Narayaniyam Dashaka 71
Vishnu · Traditional devotional text
യത്നേഷു സർവേഷ്വപി നാവകേശീ കേശീ സ ഭോജേശിതുരിഷ്ടബംധുഃ । ത്വാം സിംധുജാവാപ്യ ഇതീവ മത്വാ സംപ്രാപ്തവാന് സിംധുജവാജിരൂപഃ ॥1॥
ഗംധർവതാമേഷ ഗതോഽപി രൂക്ഷൈര്നാദൈഃ സമുദ്വേജിതസർവലോകഃ । ഭവദ്വിലോകാവധി ഗോപവാടീം പ്രമര്ദ്യ പാപഃ പുനരാപതത്ത്വാമ് ॥2॥
താര്ക്ഷ്യാര്പിതാംഘ്രേസ്തവ താര്ക്ഷ്യ ഏഷ ചിക്ഷേപ വക്ഷോഭുവി നാമ പാദമ് । ഭൃഗോഃ പദാഘാതകഥാം നിശമ്യ സ്വേനാപി ശക്യം തദിതീവ മോഹാത് ॥3॥
പ്രവംചയന്നസ്യ ഖുരാംചലം ദ്രാഗമുംച ചിക്ഷേപിഥ ദൂരദൂരമ് സമ്മൂര്ച്ഛിതോഽപി ഹ്യതിമൂര്ച്ഛിതേന ക്രോധോഷ്മണാ ഖാദിതുമാദ്രുതസ്ത്വാമ് ॥4॥
ത്വം വാഹദംഡേ കൃതധീശ്ച വാഹാദംഡം ന്യധാസ്തസ്യ മുഖേ തദാനീമ് । തദ് വൃദ്ധിരുദ്ധശ്വസനോ ഗതാസുഃ സപ്തീഭവന്നപ്യയമൈക്യമാഗാത് ॥5॥
ആലംഭമാത്രേണ പശോഃ സുരാണാം പ്രസാദകേ നൂത്ന ഇവാശ്വമേധേ । കൃതേ ത്വയാ ഹര്ഷവശാത് സുരേംദ്രാസ്ത്വാം തുഷ്ടുവുഃ കേശവനാമധേയമ് ॥6॥
കംസായ തേ ശൌരിസുതത്വമുക്ത്വാ തം തദ്വധോത്കം പ്രതിരുധ്യ വാചാ। പ്രാപ്തേന കേശിക്ഷപണാവസാനേ ശ്രീനാരദേന ത്വമഭിഷ്ടുതോഽഭൂഃ ॥7॥
കദാപി ഗോപൈഃ സഹ കാനനാംതേ നിലായനക്രീഡനലോലുപം ത്വാമ് । മയാത്മജഃ പ്രാപ ദുരംതമായോ വ്യോമാഭിധോ വ്യോമചരോപരോധീ ॥8॥
സ ചോരപാലായിതവല്ലവേഷു ചോരായിതോ ഗോപശിശൂന് പശൂംശ്ച ഗുഹാസു കൃത്വാ പിദധേ ശിലാഭിസ്ത്വയാ ച ബുദ്ധ്വാ പരിമര്ദിതോഽഭൂത് ॥9॥
ഏവം വിധൈശ്ചാദ്ഭുതകേലിഭേദൈരാനംദമൂര്ച്ഛാമതുലാം വ്രജസ്യ । പദേ പദേ നൂതനയന്നസീമാം പരാത്മരൂപിന് പവനേശ പായാഃ ॥10॥
About Narayaniyam Dashaka 71
The seventy-first dashaka of the Narayaneeyam tells of the slaying of Keshi and Vyoma. Keshi, a dear friend of Kamsa, whose every effort had failed, takes the form of a huge horse, thinking perhaps that the Lord, husband of Lakshmi who rose from the ocean, would like a horse born of the ocean; neighing harshly he terrifies everyone and tramples the cowherd village. Krishna thrusts his arm into the horse's mouth and swells it until the demon dies. Narada comes and praises the Lord's coming deeds; then the demon Vyoma, son of Maya, hides the boys in a cave during a game, and Krishna kills him. With such wondrous plays Krishna fills Vraja with ever-new joy.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Krishna's name Keshava is often linked with his slaying of the horse demon Keshi.
- Narada's visit after Keshi's death foretells Krishna's great deeds in Mathura and Dvaraka.
Frequently asked questions
What form does Keshi take?
A huge, fierce horse.
How does Krishna kill Keshi?
By thrusting his arm into the horse's mouth and swelling it.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts