Narayaniyam Dashaka 44
Vishnu · Traditional devotional text
ಗೂಢಂ ವಸುದೇವಗಿರಾ ಕರ್ತುಂ ತೇ ನಿಷ್ಕ್ರಿಯಸ್ಯ ಸಂಸ್ಕಾರಾನ್ । ಹೃದ್ಗತಹೋರಾತತ್ತ್ವೋ ಗರ್ಗಮುನಿಸ್ತ್ವತ್ ಗೃಹಂ ವಿಭೋ ಗತವಾನ್ ॥1॥
ನಂದೋಽಥ ನಂದಿತಾತ್ಮಾ ವೃಂದಿಷ್ಟಂ ಮಾನಯನ್ನಮುಂ ಯಮಿನಾಮ್ । ಮಂದಸ್ಮಿತಾರ್ದ್ರಮೂಚೇ ತ್ವತ್ಸಂಸ್ಕಾರಾನ್ ವಿಧಾತುಮುತ್ಸುಕಧೀಃ ॥2॥
ಯದುವಂಶಾಚಾರ್ಯತ್ವಾತ್ ಸುನಿಭೃತಮಿದಮಾರ್ಯ ಕಾರ್ಯಮಿತಿ ಕಥಯನ್ । ಗರ್ಗೋ ನಿರ್ಗತಪುಲಕಶ್ಚಕ್ರೇ ತವ ಸಾಗ್ರಜಸ್ಯ ನಾಮಾನಿ ॥3॥
ಕಥಮಸ್ಯ ನಾಮ ಕುರ್ವೇ ಸಹಸ್ರನಾಮ್ನೋ ಹ್ಯನಂತನಾಮ್ನೋ ವಾ । ಇತಿ ನೂನಂ ಗರ್ಗಮುನಿಶ್ಚಕ್ರೇ ತವ ನಾಮ ನಾಮ ರಹಸಿ ವಿಭೋ ॥4॥
ಕೃಷಿಧಾತುಣಕಾರಾಭ್ಯಾಂ ಸತ್ತಾನಂದಾತ್ಮತಾಂ ಕಿಲಾಭಿಲಪತ್ । ಜಗದಘಕರ್ಷಿತ್ವಂ ವಾ ಕಥಯದೃಷಿಃ ಕೃಷ್ಣನಾಮ ತೇ ವ್ಯತನೋತ್ ॥5॥
ಅನ್ಯಾಂಶ್ಚ ನಾಮಭೇದಾನ್ ವ್ಯಾಕುರ್ವನ್ನಗ್ರಜೇ ಚ ರಾಮಾದೀನ್ । ಅತಿಮಾನುಷಾನುಭಾವಂ ನ್ಯಗದತ್ತ್ವಾಮಪ್ರಕಾಶಯನ್ ಪಿತ್ರೇ ॥6॥
ಸ್ನಿಹ್ಯತಿ ಯಸ್ತವ ಪುತ್ರೇ ಮುಹ್ಯತಿ ಸ ನ ಮಾಯಿಕೈಃ ಪುನಃ ಶೋಕೈಃ । ದ್ರುಹ್ಯತಿ ಯಃ ಸ ತು ನಶ್ಯೇದಿತ್ಯವದತ್ತೇ ಮಹತ್ತ್ವಮೃಷಿವರ್ಯಃ ॥7॥
ಜೇಷ್ಯತಿ ಬಹುತರದೈತ್ಯಾನ್ ನೇಷ್ಯತಿ ನಿಜಬಂಧುಲೋಕಮಮಲಪದಮ್ । ಶ್ರೋಷ್ಯಸಿ ಸುವಿಮಲಕೀರ್ತೀರಸ್ಯೇತಿ ಭವದ್ವಿಭೂತಿಮೃಷಿರೂಚೇ ॥8॥
ಅಮುನೈವ ಸರ್ವದುರ್ಗಂ ತರಿತಾಸ್ಥ ಕೃತಾಸ್ಥಮತ್ರ ತಿಷ್ಠಧ್ವಮ್ । ಹರಿರೇವೇತ್ಯನಭಿಲಪನ್ನಿತ್ಯಾದಿ ತ್ವಾಮವರ್ಣಯತ್ ಸ ಮುನಿಃ ॥9॥
ಗರ್ಗೇಽಥ ನಿರ್ಗತೇಽಸ್ಮಿನ್ ನಂದಿತನಂದಾದಿನಂದ್ಯಮಾನಸ್ತ್ವಮ್ । ಮದ್ಗದಮುದ್ಗತಕರುಣೋ ನಿರ್ಗಮಯ ಶ್ರೀಮರುತ್ಪುರಾಧೀಶ ॥10॥
About Narayaniyam Dashaka 44
Dashaka 44 of the Narayaneeyam tells of the naming ceremony of Krishna. At Vasudeva's request the sage Garga, knowing the secrets of astrology, comes quietly to Nanda's house so that Kamsa will not learn of it, and performs the ceremony in secret. He names the boys Rama (Balarama) and Krishna, foretells their greatness, and leaves Nanda and the cowherds filled with joy.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Each dashaka ends with a prayer to the Lord of Guruvayur (Vatalayesha, Marutpuresha).
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
Frequently asked questions
Who named Krishna?
The sage Garga, family priest of the Yadavas.
Why was the ceremony done in secret?
So that Kamsa would not learn who the child was.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts