MuhurtaNow

Narayaniyam Dashaka 90

Vishnu · Traditional devotional text

వృకభృగుమునిమోహిన్యంబరీషాదివృత్తే- ష్వయి తవ హి మహత్త్వం సర్వశర్వాదిజైత్రమ్ । స్థితమిహ పరమాత్మన్ నిష్కలార్వాగభిన్నం కిమపి యదవభాతం తద్ధి రూపం తవైవ ॥1॥

మూర్తిత్రయేశ్వరసదాశివపంచకం యత్ ప్రాహుః పరాత్మవపురేవ సదాశివోఽస్మిన్ । తత్రేశ్వరస్తు స వికుంఠపదస్త్వమేవ త్రిత్వం పునర్భజసి సత్యపదే త్రిభాగే ॥2॥

తత్రాపి సాత్త్వికతనుం తవ విష్ణుమాహు- ర్ధాతా తు సత్త్వవిరలో రజసైవ పూర్ణః । సత్త్వోత్కటత్వమపి చాస్తి తమోవికార- చేష్టాదికంచ తవ శంకరనామ్ని మూర్తౌ ॥3॥

తం చ త్రిమూర్త్యతిగతం పరపూరుషం త్వాం శర్వాత్మనాపి ఖలు సర్వమయత్వహేతోః । శంసంత్యుపాసనవిధౌ తదపి స్వతస్తు త్వద్రూపమిత్యతిదృఢం బహు నః ప్రమాణమ్ ॥4॥

శ్రీశంకరోఽపి భగవాన్ సకలేషు తావ- త్త్వామేవ మానయతి యో న హి పక్షపాతీ । త్వన్నిష్ఠమేవ స హి నామసహస్రకాది వ్యాఖ్యాత్ భవత్స్తుతిపరశ్చ గతిం గతోఽంతే ॥5॥

మూర్తిత్రయాతిగమువాచ

చ మంత్రశాస్త్ర- స్యాదౌ కలాయసుషమం సకలేశ్వరం త్వామ్ । ధ్యానం చ నిష్కలమసౌ ప్రణవే ఖలూక్త్వా త్వామేవ తత్ర సకలం నిజగాద నాన్యమ్ ॥6

సమస్తసారే చ పురాణసంగ్రహే విసంశయం త్వన్మహిమైవ వర్ణ్యతే । త్రిమూర్తియుక్సత్యపదత్రిభాగతః పరం పదం తే కథితం న శూలినః ॥7॥

యత్ బ్రాహ్మకల్ప ఇహ భాగవతద్వితీయ- స్కంధోదితం వపురనావృతమీశ ధాత్రే । తస్యైవ నామ హరిశర్వముఖం జగాద శ్రీమాధవః శివపరోఽపి పురాణసారే ॥8॥

యే స్వప్రకృత్యనుగుణా గిరిశం భజంతే తేషాం ఫలం హి దృఢయైవ తదీయభక్త్యా। వ్యాసో హి తేన కృతవానధికారిహేతోః స్కందాదికేషు తవ హానివచోఽర్థవాదైః ॥9॥

భూతార్థకీర్తిరనువాదవిరుద్ధవాదౌ త్రేధార్థవాదగతయః ఖలు రోచనార్థాః । స్కాందాదికేషు బహవోఽత్ర విరుద్ధవాదా- స్త్వత్తామసత్వపరిభూత్యుపశిక్షణాద్యాః ॥10॥

యత్ కించిదప్యవిదుషాఽపి విభో మయోక్తం తన్మంత్రశాస్త్రవచనాద్యభిదృష్టమేవ । వ్యాసోక్తిసారమయభాగవతోపగీత క్లేశాన్ విధూయ కురు భక్తిభరం పరాత్మన్ ॥11॥

About Narayaniyam Dashaka 90

Dashaka 90 of the Narayaneeyam looks back on stories told before, such as those of Vrikasura, the sage Bhrigu, Mohini and Ambarisha, and draws from them the supremacy of the Lord. It says that whatever is seen as the highest, with form or without, is his own form. In the last verse the poet humbly says that all he has written is drawn from the scriptures and the essence of Vyasa's Bhagavata, and asks for deep devotion.

Written by: Melpathur Narayana Bhattathiri (1560 to 1646)

When to chant: In daily Narayaneeyam parayana and at Guruvayur.

Did you know?

  • Each dashaka ends with a prayer to the Lord of Guruvayur (Vatalayesha, Marutpuresha).
  • The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.

Frequently asked questions

What is the theme of dashaka 90?

The supremacy of the Lord, drawn from earlier stories.

What does the poet say in the last verse?

That his work comes from the scriptures and the Bhagavata, and he asks for devotion.

Who wrote the Narayaneeyam?

Melpathur Narayana Bhattathiri, in 1586.

Offered for worship and study, not as prediction. Non-commercial.