Gita Govindam Chapter 6 - Kuntha Vaikuntha
Sri Krishna · Traditional devotional text
॥ षष्ठः सर्गः ॥ ॥ कुंठवैकुंठः ॥
अथ तां गंतुमशक्तां चिरमनुरक्तां लतागृहे दृष्ट्वा । तच्चरितं गोविंदे मनसिजमंदे सखी प्राह ॥ 37 ॥
॥ गीतं 12 ॥
पश्यति दिशि दिशि रहसि भवंतम् । तदधरमधुरमधूनि पिबंतम् ॥ नाथ हरे जगन्नाथ हरे सीदति राधा वासगृहे - ध्रुवम् ॥ 1 ॥
त्वदभिसरणरभसेन वलंती । पतति पदानि कियंति चलंती ॥ 2 ॥
विहितविशदबिसकिसलयवलया । जीवति परमिह तव रतिकलया ॥ 3 ॥
मुहुरवलोकितमंडनलीला । मधुरिपुरहमिति भावनशीला ॥ 4 ॥
त्वरितमुपैति न कथमभिसारम् । हरिरिति वदति सखीमनुवारम् ॥ 5 ॥
श्लिष्यति चुंबति जलधरकल्पम् । हरिरुपगत इति तिमिरमनल्पम् ॥ 6 ॥
भवति विलंबिनि विगलितलज्जा । विलपति रोदिति वासकसज्जा ॥ 7 ॥
श्रीजयदेवकवेरिदमुदितम् । रसिकजनं तनुतामतिमुदितम् ॥ 8 ॥
विपुलपुलकपालिः स्फीतसीत्कारमंत-र्जनितजडिमकाकुव्याकुलं व्याहरंती । तव कितव विधत्तेऽमंदकंदर्पचिंतां रसजलधिनिमग्ना ध्यानलग्ना मृगाक्षी ॥ 38 ॥
अंगेष्वाभरणं करोति बहुशः पत्रेऽपि संचारिणि प्राप्तं त्वां परिशंकते वितनुते शय्यां चिरं ध्यायति । इत्याकल्पविकल्पतल्परचनासंकल्पलीलाशत-व्यासक्तापि विना त्वया वरतनुर्नैषा निशां नेष्यति ॥ 39 ॥
किं विश्राम्यसि कृष्णभोगिभवने भांडीरभूमीरुहि भ्रात र्याहि नदृष्टिगोचरमितस्सानंदनंदास्पदम्। रधायावचनं तदध्वगमुखान्नंदांतिकेगोपतो गोविंदस्यजयंति सायमतिथिप्राशस्त्यगर्भागिरः॥ 40 ॥
॥ इति गीतगोविंदे वासकसज्जावर्णने कुंठवैकुंठो नाम षष्ठः सर्गः ॥
About Gita Govindam Chapter 6 - Kuntha Vaikuntha
The sixth canto of Jayadeva's Gita Govinda, "Kuntha Vaikuntha", Krishna listless, shows the lovers longing for each other. Radha, deeply in love but too weak with longing to go to him, waits in a bower of creepers, and her friend goes to Krishna and describes her state: she imagines him everywhere, adorns herself for him and waits, unable to bear the delay.
Written by: Jayadeva (12th century)
When to chant: In Odissi and other dance, in bhajans and concerts, and in the Gita Govinda seva at Puri.
Did you know?
- Its colophon calls this canto a description of the vasakasajja, the heroine who adorns herself and her bower awaiting her beloved.
- Jayadeva (12th century) composed the Gita Govinda in Sanskrit, and its songs are still sung daily before Lord Jagannath at Puri.
Frequently asked questions
What does "Kuntha Vaikuntha" mean?
"Krishna listless", longing for Radha.
What is Radha's state in this canto?
Too weak with longing to go to him, she waits adorned in a bower.
Who carries the message?
Radha's friend (sakhi).
Offered for worship and study, not as prediction. Non-commercial.
More devotional texts