Ganga Ashtakam
Ganga · Traditional devotional text
भगवति तव तीरे नीरमात्राशनोऽहम् विगतविषयतृष्णः कृष्णमाराधयामि । सकल कलुषभंगे स्वर्गसोपानसंगे तरलतरतरंगे देवि गंगे प्रसीद ॥ 1 ॥
भगवति भवलीला मौलिमाले तवांभः कणमणुपरिमाणं प्राणिनो ये स्पृशंति । अमरनगरनारी चामर ग्राहिणीनां विगत कलिकलंकातंकमंके लुठंति ॥ 2 ॥
ब्रह्मांडं खंडयंती हरशिरसि जटावल्लिमुल्लासयंती स्वर्लोकादापतंती कनकगिरिगुहागंडशैलात् स्खलंती । क्षोणीपृष्ठे लुठंती दुरितचयचमूर्निर्भरं भर्त्सयंती पाथोधिं पूरयंती सुरनगरसरित्पावनी नः पुनातु ॥ 3 ॥
मज्जन्मातंग कुंभच्युत मदमदिरामोदमत्तालिजालं स्नानैः सिद्धांगनानां कुचयुग विलसत्कुंकुमासंगपिंगम् । सायं प्रातर्मुनीनां कुशकुसुमचयैश्छिन्नतीरस्थनीरं पायान्नो गांगमंभः करिकलभ कराक्रांत रंगस्तरंगम् ॥ 4 ॥
आदावादि पितामहस्य नियम व्यापार पात्रे जलं पश्चात्पन्नगशायिनो भगवतः पादोदकं पावनम् । भूयः शंभुजटाविभूषण मणिर्जह्नोर्महर्षेरियं कन्या कल्मषनाशिनी भगवती भागीरथी दृश्यते ॥ 5 ॥
शैलेंद्रादवतारिणी निजजले मज्जज्जनोत्तारिणी पारावारविहारिणी भवभयश्रेणी समुत्सारिणी । शेषांगैरनुकारिणी हरशिरोवल्लीदलाकारिणी काशीप्रांतविहारिणी विजयते गंगा मनोहारिणी ॥ 6 ॥
कुतो वीचिर्वीचिस्तव यदि गता लोचनपथं त्वमापीता पीतांबरपुरवासं वितरसि । त्वदुत्संगे गंगे पतति यदि कायस्तनुभृतां तदा मातः शांतक्रतवपदलाभोऽप्यतिलघुः ॥ 7 ॥
गंगे त्रैलोक्यसारे सकलसुरवधूधौतविस्तीर्णतोये पूर्णब्रह्मस्वरूपे हरिचरणरजोहारिणि स्वर्गमार्गे । प्रायश्चितं यदि स्यात्तव जलकणिका ब्रह्महत्यादि पापे कस्त्वां स्तोतुं समर्थः त्रिजगदघहरे देवि गंगे प्रसीद ॥ 8 ॥
मातर्जाह्नवी शंभुसंगमिलिते मौलौ निधायांजलिं त्वत्तीरे वपुषोऽवसानसमये नारायणांघ्रिद्वयम् । सानंदं स्मरतो भविष्यति मम प्राणप्रयाणोत्सवे भूयाद्भक्तिरविच्युता हरिहराद्वैतात्मिका शाश्वती ॥ 9 ॥
गंगाष्टकमिदं पुण्यं यः पठेत्प्रयतो नरः । सर्वपापविनिर्मुक्तो विष्णुलोकं स गच्छति ॥ 10 ॥
About Ganga Ashtakam
This Ganga Ashtakam is a hymn to Goddess Ganga, the holy river, in flowing verses. It opens with the devotee's wish: "O blessed Goddess, living on your bank, taking only your water, free from the thirst for worldly things, I worship Krishna; you who destroy all impurity, who are the stairway to heaven, whose waves ripple and dance." It praises the Ganga as the garland on Shiva's head, and says that those who touch even a drop of her water are honoured by the maidens of heaven.
When to chant: On Ganga Dussehra and Ganga Saptami, during Kartika and Magha snana, and at holy dips.
Did you know?
- In tradition the Ganga flows from the feet of Vishnu and falls on the head of Shiva, uniting both in her stream.
- Ganga Dussehra, in Jyeshtha, celebrates her descent to earth through King Bhagiratha's austerity.
Frequently asked questions
What does the devotee wish for in the first verse?
To live on the Ganga's bank, worshipping Krishna.
Whose head does the Ganga adorn?
Lord Shiva's.
When is it recited?
On Ganga Dussehra and during holy dips.
Offered for worship and study, not as prediction. Non-commercial.
More devotional texts