Bhagavadgita Parayana - Chapter 9
Sri Krishna · Traditional devotional text
ഓം ശ്രീപരമാത്മനേ നമഃ അഥ നവമോഽധ്യായഃ രാജവിദ്യാരാജഗുഹ്യയോഗഃ
ശ്രീ ഭഗവാനുവാച
ഇദം തു തേ ഗുഹ്യതമം പ്രവക്ഷ്യാമ്യനസൂയവേ । ജ്ഞാനം വിജ്ഞാനസഹിതം യജ്ജ്ഞാത്വാ മോക്ഷ്യസേഽശുഭാത്॥1
രാജവിദ്യാ രാജഗുഹ്യം പവിത്രമിദമുത്തമമ് । പ്രത്യക്ഷാവഗമം ധര്മ്യം സുസുഖം കര്തുമവ്യയമ് ॥2॥
അശ്രദ്ദധാനാഃ പുരുഷാഃ ധര്മസ്യാസ്യ പരംതപ । അപ്രാപ്യ മാം നിവര്തംതേ മൃത്യുസംസാരവര്ത്മനി ॥3॥
മയാ തതമിദം സർവം ജഗദവ്യക്തമൂര്തിനാ । മത്സ്ഥാനി സർവഭൂതാനി ന ചാഹം തേഷ്വവസ്ഥിതഃ ॥4॥
ന ച മത്സ്ഥാനി ഭൂതാനി പശ്യ മേ യോഗമൈശ്വരമ് । ഭൂതഭൃന്ന ച ഭൂതസ്ഥഃ മമാത്മാ ഭൂതഭാവനഃ ॥5॥
യഥാഽഽകാശസ്ഥിതോ നിത്യം വായുഃ സർവത്രഗോ മഹാന് । തഥാ സർവാണി ഭൂതാനി മത്സ്ഥാനീത്യുപധാരയ ॥6॥
സർവഭൂതാനി കൌംതേയ പ്രകൃതിം യാംതി മാമികാമ് । കല്പക്ഷയേ പുനസ്താനി കല്പാദൌ വിസൃജാമ്യഹമ് ॥7॥
പ്രകൃതിം സ്വാമവഷ്ടഭ്യ വിസൃജാമി പുനഃ പുനഃ । ഭൂതഗ്രാമമിമം കൃത്സ്നമ് അവശം പ്രകൃതേർവശാത് ॥8॥
ന ച മാം താനി കര്മാണി നിബധ്നംതി ധനംജയ । ഉദാസീനവദാസീനമ് അസക്തം തേഷു കര്മസു ॥9॥
മയാധ്യക്ഷേണ പ്രകൃതിഃ സൂയതേ സചരാചരമ് । ഹേതുനാഽനേന കൌംതേയ ജഗദ്വിപരിവര്തതേ ॥10॥
അവജാനംതി മാം മൂഢാഃ മാനുഷീം തനുമാശ്രിതമ് । പരം ഭാവമജാനംതഃ മമ ഭൂതമഹേശ്വരമ് ॥11॥
മോഘാശാ മോഘകര്മാണഃ മോഘജ്ഞാനാ വിചേതസഃ । രാക്ഷസീമാസുരീം ചൈവ പ്രകൃതിം മോഹിനീം ശ്രിതാഃ ॥12॥
മഹാത്മാനസ്തു മാം പാര്ഥ ദൈവീം പ്രകൃതിമാശ്രിതാഃ । ഭജംത്യനന്യമനസഃ ജ്ഞാത്വാ ഭൂതാദിമവ്യയമ് ॥13॥
സതതം കീര്തയംതോ മാം യതംതശ്ച ദൃഢവ്രതാഃ । നമസ്യംതശ്ച മാം ഭക്ത്യാ നിത്യയുക്താ ഉപാസതേ ॥14॥
ജ്ഞാനയജ്ഞേന ചാപ്യന്യേ യജംതോ മാമുപാസതേ । ഏകത്വേന പൃഥക്ത്വേന ബഹുധാ വിശ്വതോമുഖമ് ॥15॥
അഹം ക്രതുരഹം യജ്ഞഃ സ്വധാഹമഹമൌഷധമ് । മംത്രോഽഹമഹമേവാജ്യമ് അഹമഗ്നിരഹം ഹുതമ് ॥16॥
പിതാഽഹമസ്യ ജഗതഃ മാതാ ധാതാ പിതാമഹഃ । വേദ്യം പവിത്രമോംകാരഃ ഋക്സാമ യജുരേവ ച ॥17॥
ഗതിര്ഭര്താ പ്രഭുഃ സാക്ഷീ നിവാസഃ ശരണം സുഹൃത് । പ്രഭവഃ പ്രലയഃ സ്ഥാനം നിധാനം ബീജമവ്യയമ് ॥18॥
തപാമ്യഹമഹം വര്ഷം നിഗൃഹ്ണാമ്യുത്സൃജാമി ച । അമൃതം ചൈവ മൃത്യുശ്ച സദസച്ചാഹമര്ജുന ॥19॥
ത്രൈവിദ്യാ മാം സോമപാഃ പൂതപാപാഃ യജ്ഞൈരിഷ്ട്വാ സ്വര്ഗതിം പ്രാര്ഥയംതേ । തേ പുണ്യമാസാദ്യ സുരേംദ്രലോകമ് അശ്നംതി ദിവ്യാംദിവി ദേവഭോഗാന് ॥20॥
തേ തം ഭുക്ത്വാ സ്വര്ഗലോകം വിശാലം ക്ഷീണേ പുണ്യേ മര്ത്യലോകം വിശംതി । ഏവം ത്രയീധര്മമനുപ്രപന്നാഃ ഗതാഗതം കാമകാമാ ലഭംതേ ॥21॥
അനന്യാശ്ചിംതയംതോ മാം യേ ജനാഃ പര്യുപാസതേ । തേഷാം നിത്യാഭിയുക്താനാം യോഗക്ഷേമം വഹാമ്യഹമ് ॥22॥
യേഽപ്യന്യദേവതാ ഭക്താഃ യജംതേ ശ്രദ്ധയാന്വിതാഃ । തേഽപി മാമേവ കൌംതേയ യജംത്യവിധിപൂർവകമ് ॥23॥
അഹം ഹി സർവയജ്ഞാനാം ഭോക്താ ച പ്രഭുരേവ ച । ന തു മാമഭിജാനംതി തത്ത്വേനാതശ്ച്യവംതി തേ ॥24॥
യാംതി ദേവവ്രതാ ദേവാന് പിതൄന്യാംതി പിതൃവ്രതാഃ । ഭൂതാനി യാംതി ഭൂതേജ്യാഃ യാംതി മദ്യാജിനോഽപി മാമ് ॥25॥
പത്രം പുഷ്പം ഫലം തോയം യോ മേ ഭക്ത്യാ പ്രയച്ഛതി । തദഹം ഭക്ത്യുപഹൃതമ് അശ്നാമി പ്രയതാത്മനഃ ॥26॥
യത്കരോഷി യദശ്നാസി യജ്ജുഹോഷി ദദാസി യത് । യത്തപസ്യസി കൌംതേയ തത്കുരുഷ്വ മദര്പണമ് ॥27॥
ശുഭാശുഭഫലൈരേവം മോക്ഷ്യസേ കര്മബംധനൈഃ । സന്ന്യാസയോഗയുക്താത്മാ വിമുക്തോ മാമുപൈഷ്യസി ॥28॥
സമോഽഹം സർവഭൂതേഷു ന മേ ദ്വേഷ്യോഽസ്തി ന പ്രിയഃ । യേ ഭജംതി തു മാം ഭക്ത്യാ മയി തേ തേഷു ചാപ്യഹമ് ॥29॥
അപി ചേത്സുദുരാചാരഃ ഭജതേ മാമനന്യഭാക് । സാധുരേവ സ മംതവ്യഃ സമ്യഗ്വ്യവസിതോ ഹി സഃ ॥30॥
ക്ഷിപ്രം ഭവതി ധര്മാത്മാ ശശ്വച്ഛാംതിം നിഗച്ഛതി । കൌംതേയ പ്രതി ജാനീഹി ന മേ ഭക്തഃ പ്രണശ്യതി ॥31॥
മാം ഹി പാര്ഥ വ്യപാശ്രിത്യ യേഽപി സ്യുഃ പാപയോനയഃ । സ്ത്രിയോ വൈശ്യാസ്തഥാ ശൂദ്രാഃ തേഽപി യാംതി പരാം ഗതിമ് ॥32॥
കിം പുനര്ബ്രാഹ്മണാഃ പുണ്യാഃ ഭക്താ രാജര്ഷയസ്തഥാ । അനിത്യമസുഖം ലോകമ് ഇമം പ്രാപ്യ ഭജസ്വ മാമ് ॥33॥
മന്മനാ ഭവ മദ്ഭക്തഃ മദ്യാജീ മാം നമസ്കുരു । മാമേവൈഷ്യസി യുക്ത്വൈവമ് ആത്മാനം മത്പരായണഃ ॥34॥
॥ ഓം തത്സദിതി ശ്രീമദ്ഭഗവദ്ഗീതാസു ഉപനിഷത്സു ബ്രഹ്മവിദ്യായാം യോഗശാസ്ത്രേ ശ്രീകൃഷ്ണാര്ജുനസംവാദേ രാജവിദ്യാരാജഗുഹ്യയോഗോ നാമ നവമോഽധ്യായഃ ॥
About Bhagavadgita Parayana - Chapter 9
This is the ninth chapter of the Bhagavad Gita, Raja Vidya Raja Guhya Yoga, set out for parayana. Krishna offers Arjuna, who does not find fault, the most secret knowledge together with realisation: the whole world is pervaded by him in his unmanifest form; at the end of a cycle all beings return to his nature and at the start he sends them forth again. He is the ritual, the sacrifice, the mantra and the fire; the father, mother and grandsire of the world. Those who worship him with undivided mind he protects, and whatever is offered with devotion, even a leaf, he accepts.
Source: Mahabharata, Bhishma Parva (Bhagavad Gita, chapter 9)
When to chant: In daily Gita parayana, on Gita Jayanti and Ekadashi.
Did you know?
- Verse 34, "Manmana bhava madbhakto", ends the chapter with a call to fix the mind on Krishna, words repeated in chapter 18.
- Verse 16, "Aham kratur aham yajnah", identifies Krishna with every part of the Vedic sacrifice.
Frequently asked questions
To whom does Krishna give this secret?
To Arjuna, who does not find fault.
What does verse 16 say?
That Krishna is the ritual, the sacrifice and the offering.
How does the chapter end?
"Fix your mind on me, be my devotee."
Offered for worship and study, not as prediction. Non-commercial.
More devotional texts