MuhurtaNow

Ganga Ashtakam 2

Ganga · Traditional devotional text

ಭಗವತಿ ಭವಲೀಲಾಮೌಳಿಮಾಲೇ ತವಾಂಭಃ ಕಣಮಣುಪರಿಮಾಣಂ ಪ್ರಾಣಿನೋ ಯೇ ಸ್ಪೃಶಂತಿ । ಅಮರನಗರನಾರೀಚಾಮರಗ್ರಾಹಿಣೀನಾಂ ವಿಗತಕಲಿಕಲಂಕಾತಂಕಮಂಕೇ ಲುಠಂತಿ ॥ 1 ॥

ಬ್ರಹ್ಮಾಂಡಂ ಖಂಡಯಂತೀ ಹರಶಿರಸಿ ಜಟಾವಲ್ಲಿಮುಲ್ಲಾಸಯಂತೀ ಸ್ವರ್ಲೋಕಾದಾಪತಂತೀ ಕನಕಗಿರಿಗುಹಾಗಂಡಶೈಲಾತ್ ಸ್ಖಲಂತೀ । ಕ್ಷೋಣೀಪೃಷ್ಟೇ ಲುಠಂತೀ ದುರಿತಚಯಚಮೂರ್ನಿರ್ಭರಂ ಭರ್ತ್ಸಯಂತೀ ಪಾಥೋಧಿಂ ಪೂರಯಂತೀ ಸುರನಗರಸರಿತ್ಪಾವನೀ ನಃ ಪುನಾತು ॥ 2 ॥

ಮಜ್ಜನ್ಮಾತಂಗಕುಂಭಚ್ಯುತಮದಮದಿರಾಮೋದಮತ್ತಾಲಿಜಾಲಂ ಸ್ನಾನೈಃ ಸಿದ್ಧಾಂಗನಾನಾಂ ಕುಚಯುಗವಿಗಲತ್ಕುಂಕುಮಾಸಂಗಪಿಂಗಮ್ । ಸಾಯಂ ಪ್ರಾತರ್ಮುನೀನಾಂ ಕುಶಕುಸುಮಚಯೈಶ್ಛಿನ್ನತೀರಸ್ಥನೀರಂ ಪಾಯಾನ್ನೋ ಗಾಂಗಮಂಭಃ ಕರಿಕರಮಕರಾಕ್ರಾಂತರಹಸ್ತರಂಗಮ್ ॥ 3 ॥

ಆದಾವಾದಿಪಿತಾಮಹಸ್ಯ ನಿಯಮವ್ಯಾಪಾರಪಾತ್ರೇ ಜಲಂ ಪಶ್ಚಾತ್ಪನ್ನಗಶಾಯಿನೋ ಭಗವತಃ ಪಾದೋದಕಂ ಪಾವನಮ್ । ಭೂಯಃ ಶಂಭುಜಟಾವಿಭೂಷಣಮಣಿರ್ಜಹ್ನೋರ್ಮಹರ್ಷೇರಿಯಂ ಕನ್ಯಾ ಕಲ್ಮಷನಾಶಿನೀ ಭಗವತೀ ಭಾಗೀರಥೀ ಪಾತು ಮಾಮ್ ॥ 4 ॥

ಶೈಲೇಂದ್ರಾದವತಾರಿಣೀ ನಿಜಜಲೇ ಮಜ್ಜಜ್ಜನೋತ್ತಾರಿಣೀ ಪಾರಾವಾರವಿಹಾರಿಣೀ ಭವಭಯಶ್ರೇಣೀಸಮುತ್ಸಾರಿಣೀ । ಶೇಷಾಂಗೈರನುಕಾರಿಣೀ ಹರಶಿರೋವಲ್ಲೀದಳಾಕಾರಿಣೀ ಕಾಶೀಪ್ರಾಂತವಿಹಾರಿಣೀ ವಿಜಯತೇ ಗಂಗಾ ಮನೋಹಾರಿಣೀ ॥ 5 ॥

ಕುತೋ ವೀಚೀ ವೀಚಿಸ್ತವ ಯದಿ ಗತಾ ಲೋಚನಪಥಂ ತ್ವಮಾಪೀತಾ ಪೀತಾಂಬರಪುರವಾಸಂ ವಿತರಸಿ । ತ್ವದುತ್ಸಂಗೇ ಗಂಗೇ ಪತತಿ ಯದಿ ಕಾಯಸ್ತನುಭೃತಾಂ ತದಾ ಮಾತಃ ಶಾಂತಕ್ರತವಪದಲಾಭೋಽಪ್ಯತಿಲಘುಃ ॥ 6 ॥

ಭಗವತಿ ತವ ತೀರೇ ನೀರಮಾತ್ರಾಶನೋಽಹಂ ವಿಗತವಿಷಯತೃಷ್ಣಃ ಕೃಷ್ಣಮಾರಾಧಯಾಮಿ । ಸಕಲಕಲುಷಭಂಗೇ ಸ್ವರ್ಗಸೋಪಾನಸಂಗೇ ತರಲತರತರಂಗೇ ದೇವಿ ಗಂಗೇ ಪ್ರಸೀದ ॥ 7 ॥

ಮಾತರ್ಜಾಹ್ನವಿ ಶಂಭುಸಂಗಮಿಲಿತೇ ಮೌಳೌ ನಿಧಾಯಾಂಜಲಿಂ ತ್ವತ್ತೀರೇ ವಪುಷೋಽವಸಾನಸಮಯೇ ನಾರಾಯಣಾಂಘ್ರಿದ್ವಯಮ್ । ಸಾನಂದಂ ಸ್ಮರತೋ ಭವಿಷ್ಯತಿ ಮಮ ಪ್ರಾಣಪ್ರಯಾಣೋತ್ಸವೇ ಭೂಯಾದ್ಭಕ್ತಿರವಿಚ್ಯುತಾ ಹರಿಹರಾದ್ವೈತಾತ್ಮಿಕಾ ಶಾಶ್ವತೀ ॥ 8 ॥

ಗಂಗಾಷ್ಟಕಮಿದಂ ಪುಣ್ಯಂ ಯಃ ಪಠೇತ್ಪ್ರಯತೋ ನರಃ । ಸರ್ವಪಾಪವಿನಿರ್ಮುಕ್ತೋ ವಿಷ್ಣುಲೋಕಂ ಸ ಗಚ್ಛತಿ ॥ 9 ॥

ಇತಿ ಶ್ರೀಮತ್ಪರಮಹಂಸಪರಿವ್ರಾಜಕಾಚಾರ್ಯಸ್ಯ ಶ್ರೀಗೋವಿಂದಭಗವತ್ಪೂಜ್ಯಪಾದಶಿಷ್ಯಸ್ಯ ಶ್ರೀಮಚ್ಛಂಕರಭಗವತಃ ಕೃತೌ ಗಂಗಾಷ್ಟಕಂ ಸಂಪೂರ್ಣಮ್ ।

About Ganga Ashtakam 2

This Ganga Ashtakam is a hymn of eight verses to Goddess Ganga, attributed in its colophon to Adi Shankaracharya, disciple of Govinda Bhagavatpada. It opens: O Goddess, garland on the head of Shiva in his cosmic play, those beings who touch even a tiny drop of your water are fanned by the maidens of the city of the gods, freed from the fear of the stain of Kali. It then pictures her descent: breaking through the cosmic egg, making Shiva's matted locks sway, falling from heaven, tumbling from the caves and boulders of the golden mountain, and flowing on to purify the earth.

Written by: Attributed to Adi Shankaracharya, as its colophon states

When to chant: On Ganga Dussehra and Ganga Saptami, during Kartika and Magha snana, and at holy dips.

Did you know?

  • The verses trace the Ganga's journey from heaven, through Shiva's hair and the Himalayas, down to the plains.
  • Ganga Dussehra, in Jyeshtha, celebrates her descent to earth through King Bhagiratha's austerity.

Frequently asked questions

Who is it attributed to?

Adi Shankaracharya, as its colophon states.

Whose head does the Ganga adorn?

Lord Shiva's.

When is it recited?

On Ganga Dussehra and during holy dips.

Offered for worship and study, not as prediction. Non-commercial.