KYTS 4.5 Namaste Rudra Manyava - Krishna Yajurveda Taittiriya Samhita Patha
Kanda 4 - Krishna Yajurveda Taittiriya Samhita · Traditional devotional text
ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥಕಾಣ್ಡೇ ಪಞ್ಚಮಃ ಪ್ರಶ್ನಃ - ಹೋಮವಿಧಿನಿರೂಪಣಂ
ಓ-ನ್ನಮಃ ಪರಮಾತ್ಮನೇ, ಶ್ರೀ ಮಹಾಗಣಪತಯೇ ನಮಃ, ಶ್ರೀ ಗುರುಭ್ಯೋ ನಮಃ । ಹ॒ರಿಃ॒ ಓಮ್ ॥
ನಮ॑ಸ್ತೇ ರುದ್ರ ಮ॒ನ್ಯವ॑ ಉ॒ತೋತ॒ ಇಷ॑ವೇ॒ ನಮಃ॑ । ನಮ॑ಸ್ತೇ ಅಸ್ತು॒ ಧನ್ವ॑ನೇ ಬಾ॒ಹುಭ್ಯಾ॑ಮು॒ತ ತೇ॒ ನಮಃ॑ ॥ ಯಾ ತ॒ ಇಷು॑-ಶ್ಶಿ॒ವತ॑ಮಾ ಶಿ॒ವ-ಮ್ಬ॒ಭೂವ॑ ತೇ॒ ಧನುಃ॑ । ಶಿ॒ವಾ ಶ॑ರ॒ವ್ಯಾ॑ ಯಾ ತವ॒ ತಯಾ॑ ನೋ ರುದ್ರ ಮೃಡಯ ॥ ಯಾ ತೇ॑ ರುದ್ರ ಶಿ॒ವಾ ತ॒ನೂರಘೋ॒ರಾ ಽಪಾ॑ಪಕಾಶಿನೀ । ತಯಾ॑ ನಸ್ತ॒ನುವಾ॒ ಶನ್ತ॑ಮಯಾ॒ ಗಿರಿ॑ಶನ್ತಾ॒ಭಿ ಚಾ॑ಕಶೀಹಿ ॥ ಯಾಮಿಷು॑-ಙ್ಗಿರಿಶನ್ತ॒ ಹಸ್ತೇ॒ [ಹಸ್ತೇ᳚, ಬಿಭ॒ರ್ಷ್ಯಸ್ತ॑ವೇ ।] 1
ಬಿಭ॒ರ್ಷ್ಯಸ್ತ॑ವೇ । ಶಿ॒ವಾ-ಙ್ಗಿ॑ರಿತ್ರ॒ ತಾ-ಙ್ಕು॑ರು॒ ಮಾ ಹಿಗ್ಂ॑ಸೀಃ॒ ಪುರು॑ಷ॒-ಞ್ಜಗ॑ತ್ ॥ ಶಿ॒ವೇನ॒ ವಚ॑ಸಾ ತ್ವಾ॒ ಗಿರಿ॒ಶಾಚ್ಛಾ॑ ವದಾಮಸಿ । ಯಥಾ॑ ನ॒-ಸ್ಸರ್ವ॒ಮಿ-ಜ್ಜಗ॑ದಯ॒ಖ್ಷ್ಮಗ್ಂ ಸು॒ಮನಾ॒ ಅಸ॑ತ್ ॥ ಅದ್ಧ್ಯ॑ವೋಚದಧಿವ॒ಕ್ತಾ ಪ್ರ॑ಥ॒ಮೋ ದೈವ್ಯೋ॑ ಭಿ॒ಷಕ್ । ಅಹೀಗ್॑ಶ್ಚ॒ ಸರ್ವಾ᳚ನ್ ಜ॒ಭಂಯಁ॒ನ್-ಥ್ಸರ್ವಾ᳚ಶ್ಚ ಯಾತು ಧಾ॒ನ್ಯಃ॑ ॥ ಅ॒ಸೌ ಯಸ್ತಾ॒ಮ್ರೋ ಅ॑ರು॒ಣ ಉ॒ತ ಬ॒ಭ್ರು-ಸ್ಸು॑ಮ॒ಙ್ಗಲಃ॑ । ಯೇ ಚೇ॒ಮಾಗ್ಂ ರು॒ದ್ರಾ ಅ॒ಭಿತೋ॑ ದಿ॒ಖ್ಷು [ ] 2
ಶ್ರಿ॒ತಾ-ಸ್ಸ॑ಹಸ್ರ॒ಶೋ ಽವೈ॑ಷಾ॒ಗ್ಂ॒ ಹೇಡ॑ ಈಮಹೇ ॥ ಅ॒ಸೌ ಯೋ॑ ಽವ॒ಸರ್ಪ॑ತಿ॒ ನೀಲ॑ಗ್ರೀವೋ॒ ವಿಲೋ॑ಹಿತಃ । ಉ॒ತೈನ॑-ಙ್ಗೋ॒ಪಾ ಅ॑ದೃಶ॒-ನ್ನದೃ॑ಶ-ನ್ನುದಹಾ॒ರ್ಯಃ॑ । ಉ॒ತೈನಂ॒-ವಿಁಶ್ವಾ॑ ಭೂ॒ತಾನಿ॒ ಸ ದೃ॒ಷ್ಟೋ ಮೃ॑ಡಯಾತಿ ನಃ ॥ ನಮೋ॑ ಅಸ್ತು॒ ನೀಲ॑ಗ್ರೀವಾಯ ಸಹಸ್ರಾ॒ಖ್ಷಾಯ॑ ಮೀ॒ಢುಷೇ᳚ । ಅಥೋ॒ ಯೇ ಅ॑ಸ್ಯ॒ ಸತ್ವಾ॑ನೋ॒-ಽಹ-ನ್ತೇಭ್ಯೋ॑ ಽಕರ॒ನ್ನಮಃ॑ ॥ ಪ್ರಮು॑ಞ್ಚ॒ ಧನ್ವ॑ನ॒ಸ್ತ್ವ ಮು॒ಭಯೋ॒-ರಾರ್ತ್ನಿ॑ಯೋ॒ರ್ಜ್ಯಾಮ್ । ಯಾಶ್ಚ॑ ತೇ॒ ಹಸ್ತ॒ ಇಷ॑ವಃ॒ [ಇಷ॑ವಃ, ಪರಾ॒ ತಾ ಭ॑ಗವೋ ವಪ ।] 3
ಪರಾ॒ ತಾ ಭ॑ಗವೋ ವಪ ॥ ಅ॒ವ॒ತತ್ಯ॒ ಧನು॒ಸ್ತ್ವಗ್ಂ ಸಹ॑ಸ್ರಾಖ್ಷ॒ ಶತೇ॑ಷುಧೇ । ನಿ॒ಶೀರ್ಯ॑ ಶ॒ಲ್ಯಾನಾ॒-ಮ್ಮುಖಾ॑ ಶಿ॒ವೋ ನ॑-ಸ್ಸು॒ಮನಾ॑ ಭವ ॥ ವಿಜ್ಯ॒-ನ್ಧನುಃ॑ ಕಪ॒ರ್ದಿನೋ॒ ವಿಶ॑ಲ್ಯೋ॒ ಬಾಣ॑ವಾಗ್ಂ ಉ॒ತ । ಅನೇ॑ಶನ್ನ॒ಸ್ಯೇಷ॑ವ ಆ॒ಭುರ॑ಸ್ಯ ನಿಷ॒ಙ್ಗಥಿಃ॑ ॥ ಯಾ ತೇ॑ ಹೇ॒ತಿ-ರ್ಮೀ॑ಢುಷ್ಟಮ॒ ಹಸ್ತೇ॑ ಬ॒ಭೂವ॑ ತೇ॒ ಧನುಃ॑ । ತಯಾ॒-ಽಸ್ಮಾನ್. ವಿ॒ಶ್ವತ॒ ಸ್ತ್ವಮ॑ಯ॒ಖ್ಷ್ಮಯಾ॒ ಪರಿ॑ಬ್ಭುಜ ॥ ನಮ॑ಸ್ತೇ ಅ॒ಸ್ತ್ವಾಯು॑ಧಾ॒ಯಾ-ನಾ॑ತತಾಯ ಧೃ॒ಷ್ಣವೇ᳚ । ಉ॒ಭಾಭ್ಯಾ॑ ಮು॒ತ ತೇ॒ ನಮೋ॑ ಬಾ॒ಹುಭ್ಯಾ॒-ನ್ತವ॒ ಧನ್ವ॑ನೇ ॥ ಪರಿ॑ ತೇ॒ ಧನ್ವ॑ನೋ ಹೇ॒ತಿರ॒ಸ್ಮಾನ್-ವೃ॑ಣಕ್ತು ವಿ॒ಶ್ವತಃ॑ । ಅಥೋ॒ ಯ ಇ॑ಷು॒ಧಿಸ್ತವಾ॒ರೇ ಅ॒ಸ್ಮ-ನ್ನಿಧೇ॑ಹಿ॒ ತಮ್ ॥ 4 ॥ (ಹಸ್ತೇ॑ - ದಿ॒ಖ್ಷ್ವಿ - ಷ॑ವ - ಉ॒ಭಾಭ್ಯಾಂ॒ - ದ್ವಾವಿಗ್ಂ॑ಶತಿಶ್ಚ) (ಅ. 1)
ನಮೋ॒ ಹಿರ॑ಣ್ಯ ಬಾಹವೇ ಸೇನಾ॒ನ್ಯೇ॑ ದಿ॒ಶಾಞ್ಚ॒ ಪತ॑ಯೇ॒ ನಮೋ॒ ನಮೋ॑ ವೃ॒ಖ್ಷೇಭ್ಯೋ॒ ಹರಿ॑ಕೇಶೇಭ್ಯಃ ಪಶೂ॒ನಾ-ಮ್ಪತ॑ಯೇ॒ ನಮೋ॒ ನಮ॑-ಸ್ಸ॒ಸ್ಪಿಞ್ಜ॑ರಾಯ॒ ತ್ವಿಷೀ॑ಮತೇ ಪಥೀ॒ನಾ-ಮ್ಪತ॑ಯೇ॒ ನಮೋ॒ ನಮೋ॑ ಬಭ್ಲು॒ಶಾಯ॑ ವಿವ್ಯಾ॒ಧಿನೇ-ಽನ್ನಾ॑ನಾ॒-ಮ್ಪತ॑ಯೇ॒ ನಮೋ॒ ನಮೋ॒ ಹರಿ॑ಕೇಶಾಯೋ-ಪವೀ॒ತಿನೇ॑ ಪು॒ಷ್ಟಾನಾ॒-ಮ್ಪತ॑ಯೇ॒ ನಮೋ॒ ನಮೋ॑ ಭ॒ವಸ್ಯ॑ ಹೇ॒ತ್ಯೈ ಜಗ॑ತಾ॒-ಮ್ಪತ॑ಯೇ॒ ನಮೋ॒ ನಮೋ॑ ರು॒ದ್ರಾಯಾ॑-ತತಾ॒ವಿನೇ॒ ಖ್ಷೇತ್ರಾ॑ಣಾ॒-ಮ್ಪತ॑ಯೇ॒ ನಮೋ॒ ನಮ॑-ಸ್ಸೂ॒ತಾಯಾ-ಹ॑ನ್ತ್ಯಾಯ॒ ವನಾ॑ನಾ॒-ಮ್ಪತ॑ಯೇ॒ ನಮೋ॒ ನಮೋ॒ [ನಮಃ॑, ರೋಹಿ॑ತಾಯ] 5
ರೋಹಿ॑ತಾಯ ಸ್ಥ॒ಪತ॑ಯೇ ವೃ॒ಖ್ಷಾಣಾ॒-ಮ್ಪತ॑ಯೇ॒ ನಮೋ॒ ನಮೋ॑ ಮ॒ನ್ತ್ರಿಣೇ॑ ವಾಣಿ॒ಜಾಯ॒ ಕಖ್ಷಾ॑ಣಾ॒-ಮ್ಪತ॑ಯೇ॒ ನಮೋ॒ ನಮೋ॑ ಭುವ॒ನ್ತಯೇ॑ ವಾರಿವಸ್ಕೃ॒ತಾ-ಯೌಷ॑ಧೀನಾ॒-ಮ್ಪತ॑ಯೇ॒ ನಮೋ॒ ನಮ॑ ಉ॒ಚ್ಚೈ-ರ್ಘೋ॑ಷಾಯಾ ಕ್ರ॒ನ್ದಯ॑ತೇ ಪತ್ತೀ॒ನಾ-ಮ್ಪತ॑ಯೇ॒ ನಮೋ॒ ನಮಃ॑ ಕೃಥ್ಸ್ನವೀ॒ತಾಯ॒ ಧಾವ॑ತೇ॒ ಸತ್ತ್ವ॑ನಾ॒-ಮ್ಪತ॑ಯೇ॒ ನಮಃ॑ ॥ 6 ॥ (ವನಾ॑ನಾ॒-ಮ್ಪತ॑ಯೇ॒ ನಮೋ॒ ನಮ॒ - ಏಕಾ॒ನ್ನತ್ರಿ॒ಗ್ಂ॒ಶಚ್ಚ॑ ) (ಅ. 2)
ನಮ॒-ಸ್ಸಹ॑ಮಾನಾಯ ನಿವ್ಯಾ॒ಧಿನ॑ ಆವ್ಯಾ॒ಧಿನೀ॑ನಾ॒-ಮ್ಪತ॑ಯೇ॒ ನಮೋ॒ ನಮಃ॑ ಕಕು॒ಭಾಯ॑ ನಿಷ॒ಙ್ಗಿಣೇ᳚ ಸ್ತೇ॒ನಾನಾ॒-ಮ್ಪತ॑ಯೇ॒ ನಮೋ॒ ನಮೋ॑ ನಿಷ॒ಙ್ಗಿಣ॑ ಇಷುಧಿ॒ಮತೇ॒ ತಸ್ಕ॑ರಾಣಾ॒-ಮ್ಪತ॑ಯೇ॒ ನಮೋ॒ ನಮೋ॒ ವಞ್ಚ॑ತೇ ಪರಿ॒ವಞ್ಚ॑ತೇ ಸ್ತಾಯೂ॒ನಾ-ಮ್ಪತ॑ಯೇ॒ ನಮೋ॒ ನಮೋ॑ ನಿಚೇ॒ರವೇ॑ ಪರಿಚ॒ರಾಯಾರ॑ಣ್ಯಾನಾ॒-ಮ್ಪತ॑ಯೇ॒ ನಮೋ॒ ನಮ॑-ಸ್ಸೃಕಾ॒ವಿಭ್ಯೋ॒ ಜಿಘಾಗ್ಂ॑ಸದ್ಭ್ಯೋ ಮುಷ್ಣ॒ತಾ-ಮ್ಪತ॑ಯೇ॒ ನಮೋ॒ ನಮೋ॑ ಽಸಿ॒ಮದ್ಭ್ಯೋ॒ ನಕ್ತ॒-ಞ್ಚರ॑ದ್ಭ್ಯಃ ಪ್ರಕೃ॒ನ್ತಾನಾ॒-ಮ್ಪತ॑ಯೇ॒ ನಮೋ॒ ನಮ॑ ಉಷ್ಣೀ॒ಷಿಣೇ॑ ಗಿರಿಚ॒ರಾಯ॑ ಕುಲು॒ಞ್ಚಾನಾ॒-ಮ್ಪತ॑ಯೇ॒ ನಮೋ॒ ನಮ॒ [ನಮಃ॑, ಇಷು॑ಮದ್ಭ್ಯೋ] 7
ಇಷು॑ಮದ್ಭ್ಯೋ ಧನ್ವಾ॒ವಿಭ್ಯ॑ಶ್ಚ ವೋ॒ ನಮೋ॒ ನಮ॑ ಆತನ್ವಾ॒ನೇಭ್ಯಃ॑ ಪ್ರತಿ॒ದಧಾ॑ನೇಭ್ಯಶ್ಚ ವೋ॒ ನಮೋ॒ ನಮ॑ ಆ॒ಯಚ್ಛ॑ದ್ಭ್ಯೋ ವಿಸೃ॒ಜದ್ಭ್ಯ॑ಶ್ಚ ವೋ॒ ನಮೋ॒ ನಮೋ-ಽಸ್ಯ॑ದ್ಭ್ಯೋ॒ ವಿದ್ಧ್ಯ॑ದ್ಭ್ಯಶ್ಚ ವೋ॒ ನಮೋ॒ ನಮ॒ ಆಸೀ॑ನೇಭ್ಯ॒-ಶ್ಶಯಾ॑ನೇಭ್ಯಶ್ಚ ವೋ॒ ನಮೋ॒ ನಮ॑-ಸ್ಸ್ವ॒ಪದ್ಭ್ಯೋ॒ ಜಾಗ್ರ॑ದ್ಭ್ಯಶ್ಚ ವೋ॒ ನಮೋ॒ ನಮ॒ಸ್ತಿಷ್ಠ॑ದ್ಭ್ಯೋ॒ ಧಾವ॑ದ್ಭ್ಯಶ್ಚ ವೋ॒ ನಮೋ॒ ನಮ॑-ಸ್ಸ॒ಭಾಭ್ಯ॑-ಸ್ಸ॒ಭಾಪ॑ತಿಭ್ಯಶ್ಚ ವೋ॒ ನಮೋ॒ ನಮೋ॒ ಅಶ್ವೇ॒ಭ್ಯೋ ಽಶ್ವ॑ಪತಿಭ್ಯ ಶ್ಚ ವೋ॒ ನಮಃ॑ ॥ 8 ॥ (ಕು॒ಲು॒ಞ್ಚಾನಾ॒-ಮ್ಪತ॑ಯೇ॒ ನಮೋ॒ ನಮೋ - ಽಶ್ವ॑ಪತಿಭ್ಯ॒ - ಸ್ತ್ರೀಣಿ॑ ಚ) (ಅ. 3)
ನಮ॑ ಆವ್ಯಾ॒ಧಿನೀ᳚ಭ್ಯೋ ವಿ॒ವಿದ್ಧ್ಯ॑ನ್ತೀಭ್ಯಶ್ಚ ವೋ॒ ನಮೋ॒ ನಮ॒ ಉಗ॑ಣಾಭ್ಯ-ಸ್ತೃಗ್ಂಹ॒ತೀಭ್ಯ॑ಶ್ಚ ವೋ॒ ನಮೋ॒ ನಮೋ॑ ಗೃ॒ಥ್ಸೇಭ್ಯೋ॑ ಗೃ॒ಥ್ಸಪ॑ತಿಭ್ಯಶ್ಚ ವೋ॒ ನಮೋ॒ ನಮೋ॒ ವ್ರಾತೇ᳚ಭ್ಯೋ॒ ವ್ರಾತ॑ಪತಿಭ್ಯಶ್ಚ ವೋ॒ ನಮೋ॒ ನಮೋ॑ ಗ॒ಣೇಭ್ಯೋ॑ ಗ॒ಣಪ॑ತಿಭ್ಯಶ್ಚ ವೋ॒ ನಮೋ॒ ನಮೋ॒ ವಿರೂ॑ಪೇಭ್ಯೋ ವಿ॒ಶ್ವರೂ॑ಪೇಭ್ಯಶ್ಚ ವೋ॒ ನಮೋ॒ ನಮೋ॑ ಮ॒ಹದ್ಭ್ಯಃ॑, ಖ್ಷುಲ್ಲ॒ಕೇಭ್ಯ॑ಶ್ಚ ವೋ॒ ನಮೋ॒ ನಮೋ॑ ರ॒ಥಿಭ್ಯೋ॑-ಽರ॒ಥೇಭ್ಯ॑ಶ್ಚ ವೋ॒ ನಮೋ॒ ನಮೋ॒ ರಥೇ᳚ಭ್ಯೋ॒ [ನಮೋ॒ ರಥೇ᳚ಭ್ಯಃ, ರಥ॑ಪತಿಭ್ಯಶ್ಚ] 9
ರಥ॑ಪತಿಭ್ಯಶ್ಚ ವೋ॒ ನಮೋ॒ ನಮ॒-ಸ್ಸೇನಾ᳚ಭ್ಯ-ಸ್ಸೇನಾ॒ನಿಭ್ಯ॑ಶ್ಚ ವೋ॒ ನಮೋ॒ ನಮಃ॑, ಖ್ಷ॒ತ್ತೃಭ್ಯ॑-ಸ್ಸಙ್ಗ್ರಹೀ॒ತೃಭ್ಯ॑ಶ್ಚ ವೋ॒ ನಮೋ॒ ನಮ॒ಸ್ತಖ್ಷ॑ಭ್ಯೋ ರಥಕಾ॒ರೇಭ್ಯ॑ಶ್ಚ ವೋ॒ ನಮೋ॒ ನಮಃ॒ ಕುಲಾ॑ಲೇಭ್ಯಃ ಕ॒ರ್ಮಾರೇ᳚ಭ್ಯಶ್ಚ ವೋ॒ ನಮೋ॒ ನಮಃ॑ ಪು॒ಞ್ಜಿಷ್ಟೇ᳚ಭ್ಯೋ ನಿಷಾ॒ದೇಭ್ಯ॑ಶ್ಚ ವೋ॒ ನಮೋ॒ ನಮ॑ ಇಷು॒ಕೃದ್ಭ್ಯೋ॑ ಧನ್ವ॒ಕೃದ್ಭ್ಯ॑ಶ್ಚ ವೋ॒ ನಮೋ॒ ನಮೋ॑ ಮೃಗ॒ಯುಭ್ಯ॑-ಶ್ಶ್ವ॒ನಿಭ್ಯ॑ಶ್ಚ ವೋ॒ ನಮೋ॒ ನಮ॒-ಶ್ಶ್ವಭ್ಯ॒-ಶ್ಶ್ವಪ॑ತಿಭ್ಯಶ್ಚ ವೋ॒ ನಮಃ॑ ॥ 10 ॥ (ರಥೇ᳚ಭ್ಯಃ॒ - ಶ್ವಪ॑ತಿಭ್ಯಶ್ಚ॒ - ದ್ವೇ ಚ॑ ) (ಅ. 4)
ನಮೋ॑ ಭ॒ವಾಯ॑ ಚ ರು॒ದ್ರಾಯ॑ ಚ॒ ನಮ॑-ಶ್ಶ॒ರ್ವಾಯ॑ ಚ ಪಶು॒ಪತ॑ಯೇ ಚ॒ ನಮೋ॒ ನೀಲ॑ಗ್ರೀವಾಯ ಚ ಶಿತಿ॒ಕಣ್ಠಾ॑ಯ ಚ॒ ನಮಃ॑ ಕಪ॒ರ್ದಿನೇ॑ ಚ॒ ವ್ಯು॑ಪ್ತಕೇಶಾಯ ಚ॒ ನಮ॑-ಸ್ಸಹಸ್ರಾ॒ಖ್ಷಾಯ॑ ಚ ಶ॒ತಧ॑ನ್ವನೇ ಚ॒ ನಮೋ॑ ಗಿರಿ॒ಶಾಯ॑ ಚ ಶಿಪಿವಿ॒ಷ್ಟಾಯ॑ ಚ॒ ನಮೋ॑ ಮೀ॒ಢುಷ್ಟ॑ಮಾಯ॒ ಚೇಷು॑ಮತೇ ಚ॒ ನಮೋ᳚ ಹ್ರ॒ಸ್ವಾಯ॑ ಚ ವಾಮ॒ನಾಯ॑ ಚ॒ ನಮೋ॑ ಬೃಹ॒ತೇ ಚ॒ ವರ್ಷೀ॑ಯಸೇ ಚ॒ ನಮೋ॑ ವೃ॒ದ್ಧಾಯ॑ ಚ ಸಂ॒ವೃಁದ್ಧ್ವ॑ನೇ ಚ॒ [ಸಂ॒ವೃಁದ್ಧ್ವ॑ನೇ ಚ, ನಮೋ॒ ಅಗ್ರಿ॑ಯಾಯ ಚ] 11
ನಮೋ॒ ಅಗ್ರಿ॑ಯಾಯ ಚ ಪ್ರಥ॒ಮಾಯ॑ ಚ॒ ನಮ॑ ಆ॒ಶವೇ॑ ಚಾಜಿ॒ರಾಯ॑ ಚ॒ ನಮ॒ಸ್ಶೀಘ್ರಿ॑ಯಾಯ ಚ॒ ಶೀಭ್ಯಾ॑ಯ ಚ॒ ನಮ॑ ಊ॒ರ್ಮ್ಯಾ॑ಯ ಚಾವಸ್ವ॒ನ್ಯಾ॑ಯ ಚ॒ ನಮ॑-ಸ್ಸ್ರೋತ॒ಸ್ಯಾ॑ಯ ಚ॒ ದ್ವೀಪ್ಯಾ॑ಯ ಚ ॥ 12 ॥ (ಸಂ॒ವೃಁದ್ಧ್ವ॑ನೇ ಚ॒ - ಪಞ್ಚ॑ವಿಗ್ಂಶತಿಶ್ಚ) (ಅ. 5)
ನಮೋ᳚ ಜ್ಯೇ॒ಷ್ಠಾಯ॑ ಚ ಕನಿ॒ಷ್ಠಾಯ॑ ಚ॒ ನಮಃ॑ ಪೂರ್ವ॒ಜಾಯ॑ ಚಾಪರ॒ಜಾಯ॑ ಚ॒ ನಮೋ॑ ಮದ್ಧ್ಯ॒ಮಾಯ॑ ಚಾಪಗ॒ಲ್ಭಾಯ॑ ಚ॒ ನಮೋ॑ ಜಘ॒ನ್ಯಾ॑ಯ ಚ॒ ಬುದ್ಧ್ನಿ॑ಯಾಯ ಚ॒ ನಮ॑-ಸ್ಸೋ॒ಭ್ಯಾ॑ಯ ಚ ಪ್ರತಿಸ॒ರ್ಯಾ॑ಯ ಚ॒ ನಮೋ॒ ಯಾಮ್ಯಾ॑ಯ ಚ॒ ಖ್ಷೇಮ್ಯಾ॑ಯ ಚ॒ ನಮ॑ ಉರ್ವ॒ರ್ಯಾ॑ಯ ಚ॒ ಖಲ್ಯಾ॑ಯ ಚ॒ ನಮ॒-ಶ್ಶ್ಲೋಕ್ಯಾ॑ಯ ಚಾವಸಾ॒ನ್ಯಾ॑ಯ ಚ॒ ನಮೋ॒ ವನ್ಯಾ॑ಯ ಚ॒ ಕಖ್ಷ್ಯಾ॑ಯ ಚ॒ ನಮ॑-ಶ್ಶ್ರ॒ವಾಯ॑ ಚ ಪ್ರತಿಶ್ರ॒ವಾಯ॑ ಚ॒ [ಪ್ರತಿಶ್ರ॒ವಾಯ॑ ಚ, ನಮ॑ ಆ॒ಶುಷೇ॑ಣಾಯ] 13
ನಮ॑ ಆ॒ಶುಷೇ॑ಣಾಯ ಚಾ॒ಶುರ॑ಥಾಯ ಚ॒ ನಮ॒-ಶ್ಶೂರಾ॑ಯ ಚಾವಭಿನ್ದ॒ತೇ ಚ॒ ನಮೋ॑ ವ॒ರ್ಮಿಣೇ॑ ಚ ವರೂ॒ಥಿನೇ॑ ಚ॒ ನಮೋ॑ ಬಿ॒ಲ್ಮಿನೇ॑ ಚ ಕವ॒ಚಿನೇ॑ ಚ॒ ನಮ॑-ಶ್ಶ್ರು॒ತಾಯ॑ ಚ ಶ್ರುತಸೇ॒ನಾಯ॑ ಚ ॥ 14 ॥ (ಪ್ರ॒ತಿ॒ಶ್ರ॒ವಾಯ॑ ಚ॒ - ಪಞ್ಚ॑ವಿಗ್ಂಶತಿಶ್ಚ) (ಅ. 6)
ನಮೋ॑ ದುನ್ದು॒ಭ್ಯಾ॑ಯ ಚಾಹನ॒ನ್ಯಾ॑ಯ ಚ॒ ನಮೋ॑ ಧೃ॒ಷ್ಣವೇ॑ ಚ ಪ್ರಮೃ॒ಶಾಯ॑ ಚ॒ ನಮೋ॑ ದೂ॒ತಾಯ॑ ಚ॒ ಪ್ರಹಿ॑ತಾಯ ಚ॒ ನಮೋ॑ ನಿಷ॒ಙ್ಗಿಣೇ॑ ಚೇಷುಧಿ॒ಮತೇ॑ ಚ॒ ನಮ॑ ಸ್ತೀ॒ಖ್ಷ್ಣೇಷ॑ವೇ ಚಾಯು॒ಧಿನೇ॑ ಚ॒ ನಮ॑-ಸ್ಸ್ವಾಯು॒ಧಾಯ॑ ಚ ಸು॒ಧನ್ವ॑ನೇ ಚ॒ ನಮ॒-ಸ್ಸ್ರುತ್ಯಾ॑ಯ ಚ॒ ಪಥ್ಯಾ॑ಯ ಚ॒ ನಮಃ॑ ಕಾ॒ಟ್ಯಾ॑ಯ ಚ ನೀ॒ಪ್ಯಾ॑ಯ ಚ॒ ನಮ॒-ಸ್ಸೂದ್ಯಾ॑ಯ ಚ ಸರ॒ಸ್ಯಾ॑ಯ ಚ॒ ನಮೋ॑ ನಾ॒ದ್ಯಾಯ॑ ಚ ವೈಶ॒ನ್ತಾಯ॑ ಚ॒ [ವೈಶ॒ನ್ತಾಯ॑ ಚ, ನಮಃ॒ ಕೂಪ್ಯಾ॑ಯ] 15
ನಮಃ॒ ಕೂಪ್ಯಾ॑ಯ ಚಾವ॒ಟ್ಯಾ॑ಯ ಚ॒ ನಮೋ॒ ವರ್ಷ್ಯಾ॑ಯ ಚಾವ॒ರ್ಷ್ಯಾಯ॑ ಚ॒ ನಮೋ॑ ಮೇ॒ಘ್ಯಾ॑ಯ ಚ ವಿದ್ಯು॒ತ್ಯಾ॑ಯ ಚ॒ ನಮ॑ ಈ॒ದ್ಧ್ರಿಯಾ॑ಯ ಚಾತ॒ಪ್ಯಾ॑ಯ ಚ॒ ನಮೋ॒ ವಾತ್ಯಾ॑ಯ ಚ॒ ರೇಷ್ಮಿ॑ಯಾಯ ಚ॒ ನಮೋ॑ ವಾಸ್ತ॒ವ್ಯಾ॑ಯ ಚ ವಾಸ್ತು॒ಪಾಯ॑ ಚ ॥ 16 ॥ (ವೈ॒ಶ॒ನ್ತಾಯ॑ ಚ - ತ್ರಿ॒ಗ್ಂ॒ಶಚ್ಚ॑) (ಅ. 7)
ನಮ॒-ಸ್ಸೋಮಾ॑ಯ ಚ ರು॒ದ್ರಾಯ॑ ಚ॒ ನಮ॑ಸ್ತಾ॒ಮ್ರಾಯ॑ ಚಾರು॒ಣಾಯ॑ ಚ॒ ನಮ॑-ಶ್ಶ॒ಙ್ಗಾಯ॑ ಚ ಪಶು॒ಪತ॑ಯೇ ಚ॒ ನಮ॑ ಉ॒ಗ್ರಾಯ॑ ಚ ಭೀ॒ಮಾಯ॑ ಚ॒ ನಮೋ॑ ಅಗ್ರೇವ॒ಧಾಯ॑ ಚ ದೂರೇವ॒ಧಾಯ॑ ಚ॒ ನಮೋ॑ ಹ॒ನ್ತ್ರೇ ಚ॒ ಹನೀ॑ಯಸೇ ಚ॒ ನಮೋ॑ ವೃ॒ಖ್ಷೇಭ್ಯೋ॒ ಹರಿ॑ಕೇಶೇಭ್ಯೋ॒ ನಮ॑ಸ್ತಾ॒ರಾಯ॒ ನಮ॑-ಶ್ಶ॒ಮ್ಭವೇ॑ ಚ ಮಯೋ॒ಭವೇ॑ ಚ॒ ನಮ॑-ಶ್ಶಙ್ಕ॒ರಾಯ॑ ಚ ಮಯಸ್ಕ॒ರಾಯ॑ ಚ॒ ನಮ॑-ಶ್ಶಿ॒ವಾಯ॑ ಚ ಶಿ॒ವತ॑ರಾಯ ಚ॒ [ಶಿ॒ವತ॑ರಾಯ ಚ, ನಮ॒ಸ್ತೀರ್ಥ್ಯಾ॑ಯ ಚ॒] 17
ನಮ॒ಸ್ತೀರ್ಥ್ಯಾ॑ಯ ಚ॒ ಕೂಲ್ಯಾ॑ಯ ಚ॒ ನಮಃ॑ ಪಾ॒ರ್ಯಾ॑ಯ ಚಾವಾ॒ರ್ಯಾ॑ಯ ಚ॒ ನಮಃ॑ ಪ್ರ॒ತರ॑ಣಾಯ ಚೋ॒ತ್ತರ॑ಣಾಯ ಚ॒ ನಮ॑ ಆತಾ॒ರ್ಯಾ॑ಯ ಚಾಲಾ॒ದ್ಯಾ॑ಯ ಚ॒ ನಮ॒-ಶ್ಶಷ್ಪ್ಯಾ॑ಯ ಚ॒ ಫೇನ್ಯಾ॑ಯ ಚ॒ ನಮ॑-ಸ್ಸಿಕ॒ತ್ಯಾ॑ಯ ಚ ಪ್ರವಾ॒ಹ್ಯಾ॑ಯ ಚ ॥ 18 ॥ (ಶಿ॒ವತ॑ರಾಯ ಚ - ತ್ರಿ॒ಗ್ಂ॒ಶಚ್ಚ॑) (ಅ. 8)
ನಮ॑ ಇರಿ॒ಣ್ಯಾ॑ಯ ಚ ಪ್ರಪ॒ಥ್ಯಾ॑ಯ ಚ॒ ನಮಃ॑ ಕಿಗ್ಂಶಿ॒ಲಾಯ॑ ಚ॒ ಖ್ಷಯ॑ಣಾಯ ಚ॒ ನಮಃ॑ ಕಪ॒ರ್ದಿನೇ॑ ಚ ಪುಲ॒ಸ್ತಯೇ॑ ಚ॒ ನಮೋ॒ ಗೋಷ್ಠ್ಯಾ॑ಯ ಚ॒ ಗೃಹ್ಯಾ॑ಯ ಚ॒ ನಮ॒ಸ್ತಲ್ಪ್ಯಾ॑ಯ ಚ॒ ಗೇಹ್ಯಾ॑ಯ ಚ॒ ನಮಃ॑ ಕಾ॒ಟ್ಯಾ॑ಯ ಚ ಗಹ್ವರೇ॒ಷ್ಠಾಯ॑ ಚ॒ ನಮೋ᳚ ಹ್ರದ॒ಯ್ಯಾ॑ಯ ಚ ನಿವೇ॒ಷ್ಪ್ಯಾ॑ಯ ಚ॒ ನಮಃ॑ ಪಾಗ್ಂಸ॒ವ್ಯಾ॑ಯ ಚ ರಜ॒ಸ್ಯಾ॑ಯ ಚ॒ ನಮ॒-ಶ್ಶುಷ್ಕ್ಯಾ॑ಯ ಚ ಹರಿ॒ತ್ಯಾ॑ಯ ಚ॒ ನಮೋ॒ ಲೋಪ್ಯಾ॑ಯ ಚೋಲ॒ಪ್ಯಾ॑ಯ ಚ॒ [ಚೋಲ॒ಪ್ಯಾ॑ಯ ಚ, ನಮ॑ ಊ॒ರ್ವ್ಯಾ॑ಯ ಚ] 19
ನಮ॑ ಊ॒ರ್ವ್ಯಾ॑ಯ ಚ ಸೂ॒ರ್ಮ್ಯಾ॑ಯ ಚ॒ ನಮಃ॑ ಪ॒ರ್ಣ್ಯಾ॑ಯ ಚ ಪರ್ಣಶ॒ದ್ಯಾ॑ಯ ಚ॒ ನಮೋ॑-ಽಪಗು॒ರಮಾ॑ಣಾಯ ಚಾಭಿಘ್ನ॒ತೇ ಚ॒ ನಮ॑ ಆಕ್ಖಿದ॒ತೇ ಚ॑ ಪ್ರಕ್ಖಿದ॒ತೇ ಚ॒ ನಮೋ॑ ವಃ ಕಿರಿ॒ಕೇಭ್ಯೋ॑ ದೇ॒ವಾನಾ॒ಗ್ಂ॒ ಹೃದ॑ಯೇಭ್ಯೋ॒ ನಮೋ॑ ವಿಖ್ಷೀಣ॒ಕೇಭ್ಯೋ॒ ನಮೋ॑ ವಿಚಿನ್ವ॒ತ್ಕೇಭ್ಯೋ॒ ನಮ॑ ಆನಿರ್-ಹ॒ತೇಭ್ಯೋ॒ ನಮ॑ ಆಮೀವ॒ತ್ಕೇಭ್ಯಃ॑ ॥ 20 ॥ (ಉ॒ಲ॒ಪ್ಯಾ॑ಯ ಚ॒ - ತ್ರಯ॑ಸ್ತ್ರಿಗ್ಂಶಚ್ಚ॑) (ಅ. 9)
ದ್ರಾಪೇ॒ ಅನ್ಧ॑ಸಸ್ಪತೇ॒ ದರಿ॑ದ್ರ॒ನ್ನೀಲ॑ಲೋಹಿತ । ಏ॒ಷಾ-ಮ್ಪುರು॑ಷಾಣಾಮೇ॒ಷಾ-ಮ್ಪ॑ಶೂ॒ನಾ-ಮ್ಮಾ ಭೇ ರ್ಮಾ-ಽರೋ॒ ಮೋ ಏ॑ಷಾ॒-ಙ್ಕಿಞ್ಚ॒ನಾಮ॑ಮತ್ ॥ ಯಾ ತೇ॑ ರುದ್ರ ಶಿ॒ವಾ ತ॒ನೂ-ಶ್ಶಿ॒ವಾ ವಿ॒ಶ್ವಾಹ॑ಭೇಷಜೀ । ಶಿ॒ವಾ ರು॒ದ್ರಸ್ಯ॑ ಭೇಷ॒ಜೀ ತಯಾ॑ ನೋ ಮೃಡ ಜೀ॒ವಸೇ᳚ ॥ ಇ॒ಮಾಗ್ಂ ರು॒ದ್ರಾಯ॑ ತ॒ವಸೇ॑ ಕಪ॒ರ್ದಿನೇ᳚ ಖ್ಷ॒ಯದ್ವೀ॑ರಾಯ॒ ಪ್ರಭ॑ರಾಮಹೇ ಮ॒ತಿಮ್ । ಯಥಾ॑ ನ॒-ಶ್ಶಮಸ॑-ದ್ದ್ವಿ॒ಪದೇ॒ ಚತು॑ಷ್ಪದೇ॒ ವಿಶ್ವ॑-ಮ್ಪು॒ಷ್ಟ-ಙ್ಗ್ರಾಮೇ॑ ಅ॒ಸ್ಮಿ- [ಅ॒ಸ್ಮಿನ್ನ್, ಅನಾ॑ತುರಮ್ ।] 21
-ನ್ನನಾ॑ತುರಮ್ ॥ ಮೃ॒ಡಾ ನೋ॑ ರುದ್ರೋ॒ ತನೋ॒ ಮಯ॑ಸ್ಕೃಧಿ ಖ್ಷ॒ಯದ್ವೀ॑ರಾಯ॒ ನಮ॑ಸಾ ವಿಧೇಮ ತೇ । ಯಚ್ಛ-ಞ್ಚ॒ ಯೋಶ್ಚ॒ ಮನು॑ರಾಯ॒ಜೇ ಪಿ॒ತಾ ತದ॑ಶ್ಯಾಮ॒ ತವ॑ ರುದ್ರ॒ ಪ್ರಣೀ॑ತೌ ॥ ಮಾ ನೋ॑ ಮ॒ಹಾನ್ತ॑ಮು॒ತ ಮಾ ನೋ॑ ಅರ್ಭ॒ಕ-ಮ್ಮಾ ನ॒ ಉಖ್ಷ॑ನ್ತಮು॒ತ ಮಾ ನ॑ ಉಖ್ಷಿ॒ತಮ್ । ಮಾ ನೋ॑ ವಧೀಃ ಪಿ॒ತರ॒-ಮ್ಮೋತ ಮಾ॒ತರ॑-ಮ್ಪ್ರಿ॒ಯಾ ಮಾ ನ॑ಸ್ತ॒ನುವೋ॑ [ಮಾ ನ॑ಸ್ತ॒ನುವಃ॑, ರು॒ದ್ರ॒ ರೀ॒ರಿ॒ಷಃ॒ ।] 22
ರುದ್ರ ರೀರಿಷಃ ॥ ಮಾ ನ॑ಸ್ತೋ॒ಕೇ ತನ॑ಯೇ॒ ಮಾ ನ॒ ಆಯು॑ಷಿ॒ ಮಾ ನೋ॒ ಗೋಷು॒ ಮಾ ನೋ॒ ಅಶ್ವೇ॑ಷು ರೀರಿಷಃ । ವೀ॒ರಾ-ನ್ಮಾನೋ॑ ರುದ್ರ ಭಾಮಿ॒ತೋ ವ॑ಧೀರ್-ಹ॒ವಿಷ್ಮ॑ನ್ತೋ॒ ನಮ॑ಸಾ ವಿಧೇಮ ತೇ ॥ ಆ॒ರಾತ್ತೇ॑ ಗೋ॒ಘ್ನ ಉ॒ತ ಪೂ॑ರುಷ॒ಘ್ನೇ ಖ್ಷ॒ಯದ್ವೀ॑ರಾಯ ಸು॒ಮ್ನಮ॒ಸ್ಮೇ ತೇ॑ ಅಸ್ತು । ರಖ್ಷಾ॑ ಚ ನೋ॒ ಅಧಿ॑ ಚ ದೇವ ಬ್ರೂ॒ಹ್ಯಧಾ॑ ಚ ನ॒-ಶ್ಶರ್ಮ॑ ಯಚ್ಛ ದ್ವಿ॒ಬರ್ಹಾಃ᳚ ॥ ಸ್ತು॒ಹಿ [ ] 23
ಶ್ರು॒ತ-ಙ್ಗ॑ರ್ತ॒ಸದಂ॒-ಯುಁವಾ॑ನ-ಮ್ಮೃ॒ಗ-ನ್ನ ಭೀ॒ಮ-ಮು॑ಪಹ॒ತ್ನು-ಮು॒ಗ್ರಮ್ । ಮೃ॒ಡಾ ಜ॑ರಿ॒ತ್ರೇ ರು॑ದ್ರ॒ ಸ್ತವಾ॑ನೋ ಅ॒ನ್ಯನ್ತೇ॑ ಅ॒ಸ್ಮನ್ನಿವ॑ಪನ್ತು॒ ಸೇನಾಃ᳚ ॥ ಪರಿ॑ಣೋ ರು॒ದ್ರಸ್ಯ॑ ಹೇ॒ತಿ ರ್ವೃ॑ಣಕ್ತು॒ ಪರಿ॑ತ್ವೇ॒ಷಸ್ಯ॑ ದುರ್ಮ॒ತಿರ॑ಘಾ॒ಯೋಃ । ಅವ॑ ಸ್ಥಿ॒ರಾ ಮ॒ಘವ॑ದ್ಭ್ಯ-ಸ್ತನುಷ್ವ॒ ಮೀಢ್ವ॑ಸ್ತೋ॒ಕಾಯ॒ ತನ॑ಯಾಯ ಮೃಡಯ ॥ ಮೀಢು॑ಷ್ಟಮ॒ ಶಿವ॑ತಮ ಶಿ॒ವೋ ನ॑-ಸ್ಸು॒ಮನಾ॑ ಭವ । ಪ॒ರ॒ಮೇ ವೃ॒ಖ್ಷ ಆಯು॑ಧ-ನ್ನಿ॒ಧಾಯ॒ ಕೃತ್ತಿಂ॒-ವಁಸಾ॑ನ॒ ಆಚ॑ರ॒ ಪಿನಾ॑ಕ॒- [ಆಚ॑ರ॒ ಪಿನಾ॑ಕಮ್, ಬಿಭ್ರ॒ದಾಗ॑ಹಿ ।] 24
-ಮ್ಬಿಭ್ರ॒ದಾಗ॑ಹಿ ॥ ವಿಕಿ॑ರಿದ॒ ವಿಲೋ॑ಹಿತ॒ ನಮ॑ಸ್ತೇ ಅಸ್ತು ಭಗವಃ । ಯಾಸ್ತೇ॑ ಸ॒ಹಸ್ರಗ್ಂ॑ ಹೇ॒ತಯೋ॒-ಽನ್ಯ-ಮ॒ಸ್ಮನ್ನಿ ವ॑ಪನ್ತು॒ ತಾಃ ॥ ಸ॒ಹಸ್ರಾ॑ಣಿ ಸಹಸ್ರ॒ಧಾ ಬಾ॑ಹು॒ವೋಸ್ತವ॑ ಹೇ॒ತಯಃ॑ । ತಾಸಾ॒ಮೀಶಾ॑ನೋ ಭಗವಃ ಪರಾ॒ಚೀನಾ॒ ಮುಖಾ॑ ಕೃಧಿ ॥ 25 ॥ (ಅ॒ಸ್ಮಿಗ್ಗ್-ಸ್ತ॒ನುವಃ॑-ಸ್ತು॒ಹಿ-ಪಿನಾ॑ಕ॒-ಮೇಕಾ॒ನ್ನತ್ರಿ॒ಗ್ಂ॒ಶಚ್ಚ॑) (ಅ. 10)
ಸ॒ಹಸ್ರಾ॑ಣಿ ಸಹಸ್ರ॒ಶೋ ಯೇ ರು॒ದ್ರಾ ಅಧಿ॒ ಭೂಮ್ಯಾ᳚ಮ್ । ತೇಷಾಗ್ಂ॑ ಸಹಸ್ರಯೋಜ॒ನೇ ಽವ॒ಧನ್ವಾ॑ನಿ ತನ್ಮಸಿ ॥ ಅ॒ಸ್ಮಿ-ನ್ಮ॑ಹ॒ತ್ಯ॑ರ್ಣ॒ವೇ᳚-ಽನ್ತರಿ॑ಖ್ಷೇ ಭ॒ವಾ ಅಧಿ॑ ॥ ನೀಲ॑ಗ್ರೀವಾ-ಶ್ಶಿತಿ॒ಕಣ್ಠಾ᳚-ಶ್ಶ॒ರ್ವಾ ಅ॒ಧಃ, ಖ್ಷ॑ಮಾಚ॒ರಾಃ ॥ ನೀಲ॑ಗ್ರೀವಾ-ಶ್ಶಿತಿ॒ಕಣ್ಠಾ॒ ದಿವಗ್ಂ॑ ರು॒ದ್ರಾ ಉಪ॑ಶ್ರಿತಾಃ ॥ ಯೇ ವೃ॒ಖ್ಷೇಷು॑ ಸ॒ಸ್ಪಿಞ್ಜ॑ರಾ॒ ನೀಲ॑ಗ್ರೀವಾ॒ ವಿಲೋ॑ಹಿತಾಃ ॥ ಯೇ ಭೂ॒ತಾನಾ॒-ಮಧಿ॑ಪತಯೋ ವಿಶಿ॒ಖಾಸಃ॑ ಕಪ॒ರ್ದಿನಃ॑ ॥ ಯೇ ಅನ್ನೇ॑ಷು ವಿ॒ವಿದ್ಧ್ಯ॑ನ್ತಿ॒ ಪಾತ್ರೇ॑ಷು॒ ಪಿಬ॑ತೋ॒ ಜನಾನ್॑ ॥ ಯೇ ಪ॒ಥಾ-ಮ್ಪ॑ಥಿ॒ರಖ್ಷ॑ಯ ಐಲಬೃ॒ದಾ ಯ॒ವ್ಯುಧಃ॑ ॥ ಯೇ ತೀ॒ರ್ಥಾನಿ॑ - [ ] 26
ಪ್ರ॒ಚರ॑ನ್ತಿ ಸೃ॒ಕಾವ॑ನ್ತೋ ನಿಷ॒ಙ್ಗಿಣಃ॑ ॥ ಯ ಏ॒ತಾವ॑ನ್ತಶ್ಚ॒ ಭೂಯಾಗ್ಂ॑ಸಶ್ಚ॒ ದಿಶೋ॑ ರು॒ದ್ರಾ ವಿ॑ತಸ್ಥಿ॒ರೇ ॥ ತೇಷಾಗ್ಂ॑ ಸಹಸ್ರಯೋಜ॒ನೇ ಽವ॒ಧನ್ವಾ॑ನಿ ತನ್ಮಸಿ ॥ ನಮೋ॑ ರು॒ದ್ರೇಭ್ಯೋ॒ ಯೇ ಪೃ॑ಥಿ॒ವ್ಯಾಂ-ಯೇಁ᳚-ಽನ್ತರಿ॑ಖ್ಷೇ॒ ಯೇ ದಿ॒ವಿ ಯೇಷಾ॒ಮನ್ನಂ॒ ಁವಾತೋ॑ ವ॒ರ್॒ಷಮಿಷ॑ವ॒ಸ್ತೇಭ್ಯೋ॒ ದಶ॒ ಪ್ರಾಚೀ॒ ರ್ದಶ॑ದಖ್ಷಿ॒ಣಾ ದಶ॑ಪ್ರ॒ತೀಚೀ॒ ರ್ದಶೋದೀ॑ಚೀ॒ ರ್ದಶೋ॒ರ್ಧ್ವಾ-ಸ್ತೇಭ್ಯೋ॒ ನಮ॒ಸ್ತೇ ನೋ॑ ಮೃಡಯನ್ತು॒ ತೇ ಯ-ನ್ದ್ವಿ॒ಷ್ಮೋ ಯಶ್ಚ॑ ನೋ॒ ದ್ವೇಷ್ಟಿ॒ ತಂ-ವೋಁ॒ ಜಮ್ಭೇ॑ ದಧಾಮಿ ॥ 27 ॥ (ತೀ॒ರ್ಥಾನಿ॒ - ಯಶ್ಚ॒ - ಷಟ್ ಚ॑ ) (ಅ. 11)
(ನಮ॑ಸ್ತೇ ರುದ್ರ॒ - ನಮೋ॒ ಹಿರ॑ಣ್ಯಬಾಹವೇ॒ - ನಮ॒-ಸ್ಸಹ॑ಮಾನಾಯ॒ - ನಮ॑ ಆವ್ಯಾ॒ಧಿನೀ᳚ಭ್ಯೋ॒ - ನಮೋ॑ ಭ॒ವಾಯ॒ - ನಮೋ᳚ ಜ್ಯೇ॒ಷ್ಠಾಯ॒ - ನಮೋ॑ ದುನ್ದು॒ಭ್ಯಾ॑ಯ॒ - ನಮ॒-ಸ್ಸೋಮಾ॑ಯ॒ - ನಮ॑ ಇರಿ॒ಣ್ಯಾ॑ಯ॒ - ದ್ರಾಪ॑ - ಸ॒ಹಸ್ರಾ॒ - ಣ್ಯೇಕಾ॑ದಶ)
(ನಮ॑ಸ್ತೇ ರುದ್ರ॒ - ನಮೋ॑ ಭ॒ವಾಯ॒ - ದ್ರಾಪೇ॑ - ಸ॒ಪ್ತವಿಗ್ಂ॑ಶತಿಃ)
(ನಮ॑ಸ್ತೇ ರುದ್ರ॒, ತಂ-ವೋಁ॒ ಜಮ್ಭೇ॑ ದಧಾಮಿ)
॥ ಹರಿಃ॑ ಓಮ್ ॥
॥ ಕೃಷ್ಣ ಯಜುರ್ವೇದೀಯ ತೈತ್ತಿರೀಯ ಸಂಹಿತಾಯಾ-ಞ್ಚತುರ್ಥ ಕಾಣ್ಡೇ ಪಞ್ಚಮಃ ಪ್ರಶ್ನ-ಸ್ಸಮಾಪ್ತಃ ॥
About KYTS 4.5 Namaste Rudra Manyava - Krishna Yajurveda Taittiriya Samhita Patha
This is the fifth prashna of the fourth kanda of the Taittiriya Samhita, in plain recitation: the Shri Rudram, also called the Rudra Prashna or Namakam. It begins "Namaste Rudra manyava": salutations to your wrath, O Rudra, and to your arrow and your arms. In eleven anuvakas it salutes Rudra in every form, as the lord of all beings, present in forests and fields, in workers and warriors, in rivers and paths, and contains the five-syllable mantra "Namah Shivaya" at its heart.
Source: Krishna Yajur Veda, Taittiriya Samhita 4.5
When to chant: On Mondays, Pradosham and Maha Shivaratri, in Rudrabhishekam and Rudra homa, and in daily Vedic recitation.
Did you know?
- The words "Namah Shivaya cha Shivataraya cha" in the eighth anuvaka are the earliest source of the Panchakshari mantra.
- Rudram is chanted with Chamakam (TS 4.7) in Rudrabhishekam; eleven recitations make an Ekadasha Rudra.
- The text describes this prashna's subject as "homavidhi", the procedure of offerings.
Frequently asked questions
What is this text?
The Shri Rudram (Namakam), Taittiriya Samhita 4.5.
How many anuvakas does it have?
Eleven.
Where does "Namah Shivaya" first appear?
In the eighth anuvaka of the Rudram.
Offered for worship and study, not as prediction. Non-commercial.
More devotional texts