MuhurtaNow

Bhishma Kruta Sri Krishna Stuti

Vishnu · Traditional devotional text

भीष्म उवाच

इति मतिरुपकल्पिता वितृष्णा भगवति सात्वतपुंगवे विभूम्नि । स्वसुखमुपगते क्वचिद्विहर्तुं प्रकृतिमुपेयुषि यद्भवप्रवाहः ॥ 1

त्रिभुवनकमनं तमालवर्णं रविकरगौरवरांबरं दधाने । वपुरलककुलावृताननाब्जं विजयसखे रतिरस्तु मेऽनवद्या ॥ 2 ॥

युधि तुरगरजोविधूम्रविष्वक् कचलुलितश्रमवार्यलंकृतास्ये । मम निशितशरैर्विभिद्यमान त्वचि विलसत्कवचेऽस्तु कृष्ण आत्मा ॥ 3 ॥

सपदि सखिवचो निशम्य मध्ये निजपरयोर्बलयो रथं निवेश्य । स्थितवति परसैनिकायुरक्ष्णा हृतवति पार्थसखे रतिर्ममास्तु ॥ 4 ॥

व्यवहित पृथनामुखं निरीक्ष्य स्वजनवधाद्विमुखस्य दोषबुद्ध्या । कुमतिमहरदात्मविद्यया य- -श्चरणरतिः परमस्य तस्य मेऽस्तु ॥ 5 ॥

स्वनिगममपहाय मत्प्रतिज्ञां ऋतमधिकर्तुमवप्लुतो रथस्थः । धृतरथचरणोऽभ्ययाच्चलद्गुः हरिरिव हंतुमिभं गतोत्तरीयः ॥ 6 ॥

शितविशिखहतो विशीर्णदंशः क्षतजपरिप्लुत आततायिनो मे । प्रसभमभिससार मद्वधार्थं स भवतु मे भगवान् गतिर्मुकुंदः ॥ 7 ॥

विजयरथकुटुंब आत्ततोत्रे धृतहयरश्मिनि तच्छ्रियेक्षणीये । भगवति रतिरस्तु मे मुमूर्षोः यमिह निरीक्ष्य हताः गताः सरूपम् ॥ 8 ॥

ललित गति विलास वल्गुहास प्रणय निरीक्षण कल्पितोरुमानाः । कृतमनुकृतवत्य उन्मदांधाः प्रकृतिमगन् किल यस्य गोपवध्वः ॥ 9 ॥

मुनिगणनृपवर्यसंकुलेऽंतः सदसि युधिष्ठिरराजसूय एषाम् । अर्हणमुपपेद ईक्षणीयो मम दृशिगोचर एष आविरात्मा ॥ 10 ॥

तमिममहमजं शरीरभाजां हृदि हृदि धिष्टितमात्मकल्पितानाम् । प्रतिदृशमिव नैकधाऽर्कमेकं समधिगतोऽस्मि विधूतभेदमोहः ॥ 11 ॥

इति श्रीमद्भागवते महापुराणे प्रथमस्कंधे नवमोऽध्याये भीष्मकृत भगवत् स्तुतिः ।

About Bhishma Kruta Sri Krishna Stuti

The Bhishma Stuti is the hymn Bhishma offered to Krishna as he lay on his bed of arrows after the Kurukshetra war, about to give up his body. He fixes his mind, now free of all desire, on Krishna, and pictures him as he saw him on the battlefield: dark as the tamala tree, in a yellow garment bright as sunlight, his lotus face framed by curls, the friend of Arjuna, and prays that his love rest in him.

Source: Bhagavata Purana, Book 1, Chapter 9

When to chant: On Bhishma Ashtami and Bhishma Ekadashi, on Ekadashi, and in Krishna worship.

Did you know?

  • It is chapter 9 of the first book of the Bhagavata Purana.
  • Bhishma had the boon of choosing the time of his death, and waited on the bed of arrows for the sun's northern course (Uttarayana).
  • "Vijayasakha", friend of Vijaya (Arjuna), recalls Krishna as Arjuna's charioteer.

Frequently asked questions

When did Bhishma sing this?

On his bed of arrows after the war, just before he gave up his body.

Where is it found?

Bhagavata Purana, Book 1, Chapter 9.

When is it recited?

On Bhishma Ashtami and Ekadashi, and in Krishna worship.

Offered for worship and study, not as prediction. Non-commercial.