MuhurtaNow

Maha Ganapati Mantra Vigraha Kavacham

Ganesha · Traditional devotional text

ಓಂ ಅಸ್ಯ ಶ್ರೀಮಹಾಗಣಪತಿ ಮಂತ್ರವಿಗ್ರಹ ಕವಚಸ್ಯ । ಶ್ರೀಶಿವ ಋಷಿಃ । ದೇವೀಗಾಯತ್ರೀ ಛಂದಃ । ಶ್ರೀ ಮಹಾಗಣಪತಿರ್ದೇವತಾ । ಓಂ ಶ್ರೀಂ ಹ್ರೀಂ ಕ್ಲೀಂ ಗ್ಲೌಂ ಗಂ ಬೀಜಾನಿ । ಗಣಪತಯೇ ವರವರದೇತಿ ಶಕ್ತಿಃ । ಸರ್ವಜನಂ ಮೇ ವಶಮಾನಯ ಸ್ವಾಹಾ ಕೀಲಕಮ್ । ಶ್ರೀ ಮಹಾಗಣಪತಿಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।

ಕರನ್ಯಾಸಃ । ಓಂ ಶ್ರೀಂ ಹ್ರೀಂ ಕ್ಲೀಂ – ಅಂಗುಷ್ಠಾಭ್ಯಾಂ ನಮಃ । ಗ್ಲೌಂ ಗಂ ಗಣಪತಯೇ – ತರ್ಜನೀಭ್ಯಾಂ ನಮಃ । ವರವರದ – ಮಧ್ಯಮಾಭ್ಯಾಂ ನಮಃ । ಸರ್ವಜನಂ ಮೇ – ಅನಾಮಿಕಾಭ್ಯಾಂ ನಮಃ । ವಶಮಾನಯ – ಕನಿಷ್ಠಿಕಾಭ್ಯಾಂ ನಮಃ । ಸ್ವಾಹಾ – ಕರತಲ ಕರಪೃಷ್ಠಾಭ್ಯಾಂ ನಮಃ ।

ನ್ಯಾಸಃ । ಓಂ ಶ್ರೀಂ ಹ್ರೀಂ ಕ್ಲೀಂ – ಹೃದಯಾಯ ನಮಃ । ಗ್ಲೌಂ ಗಂ ಗಣಪತಯೇ – ಶಿರಸೇ ಸ್ವಾಹಾ । ವರವರದ – ಶಿಖಾಯೈ ವಷಟ್ । ಸರ್ವಜನಂ ಮೇ – ಕವಚಾಯ ಹುಮ್ । ವಶಮಾನಯ – ನೇತ್ರತ್ರಯಾಯ ವೌಷಟ್ । ಸ್ವಾಹಾ – ಅಸ್ತ್ರಾಯ ಫಟ್ ।

ಧ್ಯಾನಂ – ಬೀಜಾಪೂರಗದೇಕ್ಷುಕಾರ್ಮುಕ ಋಜಾ ಚಕ್ರಾಬ್ಜಪಾಶೋತ್ಪಲ ವ್ರೀಹ್ಯಗ್ರಸ್ವವಿಷಾಣರತ್ನಕಲಶಪ್ರೋದ್ಯತ್ಕರಾಂಭೋರುಹಃ । ಧ್ಯೇಯೋ ವಲ್ಲಭಯಾ ಸಪದ್ಮಕರಯಾ ಶ್ಲಿಷ್ಟೋಜ್ವಲದ್ಭೂಷಯಾ ವಿಶ್ವೋತ್ಪತ್ತಿವಿಪತ್ತಿಸಂಸ್ಥಿತಿಕರೋ ವಿಘ್ನೇಶ ಇಷ್ಟಾರ್ಥದಃ ।

ಇತಿ ಧ್ಯಾತ್ವಾ । ಲಂ ಇತ್ಯಾದಿ ಮಾನಸೋಪಚಾರೈಃ ಸಂಪೂಜ್ಯ ಕವಚಂ ಪಠೇತ್ ।

ಓಂಕಾರೋ ಮೇ ಶಿರಃ ಪಾತು ಶ್ರೀಂಕಾರಃ ಪಾತು ಫಾಲಕಮ್ । ಹ್ರೀಂ ಬೀಜಂ ಮೇ ಲಲಾಟೇಽವ್ಯಾತ್ ಕ್ಲೀಂ ಬೀಜಂ ಭ್ರೂಯುಗಂ ಮಮ ॥ 1 ॥

ಗ್ಲೌಂ ಬೀಜಂ ನೇತ್ರಯೋಃ ಪಾತು ಗಂ ಬೀಜಂ ಪಾತು ನಾಸಿಕಾಮ್ । ಗಂ ಬೀಜಂ ಮುಖಪದ್ಮೇಽವ್ಯಾದ್ಮಹಾಸಿದ್ಧಿಫಲಪ್ರದಮ್ ॥ 2 ॥

ಣಕಾರೋ ದಂತಯೋಃ ಪಾತು ಪಕಾರೋ ಲಂಬಿಕಾಂ ಮಮ । ತಕಾರಃ ಪಾತು ಮೇ ತಾಲ್ವೋರ್ಯೇಕಾರ ಓಷ್ಠಯೋರ್ಮಮ ॥ 3 ॥

ವಕಾರಃ ಕಂಠದೇಶೇಽವ್ಯಾದ್ರಕಾರಶ್ಚೋಪಕಂಠಕೇ । ದ್ವಿತೀಯಸ್ತು ವಕಾರೋ ಮೇ ಹೃದಯಂ ಪಾತು ಸರ್ವದಾ ॥ 4 ॥

ರಕಾರಸ್ತು ದ್ವಿತೀಯೋ ವೈ ಉಭೌ ಪಾರ್ಶ್ವೌ ಸದಾ ಮಮ । ದಕಾರ ಉದರೇ ಪಾತು ಸಕಾರೋ ನಾಭಿಮಂಡಲೇ ॥ 5 ॥

ರ್ವಕಾರಃ ಪಾತು ಮೇ ಲಿಂಗಂ ಜಕಾರಃ ಪಾತು ಗುಹ್ಯಕೇ । ನಕಾರಃ ಪಾತು ಮೇ ಜಂಘೇ ಮೇಕಾರೋ ಜಾನುನೋರ್ದ್ವಯೋಃ ॥ 6 ॥

ವಕಾರಃ ಪಾತು ಮೇ ಗುಲ್ಫೌ ಶಕಾರಃ ಪಾದಯೋರ್ದ್ವಯೋಃ । ಮಾಕಾರಸ್ತು ಸದಾ ಪಾತು ದಕ್ಷಪಾದಾಂಗುಲೀಷು ಚ ॥ 7 ॥

ನಕಾರಸ್ತು ಸದಾ ಪಾತು ವಾಮಪಾದಾಂಗುಲೀಷು ಚ । ಯಕಾರೋ ಮೇ ಸದಾ ಪಾತು ದಕ್ಷಪಾದತಲೇ ತಥಾ ॥ 8 ॥

ಸ್ವಾಕಾರೋ ಬ್ರಹ್ಮರೂಪಾಖ್ಯೋ ವಾಮಪಾದತಲೇ ತಥಾ । ಹಾಕಾರಃ ಸರ್ವದಾ ಪಾತು ಸರ್ವಾಂಗೇ ಗಣಪಃ ಪ್ರಭುಃ ॥ 9 ॥

ಪೂರ್ವೇ ಮಾಂ ಪಾತು ಶ್ರೀರುದ್ರಃ ಶ್ರೀಂ ಹ್ರೀಂ ಕ್ಲೀಂ ಫಟ್ ಕಲಾಧರಃ । ಆಗ್ನೇಯ್ಯಾಂ ಮೇ ಸದಾ ಪಾತು ಹ್ರೀಂ ಶ್ರೀಂ ಕ್ಲೀಂ ಲೋಕಮೋಹನಃ ॥ 10 ॥

ದಕ್ಷಿಣೇ ಶ್ರೀಯಮಃ ಪಾತು ಕ್ರೀಂ ಹ್ರಂ ಐಂ ಹ್ರೀಂ ಹ್ಸ್ರೌಂ ನಮಃ । ನೈರೃತ್ಯೇ ನಿರೃತಿಃ ಪಾತು ಆಂ ಹ್ರೀಂ ಕ್ರೋಂ ಕ್ರೋಂ ನಮೋ ನಮಃ ॥ 11 ॥

ಪಶ್ಚಿಮೇ ವರುಣಃ ಪಾತು ಶ್ರೀಂ ಹ್ರೀಂ ಕ್ಲೀಂ ಫಟ್ ಹ್ಸ್ರೌಂ ನಮಃ । ವಾಯುರ್ಮೇ ಪಾತು ವಾಯವ್ಯೇ ಹ್ರೂಂ ಹ್ರೀಂ ಶ್ರೀಂ ಹ್ಸ್ಫ್ರೇಂ ನಮೋ ನಮಃ ॥ 12 ॥

ಉತ್ತರೇ ಧನದಃ ಪಾತು ಶ್ರೀಂ ಹ್ರೀಂ ಶ್ರೀಂ ಹ್ರೀಂ ಧನೇಶ್ವರಃ । ಈಶಾನ್ಯೇ ಪಾತು ಮಾಂ ದೇವೋ ಹ್ರೌಂ ಹ್ರೀಂ ಜೂಂ ಸಃ ಸದಾಶಿವಃ ॥ 13 ॥

ಪ್ರಪನ್ನಪಾರಿಜಾತಾಯ ಸ್ವಾಹಾ ಮಾಂ ಪಾತು ಈಶ್ವರಃ । ಊರ್ಧ್ವಂ ಮೇ ಸರ್ವದಾ ಪಾತು ಗಂ ಗ್ಲೌಂ ಕ್ಲೀಂ ಹ್ಸ್ರೌಂ ನಮೋ ನಮಃ ॥ 14 ॥

ಅನಂತಾಯ ನಮಃ ಸ್ವಾಹಾ ಅಧಸ್ತಾದ್ದಿಶಿ ರಕ್ಷತು । ಪೂರ್ವೇ ಮಾಂ ಗಣಪಃ ಪಾತು ದಕ್ಷಿಣೇ ಕ್ಷೇತ್ರಪಾಲಕಃ ॥ 15 ॥

ಪಶ್ಚಿಮೇ ಪಾತು ಮಾಂ ದುರ್ಗಾ ಐಂ ಹ್ರೀಂ ಕ್ಲೀಂ ಚಂಡಿಕಾ ಶಿವಾ । ಉತ್ತರೇ ವಟುಕಃ ಪಾತು ಹ್ರೀಂ ವಂ ವಂ ವಟುಕಃ ಶಿವಃ ॥ 16 ॥

ಸ್ವಾಹಾ ಸರ್ವಾರ್ಥಸಿದ್ಧೇಶ್ಚ ದಾಯಕೋ ವಿಶ್ವನಾಯಕಃ । ಪುನಃ ಪೂರ್ವೇ ಚ ಮಾಂ ಪಾತು ಶ್ರೀಮಾನಸಿತಭೈರವಃ ॥ 17 ॥

ಆಗ್ನೇಯ್ಯಾಂ ಪಾತು ನೋ ಹ್ರೀಂ ಹ್ರೀಂ ಹ್ರುಂ ಕ್ರೋಂ ಕ್ರೋಂ ರುರುಭೈರವಃ । ದಕ್ಷಿಣೇ ಪಾತು ಮಾಂ ಕ್ರೌಂ ಕ್ರೋಂ ಹ್ರೈಂ ಹ್ರೈಂ ಮೇ ಚಂಡಭೈರವಃ ॥ 18 ॥

ನೈರೃತ್ಯೇ ಪಾತು ಮಾಂ ಹ್ರೀಂ ಹ್ರೂಂ ಹ್ರೌಂ ಹ್ರೌಂ ಹ್ರೀಂ ಹ್ಸ್ರೈಂ ನಮೋ ನಮಃ । ಸ್ವಾಹಾ ಮೇ ಸರ್ವಭೂತಾತ್ಮಾ ಪಾತು ಮಾಂ ಕ್ರೋಧಭೈರವಃ ॥ 19 ॥

ಪಶ್ಚಿಮೇ ಈಶ್ವರಃ ಪಾತು ಕ್ರೀಂ ಕ್ಲೀಂ ಉನ್ಮತ್ತಭೈರವಃ । ವಾಯವ್ಯೇ ಪಾತು ಮಾಂ ಹ್ರೀಂ ಕ್ಲೀಂ ಕಪಾಲೀ ಕಮಲೇಕ್ಷಣಃ ॥ 20 ॥

ಉತ್ತರೇ ಪಾತು ಮಾಂ ದೇವೋ ಹ್ರೀಂ ಹ್ರೀಂ ಭೀಷಣಭೈರವಃ । ಈಶಾನ್ಯೇ ಪಾತು ಮಾಂ ದೇವಃ ಕ್ಲೀಂ ಹ್ರೀಂ ಸಂಹಾರಭೈರವಃ ॥ 21 ॥

ಊರ್ಧ್ವಂ ಮೇ ಪಾತು ದೇವೇಶಃ ಶ್ರೀಸಮ್ಮೋಹನಭೈರವಃ । ಅಧಸ್ತಾದ್ವಟುಕಃ ಪಾತು ಸರ್ವತಃ ಕಾಲಭೈರವಃ ॥ 22 ॥

ಇತೀದಂ ಕವಚಂ ದಿವ್ಯಂ ಬ್ರಹ್ಮವಿದ್ಯಾಕಲೇವರಮ್ । ಗೋಪನೀಯಂ ಪ್ರಯತ್ನೇನ ಯದೀಚ್ಛೇದಾತ್ಮನಃ ಸುಖಮ್ ॥ 23 ॥

ಜನನೀಜಾರವದ್ಗೋಪ್ಯಾ ವಿದ್ಯೈಷೇತ್ಯಾಗಮಾ ಜಗುಃ । ಅಷ್ಟಮ್ಯಾಂ ಚ ಚತುರ್ದಶ್ಯಾಂ ಸಂಕ್ರಾಂತೌ ಗ್ರಹಣೇಷ್ವಪಿ ॥ 24 ॥

ಭೌಮೇಽವಶ್ಯಂ ಪಠೇದ್ಧೀರೋ ಮೋಹಯತ್ಯಖಿಲಂ ಜಗತ್ । ಏಕಾವೃತ್ಯಾ ಭವೇದ್ವಿದ್ಯಾ ದ್ವಿರಾವೃತ್ಯಾ ಧನಂ ಲಭೇತ್ ॥ 25 ॥

ತ್ರಿರಾವೃತ್ಯಾ ರಾಜವಶ್ಯಂ ತುರ್ಯಾವೃತ್ಯಾಽಖಿಲಾಃ ಪ್ರಜಾಃ । ಪಂಚಾವೃತ್ಯಾ ಗ್ರಾಮವಶ್ಯಂ ಷಡಾವೃತ್ಯಾ ಚ ಮಂತ್ರಿಣಃ ॥ 26 ॥

ಸಪ್ತಾವೃತ್ಯಾ ಸಭಾವಶ್ಯಾ ಅಷ್ಟಾವೃತ್ಯಾ ಭುವಃ ಶ್ರಿಯಮ್ । ನವಾವೃತ್ಯಾ ಚ ನಾರೀಣಾಂ ಸರ್ವಾಕರ್ಷಣಕಾರಕಮ್ ॥ 27 ॥

ದಶಾವೃತ್ತೀಃ ಪಠೇನ್ನಿತ್ಯಂ ಷಣ್ಮಾಸಾಭ್ಯಾಸಯೋಗತಃ । ದೇವತಾ ವಶಮಾಯಾತಿ ಕಿಂ ಪುನರ್ಮಾನವಾ ಭುವಿ ॥ 28 ॥

ಕವಚಸ್ಯ ಚ ದಿವ್ಯಸ್ಯ ಸಹಸ್ರಾವರ್ತನಾನ್ನರಃ । ದೇವತಾದರ್ಶನಂ ಸದ್ಯೋ ನಾತ್ರಕಾರ್ಯಾ ವಿಚಾರಣಾ ॥ 29 ॥

ಅರ್ಧರಾತ್ರೇ ಸಮುತ್ಥಾಯ ಚತುರ್ಥ್ಯಾಂ ಭೃಗುವಾಸರೇ । ರಕ್ತಮಾಲಾಂಬರಧರೋ ರಕ್ತಗಂಧಾನುಲೇಪನಃ ॥ 30 ॥

ಸಾವಧಾನೇನ ಮನಸಾ ಪಠೇದೇಕೋತ್ತರಂ ಶತಮ್ । ಸ್ವಪ್ನೇ ಮೂರ್ತಿಮಯಂ ದೇವಂ ಪಶ್ಯತ್ಯೇವ ನ ಸಂಶಯಃ ॥ 31 ॥

ಇದಂ ಕವಚಮಜ್ಞಾತ್ವಾ ಗಣೇಶಂ ಭಜತೇ ನರಃ । ಕೋಟಿಲಕ್ಷಂ ಪ್ರಜಪ್ತ್ವಾಪಿ ನ ಮಂತ್ರಂ ಸಿದ್ಧಿದೋ ಭವೇತ್ ॥ 32 ॥

ಪುಷ್ಪಾಂಜಲ್ಯಷ್ಟಕಂ ದತ್ವಾ ಮೂಲೇನೈವ ಸಕೃತ್ ಪಠೇತ್ । ಅಪಿವರ್ಷಸಹಸ್ರಾಣಾಂ ಪೂಜಾಯಾಃ ಫಲಮಾಪ್ನುಯಾತ್ ॥ 33 ॥

ಭೂರ್ಜೇ ಲಿಖಿತ್ವಾ ಸ್ವರ್ಣಸ್ತಾಂ ಗುಟಿಕಾಂ ಧಾರಯೇದ್ಯದಿ । ಕಂಠೇ ವಾ ದಕ್ಷಿಣೇ ಬಾಹೌ ಸಕುರ್ಯಾದ್ದಾಸವಜ್ಜಗತ್ ॥ 34 ॥

ನ ದೇಯಂ ಪರಶಿಷ್ಯೇಭ್ಯೋ ದೇಯಂ ಶಿಷ್ಯೇಭ್ಯ ಏವ ಚ । ಅಭಕ್ತೇಭ್ಯೋಪಿ ಪುತ್ರೇಭ್ಯೋ ದತ್ವಾ ನರಕಮಾಪ್ನುಯಾತ್ ॥ 35 ॥

ಗಣೇಶಭಕ್ತಿಯುಕ್ತಾಯ ಸಾಧವೇ ಚ ಪ್ರಯತ್ನತಃ । ದಾತವ್ಯಂ ತೇನ ವಿಘ್ನೇಶಃ ಸುಪ್ರಸನ್ನೋ ಭವಿಷ್ಯತಿ ॥ 36 ॥

ಇತಿ ಶ್ರೀದೇವೀರಹಸ್ಯೇ ಶ್ರೀಮಹಾಗಣಪತಿ ಮಂತ್ರವಿಗ್ರಹಕವಚಂ ಸಂಪೂರ್ಣಮ್ ।

About Maha Ganapati Mantra Vigraha Kavacham

The Maha Ganapati Mantra Vigraha Kavacham is a protective "armour" in which the body of Maha Ganapati is made of his mantra (mantra vigraha), and its syllables are placed over the devotee's body for protection. It begins with the viniyoga (seer Shiva, metre Devi Gayatri, deity Maha Ganapati, seeds "shrim hrim klim") and the placings on the hands (kara nyasa).

Source: Devi Rahasya, as its closing line states

When to chant: On Sankashti and Vinayaka Chaturthi, on Wednesdays, and before Ganapati homa.

Did you know?

  • Its colophon places it in the Devi Rahasya.
  • "Mantra vigraha" means that the deity's form is made of the sounds of his mantra.

Frequently asked questions

What does "mantra vigraha" mean?

A form made of mantra: the deity's body is his mantra.

Where does it come from?

The Devi Rahasya, as its colophon states.

When is it recited?

On Chaturthi, Wednesdays and before Ganapati homa.

Offered for worship and study, not as prediction. Non-commercial.