Narayaniyam Dashaka 29
Vishnu · Traditional devotional text
ഉദ്ഗച്ഛതസ്തവ കരാദമൃതം ഹരത്സു ദൈത്യേഷു താനശരണാനനുനീയ ദേവാന് । സദ്യസ്തിരോദധിഥ ദേവ ഭവത്പ്രഭാവാ- ദുദ്യത്സ്വയൂഥ്യകലഹാ ദിതിജാ ബഭൂവുഃ ॥1॥
ശ്യാമാം രുചാഽപി വയസാഽപി തനും തദാനീം പ്രാപ്തോഽസി തുംഗകുചമംഡലഭംഗുരാം ത്വമ് । പീയൂഷകുംഭകലഹം പരിമുച്യ സർവേ തൃഷ്ണാകുലാഃ പ്രതിയയുസ്ത്വദുരോജകുംഭേ ॥2॥
കാ ത്വം മൃഗാക്ഷി വിഭജസ്വ സുധാമിമാമി- ത്യാരൂഢരാഗവിവശാനഭിയാചതോഽമൂന് । വിശ്വസ്യതേ മയി കഥം കുലടാഽസ്മി ദൈത്യാ ഇത്യാലപന്നപി സുവിശ്വസിതാനതാനീഃ ॥3॥
മോദാത് സുധാകലശമേഷു ദദത്സു സാ ത്വം ദുശ്ചേഷ്ടിതം മമ സഹധ്വമിതി ബ്രുവാണാ । പംക്തിപ്രഭേദവിനിവേശിതദേവദൈത്യാ ലീലാവിലാസഗതിഭിഃ സമദാഃ സുധാം താമ് ॥4॥
അസ്മാസ്വിയം പ്രണയിണീത്യസുരേഷു തേഷു ജോഷം സ്ഥിതേഷ്വഥ സമാപ്യ സുധാം സുരേഷു । ത്വം ഭക്തലോകവശഗോ നിജരൂപമേത്യ സ്വര്ഭാനുമര്ധപരിപീതസുധം വ്യലാവീഃ ॥5॥
ത്വത്തഃ സുധാഹരണയോഗ്യഫലം പരേഷു ദത്വാ ഗതേ ത്വയി സുരൈഃ ഖലു തേ വ്യഗൃഹ്ണന് । ഘോരേഽഥ മൂര്ഛതി രണേ ബലിദൈത്യമായാ- വ്യാമോഹിതേ സുരഗണേ ത്വമിഹാവിരാസീഃ ॥6॥
ത്വം കാലനേമിമഥ മാലിമുഖാംജഘംഥ ശക്രോ ജഘാന ബലിജംഭവലാന് സപാകാന് । ശുഷ്കാര്ദ്രദുഷ്കരവധേ നമുചൌ ച ലൂനേ ഫേനേന നാരദഗിരാ ന്യരുണോ രണം ത്വമ് ॥7॥
യോഷാവപുര്ദനുജമോഹനമാഹിതം തേ ശ്രുത്വാ വിലോകനകുതൂഹലവാന് മഹേശഃ । ഭൂതൈസ്സമം ഗിരിജയാ ച ഗതഃ പദം തേ സ്തുത്വാഽബ്രവീദഭിമതം ത്വമഥോ തിരോധാഃ ॥8॥
ആരാമസീമനി ച കംദുകഘാതലീലാ- ലോലായമാനനയനാം കമനീം മനോജ്ഞാമ് । ത്വാമേഷ വീക്ഷ്യ വിഗലദ്വസനാം മനോഭൂ- വേഗാദനംഗരിപുരംഗ സമാലിലിംഗ ॥9॥
ഭൂയോഽപി വിദ്രുതവതീമുപധാവ്യ ദേവോ വീര്യപ്രമോക്ഷവികസത്പരമാര്ഥബോധഃ । ത്വന്മാനിതസ്തവ മഹത്ത്വമുവാച ദേവ്യൈ തത്താദൃശസ്ത്വമവ വാതനികേതനാഥ ॥10॥
About Narayaniyam Dashaka 29
Dashaka 29 of the Narayaneeyam tells of the Mohini avatara. When the demons snatch the nectar of immortality churned from the ocean, the Lord takes the form of the enchantress Mohini, wins their trust and serves the nectar to the gods alone. The dashaka goes on to tell how Shiva, wishing to see this form, is himself bewildered by it, then recognises the Lord's power and speaks of his greatness to the Goddess.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Each dashaka ends with a prayer to the Lord of Guruvayur (Vatalayesha, Marutpuresha).
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
Frequently asked questions
What is the Mohini avatara?
The Lord's form as an enchantress who gave the nectar of immortality to the gods.
How does Shiva appear in this dashaka?
He is bewildered by Mohini, then recognises the Lord's greatness.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts