Narayaniyam Dashaka 42
Vishnu · Traditional devotional text
कदापि जन्मर्क्षदिने तव प्रभो निमंत्रितज्ञातिवधूमहीसुरा । महानसस्त्वां सविधे निधाय सा महानसादौ ववृते व्रजेश्वरी ॥1॥
ततो भवत्त्राणनियुक्तबालकप्रभीतिसंक्रंदनसंकुलारवैः । विमिश्रमश्रावि भवत्समीपतः परिस्फुटद्दारुचटच्चटारवः ॥2॥
ततस्तदाकर्णनसंभ्रमश्रमप्रकंपिवक्षोजभरा व्रजांगनाः । भवंतमंतर्ददृशुस्समंततो विनिष्पतद्दारुणदारुमध्यगम् ॥3॥
शिशोरहो किं किमभूदिति द्रुतं प्रधाव्य नंदः पशुपाश्च भूसुराः । भवंतमालोक्य यशोदया धृतं समाश्वसन्नश्रुजलार्द्रलोचनाः ॥4॥
कस्को नु कौतस्कुत एष विस्मयो विशंकटं यच्छकटं विपाटितम् । न कारणं किंचिदिहेति ते स्थिताः स्वनासिकादत्तकरास्त्वदीक्षकाः ॥5॥
कुमारकस्यास्य पयोधरार्थिनः प्ररोदने लोलपदांबुजाहतम् । मया मया दृष्टमनो विपर्यगादितीश ते पालकबालका जगुः ॥6॥
भिया तदा किंचिदजानतामिदं कुमारकाणामतिदुर्घटं वचः । भवत्प्रभावाविदुरैरितीरितं मनागिवाशंक्यत दृष्टपूतनैः ॥7॥
प्रवालताम्रं किमिदं पदं क्षतं सरोजरम्यौ नु करौ विरोजितौ। इति प्रसर्पत्करुणातरंगितास्त्वदंगमापस्पृशुरंगनाजनाः ॥8॥
अये सुतं देहि जगत्पतेः कृपातरंगपातात्परिपातमद्य मे । इति स्म संगृह्य पिता त्वदंगकं मुहुर्मुहुः श्लिष्यति जातकंटकः ॥9॥
अनोनिलीनः किल हंतुमागतः सुरारिरेवं भवता विहिंसितः । रजोऽपि नो दृष्टममुष्य तत्कथं स शुद्धसत्त्वे त्वयि लीनवान् ध्रुवम् ॥10॥
प्रपूजितैस्तत्र ततो द्विजातिभिर्विशेषतो लंभितमंगलाशिषः । व्रजं निजैर्बाल्यरसैर्विमोहयन् मरुत्पुराधीश रुजां जहीहि मे ॥11॥
About Narayaniyam Dashaka 42
The forty-second dashaka of the Narayaneeyam tells of the slaying of the cart demon, Shakatasura. On the day of Krishna's birth star, Yashoda invited her relatives and the Brahmins to a feast, and laid the baby near a cart while she busied herself in the kitchen. A demon who had entered the cart tried to crush him, but the infant Krishna kicked the cart with his tiny foot and smashed it to pieces. Hearing the crash and the cries of the children, everyone rushed in to find the baby safe, and the Brahmins blessed him.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana, at Guruvayur, and on Krishna Janmashtami.
Did you know?
- The celebration of the child's birth star (janma nakshatra) is still a family custom in Kerala and South India.
- The poet closes by asking the Lord of Guruvayur to take away his ailments.
Frequently asked questions
Which demon does baby Krishna slay here?
Shakatasura, the cart demon.
How does he do it?
By kicking the cart with his tiny foot.
On what occasion did it happen?
The celebration of Krishna's birth star.
Offered for worship and study, not as prediction. Non-commercial.
More devotional texts