MuhurtaNow

KYTS 3.3 Agne Tejasvintejasvee - Krishna Yajurveda Taittiriya Samhita Patha

Kanda 3 - Krishna Yajurveda Taittiriya Samhita · Traditional devotional text

krishna yajurvedeeya taittireeya samhitaayaa-ntriteeyakaande triteeyah prashnah - vaikritavidheenaamabhidhaanam

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

agne̍ tejasvi-nteja̠svee tva-nde̠veshu̍ bhooyaa̠steja̍svanta̠-mmaamaayu̍shmanta̠m varcha̍svanta-mmanu̠shye̍shu kuru dee̠kshaayai̍ cha tvaa̠ tapa̍sashcha̠ teja̍se juhomi tejo̠vida̍si̠ tejo̍ maa̠ maa haa̍see̠nmaa-'ha-ntejo̍ haasisha̠-mmaa maa-ntejo̍ haasee̠dindrau̍jasvinnoja̠svee tva-nde̠veshu̍ bhooyaa̠ oja̍svanta̠-mmaamaayu̍shmanta̠m varcha̍svanta-mmanu̠shye̍shu kuru̠ brahma̍nashcha tvaa ksha̠trasya̠ chau- [ksha̠trasya̠ cha, oja̍se juhomyojo̠vi-] 1

-ja̍se juhomyojo̠vi-da̠syojo̍ maa̠ maa haa̍see̠nmaa-'hamojo̍ haasisha̠-mmaa maamojo̍ haasee̠-thsoorya̍ bhraajasvi-nbhraaja̠svee tva-nde̠veshu̍ bhooyaa̠ bhraaja̍svanta̠-mmaamaayu̍shmanta̠m varcha̍svanta-mmanu̠shye̍shu kuru vaa̠yoshcha̍ tvaa̠-'paancha̠ bhraaja̍se juhomisuva̠rvida̍si̠ suva̍rmaa̠ maa haa̍see̠nmaa-'hagm suva̍rhaasisha̠-mmaa maagm suva̍rhaasee̠-nmayi̍ me̠dhaa-mmayi̍ pra̠jaa-mmayya̠gnistejo̍ dadhaatu̠ mayi̍ me̠dhaa-mmayi̍ pra̠jaa-mmayeendra̍ indri̠ya-nda̍dhaatu̠ mayi̍ me̠dhaa-mmayi̍ pra̠jaa-mmayi̠ sooryo̠ bhraajo̍ dadhaatu ॥ 2 ॥ (ksha̠trasya̍ cha̠ - mayi̠ - trayo̍vigmshatishcha) (a. 1)

vaa̠yurhi̍ka̠mrtaa-'gnih pra̍sto̠taa pra̠jaapa̍ti̠-ssaama̠ briha̠spati̍rudgaa̠taa vishve̍ de̠vaa u̍pagaa̠taaro̍ ma̠ruta̍h pratiha̠rtaara̠ indro̍ ni̠dhana̠nte de̠vaah praa̍na̠bhrita̍h praa̠na-mmayi̍ dadhatve̠tadvai sarva̍maddhva̠ryu-ru̍paaku̠rvannu̍dgaa̠tribhya̍ u̠paaka̍roti̠ te de̠vaah praa̍na̠bhrita̍h praa̠na-mmayi̍ dadha̠tvityaa̍hai̠tade̠va sava̍rmaa̠tma-ndha̍tta̠ idaa̍ deva̠hoo rmanu̍-ryajna̠nee-rbriha̠spati̍rukthaama̠daani̍ shagmsisha̠-dvishve̍ de̠vaa- [de̠vaah, soo̠kta̠vaacha̠h prithi̍vi] 3

-ssoo̎kta̠vaacha̠h prithi̍vi maata̠rmaa maa̍higmsee̠ rmadhu̍ manishye̠ madhu̍ janishye̠ madhu̍vakshyaami̠ madhu̍vadishyaami̠ madhu̍matee-nde̠vebhyo̠ vacha̍mudyasagm shushroo̠shenyaa̎-mmanu̠shye̎bhya̠sta-mmaa̍ de̠vaa a̍vantu sho̠bhaayai̍ pi̠taro-'nu̍ madantu ॥ 4 ॥ (sha̠gm̠si̠sha̠-dvishve̍ de̠vaa - a̠shtaavigm̍shatishcha) (a. 2)

vasa̍vastvaa̠ prava̍hantu gaaya̠trena̠ chhanda̍saa̠-'gneh pri̠ya-mpaatha̠ upe̍hi ru̠draastvaa̠ pravri̍hantu̠ traishtu̍bhena̠ chhanda̠sendra̍sya pri̠ya-mpaatha̠ upe̎hyaadi̠tyaastvaa̠ pravri̍hantu̠ jaaga̍tena̠ chhanda̍saa̠ vishve̍shaa-nde̠vaanaa̎-mpri̠ya-mpaatha̠ upe̍hi̠ maandaa̍su te shukra shu̠kramaa dhoo̍nomi bha̠ndanaa̍su̠ kota̍naasu̠ noota̍naasu̠ reshee̍shu̠ meshee̍shu̠ vaashee̍shu vishva̠bhrithsu̠ maaddhvee̍shu kaku̠haasu̠ shakva̍reeshu [ ] 5

shu̠kraasu̍ te shukra shu̠kramaa dhoo̍nomi shu̠kra-nte̍ shu̠krena̍ grihnaa̠myahno̍ roo̠pena̠ soorya̍sya ra̠shmibhi̍h ॥ aa-'smi̍nnu̠graa a̍chuchyavurdi̠vo dhaaraa̍ asashchata ॥ ka̠ku̠hagm roo̠pam vri̍sha̠bhasya̍ rochate bri̠ha-thsoma̠-ssoma̍sya puro̠gaa-shshu̠kra-shshu̠krasya̍ puro̠gaah ॥ ya-tte̍ so̠maadaa̎bhya̠-nnaama̠ jaagri̍vi̠ tasmai̍ te soma̠ somaa̍ya̠ svaaho̠shi-ktva-nde̍va soma gaaya̠trena̠ chhanda̍saa̠-'gneh [chhanda̍saa̠-'gneh, pri̠ya-mpaatho̠] 6

pri̠ya-mpaatho̠ apee̍hi va̠shee tva-nde̍va soma̠ traishtu̍bhena̠ chhanda̠sendra̍sya pri̠ya-mpaatho̠ apee̎hya̠smathsa̍khaa̠ tva-nde̍va soma̠ jaaga̍tena̠ chhanda̍saa̠ vishve̍shaa-nde̠vaanaa̎-mpri̠ya-mpaatho̠ apee̠hyaa na̍h praa̠na e̍tu paraa̠vata̠ aa-'ntari̍kshaaddi̠vaspari̍ । aayu̍h prithi̠vyaa addhya̠mrita̍masi praa̠naaya̍ tvaa ॥ i̠ndraa̠gnee me̠ varcha̍h krinutaa̠m varcha̠-ssomo̠ briha̠spati̍h । varcho̍ me̠ vishve̍de̠vaa varcho̍ me dhattamashvinaa ॥ da̠dha̠nve vaa̠ yadee̠manu̠ vocha̠dbrahmaa̍ni̠ veru̠ tat । pari̠ vishvaa̍ni̠ kaavyaa̍ ne̠mishcha̠krami̍vaa bhavat ॥ 7 ॥ (shakva̍reeshva̠ - gne - rbriha̠spati̠h - pancha̍vigmshatishcha) (a. 3)

e̠tadvaa a̠paa-nnaa̍ma̠dheya̠-nguhya̠m yadaa̍dhaa̠vaa maandaa̍su te shukra shu̠kramaa dhoo̍no̠meetyaa̍haa̠paame̠va naa̍ma̠dheye̍na̠ guhye̍na di̠vo vrishti̠mava̍ rundhe shu̠kra-nte̍ shu̠krena̍ grihnaa̠meetyaa̍hai̠tadvaa ahno̍ roo̠pam yadraatri̠-ssoorya̍sya ra̠shmayo̠ vrishtyaa̍ eesha̠te-'hna̍ e̠va roo̠pena̠ soorya̍sya ra̠shmibhi̍rdi̠vo vrishti̍-nchyaavaya̠tyaa-'smi̍nnu̠graa [-'smi̍nnu̠graah, a̠chu̠chya̠vu̠rityaa̍ha] 8

a̍chuchyavu̠rityaa̍ha yathaaya̠jure̠vaita-tka̍ku̠hagm roo̠pam vri̍sha̠bhasya̍ rochate bri̠hadityaa̍hai̠tadvaa a̍sya kaku̠hagm roo̠pam ya-dvrishtee̍ roo̠penai̠va vrishti̠mava̍ rundhe̠ yatte̍ so̠maadaa̎bhya̠-nnaama̠ jaagri̠veetyaa̍hai̠sha ha̠ vai ha̠vishaa̍ ha̠virya̍jati̠ yo-'daa̎bhya-ngrihee̠tvaa somaa̍ya ju̠hoti̠paraa̠ vaa e̠tasyaa-''yu̍h praa̠na e̍ti̠ [praa̠na e̍ti, yo-'gm̍shu-] 9

yo-'gm̍shu-ngri̠hnaatyaa na̍h praa̠na e̍tu paraa̠vata̠ ityaa̠haa-''yu̍re̠va praa̠namaa̠tma-ndha̍tte̠ 'mrita̍masi praa̠naaya̠ tveti̠ hira̍nyama̠bhi vya̍nitya̠mrita̠m vai hira̍nya̠maayu̍h praa̠no̍-'mrite̍nai̠vaa-''yu̍raa̠tma-ndha̍tte sha̠tamaa̍na-mbhavati sha̠taayu̠h puru̍sha-shsha̠tendri̍ya̠ aayu̍shye̠vendri̠ye prati̍tishthatya̠pa upa̍ sprishati bhesha̠jam vaa aapo̍ bhesha̠jame̠va ku̍rute ॥ 10 ॥ (u̠graa - e̠tyaa - pa̠ - streeni̍ cha) (a. 4)

vaa̠yura̍si praa̠no naama̍ savi̠turaadhi̍patye-'paa̠na-mme̍ daa̠shchakshu̍rasi̠ shrotra̠-nnaama̍ dhaa̠turaadhi̍patya̠ aayu̍rme daa roo̠pama̍si̠ varno̠ naama̠ briha̠spate̠raadhi̍patye pra̠jaa-mme̍ daa ri̠tama̍si sa̠tya-nnaamendra̠syaa-''dhi̍patye ksha̠tra-mme̍ daa bhoo̠tama̍si̠ bhavya̠-nnaama̍ pitri̠naamaadhi̍patye̠-'paa-mosha̍dheenaa̠-ngarbha̍-ndhaa ri̠tasya̍ tvaa̠ vyo̍mana ri̠tasya̍ [ ] 11

tvaa̠ vibhoo̍mana ri̠tasya̍ tvaa̠ vidha̍rmana ri̠tasya̍ tvaa sa̠tyaaya̠rtasya̍ tvaa̠ jyoti̍she pra̠jaapa̍ti rvi̠raaja̍mapashya̠-ttayaa̍ bhoo̠ta-ncha̠ bhavya̍-nchaa srijata̠ taamrishi̍bhyasti̠ro̍-'dadhaa̠-ttaa-nja̠mada̍gni̠stapa̍saa-' pashya̠-ttayaa̠ vai sa prishnee̠n kaamaa̍nasrijata̠ ta-tprishnee̍naa-mprishni̠tvam ya-tprishna̍yo gri̠hyante̠ prishnee̍ne̠va taih kaamaa̠n̠. yaja̍maa̠no-'va̍ rundhe vaa̠yura̍si praa̠no [vaa̠yura̍si praa̠nah, naametyaa̍ha] 12

naametyaa̍ha praanaapaa̠naave̠vaava̍ rundhe̠ chakshu̍rasi̠ shrotra̠-nnaametyaa̠haa-''yu̍re̠vaava̍ rundhe roo̠pama̍si̠ varno̠ naametyaa̍ha pra̠jaame̠vaava̍ rundhari̠tama̍si sa̠tya-nnaametyaa̍ha ksha̠trame̠vaava̍ rundhe bhoo̠tama̍si̠ bhavya̠-nnaametyaa̍ha pa̠shavo̠ vaa a̠paamosha̍dheenaa̠-ngarbha̍h pa̠shoone̠vaa- [pa̠shoone̠va, ava̍ rundha] 13

-va̍ rundha e̠taava̠dvai puru̍sha-mpa̠rita̠stade̠vaava̍ rundha ri̠tasya̍ tvaa̠ vyo̍mana̠ ityaa̍he̠yam vaa ri̠tasya̠ vyo̍me̠maame̠vaabhi ja̍yatyri̠tasya̍ tvaa̠ vibhoo̍mana̠ ityaa̍haa̠-'ntari̍ksha̠m vaa ri̠tasya̠ vibhoo̍maa̠ntari̍kshame̠vaabhi ja̍yatyri̠tasya̍ tvaa̠ vidha̍rmana̠ ityaa̍ha̠ dyaurvaa ri̠tasya̠ vidha̍rma̠ diva̍me̠vaabhi ja̍yatyri̠tasya̍ [ja̍yatyri̠tasya̍, tvaa̠ sa̠tyaayetyaa̍ha̠] 14

tvaa sa̠tyaayetyaa̍ha̠ disho̠ vaa ri̠tasya̍ sa̠tya-ndisha̍ e̠vaabhi ja̍yatyri̠tasya̍ tvaa̠ jyoti̍sha̠ ityaa̍ha suva̠rgo vai lo̠ka ri̠tasya̠ jyoti̍-ssuva̠rgame̠va lo̠kama̠bhi ja̍yatye̠taava̍nto̠ vai de̍valo̠kaastaane̠vaabhi ja̍yati̠ dasha̠ sampa̍dyante̠ dashaa̎ksharaa vi̠raadanna̍m vi̠raa-dvi̠raajye̠vaannaadye̠ prati̍tishthati ॥ 15 ॥ (vyo̍mana ri̠tasya̍ - praa̠nah - pa̠shune̠va - vidha̍rma̠ diva̍me̠vaabhi ja̍yatyri̠tasya̠ -shatcha̍tvaarigmshachcha) (a. 5)

de̠vaa vai ya-dya̠jnena̠ naavaaru̍ndhata̠ ta-tparai̠ravaa̍rundhata̠ ta-tparaa̍naa-mpara̠tvam ya-tpare̍ gri̠hyante̠ yade̠va ya̠jnena̠naava̍ru̠ndhe tasyaava̍ruddhyai̠ ya-mpra̍tha̠ma-ngri̠hnaatee̠mame̠va tena̍ lo̠kama̠bhi ja̍yati̠ya-ndvi̠teeya̍ma̠ntari̍ksha̠-ntena̠ ya-ntri̠teeya̍ma̠mume̠va tena̍ lo̠kama̠bhi ja̍yati̠ yade̠te gri̠hyanta̍ e̠shaam mlo̠kaanaa̍-ma̠bhiji̍tyaa̠ [-ma̠bhiji̍tyaa, utta̍re̠shvaha-] 16

utta̍re̠shvaha̍-ssva̠muto̠-'rvaancho̍ grihyante 'bhi̠jityai̠vemaam lo̠kaa-npuna̍ri̠mam lo̠ka-mpra̠tyava̍rohanti̠ ya-tpoorve̠shvaha̍-ssvi̠tah paraa̎mcho gri̠hyante̠ tasmaa̍di̠tah paraa̎mcha i̠me lo̠kaa yadutta̍re̠shvaha̍-ssva̠muto̠-'rvaancho̍ gri̠hyante̠ tasmaa̍da̠muto̠ 'rvaancha̍ i̠me lo̠kaastasmaa̠dayaa̍tayaamno lo̠kaa-nma̍nu̠shyaa̍ upa̍ jeevanti brahmavaa̠dino̍ vadanti̠ kasmaa̎-thsa̠tyaada̠dbhya osha̍dhaya̠-ssa-mbha̍va̠ntyosha̍dhayo [osha̍dhaya̠-ssa-mbha̍va̠ntyosha̍dhayah, ma̠nu̠shyaa̍naa̠manna̍-] 17

manu̠shyaa̍naa̠manna̍-mpra̠jaapa̍ti-mpra̠jaa anu̠ prajaa̍yanta̠ iti̠ paraa̠nanviti̍ brooyaa̠-dya-dgri̠hnaatya̠dbhyastvausha̍dheebhyo grihnaa̠meeti̠ tasmaa̍da̠dbhya osha̍dhaya̠-ssambha̍vanti̠ ya-dgri̠hnaatyosha̍dheebhyastvaa pra̠jaabhyo̍ grihnaa̠meeti̠ tasmaa̠dosha̍dhayo manu̠shyaa̍naa̠manna̠m ya-dgri̠hnaati̍ pra̠jaabhya̍stvaa pra̠jaapa̍taye grihnaa̠meeti̠ tasmaa̎-tpra̠jaapa̍ti-mpra̠jaa anu̠ prajaa̍yante ॥ 18 ॥ (a̠bhiji̍tyai - bhava̠ntyosha̍dhayo̠ - 'shtaa cha̍tvaarigmshachcha) (a. 6)

pra̠jaapa̍tirdevaasu̠raana̍ srijata̠ tadanu̍ ya̠jno̍-'srijyata ya̠jna-nchhandaagm̍si̠ te vishva̍ncho̠ vya̍kraama̠n-thso-'su̍raa̠nanu̍ ya̠jno-'paa̎kraama-dya̠jna-nchhandaagm̍si̠ te de̠vaa a̍manyantaa̠mee vaa i̠dama̍bhoova̠n̠. ya-dva̠yagg sma iti̠ te pra̠jaapa̍ti̠mupaa̍-'dhaava̠n-thso̎-'braveet-pra̠jaapa̍ti̠shchhanda̍saam vee̠rya̍maa̠daaya̠ tadva̠h pra daa̎syaa̠meeti̠ sa chhanda̍saam vee̠rya̍- [chhanda̍saam vee̠rya̎m, aa̠daaya̠ tade̎bhya̠h] 19

-maa̠daaya̠ tade̎bhya̠h praaya̍chchha̠-ttadanu̠ chhandaa̠g̠syapaa̎-'kraama̠n chhandaagm̍si ya̠jnastato̍ de̠vaa abha̍va̠-nparaa-'su̍raa̠ ya e̠va-nchhanda̍saam vee̠rya̍m vedaa-'' shraa̍va̠yaa-'stu̠ shrausha̠d yaja̠ ye yajaa̍mahe vashatkaa̠ro bhava̍tyaa̠tmanaa̠ paraa̎-'sya̠ bhraatri̍vyo bhavati brahmavaa̠dino̍ vadanti̠ kasmai̠ kama̍ddhva̠ryuraa shraa̍vaya̠teeti̠ chhanda̍saam vee̠ryaa̍yeti̍ brooyaade̠ ta-dvai [ ] 20

chhanda̍saam vee̠rya̍maa shraa̍va̠yaa-'stu̠ shrausha̠d yaja̠ ye yajaa̍mahe vashatkaa̠ro ya e̠vam veda̠ savee̎ryaire̠va chhando̍bhirarchati̠ ya-tki-nchaarcha̍ti̠ yadindro̍ vri̠tramaha̍nna-me̠ddhya-nta-dya-dyatee̍na̠paava̍pada-me̠ddhya-ntadatha̠ kasmaa̍dai̠ndro ya̠jna aa saggsthaa̍to̠rityaa̍hu̠rindra̍sya̠ vaa e̠shaa ya̠jniyaa̍ ta̠noorya-dya̠jnastaame̠va ta dya̍janti̠ ya e̠vam vedopai̍nam ya̠jno na̍mati ॥ 21 ॥ (chhanda̍saam vee̠rya̍m - mvaa - e̠va ta - da̠shtau cha̍) (a. 7)

aayu̠rdaa a̍gne ha̠visho̍ jushaa̠no ghri̠tapra̍teeko ghri̠tayo̍niredhi । ghri̠ta-mpee̠tvaa madhu̠chaaru̠ gavya̍-mpi̠teva̍pu̠trama̠bhi ra̍kshataadi̠mam ॥ aa vri̍shchyate̠ vaa e̠ta-dyaja̍maano̠-'gnibhyaa̠m yade̍nayo-shshrita̠-nkrityaathaa̠-'nyatraa̍-vabhri̠thama̠vaityaa̍yu̠rdaa a̍gne ha̠visho̍ jushaa̠na itya̍vabhri̠thama̍vai̠shyan ju̍huyaa̠daahu̍tyai̠vainau̍ shamayati̠ naa-''rti̠maarchchha̍ti̠ yaja̍maano̠ ya-tkusee̍da̠- [ya-tkusee̍dam, apra̍teetta̠-mmayi̠ yena̍] 22

-mapra̍teetta̠-mmayi̠ yena̍ ya̠masya̍ ba̠linaa̠ chara̍mi । i̠haiva sa-nni̠rava̍daye̠ tade̠ta-ttada̍gne anri̠no bha̍vaami । vishva̍lopa vishvadaa̠vasya̍ tvaa̠ ''sanju̍homya̠gdhaadeko̍ 'hu̠taadeka̍-ssamasa̠naadeka̍h । tena̍h krinvantu bhesha̠jagm sada̠-ssaho̠ vare̎nyam ॥ a̠ya-nno̠ nabha̍saa pu̠ra-ssa̠gg̠sphaano̍ a̠bhi ra̍kshatu । gri̠haanaa̠masa̍martyai ba̠havo̍ no gri̠haa a̍sann ॥ sa tvanno̍ [sa tvanna̍h, na̠bha̠sa̠spa̠ta̠ oorja̍-nno] 23

nabhasaspata̠ oorja̍-nno dhehi bha̠drayaa̎ । puna̍rno na̠shtamaa kri̍dhi̠ puna̍rno ra̠yimaa kri̍dhi ॥ deva̍ saggsphaana sahasrapo̠shasye̍shishe̠ sa no̍ raa̠svaa-'jyaa̍nigm raa̠yasposhagm̍ su̠veeryagm̍ samvathsa̠reenaag̍ sva̠stim ॥ a̠gnirvaava ya̠ma i̠yam ya̠mee kusee̍da̠m vaa e̠ta-dya̠masya̠ yaja̍maana̠ aa da̍tte̠ yadosha̍dheebhi̠rvedigg̍ stri̠naati̠ yadanu̍paushya prayaa̠yaa-dgree̍vaba̠ddhame̍na- [-dgree̍vaba̠ddhame̍nam, a̠mushmi̍n mlo̠ke] 24

-ma̠mushmi̍n mlo̠ke ne̍neeyera̠n̠. ya-tkusee̍da̠mapra̍teetta̠-mmayeetyupau̍shatee̠haiva san. ya̠ma-nkusee̍da-nnirava̠daayaa̍nri̠na-ssu̍va̠rgam lo̠kame̍ti̠yadi̍ mi̠shrami̍va̠ chare̍danja̠linaa̠ saktoo̎-npradaa̠vye̍ juhuyaade̠sha vaa a̠gnirvai̎shvaana̠ro ya-tpra̍daa̠vya̍-ssa e̠vainagg̍svadaya̠tyahnaa̎m vi̠dhaanyaa̍-mekaashta̠kaayaa̍mapoo̠pa-nchatu̍-shsharaava-mpa̠ktvaa praa̠tare̠tena̠ kaksha̠-mupau̍she̠dyadi̠ [-mupau̍she̠dyadi̍, daha̍ti] 25

daha̍ti punya̠sama̍-mbhavati̠ yadi̠ na daha̍ti paapa̠sama̍me̠tena̍ hasma̠ vaa risha̍yah pu̠raa vi̠jnaane̍na deerghasa̠tramupa̍ yanti̠ yo vaa u̍padra̠shtaara̍mupa-shro̠taara̍manukhyaa̠taara̍m vi̠dvaan. yaja̍te̠ sama̠mushmi̍n mlo̠ka i̍shtaapoo̠rtena̍ gachchhate̠-'gnirvaa u̍padra̠shtaa vaa̠yuru̍pashro̠taa ''di̠tyo̍-'nukhyaa̠taa taan. ya e̠vam vi̠dvaan. yaja̍te̠ sama̠mushmi̍n mlo̠ka i̍shtaapoo̠rtena̍ gachchhate̠ 'ya-nno̠ nabha̍saa pu̠ra [pu̠rah, ityaa̍haa̠gnirvai] 26

ityaa̍haa̠gnirvai nabha̍saa pu̠ro̎-'gnime̠va tadaa̍hai̠tanme̍ gopaa̠yeti̠ sa tva-nno̍ nabhasaspata̠ ityaa̍ha vaa̠yurvai nabha̍sa̠spati̍rvaa̠yume̠va tadaa̍hai̠tanme̍ gopaa̠yeti̠ deva̍ saggsphaa̠netyaa̍haa̠-'sau vaa aa̍di̠tyo de̠va-ssa̠gg̠sphaana̍ aadi̠tyame̠va tadaa̍hai̠tanme̍ gopaa̠yeti̍ ॥ 27 ॥ (kusee̍da̠m - tva-nna̍ - ena - moshe̠dyadi̍ - pu̠ra - aa̍di̠tyame̠va tadaa̍hai̠tanme̍ gopaa̠yeti̍) (a. 8)

e̠tam yuvaa̍na̠-mpari̍ vo dadaami̠ tena̠ kreeda̍nteeshcharata pri̠yena̍ । maa na̍-shshaapta ja̠nushaa̍ subhaagaa raa̠yasposhe̍na̠ sami̠shaa ma̍dema ॥ namo̍ mahi̠mna u̠ta chakshu̍she te̠ maru̍taa-mpita̠stada̠ha-ngri̍naami । anu̍ manyasva su̠yajaa̍ yajaama̠ jushta̍-nde̠vaanaa̍mi̠dama̍stu ha̠vyam ॥ de̠vaanaa̍me̠sha u̍panaa̠ha aa̍seeda̠paa-ngarbha̠ osha̍dheeshu̠ nya̍ktah । soma̍sya dra̠phsama̍vrineeta poo̠shaa [ ] 28

bri̠hannadri̍rabhava̠-ttade̍shaam ॥ pi̠taa va̠thsaanaa̠-mpati̍raghni̠yaanaa̠matho̍ pi̠taa ma̍ha̠taa-ngarga̍raanaam । va̠thso ja̠raayu̍ prati̠dhu-kpee̠yoosha̍ aa̠mikshaa̠ mastu̍ ghri̠tama̍sya̠ reta̍h ॥ tvaa-ngaavo̍-'vrinata raa̠jyaaya̠ tvaagm ha̍vanta ma̠ruta̍-ssva̠rkaah । varshma̍n ksha̠trasya̍ ka̠kubhi̍ shishriyaa̠nastato̍ na u̠gro vi bha̍jaa̠ vasoo̍ni ॥ vyri̍ddhena̠ vaa e̠sha pa̠shunaa̍ yajate̠ yasyai̠taani̠ na kri̠yanta̍ e̠sha ha̠ tvai samri̍ddhena yajate̠ yasyai̠taani̍ kri̠yante̎ ॥ 29 ॥ (poo̠shaa - kri̠yanta̍ e̠sho̎ - 'shtau cha̍) (a. 9)

sooryo̍ de̠vo di̍vi̠shadbhyo̍ dhaa̠taa ksha̠traaya̍ vaa̠yuh pra̠jaabhya̍h । briha̠spati̍stvaa pra̠jaapa̍taye̠ jyoti̍shmatee-njuhotu ॥ yasyaa̎ste̠ hari̍to̠ garbho-'tho̠ yoni̍rhira̠nyayee̎ । angaa̠nyahru̍taa̠ yasyai̠ taa-nde̠vai-ssama̍jeegamam ॥ aa va̍rtana vartaya̠ ni ni̍vartana varta̠yendra̍ nardabuda । bhoomyaa̠shchata̍srah pra̠disha̠staabhi̠raa va̍rtayaa̠ puna̍h ॥ vi te̍ bhinadmi taka̠reem viyoni̠m vi ga̍vee̠nyau̎ । vi [ ] 30

maa̠tara̍ncha pu̠tra-ncha̠ vi garbha̍-ncha ja̠raayu̍ cha ॥ ba̠histe̍ astu̠ baaliti̍ ॥ u̠ru̠dra̠phso vi̠shvaroo̍pa̠ indu̠h pava̍maano̠ dheera̍ aananja̠ garbha̎m ॥ eka̍padee dvi̠padee̎ tri̠padee̠ chatu̍shpadee̠ pancha̍padee̠ shatpa̍dee sa̠ptapa̍dya̠shtaapa̍dee̠ bhuva̠naa-'nu̍ prathataa̠g̠ svaahaa̎ ॥ ma̠hee dyauh pri̍thi̠vee cha̍ na i̠mam ya̠jna-mmi̍mikshataam । pi̠pri̠taanno̠ bharee̍mabhih ॥ 31 ॥ (ga̠vi̠nyau̍ vi - chatu̍shchatvaarigmshachcha) (a. 10)

i̠dam vaa̍maa̠sye̍ ha̠vih pri̠yami̍ndraabrihaspatee । u̠ktha-mmada̍shcha shasyate ॥ a̠yam vaa̠-mpari̍ shichyate̠ soma̍indraabrihaspatee । chaaru̠rmadaa̍ya pee̠taye̎ ॥ a̠sme i̍ndraabrihaspatee ra̠yi-ndha̍ttagm shata̠gvina̎m । ashvaa̍vantagm saha̠srina̎m ॥ briha̠spati̍rna̠h pari̍paatu pa̠shchaadu̠totta̍rasmaa̠dadha̍raadaghaa̠yoh । indra̍h pu̠rastaa̍du̠ta ma̍ddhya̠to na̠-ssakhaa̠ sakhi̍bhyo̠ vari̍vah krinotu ॥ vi te̠ vishva̠gvaata̍jootaaso agne̠ bhaamaa̍sa- [agne̠ bhaamaa̍sah, shu̠che̠ shucha̍yashcharanti ।] 32

-shshuche̠ shucha̍yashcharanti । tu̠vi̠mra̠kshaaso̍ di̠vyaa nava̍gvaa̠ vanaa̍ vananti dhrisha̠taa ru̠janta̍h ॥ tvaama̍gne̠ maanu̍sheereedate̠ visho̍ hotraa̠vida̠m vivi̍chigm ratna̠dhaata̍mam । guhaa̠ santagm̍ subhaga vi̠shvada̍rshata-ntu vishma̠nasagm̍ su̠yaja̍-nghrita̠shriya̎m ॥ dhaa̠taa da̍daatu no ra̠yimeeshaa̍no̠ jaga̍ta̠spati̍h । sa na̍h poo̠rnena̍ vaavanat ॥ dhaa̠taa pra̠jaayaa̍ u̠ta raa̠ya ee̍she dhaa̠tedam vishva̠-mbhuva̍na-njajaana । dhaa̠taa pu̠tram yaja̍maanaaya̠ daataa̠ [daataa̎, tasmaa̍] 33

tasmaa̍ u ha̠vya-nghri̠tava̍dvidhema ॥ dhaa̠taa da̍daatu no ra̠yi-mpraachee̎-njee̠vaatu̠makshi̍taam । va̠ya-nde̠vasya̍ dheemahi suma̠tigm sa̠tyaraa̍dhasah ॥ dhaa̠taa da̍daatu daa̠shushe̠ vasoo̍ni pra̠jaakaa̍maaya mee̠dhushe̍ duro̠ne । tasmai̍ de̠vaa a̠mritaa̠-ssamvya̍yantaa̠m vishve̍ de̠vaaso̠ adi̍ti-ssa̠joshaa̎h ॥ anu̍ no̠-'dyaa-'nu̍matirya̠jna-nde̠veshu̍ manyataam । a̠gnishcha̍ havya̠vaaha̍no̠ bhava̍taa-ndaa̠shushe̠ maya̍h ॥ anvida̍numate̠ tva- [anvida̍numate̠ tvam, manyaa̍sai̠ shancha̍nah kridhi ।] 34

-mmanyaa̍sai̠ shancha̍nah kridhi । kratve̠ dakshaa̍ya no hinu̠ prana̠ aayoogm̍shi taarishah ॥ anu̍ manyataa-manu̠manya̍maanaa pra̠jaava̍ntagm ra̠yimakshee̍yamaanam । tasyai̍ va̠yagm heda̍si̠ maa-'pi̍ bhooma̠ saa no̍ de̠vee su̠havaa̠ sharma̍ yachchhatu ॥ yasyaa̍mi̠da-mpra̠dishi̠ yadvi̠rocha̠te-'nu̍mati̠-mprati̍ bhooshantyaa̠yava̍h । yasyaa̍ u̠pastha̍ u̠rva̍ntari̍ksha̠gm̠ saa no̍ de̠vee su̠havaa̠ sharma̍ yachchhatu ॥ 35 ॥

raa̠kaama̠hagm su̠havaagm̍ sushtu̠tee hu̍ve shri̠notu̍ na-ssu̠bhagaa̠ bodha̍tu̠ tmanaa̎ । seevya̠tvapa̍-ssoo̠chyaa-'chchhi̍dyamaanayaa̠ dadaa̍tu vee̠ragm sha̠tadaa̍yamu̠kthya̎m ॥ yaaste̍ raake suma̠taya̍-ssu̠pesha̍so̠ yaabhi̠rdadaa̍si daa̠shushe̠ vasoo̍ni । taabhi̍rno a̠dya su̠manaa̍ u̠paaga̍hi sahasrapo̠shagm su̍bhage̠ raraa̍naa ॥ sinee̍vaali̠, yaa su̍paa̠nih ॥ ku̠hooma̠hagm su̠bhagaa̎m vidma̠naapa̍sama̠smin. ya̠jne su̠havaa̎-njohaveemi । saa no̍ dadaatu̠ shrava̍na-mpitri̠naa-ntasyaa̎ste devi ha̠vishaa̍ vidhema ॥ ku̠hoo-rde̠vaanaa̍ma̠mrita̍sya̠ patnee̠ havyaa̍ no a̠sya ha̠visha̍shchiketu । sa-ndaa̠shushe̍ ki̠ratu̠ bhoori̍ vaa̠magm raa̠yasposha̍-nchiki̠tushe̍ dadhaatu ॥ 36 ॥ (bhaamaa̍so̠ - daataa̠ - tva - ma̠ntari̍ksha̠gm̠ saa no̍ de̠vee su̠havaa̠ sharma̍ yachchhatu̠ -shrava̍na̠m - chatu̍rvigmshatishcha) (a. 11)

(agne̍ tejasvin - vaa̠yu - rvasa̍vast - vai̠tadvaa a̠paam - mvaa̠yura̍si praa̠no naama̍ - de̠vaa vai yadya̠jnena̠na - pra̠jaapa̍ti rdevaasu̠raa - naa̍yu̠rdaa - e̠tam yuvaa̍na̠gm̠ - sooryo̍ de̠va - i̠dam vaa̠ - mekaa̍dasha)

(agne̍ tejasvin - vaa̠yura̍si̠ - chhanda̍saam vee̠rya̍m - maa̠tara̍ncha̠ - shattrigm̍shat )

(agne̍ tejasvigg, shchiki̠tushe̍ dadhaatu )

॥ hari̍h om ॥

॥ krishna yajurvedeeya taittireeya samhitaayaa-ntriteeyakaande triteeyah prashna-ssamaaptah ॥

About KYTS 3.3 Agne Tejasvintejasvee - Krishna Yajurveda Taittiriya Samhita Patha

This is prashna 3 of kanda 3 of the Krishna Yajurveda Taittiriya Samhita, in plain continuous recitation (samhita patha). Its heading calls it "vaikrita vidhinam abhidhanam", the modified forms of the rites. It opens with a prayer to Agni: "Agni, full of radiance, may you be radiant among the gods; make me radiant, long-lived and glorious among men", followed by like prayers to Indra for strength.

Source: Krishna Yajurveda, Taittiriya Samhita 3.3

When to chant: In daily Vedic recitation, in Veda patashalas and in Yajur Veda study.

Did you know?

  • A "vikriti" is a variant rite built on a basic model (prakriti) with changes.
  • Samhita patha is the continuous form of the text, the base from which the pada, krama, jata and ghana recitations are built.

Frequently asked questions

What does the opening prayer ask of Agni?

To make the worshipper radiant, long-lived and glorious.

What is samhita patha?

The plain, continuous recitation of the Vedic text.

Which part of the Taittiriya Samhita is this?

Kanda 3, prashna 3.

Offered for worship and study, not as prediction. Non-commercial.