Narayaniyam Dashaka 68
Vishnu · Traditional devotional text
तव विलोकनाद्गोपिकाजनाः प्रमदसंकुलाः पंकजेक्षण । अमृतधारया संप्लुता इव स्तिमिततां दधुस्त्वत्पुरोगताः ॥1॥
तदनु काचन त्वत्करांबुजं सपदि गृह्णती निर्विशंकितम् । घनपयोधरे सन्निधाय सा पुलकसंवृता तस्थुषी चिरम् ॥2॥
तव विभोऽपरा कोमलं भुजं निजगलांतरे पर्यवेष्टयत् । गलसमुद्गतं प्राणमारुतं प्रतिनिरुंधतीवातिहर्षुला ॥3॥
अपगतत्रपा कापि कामिनी तव मुखांबुजात् पूगचर्वितम् । प्रतिगृहय्य तद्वक्त्रपंकजे निदधती गता पूर्णकामताम् ॥4॥
विकरुणो वने संविहाय मामपगतोऽसि का त्वामिह स्पृशेत् । इति सरोषया तावदेकया सजललोचनं वीक्षितो भवान् ॥5॥
इति मुदाऽऽकुलैर्वल्लवीजनैः सममुपागतो यामुने तटे । मृदुकुचांबरैः कल्पितासने घुसृणभासुरे पर्यशोभथाः ॥6॥
कतिविधा कृपा केऽपि सर्वतो धृतदयोदयाः केचिदाश्रिते । कतिचिदीदृशा मादृशेष्वपीत्यभिहितो भवान् वल्लवीजनैः ॥7॥
अयि कुमारिका नैव शंक्यतां कठिनता मयि प्रेमकातरे । मयि तु चेतसो वोऽनुवृत्तये कृतमिदं मयेत्यूचिवान् भवान् ॥8॥
अयि निशम्यतां जीववल्लभाः प्रियतमो जनो नेदृशो मम । तदिह रम्यतां रम्ययामिनीष्वनुपरोधमित्यालपो विभो ॥9॥
इति गिराधिकं मोदमेदुरैर्व्रजवधूजनैः साकमारमन् । कलितकौतुको रासखेलने गुरुपुरीपते पाहि मां गदात् ॥10॥
About Narayaniyam Dashaka 68
The sixty-eighth dashaka of the Narayaneeyam tells of Krishna's return to the gopis after vanishing from the rasa. Seeing him again, the gopis stand still with joy, as if bathed in a stream of nectar. One seizes his lotus hand and holds it to her heart; another clasps his arm; another gazes at his face without blinking. They seat him on their shawls and, half playful, half sincere, ask him about different kinds of love; he answers that he hid only to deepen their love. Delighted, they join him again in the joyous rasa dance.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- The Bhagavatam tells this reunion in book 10, chapter 32, followed by the great rasa dance in chapter 33.
- Krishna's answer, that he hid to deepen their love, shows that separation can make devotion stronger.
Frequently asked questions
How do the gopis react on seeing Krishna again?
They stand still with joy, as if bathed in nectar.
Why did Krishna hide, he says?
To deepen their love.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts