Narayaniyam Dashaka 10
Vishnu · Traditional devotional text
ವೈಕುಂಠ ವರ್ಧಿತಬಲೋಽಥ ಭವತ್ಪ್ರಸಾದಾ- ದಂಭೋಜಯೋನಿರಸೃಜತ್ ಕಿಲ ಜೀವದೇಹಾನ್ । ಸ್ಥಾಸ್ನೂನಿ ಭೂರುಹಮಯಾನಿ ತಥಾ ತಿರಶ್ಚಾಂ ಜಾತಿಂ ಮನುಷ್ಯನಿವಹಾನಪಿ ದೇವಭೇದಾನ್ ॥1॥
ಮಿಥ್ಯಾಗ್ರಹಾಸ್ಮಿಮತಿರಾಗವಿಕೋಪಭೀತಿ- ರಜ್ಞಾನವೃತ್ತಿಮಿತಿ ಪಂಚವಿಧಾಂ ಸ ಸೃಷ್ಟ್ವಾ । ಉದ್ದಾಮತಾಮಸಪದಾರ್ಥವಿಧಾನದೂನ - ಸ್ತೇನೇ ತ್ವದೀಯಚರಣಸ್ಮರಣಂ ವಿಶುದ್ಧ್ಯೈ ॥2॥
ತಾವತ್ ಸಸರ್ಜ ಮನಸಾ ಸನಕಂ ಸನಂದಂ ಭೂಯಃ ಸನಾತನಮುನಿಂ ಚ ಸನತ್ಕುಮಾರಮ್ । ತೇ ಸೃಷ್ಟಿಕರ್ಮಣಿ ತು ತೇನ ನಿಯುಜ್ಯಮಾನಾ- ಸ್ತ್ವತ್ಪಾದಭಕ್ತಿರಸಿಕಾ ಜಗೃಹುರ್ನ ವಾಣೀಮ್ ॥3॥
ತಾವತ್ ಪ್ರಕೋಪಮುದಿತಂ ಪ್ರತಿರುಂಧತೋಽಸ್ಯ ಭ್ರೂಮಧ್ಯತೋಽಜನಿ ಮೃಡೋ ಭವದೇಕದೇಶಃ । ನಾಮಾನಿ ಮೇ ಕುರು ಪದಾನಿ ಚ ಹಾ ವಿರಿಂಚೇ- ತ್ಯಾದೌ ರುರೋದ ಕಿಲ ತೇನ ಸ ರುದ್ರನಾಮಾ ॥4॥
ಏಕಾದಶಾಹ್ವಯತಯಾ ಚ ವಿಭಿನ್ನರೂಪಂ ರುದ್ರಂ ವಿಧಾಯ ದಯಿತಾ ವನಿತಾಶ್ಚ ದತ್ವಾ । ತಾವಂತ್ಯದತ್ತ ಚ ಪದಾನಿ ಭವತ್ಪ್ರಣುನ್ನಃ ಪ್ರಾಹ ಪ್ರಜಾವಿರಚನಾಯ ಚ ಸಾದರಂ ತಮ್ ॥5॥
ರುದ್ರಾಭಿಸೃಷ್ಟಭಯದಾಕೃತಿರುದ್ರಸಂಘ- ಸಂಪೂರ್ಯಮಾಣಭುವನತ್ರಯಭೀತಚೇತಾಃ । ಮಾ ಮಾ ಪ್ರಜಾಃ ಸೃಜ ತಪಶ್ಚರ ಮಂಗಲಾಯೇ- ತ್ಯಾಚಷ್ಟ ತಂ ಕಮಲಭೂರ್ಭವದೀರಿತಾತ್ಮಾ ॥6॥
ತಸ್ಯಾಥ ಸರ್ಗರಸಿಕಸ್ಯ ಮರೀಚಿರತ್ರಿ- ಸ್ತತ್ರಾಙಿಗರಾಃ ಕ್ರತುಮುನಿಃ ಪುಲಹಃ ಪುಲಸ್ತ್ಯಃ । ಅಂಗಾದಜಾಯತ ಭೃಗುಶ್ಚ ವಸಿಷ್ಠದಕ್ಷೌ ಶ್ರೀನಾರದಶ್ಚ ಭಗವನ್ ಭವದಂಘ್ರಿದಾಸಃ ॥7॥
ಧರ್ಮಾದಿಕಾನಭಿಸೃಜನ್ನಥ ಕರ್ದಮಂ ಚ ವಾಣೀಂ ವಿಧಾಯ ವಿಧಿರಂಗಜಸಂಕುಲೋಽಭೂತ್ । ತ್ವದ್ಬೋಧಿತೈಸ್ಸನಕದಕ್ಷಮುಖೈಸ್ತನೂಜೈ- ರುದ್ಬೋಧಿತಶ್ಚ ವಿರರಾಮ ತಮೋ ವಿಮುಂಚನ್ ॥8॥
ವೇದಾನ್ ಪುರಾಣನಿವಹಾನಪಿ ಸರ್ವವಿದ್ಯಾಃ ಕುರ್ವನ್ ನಿಜಾನನಗಣಾಚ್ಚತುರಾನನೋಽಸೌ । ಪುತ್ರೇಷು ತೇಷು ವಿನಿಧಾಯ ಸ ಸರ್ಗವೃದ್ಧಿ- ಮಪ್ರಾಪ್ನುವಂಸ್ತವ ಪದಾಂಬುಜಮಾಶ್ರಿತೋಭೂತ್ ॥9॥
ಜಾನನ್ನುಪಾಯಮಥ ದೇಹಮಜೋ ವಿಭಜ್ಯ ಸ್ರೀಪುಂಸಭಾವಮಭಜನ್ಮನುತದ್ವಧೂಭ್ಯಾಮ್ । ತಾಭ್ಯಾಂ ಚ ಮಾನುಷಕುಲಾನಿ ವಿವರ್ಧಯಂಸ್ತ್ವಂ ಗೋವಿಂದ ಮಾರುತಪುರೇಶ ನಿರುಂಧಿ ರೋಗಾನ್ ॥10॥
About Narayaniyam Dashaka 10
The tenth dashaka of the Narayaneeyam tells of Brahma's creation. Strengthened by the Lord's grace, the lotus-born Brahma creates living bodies: trees and plants that stand still, animals, humans and gods. First he creates the five kinds of ignorance, delusion, ego, attachment, anger and fear; displeased with this dark creation, he meditates on the Lord and brings forth the sages Sanaka and his brothers, who refuse to create; from his anger Rudra is born. Then he creates the great sages, and finally, knowing the way, divides his body into man and woman, Svayambhuva Manu and Shatarupa, from whom the human race grows.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The four Kumaras, Sanaka, Sanandana, Sanatana and Sanatkumara, remained child-sages devoted to knowledge.
- Svayambhuva Manu and Shatarupa are honoured as the first man and woman in Puranic tradition.
Frequently asked questions
Who is born from Brahma's anger?
Rudra.
From whom does the human race grow?
Svayambhuva Manu and Shatarupa.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts