Govindashtakam
Vishnu · Traditional devotional text
సత్యం జ్ఞానమనంతం నిత్యమనాకాశం పరమాకాశమ్ । గోష్ఠప్రాంగణరింఖణలోలమనాయాసం పరమాయాసమ్ । మాయాకల్పితనానాకారమనాకారం భువనాకారమ్ । క్ష్మామానాథమనాథం ప్రణమత గోవిందం పరమానందమ్ ॥ 1 ॥
మృత్స్నామత్సీహేతి యశోదాతాడనశైశవ సంత్రాసమ్ । వ్యాదితవక్త్రాలోకితలోకాలోకచతుర్దశలోకాలిమ్ । లోకత్రయపురమూలస్తంభం లోకాలోకమనాలోకమ్ । లోకేశం పరమేశం ప్రణమత గోవిందం పరమానందమ్ ॥ 2 ॥
త్రైవిష్టపరిపువీరఘ్నం క్షితిభారఘ్నం భవరోగఘ్నమ్ । కైవల్యం నవనీతాహారమనాహారం భువనాహారమ్ । వైమల్యస్ఫుటచేతోవృత్తివిశేషాభాసమనాభాసమ్ । శైవం కేవలశాంతం ప్రణమత గోవిందం పరమానందమ్ ॥ 3 ॥
గోపాలం ప్రభులీలావిగ్రహగోపాలం కులగోపాలమ్ । గోపీఖేలనగోవర్ధనధృతిలీలాలాలితగోపాలమ్ । గోభిర్నిగదిత గోవిందస్ఫుటనామానం బహునామానమ్ । గోపీగోచరదూరం ప్రణమత గోవిందం పరమానందమ్ ॥ 4 ॥
గోపీమండలగోష్ఠీభేదం భేదావస్థమభేదాభమ్ । శశ్వద్గోఖురనిర్ధూతోద్గత ధూళీధూసరసౌభాగ్యమ్ । శ్రద్ధాభక్తిగృహీతానందమచింత్యం చింతితసద్భావమ్ । చింతామణిమహిమానం ప్రణమత గోవిందం పరమానందమ్ ॥ 5 ॥
స్నానవ్యాకులయోషిద్వస్త్రముపాదాయాగముపారూఢమ్ । వ్యాదిత్సంతీరథ దిగ్వస్త్రా దాతుముపాకర్షంతం తాః నిర్ధూతద్వయశోకవిమోహం బుద్ధం బుద్ధేరంతస్థమ్ । సత్తామాత్రశరీరం ప్రణమత గోవిందం పరమానందమ్ ॥ 6 ॥
కాంతం కారణకారణమాదిమనాదిం కాలధనాభాసమ్ । కాళిందీగతకాలియశిరసి సునృత్యంతం ముహురత్యంతమ్ । కాలం కాలకలాతీతం కలితాశేషం కలిదోషఘ్నమ్ । కాలత్రయగతిహేతుం ప్రణమత గోవిందం పరమానందమ్ ॥ 7 ॥
బృందావనభువి బృందారకగణబృందారాధితవందేహమ్ । కుందాభామలమందస్మేరసుధానందం సుహృదానందమ్ । వంద్యాశేష మహాముని మానస వంద్యానందపదద్వంద్వమ్ । వంద్యాశేషగుణాబ్ధిం ప్రణమత గోవిందం పరమానందమ్ ॥ 8 ॥
గోవిందాష్టకమేతదధీతే గోవిందార్పితచేతా యః । గోవిందాచ్యుత మాధవ విష్ణో గోకులనాయక కృష్ణేతి । గోవిందాంఘ్రి సరోజధ్యానసుధాజలధౌతసమస్తాఘః । గోవిందం పరమానందామృతమంతస్థం స తమభ్యేతి ॥
ఇతి శ్రీ శంకరాచార్య విరచిత శ్రీగోవిందాష్టకం సమాప్తం
About Govindashtakam
The Govindashtakam is Adi Shankaracharya's eight-verse hymn to Krishna as Govinda, each verse ending "Paramanandam pranamata Govindam": bow to Govinda, the supreme bliss. It joins the philosophy of the Upanishads with the play of the child Krishna: he is truth, knowledge and infinity, beyond space, yet toddles in the cowherd's courtyard; scolded by Yashoda for eating mud, he opens his mouth and shows her all the fourteen worlds.
Written by: Adi Shankaracharya, as its closing line states
When to chant: In daily Krishna worship, on Janmashtami, and on Ekadashi.
Did you know?
- Its colophon names Adi Shankaracharya as its author.
- The story of Krishna showing the universe in his mouth after eating mud is told in the tenth book of the Bhagavata Purana.
Frequently asked questions
What does "Paramanandam pranamata Govindam" mean?
"Bow to Govinda, the supreme bliss."
Who wrote the Govindashtakam?
Adi Shankaracharya, as its colophon states.
Which story does it recall?
Yashoda seeing the whole universe in the child Krishna's mouth.
Offered for worship and study, not as prediction. Non-commercial.
More devotional texts