MuhurtaNow

Narayaniyam Dashaka 79

Vishnu · Traditional devotional text

బలసమేతబలానుగతో భవాన్ పురమగాహత భీష్మకమానితః । ద్విజసుతం త్వదుపాగమవాదినం ధృతరసా తరసా ప్రణనామ సా ॥1॥

భువనకాంతమవేక్ష్య భవద్వపుర్నృపసుతస్య నిశమ్య చ చేష్టితమ్ । విపులఖేదజుషాం పురవాసినాం సరుదితైరుదితైరగమన్నిశా ॥2॥

తదను వందితుమిందుముఖీ శివాం విహితమంగలభూషణభాసురా । నిరగమత్ భవదర్పితజీవితా స్వపురతః పురతః సుభటావృతా ॥3॥

కులవధూభిరుపేత్య కుమారికా గిరిసుతాం పరిపూజ్య చ సాదరమ్ । ముహురయాచత తత్పదపంకజే నిపతితా పతితాం తవ కేవలమ్ ॥4॥

సమవలోకకుతూహలసంకులే నృపకులే నిభృతం త్వయి చ స్థితే । నృపసుతా నిరగాద్గిరిజాలయాత్ సురుచిరం రుచిరంజితదిఙ్ముఖా ॥5॥

భువనమోహనరూపరుచా తదా వివశితాఖిలరాజకదంబయా । త్వమపి దేవ కటాక్షవిమోక్షణైః ప్రమదయా మదయాంచకృషే మనాక్ ॥6॥

క్వను గమిష్యసి చంద్రముఖీతి తాం సరసమేత్య కరేణ హరన్ క్షణాత్ । సమధిరోప్య రథం త్వమపాహృథా భువి తతో వితతో నినదో ద్విషామ్ ॥7॥

క్వ ను గతః పశుపాల ఇతి క్రుధా కృతరణా యదుభిశ్చ జితా నృపాః । న తు భవానుదచాల్యత తైరహో పిశునకైః శునకైరివ కేసరీ ॥8॥

తదను రుక్మిణమాగతమాహవే వధముపేక్ష్య నిబధ్య విరూపయన్ । హృతమదం పరిముచ్య బలోక్తిభిః పురమయా రమయా సహ కాంతయా ॥9॥

నవసమాగమలజ్జితమానసాం ప్రణయకౌతుకజృంభితమన్మథామ్ । అరమయః ఖలు నాథ యథాసుఖం రహసి తాం హసితాంశులసన్ముఖీమ్ ॥10॥

వివిధనర్మభిరేవమహర్నిశం ప్రమదమాకలయన్ పునరేకదా । ఋజుమతేః కిల వక్రగిరా భవాన్ వరతనోరతనోదతిలోలతామ్ ॥11॥

తదధికైరథ లాలనకౌశలైః ప్రణయినీమధికం సుఖయన్నిమామ్ । అయి ముకుంద భవచ్చరితాని నః ప్రగదతాం గదతాంతిమపాకురు ॥12॥

About Narayaniyam Dashaka 79

The seventy-ninth dashaka of the Narayaneeyam tells of Krishna's marriage to Rukmini. Rukmini, who loved Krishna, had sent a Brahmin messenger to him; Krishna comes to King Bhishmaka's city, followed by Balarama and his army, and the Brahmin brings her the joyful news. As she comes out to worship the goddess, Krishna carries her away in his chariot, defeats the kings who pursue them and humbles her brother Rukmi, and they are married at Dvaraka.

Written by: Melpathur Narayana Bhattathiri (1560 to 1646)

When to chant: In Narayaneeyam parayana, and often recited by those praying for a good marriage.

Did you know?

  • The Rukmini Kalyanam is one of the best-loved episodes of the Bhagavatam, often read at weddings.
  • The poet closes by asking Mukunda to take away the troubles of those who sing his deeds.

Frequently asked questions

What story does this dashaka tell?

Krishna carrying Rukmini away and marrying her.

Who was Rukmini's father?

King Bhishmaka of Vidarbha.

Who opposed the marriage?

Her brother Rukmi, whom Krishna defeated.

Offered for worship and study, not as prediction. Non-commercial.