Narayaniyam Dashaka 88
Vishnu · Traditional devotional text
പ്രാഗേവാചാര്യപുത്രാഹൃതിനിശമനയാ സ്വീയഷട്സൂനുവീക്ഷാം കാംക്ഷംത്യാ മാതുരുക്ത്യാ സുതലഭുവി ബലിം പ്രാപ്യ തേനാര്ചിതസ്ത്വമ് । ധാതുഃ ശാപാദ്ധിരണ്യാന്വിതകശിപുഭവാന് ശൌരിജാന് കംസഭഗ്നാ- നാനീയൈനാന് പ്രദര്ശ്യ സ്വപദമനയഥാഃ പൂർവപുത്രാന് മരീചേഃ ॥1॥
ശ്രുതദേവ ഇതി ശ്രുതം ദ്വിജേംദ്രം ബഹുലാശ്വം നൃപതിം ച ഭക്തിപൂര്ണമ് । യുഗപത്ത്വമനുഗ്രഹീതുകാമോ മിഥിലാം പ്രാപിഥം താപസൈഃ സമേതഃ ॥2॥
ഗച്ഛന് ദ്വിമൂര്തിരുഭയോര്യുഗപന്നികേത- മേകേന ഭൂരിവിഭവൈർവിഹിതോപചാരഃ । അന്യേന തദ്ദിനഭൃതൈശ്ച ഫലൌദനാദ്യൈ- സ്തുല്യം പ്രസേദിഥ ദദഥ ച മുക്തിമാഭ്യാമ് ॥3॥
ഭൂയോഽഥ ദ്വാരവത്യാം ദ്വിജതനയമൃതിം തത്പ്രലാപാനപി ത്വമ് കോ വാ ദൈവം നിരുംധ്യാദിതി കില കഥയന് വിശ്വവോഢാപ്യസോഢാഃ । ജിഷ്ണോര്ഗർവം വിനേതും ത്വയി മനുജധിയാ കുംഠിതാം ചാസ്യ ബുദ്ധിം തത്ത്വാരൂഢാം വിധാതും പരമതമപദപ്രേക്ഷണേനേതി മന്യേ ॥4॥
നഷ്ടാ അഷ്ടാസ്യ പുത്രാഃ പുനരപി തവ തൂപേക്ഷയാ കഷ്ടവാദഃ സ്പഷ്ടോ ജാതോ ജനാനാമഥ തദവസരേ ദ്വാരകാമാപ പാര്ഥഃ । മൈത്ര്യാ തത്രോഷിതോഽസൌ നവമസുതമൃതൌ വിപ്രവര്യപ്രരോദം ശ്രുത്വാ ചക്രേ പ്രതിജ്ഞാമനുപഹൃതസുതഃ സന്നിവേക്ഷ്യേ കൃശാനുമ് ॥5॥
മാനീ സ ത്വാമപൃഷ്ട്വാ ദ്വിജനിലയഗതോ ബാണജാലൈര്മഹാസ്ത്രൈ രുംധാനഃ സൂതിഗേഹം പുനരപി സഹസാ ദൃഷ്ടനഷ്ടേ കുമാരേ । യാമ്യാമൈംദ്രീം തഥാഽന്യാഃ സുരവരനഗരീർവിദ്യയാഽഽസാദ്യ സദ്യോ മോഘോദ്യോഗഃ പതിഷ്യന് ഹുതഭുജി ഭവതാ സസ്മിതം വാരിതോഽഭൂത് ॥6॥
സാര്ധം തേന പ്രതീചീം ദിശമതിജവിനാ സ്യംദനേനാഭിയാതോ ലോകാലോകം വ്യതീതസ്തിമിരഭരമഥോ ചക്രധാമ്നാ നിരുംധന് । ചക്രാംശുക്ലിഷ്ടദൃഷ്ടിം സ്ഥിതമഥ വിജയം പശ്യ പശ്യേതി വാരാം പാരേ ത്വം പ്രാദദര്ശഃ കിമപി ഹി തമസാം ദൂരദൂരം പദം തേ ॥7॥
തത്രാസീനം ഭുജംഗാധിപശയനതലേ ദിവ്യഭൂഷായുധാദ്യൈ- രാവീതം പീതചേലം പ്രതിനവജലദശ്യാമലം ശ്രീമദംഗമ് । മൂര്തീനാമീശിതാരം പരമിഹ തിസൃണാമേകമര്ഥം ശ്രുതീനാം ത്വാമേവ ത്വം പരാത്മന് പ്രിയസഖസഹിതോ നേമിഥ ക്ഷേമരൂപമ് ॥8॥
യുവാം മാമേവ ദ്വാവധികവിവൃതാംതര്ഹിതതയാ വിഭിന്നൌ സംദ്രഷ്ടും സ്വയമഹമഹാര്ഷം ദ്വിജസുതാന് । നയേതം ദ്രാഗേതാനിതി ഖലു വിതീര്ണാന് പുനരമൂന് ദ്വിജായാദായാദാഃ പ്രണുതമഹിമാ പാംഡുജനുഷാ ॥9॥
ഏവം നാനാവിഹാരൈര്ജഗദഭിരമയന് വൃഷ്ണിവംശം പ്രപുഷ്ണ- ന്നീജാനോ യജ്ഞഭേദൈരതുലവിഹൃതിഭിഃ പ്രീണയന്നേണനേത്രാഃ । ഭൂഭാരക്ഷേപദംഭാത് പദകമലജുഷാം മോക്ഷണായാവതീര്ണഃ പൂര്ണം ബ്രഹ്മൈവ സാക്ഷാദ്യദുഷു മനുജതാരൂഷിതസ്ത്വം വ്യലാസീഃ ॥10॥
പ്രായേണ ദ്വാരവത്യാമവൃതദയി തദാ നാരദസ്ത്വദ്രസാര്ദ്ര- സ്തസ്മാല്ലേഭേ കദാചിത്ഖലു സുകൃതനിധിസ്ത്വത്പിതാ തത്ത്വബോധമ് । ഭക്താനാമഗ്രയായീ സ ച ഖലു മതിമാനുദ്ധവസ്ത്വത്ത ഏവ പ്രാപ്തോ വിജ്ഞാനസാരം സ കില ജനഹിതായാധുനാഽഽസ്തേ ബദര്യാമ് ॥11॥
സോഽയം കൃഷ്ണാവതാരോ ജയതി തവ വിഭോ യത്ര സൌഹാര്ദഭീതി- സ്നേഹദ്വേഷാനുരാഗപ്രഭൃതിഭിരതുലൈരശ്രമൈര്യോഗഭേദൈഃ । ആര്തിം തീര്ത്വാ സമസ്താമമൃതപദമഗുസ്സർവതഃ സർവലോകാഃ സ ത്വം വിശ്വാര്തിശാംത്യൈ പവനപുരപതേ ഭക്തിപൂര്ത്യൈ ച ഭൂയാഃ ॥12॥
About Narayaniyam Dashaka 88
The eighty-eighth dashaka of the Narayaneeyam tells of Krishna's later deeds of grace. At his mother Devaki's wish, having once brought back his teacher's son, he goes to Sutala, is worshipped by Bali, and brings back her six sons who had been slain by Kamsa. He visits Mithila to bless at the same time two devotees, the brahmana Shrutadeva and King Bahulashva, appearing in both homes at once. He also goes with Arjuna beyond the worlds to bring back the lost sons of a brahmana of Dvaraka. The dashaka ends praising the Krishna avatara, in which people reached the Lord through every kind of feeling, friendship, fear, love, hatred and longing.
Written by: Melpathur Narayana Bhattathiri (1560 to 1646)
When to chant: In daily Narayaneeyam parayana and at Guruvayur.
Did you know?
- Appearing in two homes at once, Krishna showed that he answers each devotee's love fully.
- The last verse says that even enmity toward Krishna, as with Shishupala, led to liberation through constant thought of him.
Frequently asked questions
Whose sons does Krishna bring back from Sutala?
Devaki's six sons slain by Kamsa.
Which two devotees does he bless in Mithila?
Shrutadeva and King Bahulashva.
Who wrote the Narayaneeyam?
Melpathur Narayana Bhattathiri, in 1586.
Offered for worship and study, not as prediction. Non-commercial.
More devotional texts