద్విదుః కృత్స్నం అధ్యాత్మం కర్మ చాఖిలం॥29॥

సాధిభూతాధిదైవం మాం సాధియజ్ఞం చ యే విదుః । ప్రయాణకాలేఽపి చ మాం తే విదుర్యుక్తచేతసః ॥30॥

॥ ఓం తత్సదితి శ్రీమద్భగవద్గీతాసు ఉపనిషత్సు బ్రహ్మవిద్యాయాం యోగశాస్త్రే శ్రీకృష్ణార్జునసంవాదే జ్ఞానవిజ్ఞానయోగో నామ సప్తమోఽధ్యాయః

About Bhagavadgita Parayana - Chapter 7

This is the seventh chapter of the Bhagavad Gita, Jnana Vijnana Yoga, set out for parayana. "With your mind attached to me, practising yoga and taking refuge in me, hear how you will know me fully, without doubt." Krishna says that among thousands hardly one strives for perfection, and among those hardly one knows him truly. He is the source and the end of the whole world; nothing is higher than him. Bewildered by the three gunas, the world does not know him, for his divine maya is hard to cross, but those who take refuge in him cross over it.

Source: Mahabharata, Bhishma Parva (Bhagavad Gita, chapter 7)

When to chant: In daily Gita parayana, on Gita Jayanti and Ekadashi.

Did you know?

  • Verse 3, "Manushyanam sahasreshu", says that among thousands of people hardly one strives for perfection.
  • Verse 14, "Daivi hy esha gunamayi", says the Lord's maya is hard to cross, but those who surrender to him cross it.

Frequently asked questions

How many truly know the Lord, according to verse 3?

Hardly one among thousands who strive.

How is maya crossed, according to verse 14?

By taking refuge in the Lord.

What is this chapter called?

Jnana Vijnana Yoga.

Offered for worship and study, not as prediction. Non-commercial.