Narayaniyam Dashaka 30
Vishnu · Traditional devotional text
ശക്രേണ സംയതി ഹതോഽപി ബലിര്മഹാത്മാ ശുക്രേണ ജീവിതതനുഃ ക്രതുവര്ധിതോഷ്മാ । വിക്രാംതിമാന് ഭയനിലീനസുരാം ത്രിലോകീം ചക്രേ വശേ സ തവ ചക്രമുഖാദഭീതഃ ॥1॥
പുത്രാര്തിദര്ശനവശാദദിതിർവിഷണ്ണാ തം കാശ്യപം നിജപതിം ശരണം പ്രപന്നാ । ത്വത്പൂജനം തദുദിതം ഹി പയോവ്രതാഖ്യം സാ ദ്വാദശാഹമചരത്ത്വയി ഭക്തിപൂര്ണാ ॥2॥
തസ്യാവധൌ ത്വയി നിലീനമതേരമുഷ്യാഃ ശ്യാമശ്ചതുര്ഭുജവപുഃ സ്വയമാവിരാസീഃ । നമ്രാം ച താമിഹ ഭവത്തനയോ ഭവേയം ഗോപ്യം മദീക്ഷണമിതി പ്രലപന്നയാസീഃ ॥3॥
ത്വം കാശ്യപേ തപസി സന്നിദധത്തദാനീം പ്രാപ്തോഽസി ഗര്ഭമദിതേഃ പ്രണുതോ വിധാത്രാ । പ്രാസൂത ച പ്രകടവൈഷ്ണവദിവ്യരൂപം സാ ദ്വാദശീശ്രവണപുണ്യദിനേ ഭവംതമ് ॥4॥
പുണ്യാശ്രമം തമഭിവര്ഷതി പുഷ്പവര്ഷൈ- ര്ഹര്ഷാകുലേ സുരഗണേ കൃതതൂര്യഘോഷേ । ബധ്വാഽംജലിം ജയ ജയേതി നുതഃ പിതൃഭ്യാം ത്വം തത്ക്ഷണേ പടുതമം വടുരൂപമാധാഃ ॥5॥
താവത്പ്രജാപതിമുഖൈരുപനീയ മൌംജീ- ദംഡാജിനാക്ഷവലയാദിഭിരര്ച്യമാനഃ । ദേദീപ്യമാനവപുരീശ കൃതാഗ്നികാര്യ- സ്ത്വം പ്രാസ്ഥിഥാ ബലിഗൃഹം പ്രകൃതാശ്വമേധമ് ॥6॥
ഗാത്രേണ ഭാവിമഹിമോചിതഗൌരവം പ്രാ- ഗ്വ്യാവൃണ്വതേവ ധരണീം ചലയന്നായാസീഃ । ഛത്രം പരോഷ്മതിരണാര്ഥമിവാദധാനോ ദംഡം ച ദാനവജനേഷ്വിവ സന്നിധാതുമ് ॥7॥
താം നര്മദോത്തരതടേ ഹയമേധശാലാ- മാസേദുഷി ത്വയി രുചാ തവ രുദ്ധനേത്രൈഃ । ഭാസ്വാന് കിമേഷ ദഹനോ നു സനത്കുമാരോ യോഗീ നു കോഽയമിതി ശുക്രമുഖൈശ്ശശംകേ ॥8॥
ആനീതമാശു ഭൃഗുഭിര്മഹസാഽഭിഭൂതൈ- സ്ത്വാം രമ്യരൂപമസുരഃ പുലകാവൃതാംഗഃ । ഭക്ത്യാ സമേത്യ സുകൃതീ പരിണിജ്യ പാദൌ തത്തോയമന്വധൃത മൂര്ധനി തീര്ഥതീര്ഥമ് ॥9॥
പ്രഹ്ലാദവംശജതയാ ക്രതുഭിര്ദ്വിജേഷു വിശ്വാസതോ നു തദിദം ദിതിജോഽപി ലേഭേ । യത്തേ പദാംബു ഗിരിശസ്യ ശിരോഭിലാല്യം സ ത്വം വിഭോ ഗുരുപുരാലയ പാലയേഥാഃ ॥10॥
About Narayaniyam Dashaka 30
The thirtieth dashaka of the Narayaneeyam tells of the birth of Vamana. King Bali, slain by Indra in battle but revived by his guru Shukra and made strong by sacrifices, conquers the three worlds, and the gods hide in fear. Aditi, grieving at her sons' plight, takes refuge in her husband Kashyapa, who teaches her the payovrata, a vow of worship of the Lord. Pleased, the Lord is born as her son, the dwarf Vamana. The dashaka ends by saying that Bali, though a demon, won the touch of the Lord's feet, whose washing-water Shiva bears on his head, because he was of Prahlada's line and devoted to sacrifice and to brahmanas.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The payovrata, a vow living on milk, is described in the Bhagavatam as Kashyapa's teaching to Aditi.
- The water from Vamana's feet is said to have become the Ganga, which Shiva bears on his head.
Frequently asked questions
Who conquers the three worlds?
King Bali, revived by Shukra.
Which vow does Aditi keep?
The payovrata, taught by Kashyapa.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts