MuhurtaNow

Narayaniyam Dashaka 82

Vishnu · Traditional devotional text

प्रद्युम्नो रौक्मिणेयः स खलु तव कला शंबरेणाहृतस्तं हत्वा रत्या सहाप्तो निजपुरमहरद्रुक्मिकन्यां च धन्याम् । तत्पुत्रोऽथानिरुद्धो गुणनिधिरवहद्रोचनां रुक्मिपौत्रीं तत्रोद्वाहे गतस्त्वं न्यवधि मुसलिना रुक्म्यपि द्यूतवैरात् ॥1॥

बाणस्य सा बलिसुतस्य सहस्रबाहो- र्माहेश्वरस्य महिता दुहिता किलोषा । त्वत्पौत्रमेनमनिरुद्धमदृष्टपूर्वं स्वप्नेऽनुभूय भगवन् विरहातुराऽभूत् ॥2॥

योगिन्यतीव कुशला खलु चित्रलेखा तस्याः सखी विलिखती तरुणानशेषान् । तत्रानिरुद्धमुषया विदितं निशाया- मानेष्ट योगबलतो भवतो निकेतात् ॥3॥

कन्यापुरे दयितया सुखमारमंतं चैनं कथंचन बबंधुषि शर्वबंधौ । श्रीनारदोक्ततदुदंतदुरंतरोषै- स्त्वं तस्य शोणितपुरं यदुभिर्न्यरुंधाः ॥4॥

पुरीपालश्शैलप्रियदुहितृनाथोऽस्य भगवान् समं भूतव्रातैर्यदुबलमशंकं निरुरुधे । महाप्राणो बाणो झटिति युयुधानेनयुयुधे गुहः प्रद्युम्नेन त्वमपि पुरहंत्रा जघटिषे ॥5॥

निरुद्धाशेषास्त्रे मुमुहुषि तवास्त्रेण गिरिशे द्रुता भूता भीताः प्रमथकुलवीराः प्रमथिताः । परास्कंद्त् स्कंदः कुसुमशरबाणैश्च सचिवः स कुंभांडो भांडं नवमिव बलेनाशु बिभिदे ॥6॥

चापानां पंचशत्या प्रसभमुपगते छिन्नचापेऽथ बाणे व्यर्थे याते समेतो ज्वरपतिरशनैरज्वरि त्वज्ज्वरेण । ज्ञानी स्तुत्वाऽथ दत्वा तव चरितजुषां विज्वरं स ज्वरोऽगात् प्रायोऽंतर्ज्ञानवंतोऽपि च बहुतमसा रौद्रचेष्टा हि रौद्राः ॥7॥

बाणं नानायुधोग्रं पुनरभिपतितं दर्पदोषाद्वितन्वन् निर्लूनाशेषदोषं सपदि बुबुधुषा शंकरेणोपगीतः । तद्वाचा शिष्टबाहुद्वितयमुभयतो निर्भयं तत्प्रियं तं मुक्त्वा तद्दत्तमानो निजपुरमगमः सानिरुद्धः सहोषः ॥8॥

मुहुस्तावच्छक्रं वरुणमजयो नंदहरणे यमं बालानीतौ दवदहनपानेऽनिलसखम् । विधिं वत्सस्तेये गिरिशमिह बाणस्य समरे विभो विश्वोत्कर्षी तदयमवतारो जयति ते ॥9॥

द्विजरुषा कृकलासवपुर्धरं नृगनृपं त्रिदिवालयमापयन् । निजजने द्विजभक्तिमनुत्तमामुपदिशन् पवनेश्वर् पाहि माम् ॥10॥

About Narayaniyam Dashaka 82

The eighty-second dashaka of the Narayaneeyam tells of Krishna's family and the war with Banasura. Pradyumna, Krishna's son by Rukmini, is carried off by the demon Shambara, slays him and returns with Rati; his son Aniruddha is later brought in secret to Usha, daughter of the thousand-armed Banasura, who had seen him in a dream. When Bana imprisons Aniruddha, Krishna goes to war, defeats Bana's protector Shiva's forces, cuts off most of Bana's arms and spares him at Shiva's request. The dashaka ends with King Nriga, freed from life as a lizard.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • In the battle with Banasura, Krishna and Shiva fight, and then praise each other, showing their oneness.
  • King Nriga had been cursed to be a lizard for a mistake in a gift of cows, and Krishna's touch released him; the story teaches care in honouring Brahmins' property.

Frequently asked questions

Who is Usha?

Banasura's daughter, who loved Aniruddha after seeing him in a dream.

How does the battle with Bana end?

Krishna cuts off most of his arms and spares him at Shiva's request.

Who was King Nriga?

A king cursed to be a lizard, freed by Krishna's touch.

Offered for worship and study, not as prediction. Non-commercial.