MuhurtaNow

Narayaniyam Dashaka 40

Vishnu · Traditional devotional text

తదను నందమమందశుభాస్పదం నృపపురీం కరదానకృతే గతం। సమవలోక్య జగాద భవత్పితా విదితకంససహాయజనోద్యమః ॥1॥

అయి సఖే తవ బాలకజన్మ మాం సుఖయతేఽద్య నిజాత్మజజన్మవత్ । ఇతి భవత్పితృతాం వ్రజనాయకే సమధిరోప్య శశంస తమాదరాత్ ॥2॥

ఇహ చ సంత్యనిమిత్తశతాని తే కటకసీమ్ని తతో లఘు గమ్యతామ్ । ఇతి చ తద్వచసా వ్రజనాయకో భవదపాయభియా ద్రుతమాయయౌ ॥3॥

అవసరే ఖలు తత్ర చ కాచన వ్రజపదే మధురాకృతిరంగనా । తరలషట్పదలాలితకుంతలా కపటపోతక తే నికటం గతా ॥4॥

సపది సా హృతబాలకచేతనా నిశిచరాన్వయజా కిల పూతనా । వ్రజవధూష్విహ కేయమితి క్షణం విమృశతీషు భవంతముపాదదే ॥5॥

లలితభావవిలాసహృతాత్మభిర్యువతిభిః ప్రతిరోద్ధుమపారితా । స్తనమసౌ భవనాంతనిషేదుషీ ప్రదదుషీ భవతే కపటాత్మనే ॥5॥

సమధిరుహ్య తదంకమశంకితస్త్వమథ బాలకలోపనరోషితః । మహదివామ్రఫలం కుచమండలం ప్రతిచుచూషిథ దుర్విషదూషితమ్ ॥7॥

అసుభిరేవ సమం ధయతి త్వయి స్తనమసౌ స్తనితోపమనిస్వనా । నిరపతద్భయదాయి నిజం వపుః ప్రతిగతా ప్రవిసార్య భుజావుభౌ ॥8॥

భయదఘోషణభీషణవిగ్రహశ్రవణదర్శనమోహితవల్లవే । వ్రజపదే తదురఃస్థలఖేలనం నను భవంతమగృహ్ణత గోపికాః ॥9॥

భువనమంగలనామభిరేవ తే యువతిభిర్బహుధా కృతరక్షణః । త్వమయి వాతనికేతననాథ మామగదయన్ కురు తావకసేవకమ్ ॥10॥

About Narayaniyam Dashaka 40

Dashaka 40 of the Narayaneeyam begins as Nanda goes to Mathura to pay his tribute to King Kamsa, and Vasudeva, knowing Kamsa's plans, warns him that danger may come to Gokula. It tells of the attack on the infant Krishna that follows, and ends with the women of Gokula reciting protective prayers over the child with auspicious names of the Lord, while the poet asks the Lord of Guruvayur to make him his servant.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • Each dashaka ends with a prayer to the Lord of Guruvayur (Vatalayesha, Marutpuresha).
  • The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.

Frequently asked questions

Why does Nanda go to Mathura?

To pay his yearly tribute to King Kamsa.

What does Vasudeva tell him?

That danger may come to Gokula from Kamsa.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.