Gita Govindam Chapter 12 - Suprita Pitambara
Sri Krishna · Traditional devotional text
॥ ద్వాదశః సర్గః ॥ ॥ సుప్రీతపీతాంబరః ॥
గతవతి సఖీవృందేఽమందత్రపాభరనిర్భర-స్మరపరవశాకూతస్ఫీతస్మితస్నపితాధరమ్ । సరసమనసం దృష్ట్వా రాధాం ముహుర్నవపల్లవ-ప్రసవశయనే నిక్షిప్తాక్షీమువాచ హరః ॥ 68 ॥
॥ గీతం 23 ॥
కిసలయశయనతలే కురు కామిని చరణనలినవినివేశమ్ । తవ పదపల్లవవైరిపరాభవమిదమనుభవతు సువేశమ్ ॥ క్షణమధునా నారాయణమనుగతమనుసర రాధికే ॥ 1 ॥
కరకమలేన కరోమి చరణమహమాగమితాసి విదూరమ్ । క్షణముపకురు శయనోపరి మామివ నూపురమనుగతిశూరమ్ ॥ 2 ॥
వదనసుధానిధిగలితమమృతమివ రచయ వచనమనుకూలమ్ । విరహమివాపనయామి పయోధరరోధకమురసి దుకూలమ్ ॥ 3 ॥
ప్రియపరిరంభణరభసవలితమివ పులకితమతిదురవాపమ్ । మదురసి కుచకలశం వినివేశయ శోషయ మనసిజతాపమ్ ॥ 4 ॥
అధరసుధారసముపనయ భావిని జీవయ మృతమివ దాసమ్ । త్వయి వినిహితమనసం విరహానలదగ్ధవపుషమవిలాసమ్ ॥ 5 ॥
శశిముఖి ముఖరయ మణిరశనాగుణమనుగుణకంఠనిదానమ్ । శ్రుతియుగలే పికరుతవికలే మమ శమయ చిరాదవసాదమ్ ॥ 6 ॥
మామతివిఫలరుషా వికలీకృతమవలోకితమధునేదమ్ । మీలితలజ్జితమివ నయనం తవ విరమ విసృజ రతిఖేదమ్ ॥ 7 ॥
శ్రీజయదేవభణితమిదమనుపదనిగదితమధురిపుమోదమ్ । జనయతు రసికజనేషు మనోరమతిరసభావవినోదమ్ ॥ 8 ॥
మారంకే రతికేలిసంకులరణారంభే తయా సాహస-ప్రాయం కాంతజయాయ కించిదుపరి ప్రారంభి యత్సంభ్రమాత్ । నిష్పందా జఘనస్థలీ శిథిలతా దోర్వల్లిరుత్కంపితం వక్షో మీలితమక్షి పౌరుషరసః స్త్రీణాం కుతః సిధ్యతి ॥ 69 ॥
అథ కాంతం రతిక్లాంతమపి మండనవాంఛయా । నిజగాద నిరాబాధా రాధా స్వాధీనభర్తృకా ॥ 70 ॥
॥ గీతం 24 ॥
కురు యదునందన చందనశిశిరతరేణ కరేణ పయోధరే । మృగమదపత్రకమత్ర మనోభవమంగలకలశసహోదరే । నిజగాద సా యదునందనే క్రీడతి హృదయానందనే ॥ 1 ॥
అలికులగంజనమంజనకం రతినాయకసాయకమోచనే । త్వదధరచుంబనలంబితకజ్జలముజ్జ్వలయ ప్రియ లోచనే ॥ 2 ॥
నయనకురంగతరంగవికాసనిరాసకరే శ్రుతిమండలే । మనసిజపాశవిలాసధరే శుభవేశ నివేశయ కుండలే ॥ 3 ॥
భ్రమరచయం రచహయంతముపరి రుచిరం సుచిరం మమ సంముఖే । జితకమలే విమలే పరికర్మయ నర్మజనకమలకం ముఖే ॥ 4 ॥
మృగమదరసవలితం లలితం కురు తిలకమలికరజనీకరే । విహితకలంకకలం కమలానన విశ్రమితశ్రమశీకరే ॥ 5 ॥
మమ రుచిరే చికురే కురు మానద మానసజధ్వజచామరే । రతిగలితే లలితే కుసుమాని శిఖండిశిఖండకడామరే ॥ 6 ॥
సరసఘనే జఘనే మమ శంబరదారణవారణకందరే । మణిరశనావసనాభరణాని శుభాశయ వాసయ సుందరే ॥ 7 ॥
శ్రీజయదేవవచసి రుచిరే హృదయం సదయం కురు మండనే । హరిచరణస్మరణామృతకృతకలికలుషభవజ్వరఖండనే ॥ 8 ॥
రచయ కుచయోః పత్రం చిత్రం కురుష్వ కపోలయో-ర్ఘటయ జఘనే కాంచీమంచ స్రజా కబరీభరమ్ । కలయ వలయశ్రేణీం పాణౌ పదే కురు నూపురా-వితి నిగతితః ప్రీతః పీతాంబరోఽపి తథాకరోత్ ॥ 71 ॥
యద్గాంధ్గర్వకలాసు కౌశలమనుధ్యానం చ యద్వైష్ణవం యచ్ఛృంగారవివేకతత్వమపి యత్కావ్యేషు లీలాయితమ్ । తత్సర్వం జయదేవపండితకవేః కృష్ణైకతానాత్మనః సానందాః పరిశోధయంతు సుధియః శ్రీగీతగోవిందతః ॥ 72 ॥
శ్రీభోజదేవప్రభవస్య రామాదేవీసుతశ్రీజయదేవకస్య । పరాశరాదిప్రియవర్గకంఠే శ్రీగీతగోవిందకవిత్వమస్తు ॥ 73 ॥
॥ ఇతి శ్రీజయదేవకృతౌ గీతగోవిందే సుప్రీతపీతాంబరో నామ ద్వాదశః సర్గః ॥ ॥ ఇతి గీతగోవిందం సమాప్తమ్ ॥
About Gita Govindam Chapter 12 - Suprita Pitambara
The twelfth and last canto of Jayadeva's Gita Govinda, "Suprita Pitambara" (the delighted one in yellow robes), tells of the joyful union of Radha and Krishna. When the friends have gone, Krishna, seeing Radha shy yet full of love, speaks to her tenderly. After their union Radha asks him playfully to adorn her again, "Kuru yadunandana", to paint the musk design on her breast, line her eyes, fix her hair and ornaments. The canto ends with Jayadeva's closing verses, saying that his song holds all the sweetness of music, devotion and poetry, and the Gita Govinda comes to an end.
Written by: Jayadeva (12th century)
When to chant: In Odissi and other classical dance, in Ashtapadi singing, and in Krishna temples, especially at Puri.
Did you know?
- The ashtapadi "Kuru yadunandana chandanashishiratarena kare" is the last song of the Gita Govinda.
- Jayadeva's wife Padmavati is traditionally said to have danced to his songs at the Jagannatha temple.
Frequently asked questions
What happens in the last canto?
The joyful union of Radha and Krishna.
What does Radha ask Krishna to do?
To adorn her again with musk, kohl and ornaments.
Who wrote the Gita Govinda?
Jayadeva, in the 12th century.
Offered for worship and study, not as prediction. Non-commercial.
More devotional texts