Gita Govindam Chapter 5 - Sakanksha Pundarikaksha
Sri Krishna · Traditional devotional text
॥ পংচমঃ সর্গঃ ॥ ॥ সাকাংক্ষপুংডরীকাক্ষঃ ॥
অহমিহ নিবসামি যাহি রাধাং অনুনয় মদ্বচনেন চানয়েথাঃ । ইতি মধুরিপুণা সখী নিয়ুক্তা স্বযমিদমেত্য় পুনর্জগাদ রাধাম্ ॥ 31 ॥
॥ গীতং 10 ॥
বহতি মলযসমীরে মদনমুপনিধায় । স্ফুটতি কুসুমনিকরে বিরহিহৃদযদলনায় ॥ তব বিরহে বনমালী সখি সীদতি ॥ 1 ॥
দহতি শিশিরময়ূখে মরণমনুকরোতি । পততি মদনবিশিখে বিলপতি বিকলতরোঽতি ॥ 2 ॥
ধ্বনতি মধুপসমূহে শ্রবণমপিদধাতি । মনসি চলিতবিরহে নিশি নিশি রুজমুপয়াতি ॥ 3 ॥
বসতি বিপিনবিতানে ত্যজতি ললিতধাম । লুঠতি ধরণিশযনে বহু বিলপতি তব নাম ॥ 4 ॥
রণতি পিকসমবায়ে প্রতিদিশমনুয়াতি । হসতি মনুজনিচয়ে বিরহমপলপতি নেতি ॥ 5 ॥
স্ফুরতি কলরবরাবে স্মরতি মণিতমেব। তবরতিসুখবিভবে গণযতি সুগুণমতীব ॥ 6 ॥
ত্বদভিধশুভদমাসং বদতি নরি শৃণোতি । তমপি জপতি সরসং যুবতিষু ন রতিমুপৈতি ॥ 7 ॥
ভণতি কবিজযদেবে বিরহবিলসিতেন । মনসি রভসবিভবে হরিরুদযতু সুকৃতেন ॥ 8 ॥
পূর্বং যত্র সমং ত্বয়া রতিপতেরাসাদিতঃ সিদ্ধয়-স্তস্মিন্নেব নিকুংজমন্মথমহাতীর্থে পুনর্মাধবঃ । ধ্য়ায়ংস্ত্বামনিশং জপন্নপি তবৈবালাপমংত্রাবলীং ভূযস্ত্বত্কুচকুংভনির্ভরপরীরংভামৃতং বাংছতি ॥ 32 ॥
॥ গীতং 11 ॥
রতিসুখসারে গতমভিসারে মদনমনোহরবেশম্ । ন কুরু নিতংবিনি গমনবিলংবনমনুসর তং হৃদয়েশম্ ॥ ধীরসমীরে যমুনাতীরে বসতি বনে বনমালী ॥ 1 ॥
নাম সমেতং কৃতসংকেতং বাদযতে মৃদুবেণুম্ । বহু মনুতে ননু তে তনুসংগতপবনচলিতমপি রেণুম্ ॥ 2 ॥
পততি পতত্রে বিচলতি পত্রে শংকিতভবদুপয়ানম্ । রচযতি শযনং সচকিতনযনং পশ্যতি তব পংথানম্ ॥ 3 ॥
মুখরমধীরং ত্যজ মংজীরং রিপুমিব কেলিষুলোলম্ । চল সখি কুংজং সতিমিরপুংজং শীলয় নীলনিচোলম্ ॥ 4 ॥
উরসি মুরারেরুপহিতহারে ঘন ইব তরলবলাকে । তটিদিব পীতে রতিবিপরীতে রাজসি সুকৃতবিপাকে ॥ 5 ॥
বিগলিতবসনং পরিহৃতরসনং ঘটয় জঘনমপিধানম্ । কিসলযশযনে পংকজনযনে নিধিমিব হর্ষনিদানম্ ॥ 6 ॥
হরিরভিমানী রজনিরিদানীমিযমপি যাতি বিরামম্ । কুরু মম বচনং সত্বররচনং পূরয় মধুরিপুকামম্ ॥ 7 ॥
শ্রীজযদেবে কৃতহরিসেবে ভণতি পরমরমণীযম্ । প্রমুদিতহৃদয়ং হরিমতিসদয়ং নমত সুকৃতকমনীযম্ ॥ 8 ॥
বিকিরতি মুহুঃ শ্বাসাংদিশঃ পুরো মুহুরীক্ষতে প্রবিশতি মুহুঃ কুংজং গুংজন্মুহুর্বহু তাম্যতি । রচযতি মুহুঃ শয়্য়াং পর্য়াকুলং মুহুরীক্ষতে মদনকদনক্লাংতঃ কাংতে প্রিযস্তব বর্ততে ॥ 33 ॥
ত্বদ্বাম্য়েন সমং সমগ্রমধুনা তিগ্মাংশুরস্তং গতো গোবিংদস্য় মনোরথেন চ সমং প্রাপ্তং তমঃ সাংদ্রতাম্ । কোকানাং করুণস্বনেন সদৃশী দীর্ঘা মদভ্যর্থনা তন্মুগ্ধে বিফলং বিলংবনমসৌ রম্য়োঽভিসারক্ষণঃ ॥ 34 ॥
আশ্লেষাদনু চুংবনাদনু নখোল্লেখাদনু স্বাংতজ-প্রোদ্বোধাদনু সংভ্রমাদনু রতারংভাদনু প্রীতয়োঃ । অন্য়ার্থং গতয়োর্ভ্রমান্মিলিতয়োঃ সংভাষণৈর্জানতো-র্দংপত্য়োরিহ কো ন কো ন তমসি ব্রীডাবিমিশ্রো রসঃ ॥ 35 ॥
সভযচকিতং বিন্যস্য়ংতীং দৃশৌ তিমিরে পথি প্রতিতরু মুহুঃ স্থিত্বা মংদং পদানি বিতন্বতীম্ । কথমপি রহঃ প্রাপ্তামংগৈরনংগতরংগিভিঃ সুমুখি সুভগঃ পশ্যন্স ত্বামুপৈতু কৃতার্থতাম্ ॥ 36 ॥
রাধামুগ্ধমুখারবিংদমধুপস্ত্রৈলোক্যমৌলিস্থলী নেপথ্য়োচিতনীলরত্নমবনীভারাবতারাংতকঃ। স্বচ্ছংদং ব্রজসুব্দরীজনমনস্তোষপ্রদোষোদয়ঃ কংসধ্বংসনধূমকেতুরবতু ত্বাং দেবকীনংদনঃ॥ 36 + 1 ॥
॥ ইতি শ্রীগীতগোবিংদেঽভিসারিকবর্ণনে সাকাংক্ষপুংডরীকাক্ষো নাম পংচমঃ সর্গঃ ॥
About Gita Govindam Chapter 5 - Sakanksha Pundarikaksha
The fifth canto of Jayadeva's Gita Govinda, "Sakanksha Pundarikaksha" (the longing lotus-eyed one), shows Krishna sending Radha's friend back to her: "I will stay here; go to Radha, win her over with my words and bring her." The friend tells Radha of Krishna's longing: he waits for her in the grove by the Yamuna, where the soft breeze blows, playing her name on his flute and preparing a bed of leaves; she urges Radha to go to the meeting place (abhisara) without delay.
Written by: Jayadeva (12th century)
When to chant: In Odissi and other classical dance, in Ashtapadi singing, and in Krishna temples, especially at Puri.
Did you know?
- Its ashtapadi "Dhira samire yamuna tire vasati vane vanamali", "by the Yamuna, in the gentle breeze, the garlanded one waits in the forest", is among the most famous songs of the Gita Govinda.
- The canto describes the abhisarika, the heroine who goes out to meet her beloved.
Frequently asked questions
What does Krishna ask the friend to do?
To go to Radha and bring her to him.
Where does Krishna wait?
In the grove by the Yamuna, in the gentle breeze.
Who wrote the Gita Govinda?
Jayadeva, in the 12th century.
Offered for worship and study, not as prediction. Non-commercial.
More devotional texts